Akshaye Khanna ಇನ್ನೂ ಬ್ಯಾಚುಲರ್ ಆಗಿ ಉಳಿಯುಲು Karishma Kapoor ಕಾರಣನಾ?

ಹಿರಿಯ ನಟ ವಿನೋದ್ ಖನ್ನಾ  (Vinod Khanna)  ಅವರ ಪುತ್ರ ಅಕ್ಷಯ್ ಖನ್ನಾ (Akshaye Khanna) ಅವರಿಗೆ 47 ವರ್ಷ ತುಂಬಿದೆ.   ಮಾರ್ಚ್ 28, 1975 ರಂದು ಮುಂಬೈನಲ್ಲಿ ಜನಿಸಿದ ಅಕ್ಷಯ್ ಅನೇಕ ಹಿಟ್ ಚಿತ್ರಗಳಲ್ಲಿ ನಟಿಸಿದರು ಆದರೆ ಅವರ ತಂದೆಯಂತೆ ಸ್ಟಾರ್‌ಡಮ್‌ ಗಳಿಸುವಲ್ಲಿ ಯಶಸ್ವಿಯಾಗಲಿಲ್ಲ. ಅಕ್ಷಯ್ ತಮ್ಮ ವೃತ್ತಿಜೀವನವನ್ನು 1997 ರ ಹಿಮಾಲಯ ಪುತ್ರ ಚಿತ್ರದ ಮೂಲಕ ಪ್ರಾರಂಭಿಸಿದರು. ಇದು ವಿನೋದ್ ಖನ್ನಾ ಅವರ ಮಗನನ್ನು ಲಾಂಚ್‌ ಮಾಡಲು  ನಿರ್ದೇಶಿಸಿದ ಚಿತ್ರ. ಆದರೆ, ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ನೆಲಕಚ್ಚಿತು. ಆದರೆ ಚಿತ್ರದಲ್ಲಿನ ಅಕ್ಷಯ್ ಅವರ ಕೆಲಸವನ್ನು ಪ್ರಶಂಸಿಸಲಾಯಿತು ಮತ್ತು ಅತ್ಯುತ್ತಮ ಪುರುಷ ನಟ ಪ್ರಶಸ್ತಿಯನ್ನು ಸಹ ಪಡೆದರು. 47 ವರ್ಷ ವಯಸ್ಸಿನಲ್ಲೂ ಅಕ್ಷಯ್ ಅವಿವಾಹಿತ. ಅಕ್ಷಯ್ ಖನ್ನಾ ಏಕೆ ಇನ್ನೂ ಮದುವೆಯಾಗದೆ ಉಳಿಯಲು ಕಾರಣವೇನು? 

ಆ ಅಬ್ ಲೌಟ್‌ ಚಲೇ, ಹಂಗಾಮಾ, ಹಸ್ಲ್, ದಿಲ್ ಚಾಹ್ತಾ ಹೈ, ತಾಲ್, ಹುಮ್ರಾಜ್, ರೇಸ್, ಆಕ್ರೋಷ್, ಮಾಮ್ ಮುಂತಾದ ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿರುವ ಅಕ್ಷಯ್ ಖನ್ನಾ ಇನ್ನೂ ಚಲನಚಿತ್ರಗಳಲ್ಲಿ ಸಕ್ರಿಯರಾಗಿದ್ದಾರೆ. ಅವರ ಮುಂಬರುವ ಚಿತ್ರ ದೃಶ್ಯಂ 2, ಇದರಲ್ಲಿ ಅಜಯ್ ದೇವಗನ್ ಮತ್ತು ಶ್ರಿಯಾ ಸರನ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ.

ಸುದ್ದಿಯ ಪ್ರಕಾರ, ಅಕ್ಷಯ್ ಖನ್ನಾ ಬಾಲಿವುಡ್‌ನ ದೊಡ್ಡ ಕುಟುಂಬವಾದ ಕಪೂರ್ ಕುಟುಂಬಕ್ಕೆ ಅಳಿಯನಾಗಲಿದ್ದರು. ರಣಧೀರ್ ಕಪೂರ್ ತನ್ನ ಹಿರಿಯ ಮಗಳು ಕರಿಷ್ಮಾ ಕಪೂರ್ ಅಕ್ಷಯ್ ಜೊತೆ ಮದುವೆಯಾಗಲು ಬಯಸಿದ್ದರು ಮತ್ತು ಇದಕ್ಕಾಗಿ ಅವರು ವಿನೋದ್ ಖನ್ನಾಗೆ ಸಂಬಂಧವನ್ನು ಕಳುಹಿಸಿದ್ದರು.ಆದರೆ, ಈ ಸಂಬಂಧ ನಡೆಯಲಿಲ್ಲ. 

ವಾಸ್ತವವಾಗಿ, ಆ ಸಮಯದಲ್ಲಿ ಕರಿಷ್ಮಾ ಕಪೂರ್ ಅವರ ಹಿಟ್ ಚಿತ್ರಗಳು ಒಂದರ ಹಿಂದೆ ಒಂದರಂತೆ ಬರುತ್ತಿದ್ದವು ಮತ್ತು ಆಕೆಯ ತಾಯಿ ಬಬಿತಾಗೆ ತನ್ನ ಮಗಳ ಮದುವೆಗೆ ಇಷ್ಟವಿರಲಿಲ್ಲ. ಈ ಸಂಬಂಧಕ್ಕೆ ಆಕೆ ಒಪ್ಪಿರಲಿಲ್ಲ.

ಬಬಿತಾ ತನ್ನ ಮಾತಿಗೆ ಅಂಟಿಕೊಂಡರು ಮತ್ತು ರಣಧೀರ್ ಕಪೂರ್ ಕೂಡ ತನ್ನ ಹೆಂಡತಿಯ ಇಚ್ಛೆಗೆ ವಿರುದ್ಧವಾಗಿ ಹೋಗಲು ಸಾಧ್ಯವಾಗಲಿಲ್ಲ. ಈ ಮೂಲಕ ಮದುವೆ ವಿಚಾರ ಮುಂದಕ್ಕೆ ಹೋಗಲಿಲ್ಲ. 

ನಂತರ ಕೆಲವು ದಿನಗಳಲ್ಲಿ ಕರಿಷ್ಮಾ ಕಪೂರ್ ಅಭಿಷೇಕ್‌ ಬಚ್ಚನ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಬಿ-ಟೌನ್‌ನಲ್ಲಿ ವರದಿಯಾಗಿತ್ತು. ಆದರೆ, ಅವರ ಸಂಬಂಧವೂ ಮುಂದುವರೆಯಲಿಲ್ಲ.ತನ್ನ ಮದುವೆಯ ಬಗ್ಗೆ, ಅಕ್ಷಯ್ ಖನ್ನಾ ಸಂದರ್ಶನವೊಂದರಲ್ಲಿ ನಾನು ಮದುವೆಯಾಗಲು ಬಯಸುವುದಿಲ್ಲ. ಇದಕ್ಕೆ ಕಾರಣ ಅವರು ಒಂಟಿಯಾಗಿರಲು ಇಷ್ಟಪಡುತ್ತಾರೆ ಎಂದು ಹೇಳಿದ್ದರು. 

ಅವರು ಯಾರೊಂದಿಗಾದರೂ ಸ್ವಲ್ಪ ಸಮಯದವರೆಗೆ ಸಂಬಂಧದಲ್ಲಿರಬಹುದು, ಆದರೆ ಅವರು ತನ್ನ ಉಳಿದ ಜೀವನದಲ್ಲಿ ಯಾವುದೇ ರಿಲೆಷನ್‌ಶಿಪ್‌ನಲ್ಲಿರಲು ಬಯಸುವುದಿಲ್ಲ. ಮದುವೆಯಾಗದಿರಲು ಒಂದು ಕಾರಣವೆಂದರೆ ಅವರಿಗೆ ಮಕ್ಕಳೇ ಇಷ್ಟವಾಗುತ್ತಿರಲಿಲ್ಲ ಅವರು ಹೇಳಿದ್ದರು.

ಅವರ ವೃತ್ತಿಜೀವನದಲ್ಲಿ, ಅಕ್ಷಯ್ ಖನ್ನಾ ನಾಯಕ,ವಿಲನ್ ಮತ್ತು ಪೋಷಕ ನಟನ ಪಾತ್ರವನ್ನು ನಿರ್ವಹಿಸಿದ್ದಾರೆ. 2008 ರ ರೇಸ್ ಚಲನಚಿತ್ರದಲ್ಲಿ ಅವರು ವಿಲನ್ ಪಾತ್ರವನ್ನು ಅದ್ಭುತವಾಗಿ ನಿರ್ವಹಿಸಿದರು ಮತ್ತು ಅವರು ಮೆಚ್ಚುಗೆಗೆ ಪಾತ್ರರಾದರು. 

ಅಕ್ಷಯ್ ಕುಮಾರ್ ಬಾರ್ಡರ್, ಮೊಹಬ್ಬತ್, ಭಾಯಿ-ಭಾಯ್, ಡೋಲಿ ಸಾಜ್ ಕೆ ಲಕ್ನಾ, ಕುದ್ರತ್, ಲಾವಾರಿಸ್, ತಾಲ್, ದಿಲ್ ಚಾಹ್ತಾ ಹೈ, ಕ್ರೇಜಿ, LOC ಕಾರ್ಗಿಲ್, ವಾಲ್,   ರೇಸ್, ನೋ ಪ್ರಾಬ್ಲಮ್, ಗಲಿ ಗಲಿ ಚೋರ್ ಹೈ, ಸೆಕ್ಷನ್ 375, ಎಲ್ಲಾ ಶುಭ ಮಂಗಳ ಮುಂತಾದ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.