ಎ.ಆರ್. ರೆಹಮಾನ್ ವಿಚ್ಚೇದನ: ಸಾಯಿರಾ ಬಾನು ಜತೆ ಮದುವೆಗೂ ಮುನ್ನ 3 ಷರತ್ತು ವಿಧಿಸಿದ್ದ ಸಂಗೀತಗಾರ!

ಸಂಗೀತ ಮಾಂತ್ರಿಕ ಎ.ಆರ್. ರೆಹಮಾನ್ ಅವರ ಸಿನಿಮಾ ಜೀವನದ ಬಗ್ಗೆ ನಮಗೆಲ್ಲರಿಗೂ ಸಾಕಷ್ಟು ಗೊತ್ತು. ವೈಯಕ್ತಿಕವಾಗಿಯೂ ಅವರು ಒಬ್ಬ ಒಳ್ಳೆಯ ವ್ಯಕ್ತಿ. ಆದರೆ ಅವರ ಸಿನಿಮಾ ಜೀವನದ ಬಗ್ಗೆ ನಮಗೆ ತಿಳಿದಿರುವಷ್ಟು, ಅವರ ವೈಯಕ್ತಿಕ ಜೀವನದ ಬಗ್ಗೆ ನಮಗೆ ಹೆಚ್ಚು ತಿಳಿದಿಲ್ಲ. 1995 ರಲ್ಲಿ, ತಮ್ಮ ಹೆತ್ತವರ ಇಚ್ಛೆಯಂತೆ ಸಾಯಿರಾ ಬಾನು ಅವರನ್ನು ವಿವಾಹವಾದರು. ಇದು ಅರೆಂಜ್ಡ್ ಮ್ಯಾರೇಜ್ ಎಂಬುದು ಗಮನಾರ್ಹ. ಕಳೆದ 29 ವರ್ಷಗಳಿಂದ ಈ ಜೋಡಿ ಸುಖವಾಗಿ ಜೀವನ ನಡೆಸುತ್ತಿತ್ತು. ಇವರಿಗೆ ಒಬ್ಬ ಮಗ ಮತ್ತು ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ 

ತಮ್ಮ 29ನೇ ವಯಸ್ಸಿನಲ್ಲಿ, ತಮಿಳು ಚಿತ್ರರಂಗದಲ್ಲಿ ಉತ್ತಮ ಸಂಗೀತ ನಿರ್ದೇಶಕರಾಗಿ ಬೆಳೆಯುತ್ತಿದ್ದ ಸಮಯದಲ್ಲಿ ಎ.ಆರ್. ರೆಹಮಾನ್ ಮದುವೆಯಾದರು. ತಮ್ಮ ತಾಯಿ ತನಗಾಗಿ ಹುಡುಗಿ ಹುಡುಕುತ್ತಿದ್ದಾರೆ ಎಂದು ತಿಳಿದಾಗ, ರೆಹಮಾನ್ ತಮ್ಮ ತಾಯಿಯ ಮುಂದೆ ಮೂರು ಷರತ್ತುಗಳನ್ನು ಇಟ್ಟಿದ್ದರು. ಆ ಮೂರು ಷರತ್ತುಗಳಿಗೆ ಒಪ್ಪುವ ಹುಡುಗಿ ಸಿಕ್ಕರೆ ಮಾತ್ರ ಮದುವೆಯಾಗುವುದಾಗಿ ಹೇಳಿದ್ದರಂತೆ.

ಮೊದಲ ಷರತ್ತು, ಹುಡುಗಿ ಚೆನ್ನಾಗಿ ಓದಿರಬೇಕು. ಏಕೆಂದರೆ, ತಾನು ಚಿಕ್ಕವಯಸ್ಸಿನಲ್ಲಿ ಹೆಚ್ಚು ಓದಲು ಸಾಧ್ಯವಾಗಲಿಲ್ಲ ಎಂಬ ಬೇಸರ ರೆಹಮಾನ್‌ಗೆ ಇತ್ತಂತೆ. ಎರಡನೆಯದಾಗಿ, ಹುಡುಗಿ ಸುಂದರಿಯಾಗಿರಬೇಕು ಎಂದು ಬಯಸಿದ್ದರು. ಮೂರನೆಯದಾಗಿ, ಹುಡುಗಿ ವಿನಯವಂತೆ ಮತ್ತು ತನ್ನ ಮೇಲೆ ಅಪಾರ ಪ್ರೀತಿ ಹೊಂದಿರಬೇಕು ಎಂಬ ಮೂರು ಷರತ್ತುಗಳನ್ನು ವಿಧಿಸಿದ್ದರು.

ಅವರ ತಾಯಿ ಕರೀಮಾ ಬೇಗಂ ಹುಡುಕಿದ ಹುಡುಗಿ ಸಾಯಿರಾ ಬಾನು. 1995 ರಲ್ಲಿ ಈ ಜೋಡಿ ಮದುವೆಯಾಯಿತು. ಖದೀಜಾ ರೆಹಮಾನ್, ರಹೀಮಾ ರೆಹಮಾನ್ ಮತ್ತು ಎ.ಆರ್. ಅಮೀನ್ ಎಂಬ ಮೂವರು ಮಕ್ಕಳಿದ್ದಾರೆ. ಈ 29 ವರ್ಷಗಳಲ್ಲಿ, ಹಲವು ವೇದಿಕೆಗಳಲ್ಲಿ ರೆಹಮಾನ್ ತಮ್ಮ ಪತ್ನಿಯನ್ನು ಪ್ರೀತಿಯಿಂದ ಸ್ವಾಗತಿಸಿದ್ದಾರೆ. ಆದರೆ ಈಗ ಬಂದಿರುವ ವಿಚ್ಛೇದನ ಸುದ್ದಿ ಅಭಿಮಾನಿಗಳಿಗೆ ಬೇಸರ ತಂದಿದೆ.

ಸಾಯಿರಾ ಬಾನು ಡಿಸೆಂಬರ್ 1973 ರಲ್ಲಿ ಗುಜರಾತ್‌ನ ಕಚ್‌ನಲ್ಲಿ ಜನಿಸಿದರು. ಅವರು ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಹೊಂದಿರುವ ಮೇಲ್ಮಧ್ಯಮ ವರ್ಗದ ಕುಟುಂಬದಿಂದ ಬಂದವರು ಎಂದು ವರದಿಯಾಗಿದೆ. ತಾಯಿ ಮತ್ತು ಸಹೋದರಿ ಸಾಯಿರಾವನ್ನು ಮೊದಲು ಚೆನ್ನೈನಲ್ಲಿರುವ ಸೂಫಿ ಸಂತ ಮೋತಿ ಬಾಬಾ ಅವರ ಮಂದಿರದಲ್ಲಿ ನೋಡಿದ್ದಾರೆ ಎಂದು ರೆಹಮಾನ್ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದರು. ಸೈರಾ ಜನಪ್ರಿಯ ಮಲಯಾಳಂ ನಟ ರಶಿನ್ ರೆಹಮಾನ್ ಅವರ ಪತ್ನಿ ಮೆಹರುನ್ನಿಸಾ ಅವರ ಸಹೋದರಿ.