ಶಾರುಖ್‌ ಖಾನ್ ಸಹನಟಿಯನ್ನು ರಹಸ್ಯವಾಗಿ ಮದುವೆಯಾದ ಖ್ಯಾತ ಉದ್ಯಮಿ ಈಗ ಕಿಂಗ್‌ಖಾನ್‌ ಬಿಸಿನೆಟ್‌ ಪಾರ್ಟ್‌ನರ್‌!

ಶಾರುಖ್ ಖಾನ್ ಹಲವಾರು ವ್ಯವಹಾರಗಳನ್ನು ಹೊಂದಿದ್ದಾರೆ ಮತ್ತು ಅನೇಕ ವ್ಯಾಪಾರ ಉದ್ಯಮಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ನಲ್ಲಿ ಶಾರುಖ್ ಖಾನ್ ಟಾಪ್‌ ಹೂಡಿಕೆಗಳಲ್ಲಿ ಒಂದಾಗಿದೆ.

KKR ತಂಡವು ಶಾರುಖ್ ಖಾನ್, ಅವರ ದರ್ರ್ ಸಹ-ನಟಿ ಜೂಹಿ ಚಾವ್ಲಾ ಮತ್ತು ಉದ್ಯಮಿಯಾಗಿರುವ ಅವರ ಪತಿ ಜಯ್ ಮೆಹ್ತಾ ಅವರ ಸಹ-ಮಾಲೀಕತ್ವವನ್ನು ಹೊಂದಿದೆ ಎಂಬುದು ಗಮನಾರ್ಹ ಸಂಗತಿ.

ಜಯ್ ಮೆಹ್ತಾ ಅವರು ಭಾರತದ ಪ್ರಮುಖ ಉದ್ಯಮಿಗಳಲ್ಲಿ ಒಬ್ಬರು ಮತ್ತು ಅವರು ಮೆಹ್ತಾ ಗ್ರೂಪ್ ಎಂಬ ಬಹುರಾಷ್ಟ್ರೀಯ ಕಂಪನಿಯನ್ನು ನಡೆಸುತ್ತಿದ್ದಾರೆ. ಮೆಹ್ತಾ ಗ್ರೂಪ್ ಆಫ್ರಿಕಾ, ಭಾರತ, ಕೆನಡಾ ಮತ್ತು ಯುನೈಟೆಡ್ ಸ್ಟೇಟ್ಸ್‌ನಾದ್ಯಂತ ತನ್ನ ಉದ್ಯಮವನ್ನು ವಿಸ್ತರಿಸಿದೆ.

ದಿ ಮೆಹ್ತಾ ಗ್ರೂಪ್‌ನ ಅಧಿಕೃತ ವೆಬ್‌ಸೈಟ್ ಪ್ರಕಾರ, ಕಂಪನಿಯು ಸುಮಾರು 4130 ಕೋಟಿ ರೂ  ಮೌಲ್ಯದ ಆಸ್ತಿಯನ್ನು ಹೊಂದಿದೆ. ಮೆಹ್ತಾ ಗ್ರೂಪ್ ಪ್ರಪಂಚದಾದ್ಯಂತ 15,000 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದೆ.

ಮೆಹ್ತಾ ಭಾರತದಲ್ಲಿ   ಇತರ ಎರಡು ಕಂಪನಿಗಳನ್ನು ಹೊಂದಿದ್ದಾರೆ. ಅವೆಂದರೆ ಸೌರಾಷ್ಟ್ರ ಸಿಮೆಂಟ್ ಲಿಮಿಟೆಡ್, ಮತ್ತು ಗುಜರಾತ್ ಸಿದ್ಧೀ ಸಿಮೆಂಟ್ ಲಿಮಿಟೆಡ್. 

ಜನವರಿ 18, 1961 ರಂದು ಜನಿಸಿದ ಜಯ್ ಮೆಹ್ತಾ ಅವರು ಮಹೇಂದ್ರ ಮೆಹ್ತಾ ಮತ್ತು ಸುನಯನಾ ಮೆಹ್ತಾ ಅವರ ಪುತ್ರ. ಜಯ್ ಮೆಹ್ತಾ ಅವರು ಕೊಲಂಬಿಯಾ ವಿಶ್ವವಿದ್ಯಾಲಯದಿಂದ ತಮ್ಮ ಪದವಿ ಪಡೆದಿದ್ದು,  ಸ್ವಿಟ್ಜರ್ಲೆಂಡ್‌ನ ಇಂಟರ್ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಡೆವಲಪ್‌ಮೆಂಟ್‌ನಿಂದ ಎಂಬಿಎ ಮಾಡಿದ್ದಾರೆ. 

ಜೈ ಮೆಹ್ತಾ 1995 ರಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ಜೂಹಿ ಚಾವ್ಲಾ ಅವರನ್ನು ರಹಸ್ಯವಾಗಿ ವಿವಾಹವಾದರು. ದಂಪತಿಗೆ ಜಾನ್ಹವಿ ಎಂಬ ಮಗಳು ಮತ್ತು ಅರ್ಜುನ್ ಎಂಬ ಮಗ ಇಬ್ಬರು ಮಕ್ಕಳಿದ್ದಾರೆ. ಜಾನ್ಹವಿ ಮೆಹ್ತಾ 2001 ರಲ್ಲಿ ಮತ್ತು ಅರ್ಜುನ್ ಮೆಹ್ತಾ 2003 ರಲ್ಲಿ ಜನಿಸಿದರು.