ಕೇವಲ 55 ರೂ. ಪಾವತಿಸಿ ಪ್ರತಿ ತಿಂಗಳು ಪಡೆಯಿರಿ ₹3,000 ಪಿಂಚಣಿ; ಸರ್ಕಾರದಿಂದ ಸೂಪರ್ ಯೋಜನೆ!
60 ವರ್ಷದಲ್ಲಿ ರಿಟೈರ್ ಆದ್ಮೇಲೆ ಜೀವನ ನಡೆಸೋಕೆ ಪಿಂಚಣಿ ಬೇಕಲ್ವಾ? ಹಾಗಾದ್ರೆ ತಿಂಗಳಿಗೆ 55 ರೂಪಾಯಿ ಪಾವತಿಸಿ ತಿಂಗಳಿಗೆ 3 ಸಾವಿರ ರೂಪಾಯಿ ಪಿಂಚಣಿ ಯೋಜನೆಯನ್ನು ಕೇಂದ್ರ ಸರ್ಕಾರ ನೀಡುತ್ತಿದೆ.
Senior Citizens Pension Scheme
60 ವರ್ಷದಲ್ಲಿ ರಿಟೈರ್ ಆದ್ಮೇಲೆ ಜೀವನ ನಡೆಸೋಕೆ ಪಿಂಚಣಿ ಬೇಕಲ್ವಾ? ಆದ್ರೆ ಪಿಂಚಣಿ ಹಣ ಸಾಕಾಗ್ತಿಲ್ಲ ಅಂದ್ರೆ ಚಿಂತೆ ಬೇಡ. ವಯಸ್ಸಾದವರಿಗೆ ಸಹಾಯ ಮಾಡೋಕೆ ಸರ್ಕಾರದಿಂದ ಪ್ರಧಾನ ಮಂತ್ರಿ ಶ್ರಮ ಯೋಗಿ ಮಾನ್ಧನ್ ಯೋಜನೆ ಇದೆ.
ಪ್ರಧಾನ ಮಂತ್ರಿ ಶ್ರಮ ಯೋಗಿ ಮಾನ್ಧನ್ ಯೋಜನೆ
ಅಸಂಘಟಿತ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಪಿಂಚಣಿ ಸಿಗುತ್ತೆ. 60 ವರ್ಷ ದಾಟಿದ ಮೇಲೆ ತಿಂಗಳಿಗೆ ಒಂದಿಷ್ಟು ಹಣ ಸಿಗುತ್ತೆ. ದಿನಗೂಲಿ ನೌಕರರು, ರಿಕ್ಷಾ ಚಾಲಕರು, ಕಟ್ಟಡ ಕಾರ್ಮಿಕರು, ರೈತರು, ಮನೆಗೆಲಸದವರು, ಬೀಡಿ ಕಾರ್ಮಿಕರು ಈ ಯೋಜನೆಗೆ ಸೇರಬಹುದು.
₹55 ಕೊಟ್ರೆ ₹3,000 ಸಿಗುತ್ತೆ
18 ರಿಂದ 40 ವರ್ಷದೊಳಗಿನವರು ಈ ಯೋಜನೆಗೆ ಸೇರಬಹುದು. 18 ವರ್ಷದವರು ತಿಂಗಳಿಗೆ ₹55, 29 ವರ್ಷದವರು ₹100, 40 ವರ್ಷದವರು ₹200 ಕಟ್ಟಬೇಕು. ನೀವು ಕಟ್ಟೋ ಅಷ್ಟೇ ಹಣವನ್ನು ಸರ್ಕಾರ ಕೂಡ ಕಟ್ಟುತ್ತೆ.
ತಿಂಗಳಿಗೆ ₹15,000 ಅಥವಾ ಅದಕ್ಕಿಂತ ಕಡಿಮೆ ಸಂಬಳ ಇರೋರು ಮಾತ್ರ ಈ ಯೋಜನೆಗೆ ಸೇರಬಹುದು. ಈಗಾಗಲೇ ಇನ್ಯಾವುದಾದರೂ ಪಿಂಚಣಿ ಯೋಜನೆಯಲ್ಲಿ ಇದ್ರೆ ಇದಕ್ಕೆ ಸೇರೋಕೆ ಆಗಲ್ಲ.
ಹೇಗೆ ಅರ್ಜಿ ಹಾಕೋದು?
ಸಾಮಾನ್ಯ ಸೇವಾ ಕೇಂದ್ರಕ್ಕೆ (CSC) ಹೋಗಿ ಆಧಾರ್ ಕಾರ್ಡ್ ಮತ್ತು ಬ್ಯಾಂಕ್ ಪಾಸ್ಬುಕ್ ತಗೊಂಡು ಹೋಗಿ ಅರ್ಜಿ ಹಾಕಬಹುದು. https://maandhan.in/ ವೆಬ್ಸೈಟ್ನಲ್ಲಿ ಆನ್ಲೈನ್ನಲ್ಲೂ ಅರ್ಜಿ ಹಾಕಬಹುದು. ಆಧಾರ್, ಬ್ಯಾಂಕ್ ಖಾತೆ, ಮೊಬೈಲ್ ನಂಬರ್ ಕಡ್ಡಾಯ.
ಸರ್ಕಾರಿ ಯೋಜನೆಯ ಲಾಭಗಳು
60 ವರ್ಷ ದಾಟಿದ ಮೇಲೆ ತಿಂಗಳಿಗೆ ₹3,000 ಪಿಂಚಣಿ ಸಿಗುತ್ತೆ. ಯೋಜನೆಗೆ ಸೇರಿದವರು ತೀರಿಕೊಂಡ್ರೆ ಅವರ ಹೆಂಡತಿ ಅಥವಾ ಗಂಡನಿಗೆ ₹1,500 ಪಿಂಚಣಿ ಸಿಗುತ್ತೆ. ಕಡಿಮೆ ಹಣ ಹೂಡಿಕೆ ಮಾಡಿ ಒಳ್ಳೆ ಲಾಭ ಪಡೆಯಬಹುದು.