UPI ಮೂಲಕ ವಹಿವಾಟು ಮಾಡುವವರಿಗೆ RBIನಿಂದ ದೀಪಾವಳಿ ಉಡುಗೊರೆ!

ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) UPI 123Pay ಮತ್ತು UPI Lite ವಹಿವಾಟುಗಳ ಮಿತಿಯನ್ನು ಹೆಚ್ಚಿಸುವುದಾಗಿ ಘೋಷಿಸಿದೆ. UPI 123Pay ಮೂಲಕ ಒಂದು ವಹಿವಾಟಿಗೆ ರೂ.5,000 ರಿಂದ ರೂ.10,000 ಕ್ಕೆ ಏರಿಸಲಾಗಿದೆ. UPI Lite ವ್ಯಾಲೆಟ್‌ನಲ್ಲಿ ಈ ಮಿತಿಯನ್ನು ರೂ.2,000 ರಿಂದ ರೂ.5,000 ಕ್ಕೆ ಹೆಚ್ಚಿಸಲಾಗಿದೆ.

ಈ ಬದಲಾವಣೆಗಳ ಮೂಲಕ ಡಿಜಿಟಲ್ ಪಾವತಿಗಳು ಇನ್ನಷ್ಟು ಸುಲಭವಾಗಲಿದೆ ಎಂದು RBI ಹೇಳಿದೆ. UPI ಬಳಕೆಯನ್ನು ಮತ್ತಷ್ಟು ಉತ್ತೇಜಿಸಲು, ಇನ್ನೂ ಎರಡು ಪ್ರಮುಖ ನವೀಕರಣಗಳನ್ನು ಘೋಷಿಸಲಾಗಿದೆ. 

(i) UPI123Pay ಗಾಗಿ ಒಂದು ವಹಿವಾಟಿನ ಮಿತಿಯನ್ನು ರೂ.5,000 ರಿಂದ ರೂ.10,000 ಕ್ಕೆ ಹೆಚ್ಚಿಸಲಾಗುವುದು. (ii) UPI ಲೈಟ್ ವ್ಯಾಲೆಟ್ ಮಿತಿಯನ್ನು ರೂ.2,000 ರಿಂದ ರೂ.5,000 ಕ್ಕೆ ಹೆಚ್ಚಿಸಲಾಗಿದೆ. ಒಂದು ವಹಿವಾಟಿಗೆ ಮಿತಿ ರೂ.500 ರಿಂದ ರೂ.1,000 ಆಗಿರುತ್ತದೆ” ಎಂದು RBI ಗವರ್ನರ್ ಶಕ್ತಿಕಾಂತ ದಾಸ್ ಹೇಳಿದ್ದಾರೆ.

UPI ಮಿತಿಗಳು ಹೆಚ್ಚಿರುವುದರಿಂದ ಹೆಚ್ಚಿನ ಮೌಲ್ಯದ ವಹಿವಾಟುಗಳ ಸಂಖ್ಯೆ ಹೆಚ್ಚಾಗಬಹುದು. ಇದು ನಗದು ಬಳಕೆಯನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ ಎಂದು ತಜ್ಞರು ಅಂದಾಜಿಸಿದ್ದಾರೆ. UPI ಲೈಟ್ ವ್ಯಾಲೆಟ್, ಈಗ ರೂ.5,000 ಮಿತಿಯನ್ನು ಹೊಂದಿದೆ. ಒಂದು ವಹಿವಾಟಿಗೆ ಮಿತಿ ರೂ.1,000 ಆಗಿದೆ. ಕಡಿಮೆ ಮೌಲ್ಯದ ಆಫ್‌ಲೈನ್ ಡಿಜಿಟಲ್ ವಹಿವಾಟುಗಳನ್ನು ಇದು ಉತ್ತೇಜಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.

UPI 123Pay ಭಾರತದಲ್ಲಿ ಸ್ಮಾರ್ಟ್‌ಫೋನ್  ಬಳಸದ ಸಾಮಾನ್ಯ ಫೋನ್‌ಗಳನ್ನು ಬಳಸುವ ಗ್ರಾಹಕರಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಇದರ ಮೂಲಕ ಅವರು ಸ್ಮಾರ್ಟ್‌ಫೋನ್ ಅಥವಾ ಇಂಟರ್ನೆಟ್ ಸಂಪರ್ಕವಿಲ್ಲದೆ, ಯುಪಿಐ ಪಾವತಿಸ ಮಾಡಬಹುದು. *99# ಗೆ ಡಯಲ್ ಮಾಡಿ, ಬ್ಯಾಂಕ್ ಆಯ್ಕೆ ಮಾಡಿ, ಡೆಬಿಟ್ ಕಾರ್ಡ್ ವಿವರಗಳನ್ನು ನಮೂದಿಸಿ, UPI 123Pay ಪಾವತಿ ಸೆಟ್ಟಿಂಗ್ ಹೊಂದಿಸಬೇಕು. ಇದರ ಮೂಲಕ UPI ಪಿನ್, ಇಂಟರ್ನೆಟ್ ಸಂಪರ್ಕವಿಲ್ಲದಿದ್ದರೂ ಸುರಕ್ಷಿತ ವಹಿವಾಟುಗಳನ್ನು ಮಾಡಬಹುದು.