Navya Naveli Life: ಜಾಫ್ರಿ ಮಗನೊಂದಿಗಲ್ಲ, ಇವನೊಂದಿಗೆ ಬಿಗ್ ಬಿ ಮೊಮ್ಮಗಳ ಡೇಟಿಂಗ್!
ಅಮಿತಾಭ್ ಬಚ್ಚನ್ (Amitabh Bachchan) ಮೊಮ್ಮಗಳು ನವ್ಯಾ ನವೇಲಿ ನಂದಾ (Navya Naveli Nanda) ಜಾವೇದ್ ಜಾಫ್ರಿ ಪುತ್ರ ಮೀಜಾನ್ ಜಾಫ್ರಿ ಜೊತೆಗಿನ ಸಂಬಂಧದ ಸುದ್ದಿ ಬಹಳ ದಿನಗಳಿಂದ ಹರಿದಾಡುತ್ತಿದೆ. ಆದರೆ, ಈಗ ನವ್ಯಾ ಹೆಸರು 'ಗಲ್ಲಿ ಬಾಯ್' ಚಿತ್ರದ ನಟ ಸಿದ್ಧಾಂತ್ ಚತುರ್ವೇದಿ ಜೊತೆ ತಳುಕು ಹಾಕಲಾಗುತ್ತಿದೆ. ಸಿದ್ಧಾಂತ್ ಚತುರ್ವೇದಿ (Siddhant Chaturvedi) ಅವರು ಅಮಿತಾಬ್ ಬಚ್ಚನ್ ಅವರ ಮೊಮ್ಮಗಳು ನವ್ಯಾ ನವೇಲಿ ನಂದಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ. ನವ್ಯಾ ಗಲ್ಲಿ ಬಾಯ್ ನಟನೊಂದಿಗೆ ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ.
ಸಿದ್ಧಾಂತ್ ಮತ್ತು ನವ್ಯಾ ಸಿರಿಯಸ್‌ ರಿಲೆಷನ್‌ಶಿಪ್‌ನಲ್ಲಿದ್ದಾರೆಂದು ಹಲವು ಮಾಧ್ಯಮ ವರದಿಗಳು ಮಾಡಿವೆ. ಆದರೆ, ಈ ಸುದ್ದಿಗೆ ಇವರಿಬ್ಬರೂ ಇದುವರೆಗೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಅದೇ ಸಮಯದಲ್ಲಿ, ನವ್ಯಾ ಅವರ ಅಜ್ಜ ಅಮಿತಾಬ್ ಬಚ್ಚನ್ ಸಿದ್ಧಾಂತ್ ಚತುರ್ವೇದಿ ಅವರ ನಟನೆಯ ಅಭಿಮಾನಿಯಾಗಿದ್ದಾರೆ. ಅಮಿತಾಭ್ ಸಿದ್ದಾಂತ್ ಅಭಿನಯದ 'ಗಲ್ಲಿ ಬಾಯ್' ಸಿನಿಮಾ ಹಿಟ್ ಆದಾಗ ನಟನಿಗೆ ಹೂಗುಚ್ಛ ಕಳುಹಿಸಿದ್ದರು.
ನವ್ಯಾ ಮತ್ತು ಸಿದ್ಧಾಂತ್ ಹಲವು ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಆದರೆ, ಡೇಟಿಂಗ್ ಸುದ್ದಿಗೆ ಇಬ್ಬರೂ ಸದ್ಯಕ್ಕೆ ಮೌನ ವಹಿಸಿದ್ದಾರೆ. ಆದರೆ, ಈ ಸುದ್ದಿ ಬಂದ ತಕ್ಷಣ ನವ್ಯಾ ಹಾಗೂ ಸಿದ್ದಾಂತ್ ಅಭಿಮಾನಿಗಳು ಅಭಿನಂದನೆ ಸಲ್ಲಿಸುತ್ತಿದ್ದಾರೆ. ಸಿದ್ಧಾಂತ್ ಚತುರ್ವೇದಿ ಶೀಘ್ರದಲ್ಲೇ ಫೋನ್ ಬೂತ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಇದರಲ್ಲಿ ಕತ್ರಿನಾ ಕೈಫ್ ಮತ್ತು ಇಶಾನ್ ಖಟ್ಟರ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ
ಈ ಹಿಂದೆ ಜಾವೇದ್ ಜಾಫ್ರಿ ಅವರ ಮಗ ಮೀಜಾನ್ ಜಾಫ್ರಿ ಅವರ ಹೆಸರು ನವ್ಯಾ ಜೊತೆಗೆ ಕೇಳಿ ಬರುತ್ತಿತ್ತು. ಕೆಲವು ತಿಂಗಳ ಹಿಂದೆ ಸಂದರ್ಶನವೊಂದರಲ್ಲಿ ಮೀಜಾನ್ ಜಾಫ್ರಿ ನವ್ಯಾ ಜೊತೆಗಿನ ಸಂಬಂಧ ಮತ್ತು ಮದುವೆಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದರು.
ಸಂದರ್ಶನವೊಂದರಲ್ಲಿ ಸಾರಾ ಅಲಿ ಖಾನ್, ನವ್ಯಾ ನವೇಲಿ ನಂದಾ ಮತ್ತು ಅನನ್ಯಾ ಪಾಂಡೆ ಅವರಲ್ಲಿ ಯಾರನ್ನು ಕೊಲ್ಲಲು, ಮದುವೆಯಾಗಲು ಮತ್ತು ಹುಕ್ ಅಫ್ ಮಾಡಲು ಆಯ್ಕೆ ಮಾಡಿಕೊಳ್ಳುತ್ತಿರಾ ಎಂದು ಮೀಜಾನ್ ಅವರನ್ನು ಕೇಳಲಾಗಿತ್ತು. ಇದಕ್ಕೆ ಮೀಜಾನ್ ತಾವು ನವ್ಯಾಳನ್ನು ಮದುವೆಯಾಗಲು ಇಷ್ಟಪಡುತ್ತೇನೆ, ಸಾರಾ ಅಲಿ ಖಾನ್ ಜೊತೆ ಹುಕ್‌ಅಪ್‌ ಮತ್ತು ಅನನ್ಯಾ ಪಾಂಡೆಯನ್ನು ಕೊಲ್ಲಲು ಬಯಸುತ್ತೇನೆ ಎಂದು ಹೇಳಿದರು.
ಮೀಜಾನ್ ತನ್ನ ಹೆಸರನ್ನು ನವ್ಯಾ ಜೊತೆ ತಮ್ಮ ಹೆಸರು ಲಿಂಕ್‌ ಆಗಿರುವ ಬಗ್ಗೆಯೂ ಮಾತನಾಡಿದ್ದಾರೆ. 'ನಮ್ಮಿಬ್ಬರ ನಡುವೆ ಸಂಬಂಧವೇ ಇಲ್ಲದಿರುವಾಗ ನಾನೇಕೆ ಒಪ್ಪಿಕೊಳ್ಳಬೇಕು. ಸ್ನೇಹ ಎಂಬ ಸಂಬಂಧವೂ ಇರುತ್ತದೆ. ಸಂಬಂಧವೆಂದರೆ ಕೇವಲ ಗೆಳೆಯ-ಗೆಳತಿ ಮತ್ತು ಡೇಟಿಂಗ್ ಮಾತ್ರ ಅಲ್ಲ. ನಾವಿಬ್ಬರೂ ಜೊತೆಯಾಗಿ ಎಲ್ಲೋ ಕಾಣೀಸಿಕೊಂಡರೆ, ನಾವು ಪರಸ್ಪರ ಡೇಟಿಂಗ್ ಮಾಡುತ್ತಿದ್ದೇವೆ ಎಂದು ಅರ್ಥವಲ್ಲ ಎಂದು ಮಿಜಾನ್‌ ಹೇಳಿದ್ದರು.
ಮೇ 2018 ರಲ್ಲಿ, ನವ್ಯಾ ನವೇಲಿ ಮತ್ತು ಜಾವೇದ್ ಜಾಫ್ರಿ ಅವರ ಮಗ ಮೀಜಾನ್ ಅವರ ಫೋಟೋ ವೈರಲ್ ಆಗಿತ್ತು, ಇದರಲ್ಲಿ ಇಬ್ಬರೂ ಪಾರ್ಟಿಯ ಸಮಯದಲ್ಲಿ ಕ್ಲೋಸ್‌ ಆಗಿದ್ದರು. ಜುಲೈ 2017 ಲ್ಲಿ, ಇಬ್ಬರೂ ಪಾರ್ಟಿಯಿಂದ ಹಿಂದಿರುಗಿದಾಗ, ಮೀಜಾನ್ ಕಾರಿನಲ್ಲಿ ತನ್ನ ಮುಖವನ್ನು ಮುಚ್ಚಿಕೊಂಡಿದ್ದರು. ಅಂದಿನಿಂದ ಮಾಧ್ಯಮಗಳಲ್ಲಿ ಇವರಿಬ್ಬರ ಸಂಬಂಧದ ಚರ್ಚೆ ಶುರುವಾಗಿದೆ.
ಆದರೆ, ನಂತರದ ಸಂದರ್ಶನವೊಂದರಲ್ಲಿ, ನಾವಿಬ್ಬರೂ ಒಂದೇ ಫ್ರೆಂಡ್‌ ಸರ್ಕಲ್‌ನಿಂದ ಬಂದವರು. ಅವಳು ನನ್ನ ಸಹೋದರಿಯ ಆತ್ಮೀಯ ಸ್ನೇಹಿತೆ ಮತ್ತು ನನ್ನ ಸ್ನೇಹಿತೆ ಕೂಡ. ನಾನು ಯಾರೊಂದಿಗೂ ಸಂಬಂಧ ಹೊಂದಿಲ್ಲ ಎಂದು ಮೀಜನ್ ಸ್ಪಷ್ಟಪಡಿಸಿದ್ದರು.
ಅಮಿತಾಬ್ ಬಚ್ಚನ್ ಅವರ ಮೊಮ್ಮಗಳು ನವ್ಯಾ ನವೇಲಿ ನಂದಾ ಕಳೆದ ವರ್ಷ ಮೇ 2020ರಲ್ಲಿ ಪದವಿ ಪಡೆದರು. ನವ್ಯಾಗೆ ಪಿಯಾನೋ ನುಡಿಸುವುದು ಇಷ್ಟ. ಕೆಲವು ವರ್ಷಗಳ ಹಿಂದೆ, ನವ್ಯಾ ತನ್ನ ತಾಯಿಯ ತಂದೆ, ಅಂದರೆ ಅಮಿತಾಬ್ ಬಚ್ಚನ್ ಜೊತೆ ಪಿಯಾನೋ ನುಡಿಸುತ್ತಿರುವ ಫೋಟೋದಲ್ಲಿ ಕಾಣಿಸಿಕೊಂಡಿದ್ದರು.
ನವ್ಯಾ 2016 ರಲ್ಲಿ ಲಂಡನ್‌ನ ಸೆವೆನ್ ಓಕ್ಸ್ ಶಾಲೆಯಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ. ಶಾರುಖ್ ಪುತ್ರ ಆರ್ಯನ್ ಕೂಡ ಇದೇ ಶಾಲೆಯಲ್ಲಿದ್ದ. ಶಾಲಾ ಶಿಕ್ಷಣದ ನಂತರ, ಅವರು ಉನ್ನತ ಶಿಕ್ಷಣಕ್ಕಾಗಿ ನ್ಯೂಯಾರ್ಕ್‌ನ ಫೋರ್ಡ್‌ಹ್ಯಾಮ್ ವಿಶ್ವವಿದ್ಯಾಲಯಕ್ಕೆ ಸೇರಿದರು. ನವ್ಯಾ ಅವರ ತಂದೆ ನಿಖಿಲ್ ನಂದಾ ಎಸ್ಕಾರ್ಟ್ ಗ್ರೂಪ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ.
