ಗಮ್ ಕೊಡ್ರೋ.. ವೇದಿಕೆ ಮೇಲೆ ಮೀಸೆ ಬೀಳಿಸಿಕೊಂಡ ಬಾಲಯ್ಯ: ಸಿಕ್ಕಾಪಟ್ಟೆ ಟ್ರೋಲ್
ಬಾಲಯ್ಯ ನಟನೆಯ ‘ಅಖಂಡ 2’ ಸಿನಿಮಾ ಸೆ.25ಕ್ಕೆ ರಿಲೀಸ್ ಆಗಲಿದೆ. ತನ್ನ 65ನೇ ವರ್ಷದ ಜನ್ಮದಿನದಂದು ಈ ಸಿನಿಮಾಕ್ಕೆ ಸಂಬಂಧಿಸಿ ಕಾರ್ಯಕ್ರಮವೊಂದರಲ್ಲಿ ಬಾಲಯ್ಯ ಪಾಲ್ಗೊಂಡಿದ್ದರು.
ತೆಲುಗಿನ ನಟ ಬಾಲಯ್ಯ ಮೊದಲಿಂದಲೂ ಹಾಸ್ಯಾಸ್ಪದ ಸಂಗತಿಗಳಿಂದಲೇ ಫೇಮಸ್ ಆದವರು. ಇದೀಗ ನಡೆದ ಘಟನೆಯೊಂದರಲ್ಲಿ ಪರಿಸ್ಥಿತಿಯೇ ಅವರನ್ನು ಅಣಕಿಸಿ ನಗುವಂತೆ ಮಾಡಿದೆ.
ಬಾಲಯ್ಯ ನಟನೆಯ ‘ಅಖಂಡ 2’ ಸಿನಿಮಾ ಸೆ.25ಕ್ಕೆ ರಿಲೀಸ್ ಆಗಲಿದೆ. ತನ್ನ 65ನೇ ವರ್ಷದ ಜನ್ಮದಿನದಂದು ಈ ಸಿನಿಮಾಕ್ಕೆ ಸಂಬಂಧಿಸಿ ಕಾರ್ಯಕ್ರಮವೊಂದರಲ್ಲಿ ಬಾಲಯ್ಯ ಪಾಲ್ಗೊಂಡಿದ್ದರು.
ಈ ವೇಳೆ ವೇದಿಕೆಯಲ್ಲಿ ಎಲ್ಲಿಲ್ಲದ ರೋಷಾವೇಶದಲ್ಲಿ ಮಾತನಾಡಲಾರಂಭಿಸಿದ್ದಾರೆ. ಮಾತಿನ ಭರಕ್ಕೆ ಅವರ ಮುಖಕ್ಕೆ ಅಂಟಿಸಿದ್ದ ಮೀಸೆ ಕಳಚಿಬೀಳಲಾರಂಭಿಸಿದೆ. ಆರಂಭದಲ್ಲಿ ಇದು ಗಮನಕ್ಕೆ ಬರದಿದ್ದರೂ ಗೊತ್ತಾದಾಗ ಅವರಿಗೆ ಮುಜುಗರವಾಗಿದೆ.
‘ಗಮ್ ಕೊಡ್ರೋ ’ ಎಂದು ಆಪ್ತರನ್ನು ಕರೆದು ಗಮ್ ತರಿಸಿ ಮೀಸೆ ಅಂಟಿಸಿಕೊಂಡಿದ್ದಾರೆ. ಆ ಬಳಿಕ ಭಾಷಣವನ್ನು ಮುಂದುವರಿಸಿದ್ದಾರೆ. ಈ ಸಂಗತಿ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗಿದೆ.
ನೆಟ್ಟಿಗರು ಬಾಲಯ್ಯನ ಮೀಸೆ ಬಗ್ಗೆ ಕಮೆಂಟ್ ಮಾಡುವುದಕ್ಕೆ ಶುರು ಮಾಡಿದ್ದಾರೆ. ಬಾಲಯ್ಯ ಅಭಿಮಾನಿಗಳು ಸಹ ನೆಗೆಟಿವ್ ಕಾಮೆಂಟ್ ಮಾಡುವವರಿಗೆ ತಿರುಗೇಟು ಕೊಡುತ್ತಿದ್ದಾರೆ.