ಸಿನೆಮಾದಿಂದ ಹೊರಹಾಕಲ್ಪಟ್ಟ ಕನ್ನಡದ ನಟಿ ಖಿನ್ನತೆ ವಿರುದ್ಧ ಹೋರಾಡಿ ಇಂದು 100 ಕೋಟಿ ಮೌಲ್ಯದ ಬಂಗಲೆಯಲ್ಲಿ ವಾಸ

ಭಾರತದ ಅತ್ಯಂತ ಜನಪ್ರಿಯ ನಟಿಯರಲ್ಲಿ ಒಬ್ಬರಾಗಿರುವ ಈ ನಟಿ ಕನ್ನಡತಿ ಅನ್ನೋದು ಹೆಮ್ಮೆ. ವೃತ್ತಿಜೀವನದಲ್ಲಿ ಹಲವು ಬಾರಿ ತಿರಸ್ಕರಿಸಲ್ಪಟ್ಟ ಇವರು ಇಂದು ಕೋಟಿ ಸಾಮ್ರಾಜ್ಯದ ಒಡತಿ. ಕನ್ನಡದಲ್ಲೂ ನಟಿಸಿ ಸೈ ಎನಿಸಿಕೊಂಡಾಕೆ.

ಭಾರತದ ಅತ್ಯಂತ ಜನಪ್ರಿಯ ನಟಿಯರಲ್ಲಿ ಒಬ್ಬರಾಗಿರುವ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರನ್ನು ತಮ್ಮ ವೃತ್ತಿಜೀವನದ ಆರಂಭಿಕ ದಿನಗಳಲ್ಲಿ ನಿರ್ಮಾಪಕರು 'ಯಾವುದೇ ಕಾರಣವಿಲ್ಲದೆ' ಚಲನಚಿತ್ರಗಳಿಂದ ಹೊರಹಾಕಿದರು. ಆ ಸಮಯದಲ್ಲಿ  ಕೆಟ್ಟ ಪರಿಸ್ಥಿತಿಯನ್ನು ಅನುಭವಿಸಿದಳು ಮತ್ತು ಅನೇಕ ಬಾರಿ ವಿನಾ ಕಾರಣ ತಿರಸ್ಕರಿಸಲ್ಪಟ್ಟಿದ್ದಳು.

ಹ್ಯೂಮನ್ಸ್ ಆಫ್ ಬಾಂಬೆಗೆ ಈ ಹಿಂದೆ ನೀಡಿದ ಹಳೆಯ ಸಂದರ್ಶನದಲ್ಲಿ ಈ ಬಗ್ಗೆ ಹೇಳಿಕೊಂಡಿದ್ದಾರೆ ಮಂಗಳೂರಿನಲ್ಲಿ 1975ರಲ್ಲಿ ಜನಿಸಿದ ನಟಿ ಶಿಲ್ಪಾ 1993 ರಲ್ಲಿ ಬಾಜಿಗರ್ ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು.

ಕನ್ನಡದಲ್ಲಿ ನಟಿ ಶಿಲ್ಪಾ ಶೆಟ್ಟಿ 1998ರಲ್ಲಿ ಪ್ರೀತ್ಸೋದ್‌ ತಪ್ಪಾ, 2003ರಲ್ಲಿ ಒಂದಾಗೋಣ ಬಾ, 2005ರಲ್ಲಿ ಆಟೋ ಶಂಕರ್‌, 2023ರಲ್ಲಿ ಕೆಡಿ (ಇನ್ನಷ್ಟೇ ಬಿಡುಗಡೆಯಾಗಬೇಕು) ಚಿತ್ರದಲ್ಲಿ ನಟಿಸಿದ್ದಾರೆ. ತನ್ನ ಫಿಟ್‌ನೆಸ್‌ ನಿಂದಲೇ ಫೇಮಸ್‌ ಆಗಿರುವ ನಟಿಗೆ ಈಗ 48 ವರ್ಷ ವಯಸ್ಸು. 

ವೃತ್ತಿ ಜೀವನದಲ್ಲಿನ ತನ್ನ ಹೋರಾಟದ ಬಗ್ಗೆ ಮಾತನಾಡುತ್ತಾ, ನಾನು ಈ ಕಪ್ಪು, ಎತ್ತರದ ಮತ್ತು ದಪ್ಪನಾದ ಮಗುವಾಗಿದ್ದೆ,  ನಾನು ಪದವಿದರೆ ನನ್ನ ತಂದೆಯೊಂದಿಗೆ ಕೆಲಸ ಮಾಡುತ್ತಿದ್ದೆ. ಆದರೆ ನನ್ನ ಹೃದಯದಲ್ಲಿ  ವಿಭಿನ್ನವಾದ, ದೊಡ್ಡದಾದ ಮತ್ತು ಉತ್ತಮವಾದದ್ದನ್ನು ಏನಾದರೂ ಮಾಡಬೇಕೆಂದು ಬಯಸಿದ್ದೆ, ಆದರೆ ಎಂದಿಗೂ ನನಗೆ ಸಾಧ್ಯವಾಗಲಿಲ್ಲ. ನಾನು ಮೋಜಿಗಾಗಿ ಫ್ಯಾಶನ್ ಶೋನಲ್ಲಿ ಭಾಗವಹಿಸುತ್ತಿದ್ದೆ. ಆಗ ನನ್ನ ಫೋಟೋಗಳನ್ನು ಕ್ಲಿಕ್ ಮಾಡಲು ಬಯಸಿದ ಛಾಯಾಗ್ರಾಹಕನನ್ನು  ಭೇಟಿಯಾದೆ ಎಂದಿದ್ದಾರೆ.

ತಮ್ಮ ಚಿತ್ರಗಳ ಬಗ್ಗೆ ಮಾತನಾತ್ತಾ ಶಿಲ್ಪಾ ಅವರು, ಚಿಕ್ಕವಯಸ್ಸಿಗೇ ನನ್ನ ಮೊದಲ ಚಿತ್ರದ ಆಫರ್ ಬಂತು. ಅಲ್ಲಿಂದ ಹಿಂತಿರುಗಿ ನೋಡಲಿಲ್ಲ, ನಾನು ಮೇಲಕ್ಕೆ ಹೋಗುತ್ತಿದ್ದೆ. ಆದರೆ  ಯೋಗ್ಯವಾದುದು ಯಾವುದೂ ಸುಲಭವಾಗಿ ಬರುವುದಿಲ್ಲ. ನಾನು ಚಿತ್ರೋದ್ಯಮಕ್ಕೆ ಪ್ರವೇಶಿಸಿದಾಗ ನನಗೆ 17 ವರ್ಷ, ನಾನು ಜಗತ್ತನ್ನು ನೋಡಿರಲಿಲ್ಲ. ಜೀವನವನ್ನು ಅರ್ಥಮಾಡಿಕೊಂಡಿರಲಿಲ್ಲ. ಎಲ್ಲಾ ಯಶಸ್ಸು ಭದ್ರತೆಯ ಜೊತೆಗೆ ಬಂದಿತ್ತು. ನಾನು ಅದಕ್ಕೆ ಸಿದ್ಧನಿರಲಿಲ್ಲ ಎಂದಿದ್ದರು.

ಹಿಂದಿಯಲ್ಲಿ ಮಾತನಾಡಲು ಗೊತ್ತಿರದ  ಶಿಲ್ಪಾ ಶೆಟ್ಟಿ ‘ಕ್ಯಾಮೆರಾ ಮುಂದೆ ಬಂದಾಗ ನಡುಗಿದರು.  ಕೆಲವು ಚಿತ್ರಗಳ ನಂತರ ನನ್ನ ವೃತ್ತಿಜೀವನವು ವಿರಾಮವನ್ನು ಮುಟ್ಟುವ ಹಂತವನ್ನು ತಲುಪಿತ್ತು. ನಾನು ಕಷ್ಟಪಟ್ಟು ಪ್ರಯತ್ನಿಸಿದೆ ಆದರೆ ಯಾವಾಗಲೂ ನಾನು ಹಿಂದುಳಿದಿದ್ದೇನೆ ಎಂದು ಭಾಸವಾಗುತ್ತಿತ್ತು. ಒಂದು ಕ್ಷಣವನ್ನು ಆಚರಿಸಿ ಮುಂದಿನ ಕ್ಷಣವನ್ನು ನಿರ್ಲಕ್ಷಿಸುವುದು ಸುಲಭವಲ್ಲ. ಯಾವುದೇ ಕಾರಣವಿಲ್ಲದೆ ನನ್ನನ್ನು ಹಲವು ನಿರ್ಮಾಪಕರು ತಮ್ಮ ಚಿತ್ರಗಳಿಂದ ಹೊರಹಾಕಿದ್ದರು ಎಂದಿದ್ದಾರೆ.

2007ರಲ್ಲಿ ಯುಕೆ ರಿಯಾಲಿಟಿ ಶೋ ಸೆಲೆಬ್ರಿಟಿ  ಬಿಗ್ ಬ್ರದರ್ ನಲ್ಲಿ  ಶಿಲ್ಪಾ ಶೆಟ್ಟಿ  ಭಾಗವಹಿಸಿ ಗೆದ್ದಿದ್ದರು. ಇತರ ಸ್ಪರ್ಧಿಗಳಿಂದ ತಾರತಮ್ಯಕ್ಕೆ ಕೂಡ ಒಳಗಾಗಿದ್ದರು.  ಈ ಬಗ್ಗೆ ಮಾತನಾಡಿದ್ದ ನಟಿ, ನಾನು ಸೇರಿರುವ ದೇಶದ ಕಾರಣದಿಂದಾಗಿ ನಾನು ಸಾರ್ವಜನಿಕವಾಗಿ ಬೆದರಿಸಲ್ಪಟ್ಟಿದ್ದೇನೆ ಮತ್ತು ತಾರತಮ್ಯ ಎದುರಿಸಿದ್ದೇನೆ. ಅದು ಸುಲಭವಲ್ಲ ಅದರ ವಿರುದ್ಧ ಗಟ್ಟಿಯಾಗಿ ನಿಂತೆ ನಾನು ಗೆದ್ದಾಗ, ಭಾರತೀಯರು ನನಗೆ ಹೇಳುತ್ತಿದ್ದರು, ನೀವು ನಮ್ಮನ್ನು ಹೆಮ್ಮೆ ಪಡಿಸಿದ್ದೀರಿ' ಎಂದು. ಆಗ ನನಗೆ ಆ ಹೋರಾಟ ಮತ್ತು ಪರಿಶ್ರಮವು ಯೋಗ್ಯವಾಗಿದೆ ಎಂದು ಖುಷಿಯಾಗಿತ್ತು ಎಂದಿದ್ದಾರೆ.

ನಾನು ನನಗಾಗಿ ಮಾತ್ರವಲ್ಲ, ವರ್ಣಭೇದ ನೀತಿಯನ್ನು ಎದುರಿಸಿದ ಎಲ್ಲರ ಪರವಾಗಿ ನಿಂತಿದ್ದೇನೆ.  ಜೀವನದಲ್ಲಿ ಏರಿಳಿತಗಳಿವೆ. ಭಯಾನಕ ಸಮಯಗಳಿವೆ, ಆದರೆ ಕೆಲವು ದೊಡ್ಡ ಸಾಧನೆಗಳೂ ಇವೆ. ನಾನು ಅದರ ಪ್ರತಿ ನಿಮಿಷವನ್ನು ಆನಂದಿಸಿದೆ. ಅದುವೇ ಇಂದು ನನ್ನನ್ನು ನಾನಾಗಿರುವಂತೆ ಮಾಡಿದೆ. ಬಲವಾದ ಸ್ವತಂತ್ರ ಮಹಿಳೆ, ಹೆಮ್ಮೆಯ ನಟಿ, ಹೆಂಡತಿ ಮತ್ತು ತಾಯಿ. ಇದಕ್ಕಿಂತ ದೊಡ್ಡದು ಏನಿಲ್ಲ ಎಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಶಿಲ್ಪಾ ಶೆಟ್ಟಿ ಅವರು ತಮ್ಮ ಮೊದಲ ಮಗುವಿನ ಜನನದ ನಂತರ  ಖಿನ್ನತೆಗೆ ಒಳಗಾಗಿದ್ದರು  ಇದನ್ನು ಸ್ವತಃ ಅವರೇ ಬಹಿರಂಗಪಡಿಸಿದ್ದರು.  ಮೊದಲ ಬಾರಿಗೆ, ನೀವು ಹಾಲುಣಿಸುತ್ತಿದ್ದೀರಿ ಮತ್ತು ಎಲ್ಲಾ ಸಮಯದಲ್ಲೂ ದಣಿದಿದ್ದೀರಿ. ನಮಗೆ ಹಸುವಿನಂತೆ ಭಾಸವಾಗುತ್ತದೆ. ನಾನು ಪ್ರಸವಾನಂತರದ ಖಿನ್ನತೆಗೆ ಒಳಗಾಗಿದ್ದೆ, ಸುಮಾರು ಎರಡು ವಾರಗಳಲ್ಲಿ ನಾನು ಅದರಿಂದ ಹೊರಬಂದೆ ಎಂದಿದ್ದಾರೆ. 

ಶಿಲ್ಪಾ ಶೆಟ್ಟಿ ಉದ್ಯಮಿಯಾಗಿರುವ ರಾಜ್ ಕುಂದ್ರಾ ಅವರನ್ನು ಮದುವೆಯಾಗಿದ್ದಾರೆ. ಅವರಿಗೆ ವಿಯಾನ್ ಮತ್ತು ಶಮಿಶಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ಈಗ ಅವರು 100 ಕೋಟಿ ರೂಪಾಯಿ ಮೌಲ್ಯದ  ಬಂಗಲೆ ಸೇರಿದಂತೆ ಹಲವು ಐಷಾರಾಮಿ ವಸ್ತುಗಳನ್ನು ಹೊಂದಿರುವ ಶ್ರೀಮಂತ ನಟಿಯರಲ್ಲಿ ಒಬ್ಬರು.