Gangubai Kathiawadi ಮೇರಿ ಜಾನ್‌ ಹಾಡು ರೀಲಿಸ್‌ ನಟನೊಂದಿಗೆ ಆಲಿಯಾ ಭಟ್ ರೊಮ್ಯಾನ್ಸ್!

ಆಲಿಯಾ ಭಟ್ (Alia bhatt) ಅಭಿನಯದ  'ಗಂಗೂಬಾಯಿ ಕಥಿವಾಡಿ'  (Gangubai Kathiwadi)  ಚಿತ್ರದ ಹೊಸ ಹಾಡು 'ಮೇರಿ ಜಾನ್' (Meri Jaan) ಬಿಡುಗಡೆಯಾಗಿದೆ. ಈ ಹಾಡಿನಲ್ಲಿ ಆಲಿಯಾ ಭಟ್ ಬಿಳಿ ಸೀರೆಯಲ್ಲಿ ತುಂಬಾ ಸುಂದರವಾಗಿ ಕಾಣುತ್ತಿದ್ದಾರೆ. ಆಲಿಯಾ ಬಿಳಿ ಸೀರೆಯಲ್ಲಿ ಹಾಡಿನ ಬಿಡುಗಡೆ ಕಾರ್ಯಕ್ರಮಕ್ಕೆ ಸಹ ಆಗಮಿಸಿದ್ದರು. ಈ ಇವೆಂಟ್‌ನ ಫೋಟೋಗಳು ಸಖತ್‌ ವೈರಲ್‌ ಆಗಿವೆ. 

21 ಫೆಬ್ರವರಿ 2022ರಂದು ನಟಿ ಆಲಿಯಾ ಭಟ್ ಸಂಜಯ್ ಲೀಲಾ ಬನ್ಸಾಲಿಯವರ ಗಂಗೂಬಾಯಿ ಕಥಿವಾಡಿ ಸಿನಮಾದ ಪ್ರಚಾರಕ್ಕಾಗಿ ಕೋಲ್ಕತ್ತಾರಕ್ಕೆ ಭೇಟಿ ನೀಡಿದ್ದರು. ಈ ಸಮಯದಲ್ಲಿ ಆಲಿಯಾ ಚಿತ್ರದ ಹೊಸ ಹಾಡು 'ಮೇರಿ ಜಾನ್ ಬಿಡುಗಡೆ ಮಾಡಿದರು.

ಇದು ಒಂದು ರೊಮ್ಯಾಂಟಿಕ್ ಹಾಡಿದು (Romantic Song) ಈ ಹಾಡಿನಲ್ಲಿ ಕಾರಿನಲ್ಲಿಯೇ ಆಲಿಯಾ ಮತ್ತು ಶಂತನು ಅವರ ರೋಮ್ಯಾನ್ಸ್‌ ನೋಡಬಹುದು. ಈ ಹಾಡಿಗೆ ನೀತಿ ಮೋಹನ್ ಧ್ವನಿ ನೀಡಿದ್ದು, ಸಂಜಯ್ ಲೀಲಾ ಬನ್ಸಾಲಿ ಅವರೇ  ರಾಗ ಸಂಯೋಜನೆ (Music Compose) ಮಾಡಿದ್ದಾರೆ.

ಫೆಬ್ರವರಿ 25 ರಂದು ಗಂಗೂಬಾಯಿ ಕಥಿವಾಡಿ ಚಿತ್ರ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಮೊನ್ನೆಯಷ್ಟೇ ಚಿತ್ರದ ಧೋಳಿದಾ ಹಾಡು ಬಿಡುಗಡೆಯಾಗಿತ್ತು. ಈ ಹಾಡಿನಲ್ಲಿ ಆಲಿಯಾ ಭಟ್ ಬಿಳಿ ಬಣ್ಣದ ಗೋಲ್ಡನ್ ಬಾರ್ಡರ್ (Golden Border) ಸೀರೆಯಲ್ಲಿ ತುಂಬಾ ಸುಂದರವಾಗಿ ಕಾಣುತ್ತಿದ್ದಾರೆ. 

ಸಂಜಯ್ ಲೀಲಾ ಬನ್ಸಾಲಿಯವರ ಗಂಗೂಬಾಯಿ ಕಥಿವಾಡಿ ಚಲನಚಿತ್ರವು ಹುಸೇನ್ ಜೈದಿಯವರ ಮಾಫಿಯಾ ಕ್ವೀನ್ಸ್ ಆಫ್ ಮುಂಬೈ ಪುಸ್ತಕದ ಅಧ್ಯಾಯವನ್ನು ಆಧರಿಸಿದೆ. ಸಿನಿಮಾದಲ್ಲಿ ಆಲಿಯಾ ಭಟ್‌ ಗಂಗೂಬಾಯಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಗಂಗೂಬಾಯಿ 60 ರ ದಶಕದಲ್ಲಿ ಮುಂಬೈ ಮಾಫಿಯಾದ ದೊಡ್ಡ ಹೆಸರು. ಒಂದು ಹಂತದಲ್ಲಿ ಗಂಗೂಬಾಯಿ ಮುಂಬೈ (Mumbai) ಭೂಗತ ಜಗತ್ತಿನ ಡಾನ್‌ಗಳು (Underground Dons) ಮತ್ತು ರಾಜಕಾರಣಿಗಳೊಂದಿಗೆ  (Politicians) ಸಂಪರ್ಕ ಹೊಂದಿದ್ದರು. ಆಕೆಯನ್ನು ಪತಿ ಕೇವಲ 500 ರೂ.ಗೆ ಮಾರಾಟ ಮಾಡಿದ್ದನಂತೆ. ಅಂದಿನಿಂದ ಅವಳು ವೇಶ್ಯಾವಾಟಿಕೆಯಲ್ಲಿ ತೊಡಗಿದ್ದಳು. 

ಈ ಸಮಯದಲ್ಲಿ, ಅವರು ಅಲ್ಲಿನ ಹುಡುಗಿಯರಿಗಾಗಿ ಸಾಕಷ್ಟು ಒಳ್ಳೆಯ ಕೆಲಸಗಳನ್ನು ಮಾಡಿದರು. ಮುಂಬೈನ ಕಾಮಟಿಪುರ ರೆಡ್ ಲೈಟ್ ಏರಿಯಾದಲ್ಲಿ (Red Light Area) ಗಂಗೂಬಾಯಿ ಹಲವಾರು ಕೋಠಗಳನ್ನು ನಡೆಸುತ್ತಿದ್ದರು ಮತ್ತು ಯಾವುದೇ ಹುಡುಗಿಯ ಒಪ್ಪಿಗೆಯಿಲ್ಲದೇ ಗಂಗೂಬಾಯಿ ಅವಳನ್ನು ತನ್ನ ಕೋಣೆಯಲ್ಲಿ ಇರಿಸಲಿಲ್ಲ ಎಂದು ಹೇಳಲಾಗುತ್ತದೆ. ವೇಶ್ಯೆಯರನ್ನು ಸಶಕ್ತಗೊಳಿಸಲು ಮತ್ತು ಸಬಲಗೊಳಿಸಲು ಗಂಗೂಬಾಯಿ ತನ್ನ ಪವರ್‌ ಬಳಸುತ್ತಿದ್ದಳು.

ಗಂಗೂಬಾಯಿ ಗುಜರಾತ್‌ನ ಕಥಿಯವಾಡ ನಿವಾಸಿಯಾಗಿದ್ದು, ಈ ಕಾರಣಕ್ಕಾಗಿ ಆಕೆಯನ್ನು ಗಂಗೂಬಾಯಿ ಕಥಿವಾಡಿ ಎಂದು ಹೆಸರಿಸಲಾಯಿತು. ಆಕೆಯ ನಿಜವಾದ ಹೆಸರು ಗಂಗಾ ಹರ್ಜಿವಂದಾಸ್ ಕಥಿವಾಡಿ. ಗಂಗೂಬಾಯಿಯವರ ಜೀವನವು ಚಿತ್ರದ ಕಥೆಗಿಂತ ಕಡಿಮೆ ಇರಲಿಲ್ಲ.