ಅಕ್ಕಿನೇನಿ ಹೊಸ ಸೊಸೆ ಫಿಕ್ಸ್..: ಇಂದು ಸಂಜೆಯೇ ಚೈತು, ಶೋಭಿತಾ ಧೂಲಿಪಾಲ ನಿಶ್ಚಿತಾರ್ಥ?

ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಬಗ್ಗೆ ಬಹಳ ದಿನಗಳಿಂದ ವದಂತಿಗಳಿವೆ. ಇವರಿಬ್ಬರೂ ಗಾಢವಾದ ಪ್ರೇಮದಲ್ಲಿದ್ದರು ಎಂದು ಸಾಕಷ್ಟು ಪ್ರಚಾರವಾಗಿತ್ತು. ಆದರೆ, ಚೈತು ಮತ್ತು ಸೋಭಿತಾ ಈ ವದಂತಿಗಳನ್ನು ಸ್ಪಷ್ಟವಾಗಿ ನಿರಾಕರಿಸಲಿಲ್ಲ. ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಲು ಅವರು ನಿರಾಕರಿಸಿದರು. ಇಬ್ಬರೂ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸುವ ಸಮಯ ಬಂದಿದೆ ಎಂಬ ಬಲವಾದ ವರದಿಗಳಿವೆ.

ಸಿನಿಮಾ ಇಂಡಸ್ಟ್ರಿ ಮತ್ತು ಮಾಧ್ಯಮಗಳಲ್ಲಿ ನಡೆಯುತ್ತಿರುವ ಪ್ರಚಾರದ ಪ್ರಕಾರ ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಲಿದ್ದಾರೆ. ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಅವರ ನಿಶ್ಚಿತಾರ್ಥ ಆಗಸ್ಟ್ 8 ಗುರುವಾರದಂದು ನಡೆಯಲಿದೆಯಂತೆ. ಈ ಖಾಸಗಿ ಕಾರ್ಯಕ್ರಮ ನಾಗ ಚೈತನ್ಯ ಅವರ ನಿವಾಸದಲ್ಲಿ ನಡೆಯಲಿದ್ದು, ಕುಟುಂಬ ಸದಸ್ಯರು ಮಾತ್ರ ಭಾಗವಹಿಸಲಿದ್ದಾರೆ.

ನಾಗ ಚೈತನ್ಯ 2017ರಲ್ಲಿ ಸಮಂತಾರನ್ನು ಪ್ರೀತಿಸಿ ಮದುವೆಯಾದರು. 3 ವರ್ಷಗಳ ಕಾಲ ನಡೆದ ಈ ಸಂಬಂಧ 2021ರಲ್ಲಿ ಮುರಿದುಬಿತ್ತು. ಭಿನ್ನಾಭಿಪ್ರಾಯಗಳಿಂದ ಇಬ್ಬರೂ ವಿಚ್ಛೇದನ ಪಡೆದರು. ಆ ನಂತರ ಕೆಲ ಕಾಲ ಚೈತು ಒಂಟಿಯಾಗಿದ್ದರು. ಶೋಭಿತಾ ಧೂಲಿಪಾಲ ಮತ್ತು ಚೈತು ಇದುವರೆಗೂ ಒಟ್ಟಿಗೆ ನಟಿಸಿಲ್ಲ. ಆದರೆ ಇಬ್ಬರೂ ಮುಂಬೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭೇಟಿಯಾಗಿದ್ದಾರೆ. ಹೀಗೆ ಪರಿಚಯವಾಗಿ, ಪ್ರೀತಿ ಬೆಳೆದು ಮದುವೆಯೂ ಆಗುತ್ತಿದ್ದಾರೆ.

ನಿಶ್ಚಿತಾರ್ಥದ ನಂತರ ನಾಗಾರ್ಜುನ ಅವರೇ ಈ ಬಗ್ಗೆ ಘೋಷಣೆ ಮಾಡಲಿದ್ದಾರಂತೆ. ಅದರ ನಂತರ, ಚೈತು ಮತ್ತು ಶೋಭಿತಾ ತಮ್ಮ ಸಂಬಂಧವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಧಿಕೃತವಾಗಿ ಘೋಷಿಸಲಿದ್ದಾರೆ. ಈಗ ನಿಶ್ಚಿತಾರ್ಥಕ್ಕೆ ಸಿದ್ಧತೆಗಳು ನಡೆಯುತ್ತಿವೆಯಂತೆ.

ಅದಾದ ನಂತರ ಇಬ್ಬರೂ ಮುಂಬೈನ ಹೋಟೆಲ್‌ನಲ್ಲಿ ಖಾಸಗಿಯಾಗಿ ಭೇಟಿಯಾಗಿದ್ದಾರೆ ಎಂದು ಬಾಲಿವುಡ್ ಮಾಧ್ಯಮಗಳಲ್ಲಿ ವರದಿಯಾಗಿದೆ. ಅದೇ ರೀತಿ ಇಬ್ಬರೂ ಒಟ್ಟಿಗೆ ಯುರೋಪ್ ಟೂರ್ ಹೋಗಿದ್ದಾರೆ ಎಂಬ ಸುದ್ದಿಯೂ ಹಬ್ಬಿತ್ತು. ಇವರಿಬ್ಬರೂ ರೆಸ್ಟೋರೆಂಟ್‌ನಲ್ಲಿ ಇರುವ ಫೋಟೋವೊಂದು ವೈರಲ್ ಆಗಿದೆ.

ಚೈತು ಮತ್ತು ಶೋಭಿತಾ ತಮ್ಮ ಸಂಬಂಧದ ಬಗ್ಗೆ ಸುಳಿವು ನೀಡುತ್ತಲೇ ಇರುತ್ತಾರೆ. ಚೈತು ಪೋಸ್ಟ್ ಮಾಡಿದ ರಜೆಯ ಚಿತ್ರಗಳು ವೈರಲ್ ಆಗಿವೆ. ಶೋಭಿತಾ ಕೂಡ ಅದೇ ಜಾಗದಲ್ಲಿದ್ದೇನೆ ಎಂಬ ಸುಳಿವು ನೀಡುವ ಕೆಲವು ಪೋಸ್ಟ್‌ಗಳನ್ನು ಮಾಡಿದ್ದಾರೆ. ಅದೇನೇ ಇರಲಿ, ನಾಗ ಚೈತನ್ಯ ಎರಡನೇ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಸಖತ್ತಾಗಿದೆ. ನಾಗ ಚೈತನ್ಯ ಅವರ ನಿಶ್ಚಿತಾರ್ಥದ ಸುದ್ದಿ ಬಂದ ತಕ್ಷಣ ಶೋಭಿತಾ ಅವರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ನೆಟಿಜನ್‌ಗಳು ಅಕ್ಕಿನೇನಿ ಅವರ ಹೊಸ ಸೊಸೆ ಎಂದು ಹೇಳುತ್ತಿರುವುದು ವೈರಲ್ ಆಗಿದೆ.