ಕೇವಲ 3.56 ಲಕ್ಷ ರೂಗೆ 34 ಕಿ.ಮಿ ಮೈಲೇಜ್, ಅಲ್ಟೋ ಟೂರ್ H1 ಕಾರು ಹೇಗಿದೆ?

ಆಟೋಮೊಬೈಲ್ ಕ್ಷೇತ್ರದಲ್ಲಿ ಹಲವು ಕಾರುಗಳಿವೆ, ಆದರೆ ಹೆಚ್ಚು ಮೈಲೇಜ್ ಕೊಡುವ ಕಾರುಗಳಿಗೆ ಬೇಡಿಕೆ ಹೆಚ್ಚು. ಮಾರುತಿ ಆಲ್ಟೊ 800 ಕೂಡ ಅಂತಹದ್ದೇ ಕಾರು. ಆದರೆ ಈಗ ಅದರ ಉತ್ಪಾದನೆ ನಿಂತಿದೆ. ಇದಕ್ಕೆ ಪ್ರಮುಖ ಕಾರಣ ಈ ಎಂಜಿನ್ ಬಿಎಸ್-6 ಮಾನದಂಡಗಳನ್ನು ಪೂರೈಸದಿರುವುದು. ಹಾಗಾಗಿ ಕಂಪನಿಯು ವಾಣಿಜ್ಯ ವಾಹನ ಟೂರ್ H1 ಅನ್ನು ಪರಿಚಯಿಸಿದೆ. ಇದು ಅಲ್ಟೋ ಕೆ10 ಆಧಾರಿತವಾಗಿದೆ.

ಪವರ್‌ಫುಲ್ ಎಂಜಿನ್ ಮತ್ತು ಮೈಲೇಜ್

ಆಲ್ಟೊ ಟೂರ್ H1 ಪೆಟ್ರೋಲ್ ಮತ್ತು ಸಿಎನ್‌ಜಿ ಎರಡೂ ಆಯ್ಕೆಗಳಲ್ಲಿ ಲಭ್ಯವಿದೆ. 1.0 ಲೀಟರ್ ನ್ಯಾಚುರಲ್ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಮತ್ತು ಡ್ಯುಯಲ್ ವಿವಿಟಿ ಪೆಟ್ರೋಲ್ ಎಂಜಿನ್ ಇದರಲ್ಲಿದೆ. ಪೆಟ್ರೋಲ್‌ನಲ್ಲಿ ಗರಿಷ್ಠ 66 bhp ಪವರ್ ಮತ್ತು 89 Nm ಟಾರ್ಕ್ ಉತ್ಪಾದಿಸುತ್ತದೆ.

ಸಿಎನ್‌ಜಿಯಲ್ಲಿ ಈ ಎಂಜಿನ್ 56 bhp ಪವರ್ ಮತ್ತು 82 Nm ಟಾರ್ಕ್ ಉತ್ಪಾದಿಸುತ್ತದೆ. ಪೆಟ್ರೋಲ್‌ನಲ್ಲಿ 22.05 ಕಿಮೀ/ಲೀ ಮತ್ತು ಸಿಎನ್‌ಜಿಯಲ್ಲಿ 34.46 ಕಿಮೀ/ಕೆಜಿ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಸ್ಟ್ಯಾಂಡರ್ಡ್ ಫೀಚರ್‌ಗಳು

ಆಲ್ಟೊ ಟೂರ್ H1 ಎಂಜಿನ್ ಇಮೊಬಿಲೈಸರ್, ಎಲೆಕ್ಟ್ರಾನಿಕ್ ಬ್ರೇಕ್ ಫೋರ್ಸ್ ಡಿಸ್ಟ್ರಿಬ್ಯೂಷನ್ ಜೊತೆಗೆ ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್, ಡ್ಯುಯಲ್ ಏರ್‌ಬ್ಯಾಗ್‌ಗಳು, ಪ್ರಿ-ಟೆನ್ಷನರ್, ಫೋರ್ಸ್ ಲಿಮಿಟೆಡ್ ಇರುವ ಮುಂಭಾಗದ ಸೀಟ್‌ಬೆಲ್ಟ್, ಸ್ಪೀಡ್ ಲಿಮಿಟ್ ಸಿಸ್ಟಮ್ ಮತ್ತು ರಿವರ್ಸ್ ಪಾರ್ಕಿಂಗ್ ಸೆನ್ಸರ್‌ಗಳಂತಹ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿದೆ.

ಕೈಗೆಟುಕುವ ಬೆಲೆ

ಆಲ್ಟೊ ಟೂರ್ H1 ಮೆಟಾಲಿಕ್ ಸಿಲ್ಕಿ ಸಿಲ್ವರ್, ಮೆಟಾಲಿಕ್ ಗ್ರಾನೈಟ್ ಗ್ರೇ ಮತ್ತು ಆರ್ಕ್ಟಿಕ್ ವೈಟ್ ಎಂಬ ಮೂರು ಬಣ್ಣಗಳಲ್ಲಿ ಲಭ್ಯವಿದೆ. ಇದರ ಬೆಲೆ 3.56 ಲಕ್ಷ ರೂಪಾಯಿ(ಎಕ್ಸ್ ಶೋ ರೂಂ) ವಿಶೇಷ ಅಂದರೆ ತೆರಿಗೆ, ರಿಜಿಸ್ಟ್ರೇಶನ್, ವಿಮೆ ಎಲ್ಲಾ ಸೇರಿ ಆನ್ ರೋಡ್ ಬೆಲೆ 4 ಲಕ್ಷ ರೂಪಾಯಿ. ಇನ್ನು ಟಾಪ್ ಮಾಡೆಲ್ ಬೆಲೆ 5.70 ಲಕ್ಷ ರೂಪಾಯಿ .