ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಲು ಅಕ್ಷಯ್ ಕುಮಾರ್ ಹೀಗ್ ಮಾಡ್ತಾರಂತೆ!
ಬಾಲಿವುಡ್‌ನ ಅತ್ಯಂತ ಯಶಸ್ವಿ ತಾರೆಗಳ ಬಗ್ಗೆ ಮಾತಾನಾಡುವಾಗ ಅಕ್ಷಯ್ ಕುಮಾರ್ ಹೆಸರು ಮೊದಲ ಸಾಲಲ್ಲಿ ಇರುತ್ತದೆ. 2019ರಲ್ಲಿ ಇವರ ನಾಲ್ಕು ಹಿಟ್ ಚಿತ್ರಗಳಲ್ಲಿ 3 ಸಿನಿಮಾಗಳು 200 ಕೋಟಿ ಗಡಿ ದಾಟಿದೆ. ಫೋರ್ಬ್ಸ್ 2020ರ ಟಾಪ್ 100 ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ಸೆಲೆಬ್ರೆಟಿ ಎಂದರೆ ಅಕ್ಷಯ್ ಕುಮಾರ್. ಹಲವು ಬಾಲಿವುಡ್ ಮತ್ತು ಹಾಲಿವುಡ್ ತಾರೆಯರನ್ನು ಹಿಂದಿಕ್ಕಿ ಪಟ್ಟಿಯಲ್ಲಿ 52ನೇ ಸ್ಥಾನವನ್ನು ಪಡೆದಿದ್ದಾರೆ. ವರದಿಯ ಪ್ರಕಾರ, 2019 ಜೂನ್‌ನಿಂದ ಮೇ 2020 ರವರೆಗೆ ಅವರ ಗಳಿಕೆ 5 48.5 ಮಿಲಿಯನ್, ಅಂದರೆ ಸುಮಾರು 366 ಕೋಟಿ ರೂ. ಅಂದಹಾಗೆ, 52ನೇ ವಯಸ್ಸಿನಲ್ಲಿಯೂ ಫಿಟ್ ಆಗಿ ಕಾಣಿಸುವ ಅಕ್ಷಯ್‌ರ ರಹಸ್ಯವೇನು? ಇಲ್ಲಿದೆ ನಟನ ಡಯಟ್, ವರ್ಕೌಟ್‌ ಹಾಗೂ ಫಿಟ್ನೆಸ್ ವಿವರ.
ಅಕ್ಷಯ್ ಬಾಲಿವುಡ್ ಪಾರ್ಟಿಗಳು ಮತ್ತು ಅಲ್ಕೋಹಾಲ್‌ನಿಂದ ದೂರ. ಪ್ರತಿದಿನ ಬೆಳಿಗ್ಗೆ 4.30ಕ್ಕೆ ಎದ್ದು ರಾತ್ರಿ 9ಕ್ಕೆ ಮಲಗುವ ನಟ ಹೆಚ್ಚಾಗಿ ನೈಟ್‌ ಶಿಫ್ಟನ್ನು ಆವಾಯ್ಡ್‌ ಮಾಡುತ್ತಾರೆ.
ಸ್ಟೆಮಿನಾವನ್ನು ಹೆಚ್ಚಿಸಲು, ವಾರಕ್ಕೆ ಎರಡು ಮೂರು ಬಾರಿ ಬ್ಯಾಸ್ಕೆಟ್‌ಬಾಲ್ ಆಡುತ್ತಾರೆ. ಸಮಯ ಸಿಕ್ಕಾಗ ಮಗನ ಜೊತೆ ಸ್ವಿಮ್ಮಿಂಗ್‌ ಹೋಗುವ ಅಕ್ಷಯ್, ಫಿಟ್ನೆಸ್ ಕಾಪಾಡಿಕೊಳ್ಳಲು ಹಲವು ವರ್ಷಗಳಿಂದ ಕೆಲವು ನಿಯಮಗಳನ್ನು ಅನುಸರಿಸುತ್ತಿದ್ದಾರೆ.
ಪ್ರತಿದಿನ ಸಂಜೆ 7 ಗಂಟೆಯ ಮೊದಲು ರಾತ್ರಿಯ ಊಟವನ್ನು ಮುಗಿಸುವ ಅಕ್ಷಯ್ ನಂತರ ಏನನ್ನೂ ತಿನ್ನುವುದಿಲ್ಲ.
ಅಕ್ಷಯ್ ಎಲ್ಲವನ್ನು ತಿನ್ನುವುದನ್ನು ನಂಬುತ್ತಾರೆ. ಆದರೆ ಸರಿಯಾದ ಸಮಯದಲ್ಲಿ ಆಹಾರವನ್ನು ಸೇವಿಸುತ್ತಾರೆ. ಪಾರ್ಟಿಯಿರಲಿ ಅಥವಾ ಔಟ್‌ಡೋರ್‌ ಶೂಟಿಂಗ್‌ ಇರಲಿ, ಊಟದ ದಿನಚರಿ ಎಂದಿಗೂ ಬದಲಾಗುವುದಿಲ್ಲ .
ಆಲ್ಕೋಹಾಲ್, ಸಿಗರೇಟ್ ಅಥವಾ ಕೆಫೀನ್ ಯಾವತ್ತಿಗೂ ಸೇವಿಸುವುದಿಲ್ಲ. ಅವರು ಚಹಾ ಮತ್ತು ಕಾಫಿಯಿಂದಲೂ ದೂರವಿರುತ್ತಾರೆ.
ನೀವು ಧೂಮಪಾನ ಮಾಡುತ್ತಿದ್ದರೆ ಅಥವಾ ಮದ್ಯಪಾನ ಮಾಡಿದರೆ, ವರ್ಕೌಟ್‌ ಮಾಡಲು ನಿಮಗೆ ತ್ರಾಣ ಇರುವುದಿಲ್ಲ ಎನ್ನುತ್ತಾರೆ ಅಕ್ಷಯ್ ಕುಮಾರ್.
ಬ್ಯಾಲೆನ್ಸಡ್‌ ಡಯಟ್ ಪಾಲಿಸುತ್ತಾರೆ ನಟ. ಮನೆಯ ಆಹಾರವನ್ನು ಸೇವಿಸುವ ಇವರು ಪ್ರಮಾಣ ಮಾತ್ರ ಸರಿಯಾಗಿರುವಂತೆ ನೋಡಿಕೊಳ್ಳುತ್ತಾರೆ.
ಬ್ರೇಕ್‌ ಫಾಸ್ಟ್‌ ಲಂಚ್‌ಗೆ ನಿಗದಿತ ಸಮಯವನ್ನೇ ಫಿಕ್ಸ್‌ ಮಾಡಿಕೊಂಡಿದ್ದಾರೆ. ಒಂದು ಚಮಚ ಜೇನುತುಪ್ಪ ಬಿಸಿನೀರು ಹಾಗೂ ಅರಿಶಿನದ ಹಾಲು ರೋಗನಿರೋಧಕ ಶಕ್ತಿ ಬಲಪಡಿಸಲು ಬಹಳ ಮುಖ್ಯ ಎಂದು ನಂಬುತ್ತಾರೆ ಅಕ್ಷಯ್.
ಬೆಳಗಿನ ಉಪಾಹಾರದಲ್ಲಿ ಹಾಲು ಮತ್ತು ಪರಾಟ, ಮಧ್ಯಾಹ್ನ ಹಣ್ಣುಗಳು ಮತ್ತು ನಟ್ಸ್‌, ಬ್ರೌನ್‌ ರಾಜ್ಮಾ ಮತ್ತು ತರಕಾರಿಗಳೊಂದಿಗೆ ದಾಲ್ ಮತ್ತು ರಾತ್ರಿ ಸೂಪ್ ಮತ್ತು ಮಸಾಲೆಯುಕ್ತ ತರಕಾರಿಗಳು ಇವರ ಡಯಟ್. ಅನೇಕ ಬಾರಿ ಎಗ್‌ ವೈಟ್‌ ಆಮ್ಲೆಟ್ ತಿನ್ನುತ್ತಾರೆ.
ಅವರು ಪ್ರೋಟೀನ್ ಶೇಕ್ ತೆಗೆದುಕೊಳ್ಳುವುದಿಲ್ಲ. ಇದು ದೀರ್ಘಾವಧಿಯಲ್ಲಿ ನಷ್ಟವನ್ನುಂಟು ಮಾಡುತ್ತದೆ ಎನ್ನುತ್ತಾರೆ. ಸಕ್ಕರೆ ಮತ್ತು ಉಪ್ಪನ್ನು ನಿಗದಿತ ಪ್ರಮಾಣದಲ್ಲಿ ಸೇವಿಸುವ ನಟ ಆರೋಗ್ಯವಾಗಿರಲು ಇದು ಅಗತ್ಯವೆಂದು ಪರಿಗಣಿಸುತ್ತಾರೆ.
ಪ್ರತಿದಿನ ಧ್ಯಾನಕ್ಕೆ ಕನಿಷ್ಠ ಅರ್ಧ ಗಂಟೆ ಸಮಯ ನೀಡುತ್ತಾರೆ. ಶಾಂತಿ ನೀಡುವುದರ ಜೊತೆಗೆ ಒತ್ತಡದ ಮಟ್ಟವನ್ನು ಕಡಿಮೆ ಮಾಡುತ್ತದೆ. ನಟ್ಸ್‌ ಮತ್ತು ಹಣ್ಣುಗಳನ್ನು ಜೊತೆಗೆ ಇಟ್ಟುಕೊಂಡು ಹಸಿವಾದಾಗಲೆಲ್ಲಾ ಅದೇ ತಿನ್ನುತ್ತಾರೆ ಬಾಲಿವುಡ್‌ನ ಈ ಸ್ಟಾರ್‌.
ದಿನವಿಡೀ 4 ರಿಂದ 5 ಲೀಟರ್ ನೀರು ಕುಡುತ್ತಾರೆ ಹಾಗೂ ಮೆಟಬಾಲಿಸಮ್‌ ಹೆಚ್ಚಿಸುವ ಆಹಾರವನ್ನು ಸೇವಿಸುತ್ತಾರೆ. ಇದು ಫಿಟ್ನೆಸ್ ಮತ್ತು ತೂಕ ನಿಯಂತ್ರಣಕ್ಕೆ ಸಹಾಯ ಮಾಡುತ್ತದೆ ಎಂದು ನಂಬುತ್ತಾರೆ.
ಒಂದೇ ಬಾರಿಗೆ ಜಾಸ್ತಿ ಆಹಾರ ಸೇವಿಸುವುದಿಲ್ಲ ಆಗಾಗ ಸಣ್ಣ ಪ್ರಮಾಣದಲ್ಲಿ ತಿನ್ನುತ್ತಾರೆ. ಒಂದು ದಿನವೂ ಫಿಸಿಕಲ್‌ ಆ್ಯಕ್ಟಿವಿಟಿ ತಪ್ಪಿಸದ ಅಕ್ಷಯ್ ಕುಮಾರ್ ವರ್ಕೌಟ್‌ ಮಿಸ್‌ ಮಾಡಿದಾಗ 15 ರಿಂದ 20 ನಿಮಿಷಗಳ ಬ್ರೀಸ್ಕ್‌ ವಾಕ್‌ ಮಾಡುತ್ತಾರೆ.
