ಈ ಸ್ಟಾರ್ ನಟನಿಗೆ ಮಾತ್ರ ಸಮಂತಾ 'ಗುರು' ಅಂತಾ ಕರೆಯೋದು: ಏನಿದು ಹೊಸ ಕತೆ!

ಸೌತ್ ಹಿರೋಯಿನ್‌ಗಳ ಪೈಕಿ ಸಮಂತಾ ಸ್ಟಾರ್ ಹೀರೋಯಿನ್. ಟಾಲಿವುಡ್‌ನಲ್ಲಿ ಮಹೇಶ್ ಬಾಬು, ಪವನ್ ಕಲ್ಯಾಣ್, ಎನ್‌ಟಿಆರ್, ರಾಮ್‌ಚರಣ್, ಅಲ್ಲು ಅರ್ಜುನ್ ಮುಂತಾದ ಸ್ಟಾರ್ ಹೀರೋಗಳ ಜೊತೆ ಸಮಂತಾ ನಟಿಸಿದ್ದಾರೆ. ಅನೇಕ ಸೂಪರ್ ಹಿಟ್ ಚಿತ್ರಗಳು ಅವರ ಖಾತೆಯಲ್ಲಿವೆ. ಈ ಕ್ರಮದಲ್ಲಿ ನಾಗ ಚೈತನ್ಯ ಅವರನ್ನು ಪ್ರೀತಿಸಿ ಮದುವೆಯಾದರು. ಅವರಿಬ್ಬರೂ ಮೂರು ವರ್ಷಗಳ ನಂತರ ಬೇರ್ಪಟ್ಟರು. 

ಸಮಂತಾ ಇನ್ನೂ ಕ್ರೇಜಿ ಹೀರೋಯಿನ್ ಆಗಿ ಮುಂದುವರೆದಿದ್ದಾರೆ. ಸಮಂತಾ ಅವರ ವೃತ್ತಿಜೀವನದಲ್ಲಿ ದೊಡ್ಡ ಹಿಟ್‌ಗಳಾದ ದುಕುಡು, ಅತ್ತಾರಿಂಟಿಕಿ ದಾರೇದಿ, ರಂಗಸ್ಥಳಂ ಮುಂತಾದ ಚಿತ್ರಗಳಿವೆ.  ಪವನ್ ಕಲ್ಯಾಣ್ ಅವರೊಂದಿಗೆ ನಟಿಸಿದ ಅತ್ತಾರಿಂಟಿಕಿ ದಾರೇದಿ ಚಿತ್ರವು ಇಂಡಸ್ಟ್ರಿ ಹಿಟ್ ಆಗಿತ್ತು. ಈ ಚಿತ್ರದಲ್ಲಿ ಪವನ್ ಅವರೊಂದಿಗೆ ಉತ್ತಮ ಭಾಂಧವ್ಯ ಬೆಳೆಯಿತು ಎಂದು ಸಮಂತಾ ಒಂದು ಸಂದರ್ಶನದಲ್ಲಿ ಹೇಳಿದ್ದಾರಲ್ಲದೇ ತುಂಬಾ ಮೋಜಿನಿಂದ ಕೂಡಿತ್ತು ಎಂದು ತಿಳಿಸಿದ್ದಾರೆ.

ಇನ್ನು ಈ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಫೋಟೋವೊಂದು ವೈರಲ್ ಆಯಿತು. ಸಮಂತಾ ಭಕ್ತೆಯಂತೆ ಕುಳಿತು ನಮಸ್ಕರಿಸುತ್ತಿದ್ದರೆ ಅವರನ್ನು ಪವನ್ ಕಲ್ಯಾಣ್ ತಮಾಷೆಯಾಗಿ ಆಶೀರ್ವದಿಸುತ್ತಿದ್ದಾರೆ. ಈ ಫೋಟೋಗೆ ಸಮಂತಾ ತಮಾಷೆಯಾಗಿ ಪ್ರತಿಕ್ರಿಯಿಸಿ ನಗುತ್ತಾ ಅವರು ನನ್ನ ಗುರುಗಳು ಎಂದು ಹೇಳಿದರು. ಆಗ ನಿರೂಪಕರು ಏಕೆ ಎಂದು ಕೇಳಿದರು. 

ಸ್ವಿಟ್ಜರ್ಲೆಂಡ್‌ನಲ್ಲಿ ಚಿತ್ರೀಕರಣ ನಡೆಯುತ್ತಿದ್ದಾಗ ತಮಾಷೆಯಾಗಿ ತೆಗೆದ ಫೋಟೋ ಅದು ಎಂದು ಸಮಂತಾ ಹೇಳಿದ್ದಾರೆ. ಪವನ್ ಕಲ್ಯಾಣ್ ಅವರು ನಟರಾಗದಿದ್ದರೆ ನನಗೆ ಗುರುಗಳಾಗಿ ಇರುತ್ತಿದ್ದರು ಎಂದು ಸಮಂತಾ ಹೇಳಿದ್ದಾರೆ. ಅವರು ಯಾರನ್ನಾದರೂ ಬೈಯ್ಯಬೇಕೆಂದರೂ ತುಂಬಾ ಗೌರವದಿಂದ ಬೈಯ್ಯುತ್ತಾರೆ ಎಂದು ಸಮಂತಾ ತಮಾಷೆಯಾಗಿ ಹೇಳಿದ್ದಾರೆ. 

ಸ್ವಿಟ್ಜರ್ಲೆಂಡ್‌ನ ಚಿತ್ರೀಕರಣದ ಸ್ಥಳದಲ್ಲಿ ಕುರ್ಚಿಗಳು ಇರಲಿಲ್ಲ. ಆದ್ದರಿಂದ ನಾನು ಪಕ್ಕದಲ್ಲಿ ಕುಳಿತೆ. ಅವರು ಅಲ್ಲಿಗೆ ಬಂದು ನಿಂತರು. ತಕ್ಷಣ ದೇವರೇ ಎಂದು ನಮಸ್ಕರಿಸಿದೆ. ಅವರು ಕೂಡ ತಮಾಷೆಯಾಗಿ ದೇವರಂತೆ ಫೋಸ್ ನೀಡಿದರು ಎಂದು ಸಮಂತಾ ಹೇಳಿದ್ದಾರೆ.