ಪತಿ ಅಭಿಷೇಕ್ ಬಚ್ಚನ್ ಜೊತೆ ಸಿನಿಮಾ ಬೇಡ ಎಂದಿದ್ದ ಐಶ್ವರ್ಯಾ ರೈ: ಕಾರಣ ಏನು?
ಬಾಲಿವುಡ್ ನಟಿ ಐಶ್ವರ್ಯಾ ರೈ ಅವರು ತಮ್ಮ ಪತಿ ಅಭಿಷೇಕ್ ಬಚ್ಚನ್ ಜೊತೆ ಸಿನಿಮಾ ಮಾಡೋಕೆ ನೋ ಅಂದಿದ್ದಾರಂತೆ. ಕಾರಣ ಏನು ಗೊತ್ತಾ?.ಇಲ್ಲಿದ ನೋಡಿ.
ಅಭಿಷೇಕ್ ಬಚ್ಚನ್ ಈಗ ಎರಡು ವಿಷಯಗಳಿಂದ ಸುದ್ದಿಯಲ್ಲಿದ್ದಾರೆ. ಒಂದು, ಅವರ `ಐ ವಾಂಟ್ ಟು ಟಾಕ್` ಸಿನಿಮಾ ರಿಲೀಸ್ ಆಗಿ ಚೆನ್ನಾಗಿದೆ ಅಂತ ಜನ ಹೇಳ್ತಿದ್ದಾರೆ. ಇನ್ನೊಂದು, ಐಶ್ವರ್ಯಾ ರೈ ಜೊತೆ ಅವರದ್ದು ಡಿವೋರ್ಸ್ ಆಗುತ್ತೆ ಅಂತೆಲ್ಲಾ ಗಾಳಿಸುದ್ದಿ ಹಬ್ಬುತ್ತಿದೆ. ಮದುವೆಗೂ ಮುಂಚೆ ಅಭಿಷೇಕ್, ಐಶ್ವರ್ಯಾ `ಕುಚ್ ನಾ ಕಹೋ`, `ಧೂಮ್ 2`, `ಬಂಟಿ ಔರ್ ಬಬ್ಲಿ`, `ಗುರು`, `ಸರ್ಕಾರ್ ರಾಜ್` ಹೀಗೆ ಒಟ್ಟಿಗೆ ಸಿನಿಮಾಗಳಲ್ಲಿ ನಟಿಸಿದ್ದರು. ಆದ್ರೆ ಮದುವೆಯಾದ ನಂತರ ಒಟ್ಟಿಗೆ ನಟಿಸಿದ್ದು ಮಣಿರತ್ನಂ ಅವರ `ರಾವಣ್` ಸಿನಿಮಾದಲ್ಲಿ ಮಾತ್ರ. ಈ ಸಿನಿಮಾ ಪ್ರೇಕ್ಷಕರಿಗೆ ಅಷ್ಟಾಗಿ ಇಷ್ಟ ಆಗಲಿಲ್ಲ. ಗಲ್ಲಾ ಪೆಟ್ಟಿಗೆಯಲ್ಲಿ ಈ ಚಿತ್ರ ಅಷ್ಟೇನು ಕಮಾಲ್ ಮಾಡಲಿಲ್ಲ.
ಐಶ್ವರ್ಯಾ ರೈ `ಹ್ಯಾಪಿ ನ್ಯೂ ಇಯರ್` ಸಿನಿಮಾದಲ್ಲಿ ಅಭಿಷೇಕ್ ಜೊತೆ ನಟಿಸೋಕೆ ಒಪ್ಪಿರಲಿಲ್ಲವಂತೆ. 2014 ರಲ್ಲಿ ಬಿಡುಗಡೆಯಾದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಶಾರುಖ್ ಖಾನ್, ಅಭಿಷೇಕ್ ಬಚ್ಚನ್, ಸೋನು ಸೂದ್, ಬೊಮನ್ ಇರಾನಿ, ವಿವಾನ್ ಷಾ, ಜಾಕಿ ಶ್ರಾಫ್, ದೀಪಿಕಾ ಪಡುಕೋಣೆ ನಟಿಸಿದ್ದ ಈ ಸಿನಿಮಾವನ್ನು ಫರಾ ಖಾನ್ ನಿರ್ದೇಶಿಸಿದ್ದರು. ಫರಾ ಖಾನ್ ಐಶ್ವರ್ಯಾಗೆ ಒಂದು ಪಾತ್ರ ಕೊಡೋಕೆ ಮುಂದಾಗಿದ್ರಂತೆ. ಆದ್ರೆ ಐಶ್ವರ್ಯಾ ರೈ ಅದನ್ನ ಬೇಡ ಅಂದಿದ್ದರಂತೆ. ಗಂಡನ ಜೊತೆ ಸ್ಕ್ರೀನ್ ಶೇರ್ ಮಾಡೋಕೆ ಇಷ್ಟ ಇಲ್ಲ ಅಂತ ಅವರು ಹೇಳಿದ್ರಂತೆ.
NDTV ಗೆ ಕೊಟ್ಟ ಸಂದರ್ಶನದಲ್ಲಿ, ಐಶ್ವರ್ಯಾ ರೈ ಆ ಸಿನಿಮಾವನ್ನು ರಿಜೆಕ್ಟ್ ಮಾಡಿದ್ದನ್ನು ಒಪ್ಪಿಕೊಂಡಿದ್ದಾರೆ. "ಆ ಆಫರ್ ನನಗೆ ಬಂದಿತ್ತು. ಒಂದು ಫನ್ನಿ ಮೂವಿ ಅಂತ ಅನಿಸ್ತಿತ್ತು. ನಾವು ಖುಷಿಯಾಗಿ ಟೈಮ್ ಸ್ಪೆಂಡ್ ಮಾಡಬಹುದು ಅಂತ ಅನಿಸ್ತಿತ್ತು. ಆದ್ರೆ ನಾವಿಬ್ಬರು (ಐಶ್ವರ್ಯಾ ರೈ, ಅಭಿಷೇಕ್ ಬಚ್ಚನ್) ಒಬ್ಬರಿಗೊಬ್ಬರು ಎದುರು ನಟಿಸೋಕೆ ಆಗಲ್ಲ. ಅದು ಸರಿ ಕಾಣಲ್ಲ. ಅದಕ್ಕೆ ನಾನು ಬೇಡ ಅಂದೆ" ಅಂತ ಐಶ್ವರ್ಯಾ ರೈ ಹೇಳಿಕೊಂಡಿದ್ದಾರೆ.
ಐಶ್ವರ್ಯಾ ಹೇಳಿರೋ ಈ ವಿಡಿಯೋ ಕ್ಲಿಪ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ವಿಡಿಯೋ ನೋಡಿದ ಜನ ಐಶ್ವರ್ಯಾ ಧೈರ್ಯವನ್ನು ಮೆಚ್ಚಿಕೊಂಡಿದ್ದಾರೆ. `ಇದು ಸಿಂಪಲ್, ಐಶ್ವರ್ಯಾ ಅಭಿಷೇಕ್ ಗೋಸ್ಕರ ತನ್ನ ಕೆರಿಯರ್ ಬಿಟ್ಟಿದ್ದಾರೆ, ದುಃಖದ ವಿಷಯ ಏನಂದ್ರೆ ಈಗ ಅಭಿಷೇಕ್ ಸೆಕೆಂಡ್ ಲೀಡ್ ಮಾಡಬೇಕಾಗಿದೆ` ಅಂತ ಒಬ್ಬರು ಕಮೆಂಟ್ ಮಾಡಿದ್ದಾರೆ. `ಹೆಣ್ಣುಮಕ್ಕಳು ಮಾತ್ರ ಗಂಡನಿಗೋಸ್ಕರ ಹೀಗೆ ಮಾಡ್ತಾರೆ. ಗಂಡಸರು ಹೀಗೆ ಮಾಡಲ್ಲ` ಅಂತ ಇನ್ನೊಬ್ಬರು ಐಶ್ವರ್ಯಾ ಪರ ವಹಿಸಿಕೊಂಡಿದ್ದಾರೆ.
2014 ರ ಅಕ್ಟೋಬರ್ 24 ರಂದು ರಿಲೀಸ್ ಆದ `ಹ್ಯಾಪಿ ನ್ಯೂ ಇಯರ್` ಸಿನಿಮಾ ಮೊದಲ ದಿನ 44.97 ಕೋಟಿ, ಮೊದಲ ವಾರಾಂತ್ಯದಲ್ಲಿ 108.86 ಕೋಟಿ, ಮತ್ತು ಮೊದಲ ವಾರದಲ್ಲಿ157.57 ಕೋಟಿ ಗಳಿಸಿತ್ತು. ಈ ಸಿನಿಮಾ ಭಾರತದಲ್ಲಿ 203 ಕೋಟಿ ಮತ್ತು ಪ್ರಪಂಚದಾದ್ಯಂತ 383.1 ಕೋಟಿ ಗಳಿಸಿತ್ತು. ದೀಪಿಕಾ ಪಡುಕೋಣೆ ಈ ಸಿನಿಮಾದಲ್ಲಿ ನಾಯಕಿ. ಇದು ಅವರ ಕೆರಿಯರ್ಗೆ ಒಂದು ದೊಡ್ಡ ಬೂಸ್ಟ್ ಕೊಟ್ಟಿತ್ತು.