ಏಪ್ರಿಲ್ನಿಂದ ಹೊಸ ನಿಯಮ, ಈ ಎರಡು ದಿನ ಬ್ಯಾಂಕ್ ರಜೆ
ಆರ್ಬಿಐ ಹೊಸ ಮಾರ್ಗಸೂಚಿ, ಏಪ್ರಿಲ್ನಿಂದ ಹೊಸ ನಿಯಮ ಜಾರಿಯಾಗುತ್ತಿದೆ. ಈ ಎರಡು ದಿನ ಬ್ಯಾಂಕ್ ಬಂದ್, ಗ್ರಾಹಕರಿಗೆ ರಾತ್ರಿನೂ ವ್ಯವಹಾರ!
ವಾರದಲ್ಲಿ 6 ಬ್ಯಾಂಕ್ ಕಾರ್ಯನಿರ್ವಹಿಸುತ್ತೆ. ಎರಡನೇ ಶನಿವಾರ ಹಾಗೂ ನಾಲ್ಕನೇ ಶನಿವಾರ ಮಾತ್ರ 5 ದಿನ ಕಾರ್ಯನಿರ್ವಿಸುತ್ತದೆ. ಆದರೆ ಈ ನಿಯಮ ಬದಲಾಗುತ್ತಿದೆ. ಕಾರಣ ಕೇಂದ್ರ ಸರ್ಕಾರ ಇದೀಗ ನೌಕರರ ಬೇಡಿಕೆ ಒಪ್ಪಿಕೊಂಡಿದೆ. ಇದರ ಪರಿಣಾಮ ಬ್ಯಾಂಕ್ ನೌಕರರ ಕನಸು ನನಸಾಗೋ ಸಮಯ ಬಂದಿದೆ. ಬ್ಯಾಂಕ್ ನೌಕರರು ಮುಂದಿಟ್ಟ ರಜೆ ಬೇಡಿಕೆಯನ್ನು ಒಪ್ಪಿಕೊಂಡಿದೆ. ಹೀಗಾಗಿ ಇನ್ನು ವಾರಕ್ಕೆ ಎರಡು ದಿನ ಬ್ಯಾಂಕ್ ನೌಕರರಿಗೆ ರಜೆ ಸಿಗಲಿದೆ.
.
ಏಪ್ರಿಲ್ ತಿಂಗಳಿಂದ ವಾರಕ್ಕೆ 5 ದಿನ ಮಾತ್ರ ಬ್ಯಾಂಕ್ ತೆರೆದಿರತ್ತೆ. ಉಳಿದ ದಿನ ಬ್ಯಾಂಕ್ ಬಂದ್ ಇರತ್ತೆ. ಶನಿವಾರ ಯಾವುದೇ ವ್ಯವಹಾರ ಇರಲ್ಲ. ಸೋಮವಾರದಿಂದ ಶುಕ್ರವಾರದ ವರೆಗೆ ಮಾತ್ರ ಬ್ಯಾಂಕ್ ಕಾರ್ಯನಿರ್ವಹಿಸಲಿದೆ. ಕಾರ್ಪೋರೇಟ್ ಕಚೇರಿಗಳ ರೀತಿಯಲ್ಲಿ ಬ್ಯಾಂಕ್ 5 ದಿನ ಕೆಲಸ, 2 ದಿನ ರಜಾ ದಿನಗಳಾಗಿರುತ್ತದೆ.
ಶನಿವಾರ ಮತ್ತು ಭಾನುವಾರ 2 ದಿನ ರಜೆ ಬೇಕು ಅಂತ ಬ್ಯಾಂಕ್ ನೌಕರರು ಹಲವು ಬೇಡಿಕೆ ಮುಂದಿಟ್ಟಿದ್ದಾರೆ.. ಈ ಕುರಿತು ಪ್ರತಿಭಟನೆಗಳು, ಹೋರಾಟಗಳು ನಡೆದಿದೆ. ಆರ್ಬಿಐಗೂ ಹಲವು ಮನವಿ ಸಲ್ಲಿಸಿದ್ದರು. ಕೊನೆಗೂ ನೌಕರರ ಬೇಡಿಕೆಯಂತೆ ವಾರಕ್ಕೆ 2 ದಿನ ರಜಾ ದಿನವಾಗಿ ಘೋಷಿಸಲು ಸರ್ಕಾರ ಮುಂದಾಗಿದೆ.
ಎಪ್ರಿಲ್ ತಿಂಗಳಿನಿಂದ ಹೊಸ ನಿಯಮ ಜಾರಿಯಾಗುತ್ತಿದೆ. ಹೀಗಾಗಿ ಗ್ರಾಹಕರು ಬ್ಯಾಂಕ್ ಕೆಲಸಕ್ಕಾಗಿ ತೆರಳುವ ಮುನ್ನ ವಾರ ಯಾವುದು ಎಂದು ಗಮನದಲ್ಲಿರಲಿ. ಎಂದಿನಂತೆ ಶನಿವಾರ ಬ್ಯಾಂಕ್ ಕೆಲೆಸ ಕಾರ್ಯಗಳನ್ನು ಮುಗಸಿಕೊಳ್ಳುವ ಆಲೋಚನೆ ಇದ್ದರೆ, ಏಪ್ರಿಲ್ ತಿಂಗಳಿನಿಂದ ಸಾಧ್ಯವಾಗುವುದಿಲ್ಲ.
ಶನಿವಾರ ಬ್ಯಾಂಕ್ ಬಂದ್ ಇರೋದ್ರಿಂದ ಎರಡು ಶಿಫ್ಟ್ನಲ್ಲಿ ಬ್ಯಾಂಕ್ ತೆರೆಯೋಕೆ ಕೇಂದ್ರ ಸರ್ಕಾರ ಯೋಚನೆ ಮಾಡ್ತಿದೆ. ಅಂದ್ರೆ ಸಂಜೆ ಮೇಲೂ ವ್ಯವಹಾರ ಸಿಗುವ ಸಾಧ್ಯತೆ ಇದೆ. ಈ ಕುರತು ಚರ್ಚೆಗಳು ನಡೆಯುತ್ತಿದೆ. ಯಾವ ರೀತಿ ಶಿಫ್ಟ್ ಅನ್ನೋ ಕುರಿತು ಅಂತಿಮ ರೂಪುರೇಶೆ ಸಿದ್ದಗೊಳ್ಳಲಿದೆ.
ವಾರ ಪೂರ್ತಿ ಆಫೀಸ್ ಕೆಲಸದಲ್ಲಿ ತುಂಬಾ ಜನ ಬ್ಯುಸಿ ಇರ್ತಾರೆ. ಅದಕ್ಕೆ ಶನಿವಾರ ಒಂದೇ ದಿನ ಅವರಿಗೆ ವ್ಯವಹಾರ ಮಾಡೋಕೆ ಸರಿ ಇರೋ ದಿನ. ಅದಕ್ಕೆ ಗ್ರಾಹಕರನ್ನ ಗಮನದಲ್ಲಿ ಇಟ್ಕೊಂಡು ಸಂಜೆ ಮೇಲೂ ಬ್ಯಾಂಕ್ ತೆರೆಯೋಕೆ ಯೋಚನೆ ಮಾಡ್ತಿದೆ.ವಾರಕ್ಕೆ 2 ದಿನ ರಜೆ ಸಿಗಬೇಕಂದ್ರೆ ಉಳಿದ 5 ದಿನ ಬ್ಯಾಂಕ್ ನೌಕರರು ಜಾಸ್ತಿ ಕೆಲಸ ಮಾಡಬೇಕಾಗತ್ತೆ. ಅದಲ್ಲದೆ ಎರಡು ಶಿಫ್ಟ್ನಲ್ಲಿ ಕೆಲಸ ಇರಬಹುದು.
ಬೆಳಗ್ಗೆಯಿಂದ ಸಂಜೆ ಮತ್ತು ಮಧ್ಯಾಹ್ನದಿಂದ ರಾತ್ರಿ ಈ 2 ಶಿಫ್ಟ್ನಲ್ಲಿ ಕೆಲಸ ಮಾಡೋಕೆ ಕೇಂದ್ರ ಸರ್ಕಾರ ಪ್ರಸ್ತಾಪ ಕೊಡಬಹುದು. ಎಲ್ಲಾ ಸರಿ ಇದ್ರೆ ಏಪ್ರಿಲ್ ಇಂದ ಶನಿವಾರ ಮತ್ತು ಭಾನುವಾರ ಬ್ಯಾಂಕಲ್ಲಿ ಯಾವುದೇ ವ್ಯವಹಾರ ಇರಲ್ಲ.