ಅಂತರರಾಷ್ಟ್ರೀಯ ಸೌಂದರ್ಯವರ್ಧಕ ಜತೆಗೆ ಇಟಾಲಿಯನ್ ಬ್ರ್ಯಾಂಡ್ ಸ್ವಾಧೀನಪಡಿಸಿಕೊಂಡ ಇಶಾ ಅಂಬಾನಿ!

ಇಶಾ ಅಂಬಾನಿ ನೇತೃತ್ವದ ರೂ 8,28,000 ಕೋಟಿ ರಿಲಯನ್ಸ್ ರಿಟೇಲ್ ಕಂಪೆನಿಯು ರಿಲಯನ್ಸ್ ಬ್ರಾಂಡ್‌ಗಳ ಅಡಿಯಲ್ಲಿ ಲೆನ್ಸ್‌ಕ್ರಾಫ್ಟ್ಸ್‌ನ ಭಾರತೀಯ ವ್ಯವಹಾರವನ್ನು ಸ್ವಾಧೀನಪಡಿಸಿಕೊಂಡಿದೆ. ಇದರ ಜೊತೆಗೆ  ಮಹತ್ವದ ಬೆಳವಣಿಗೆಯೊಂದರಲ್ಲಿ ಇಟಾಲಿಯನ್ ಬ್ಯೂಟಿ ಬ್ರ್ಯಾಂಡ್ ಕಿಕೊ ಮಿಲಾನೊ ಅನ್ನು ಭಾರತಕ್ಕೆ ತರುತ್ತಿದೆ ಎಂದು ವರದಿಯಾಗಿದೆ. 

ಪ್ರಸ್ತುತ ಇಟಾಲಿಯನ್ ಬ್ಯೂಟಿ ಬ್ರ್ಯಾಂಡ್ ಕಿಕೊ ಮಿಲಾನೊ ಅವರೊಂದಿಗೆ ಭಾರತದಲ್ಲಿ ತನ್ನ ಕಾರ್ಯಾಚರಣೆಗಳ ಸಂಭಾವ್ಯ ಸ್ವಾಧೀನಕ್ಕೆ ಸಂಬಂಧಿಸಿದಂತೆ ಅಂಬಾನಿ ಕಂಪೆನಿ ಚರ್ಚೆಯಲ್ಲಿ ತೊಡಗಿದೆ. ಈ ಕಾರ್ಯತಂತ್ರದ ಕ್ರಮವು ಸೌಂದರ್ಯ ಮಾರುಕಟ್ಟೆಯಲ್ಲಿ ರಿಲಯನ್ಸ್‌ನ ಹಿಡಿತವನ್ನು ಹೆಚ್ಚಿಸಲು ಮತ್ತು Nykaa ಮತ್ತು ಶಾಪರ್ಸ್ ಸ್ಟಾಪ್‌ನಂತಹ ಪ್ರಮುಖ ಕಂಪೆನಿಗಳಿಗೆ ಸ್ಪರ್ಧೆ ಒಡ್ಡಲಿದೆ. ಕಳೆದ ವರ್ಷ ನವೆಂಬರ್‌ನಲ್ಲಿ ರಿಲಯನ್ಸ್ ರೀಟೈಲ್‌  ಸೆಫೊರಾ ಬ್ಯೂಟಿ ವ್ಯಾಪಾರವನ್ನು 216 ಕೋಟಿ ರೂಪಾಯಿ ಮೌಲ್ಯಕ್ಕೆ ಖರೀದಿ ಮಾಡಿತ್ತು.

ಇಟಲಿಯ ಪರ್ಕಾಸಿ ಗ್ರೂಪ್ ಮತ್ತು ನವದೆಹಲಿ ಮೂಲದ DLF ಬ್ರಾಂಡ್‌ಗಳ ನಡುವಿನ 51:49 ಅನುಪಾತದಲ್ಲಿ ಭಾರತದ ಜಂಟಿ ಉದ್ಯಮವನ್ನು ಭದ್ರಪಡಿಸಿಕೊಳ್ಳಲು ಮಾತುಕತೆಗಳು ಪ್ರಗತಿಯಲ್ಲಿವೆ ಎಂದು ವರದಿ ತಿಳಿಸಿದೆ. ಈ ಜಂಟಿ ಉದ್ಯಮವು ಪ್ರಸ್ತುತ ಮುಂಬೈ, ದೆಹಲಿ, ಪುಣೆ, ಬೆಂಗಳೂರು ಮತ್ತು ನೋಯ್ಡಾದಲ್ಲಿ ಹರಡಿರುವ 8-10 ಕಿಕೊ ಮಿಲಾನೊ ಮಳಿಗೆಗಳನ್ನು ನಿಭಾಯಿಸಿ ನೋಡಿಕೊಳ್ಳಲಿದೆ. 

ರಿಲಯನ್ಸ್ ರಿಟೇಲ್ ನ ಸುಮಾರು 100 ಕೋಟಿ ರೂಪಾಯಿಗಳ ಸಂಭಾವ್ಯ ಒಪ್ಪಂದವು ಭಾರತದಲ್ಲಿ ಕಿಕೊ ಮಿಲಾನೊ ಬ್ರ್ಯಾಂಡ್‌ನ ಫ್ರ್ಯಾಂಚೈಸ್ ಹಕ್ಕುಗಳನ್ನು ಒಳಗೊಳ್ಳಬಹುದು.  ಭಾರತದಲ್ಲಿ ಬೆಳೆಯುತ್ತಿರುವ ಬ್ಯೂಟಿ ಮತ್ತು ಪರ್ಸನಲ್ ಕೇರ್ (BPC) ಮಾರುಕಟ್ಟೆಗೆ ಟ್ಯಾಪ್ ಮಾಡಲು ರಿಲಯನ್ಸ್ ರಿಟೇಲ್ ತನ್ನ ಸೌಂದರ್ಯ ಚಿಲ್ಲರೆ ಬ್ರ್ಯಾಂಡ್‌ಗಳ ಪೋರ್ಟ್‌ಫೋಲಿಯೊವನ್ನು ಕಾರ್ಯತಂತ್ರವಾಗಿ ವಿಸ್ತರಿಸುತ್ತಿದೆ. ಕಂಪನಿಯು ಈಗಾಗಲೇ ಸೌಂದರ್ಯ ಕ್ಷೇತ್ರಕ್ಕೆ ಕಾಲಿಟ್ಟಿದೆ Tira, ಪ್ರೀಮಿಯಂ ಆಫ್‌ಲೈನ್ ಮತ್ತು ಆನ್‌ಲೈನ್ ಸೌಂದರ್ಯ ತಾಣವಾಗಿದ್ದು, Blushlace ಜೊತೆಗೆ, ಮೌಲ್ಯ-ಕೇಂದ್ರಿತ ಸೌಂದರ್ಯ ಮತ್ತು ಒಳಉಡುಪು ಉತ್ಪನ್ನಗಳೊಂದಿಗೆ ಪ್ರತಿಷ್ಠಿತ ನಗರಗಳಿಗೆ ಕಾಲಿಟ್ಟಿದೆ.

ಕಿಕೊ ಮಿಲಾನೊ ಒಂದು ಗೌರವಾನ್ವಿತ ಇಟಾಲಿಯನ್ ಸೌಂದರ್ಯ ಬ್ರಾಂಡ್ ಆಗಿದೆ ಮತ್ತು ಸೌಂದರ್ಯವರ್ಧಕಗಳ ಜಗತ್ತಿನಲ್ಲಿ ಸೊಬಗು ಮತ್ತು ಉತ್ಕೃಷ್ಟತೆಯನ್ನು ಸಾರುವುದಕ್ಕಾಗಿ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ. ಉತ್ತಮ ಗುಣಮಟ್ಟದ ಉತ್ಪನ್ನಗಗಳಿಗೆ ಹೆಸರುವಾಸಿಯಾದ ಕಿಕೊ ಮಿಲಾನೊ ಜಾಗತಿಕ ಸೌಂದರ್ಯ ಉದ್ಯಮದಲ್ಲಿ ಮುಂಚೂಣಿಯಲ್ಲಿದೆ. ವೈವಿಧ್ಯಮಯ ಮೇಕ್ಅಪ್, ತ್ವಚೆ ಮತ್ತು ಪರಿಕರಗಳೊಂದಿಗೆ, ಕಿಕೊ ಮಿಲಾನೊ ವಿಶ್ವಾದ್ಯಂತ ಸೌಂದರ್ಯ ಉತ್ಸಾಹಿಗಳು ಇಷ್ಟಪಡುವ ಬ್ರಾಂಡ್ ಆಗಿದೆ.

ಇನ್ನು ಭಾರತೀಯ ಚಿಲ್ಲರೆ ವ್ಯಾಪಾರಗಳ ವರದಿಯ ಪ್ರಕಾರ, ಇಶಾ ಅಂಬಾನಿಯವರ ಬ್ರ್ಯಾಂಡ್ DLF ಬ್ರಾಂಡ್‌ಗಳಿಂದ LensCrafter ಅನ್ನು ಖರೀದಿಸಿದೆ. ಇದು ಫ್ರಾಂಚೈಸಿ ಒಪ್ಪಂದದ ಅಡಿಯಲ್ಲಿ ಭಾರತದಲ್ಲಿ LenCrafters-ಬ್ರಾಂಡ್ ಮಳಿಗೆಗಳ ಸರಣಿಯನ್ನು ನಡೆಸುತ್ತಿದೆ.  LensCrafters ಇಟಾಲಿಯನ್ ದೈತ್ಯ Luxottica ಗ್ರೂಪ್ ಒಡೆತನದ ಪ್ರಿಸ್ಕ್ರಿಪ್ಷನ್ ಕನ್ನಡಕ ಕಂಪನಿಯಾಗಿದೆ. ಕಂಪನಿಯು ಇತ್ತೀಚೆಗೆ ತನ್ನ ಮೊದಲ ಭಾರತೀಯ ಮಳಿಗೆಯನ್ನು DLF ಮಾಲ್ ಆಫ್ ಇಂಡಿಯಾದಲ್ಲಿ ತೆರೆಯಿತು, ಅಲ್ಲಿ ಅದು ರೇ-ಬಾನ್, ಓಕ್ಲೆ, ವರ್ಸೇಸ್, ಕೋಚ್, ಮೈಕೆಲ್ ಕಾರ್ಸ್ ಮತ್ತು ಪ್ರಾಡಾ ಸೇರಿದಂತೆ ಹಲವಾರು ಬ್ರಾಂಡ್‌ಗಳನ್ನು ಮಾರಾಟ ಮಾಡುತ್ತದೆ.

ಆಶ್ಚರ್ಯಕರವಾಗಿ, DLF ಬ್ರಾಂಡ್‌ಗಳಿಂದ ರಿಲಯನ್ಸ್ ಬ್ರಾಂಡ್‌ಗಳು ಸ್ವಾಧೀನಪಡಿಸಿಕೊಂಡಿರುವ ಎರಡನೇ ಲುಕ್ಸೋಟಿಕಾ ಒಡೆತನದ ಕನ್ನಡಕ ಬ್ರಾಂಡ್ ಆಗಿದೆ. ಇಶಾ ಅಂಬಾನಿಯವರ ಕಂಪನಿಯು 2022 ರಲ್ಲಿ ಸನ್‌ಗ್ಲಾಸ್ ಹಟ್ ಅನ್ನು ಮೊದಲ ಬಾರಿಗೆ ಖರೀದಿಸಿತು. ಸನ್‌ಗ್ಲಾಸ್ ಹಟ್ ಪ್ರೀಮಿಯಂ ಮಲ್ಟಿ-ಬ್ರಾಂಡ್ ಉದ್ಯಮವಾಗಿದ್ದು, ರೇ-ಬಾನ್, ಪ್ರಾಡಾ, ಬರ್ಬೆರ್ರಿ, ಡೋಲ್ಸ್ & ಗಬ್ಬಾನಾ, ಓಕ್ಲೆ ಮತ್ತು ಇತರರಿಂದ ಹಲವಾರು ಕನ್ನಡಕ ಉತ್ಪನ್ನಗಳನ್ನು ಮಾರಾಟ ಮಾಡುತ್ತದೆ.

ರಿಲಯನ್ಸ್ ರೀಟೇಲ್  IPO (ಆರಂಭಿಕ ಸಾರ್ವಜನಿಕ ಕೊಡುಗೆ) ಕಡೆಗೆ ಸಾಗುತ್ತಿರುವಂತೆ, ಇದು ಶ್ರೇಣಿ 1 ಮತ್ತು ಶ್ರೇಣಿ 2 ನಗರಗಳಲ್ಲಿ ತನ್ನ ಅಸ್ತಿತ್ವವನ್ನು ವೇಗವಾಗಿ ಹೆಚ್ಚಿಸಲು ಎದುರು ನೋಡುತ್ತಿದೆ. ಇಶಾ ಅಂಬಾನಿ ಅವರನ್ನು ಆಗಸ್ಟ್ 2022 ರಲ್ಲಿ ಮುಖೇಶ್ ಅಂಬಾನಿ ರಿಲಯನ್ಸ್ ರಿಟೇಲ್‌ನ ನಾಯಕಿ ಎಂದು ಹೆಸರಿಸಿದ್ದಾರೆ. ರಿಲಯನ್ಸ್ ರಿಟೇಲ್ ಪ್ರಸ್ತುತ 2.5 ಲಕ್ಷ ಉದ್ಯೋಗಿಗಳನ್ನು ಹೊಂದಿದೆ. 

Isha ambani

ಜಿಮ್ಮಿ ಚೂ, ಜಾರ್ಜಿಯೊ ಅರ್ಮಾನಿ, ಹ್ಯೂಗೋ ಬಾಸ್, ವರ್ಸೇಸ್, ಮೈಕೆಲ್ ಕಾರ್ಸ್, ಬ್ರೂಕ್ಸ್ ಬ್ರದರ್ಸ್, ಅರ್ಮಾನಿ ಎಕ್ಸ್‌ಚೇಂಜ್, ಬರ್ಬೆರಿ ಮತ್ತು ಇತರ ಅನೇಕ ಜಾಗತಿಕ ಬ್ರ್ಯಾಂಡ್‌ಗಳು ರಿಲಯನ್ಸ್ ರಿಟೇಲ್ ಪಾಲುದಾರ ಬ್ರಾಂಡ್‌ನಂತೆ ಭಾರತದಲ್ಲಿ ಲಭ್ಯವಿದೆ. 78 ಕೋಟಿ ಸ್ಟೋರ್‌ ಫುಲ್‌ಫಾಲ್‌ ಮತ್ತು 100 ಕೋಟಿಗೂ ಹೆಚ್ಚು ವಹಿವಾಟುಗಳೊಂದಿಗೆ, ರಿಲಯನ್ಸ್ ರಿಟೇಲ್ ವಿಶ್ವದ ಅತಿ ಹೆಚ್ಚು ಭೇಟಿ ನೀಡಿದ ಟಾಪ್ 10 ಚಿಲ್ಲರೆ ವ್ಯಾಪಾರಿಗಳಲ್ಲಿ ಒಂದಾಗಿದೆ ಮತ್ತು ಜಾಗತಿಕ ಟಾಪ್ 100 ಪಟ್ಟಿಯಲ್ಲಿನ ಏಕೈಕ ಭಾರತೀಯ ಚಿಲ್ಲರೆ ವ್ಯಾಪಾರಿಯಾಗಿದೆ.