7 ಸೀಟರ್ ಕಾರ್‌ನ ಮೇಲೆ Volkswagen ಭರ್ಜರಿ 2.40 ಲಕ್ಷ ರೂಪಾಯಿ ಆಫರ್
ಜನಪ್ರಿಯ ಮಿಡ್‌ರೇಂಜ್ ಎಸ್‌ಯುವಿ ಕಾರಿನ ಮೇಲೆ ₹2.40 ಲಕ್ಷದವರೆಗೆ ಡಿಸ್ಕೌಂಟ್ ಸಿಗುತ್ತಿರೋದು ಕಾರು ಪ್ರಿಯರಿಗೆ ಖುಷಿ ತಂದಿದೆ.
)
FollowVolkswagen Tiguan ಕಾರು
ಮಿಡ್‌ಸೈಜ್ ಎಸ್‌ಯುವಿಗಳಿಗೆ ಭಾರತದಲ್ಲಿ ಬೇಡಿಕೆ ಹೆಚ್ಚುತ್ತಿದೆ. ಹೊಸ ಮಿಡ್‌ಸೈಜ್ ಎಸ್‌ಯುವಿ ಖರೀದಿಸಲು ಯೋಜಿಸುತ್ತಿದ್ದರೆ ನಿಮಗೊಂದು ಗುಡ್ ನ್ಯೂಸ್. ಜರ್ಮನಿಯ ವಾಹನ ತಯಾರಕ ಕಂಪನಿ Volkswagen ತನ್ನ ಜನಪ್ರಿಯ Tiguan ಎಸ್‌ಯುವಿ ಮೇಲೆ ನವೆಂಬರ್‌ನಲ್ಲಿ ಭರ್ಜರಿ ಡಿಸ್ಕೌಂಟ್ ನೀಡುತ್ತಿದೆ. ನವೆಂಬರ್ 2024 ರಲ್ಲಿ Volkswagen Tiguan ಖರೀದಿಸಿದರೆ ಗ್ರಾಹಕರು ಗರಿಷ್ಠ ₹2.40 ಲಕ್ಷ ಉಳಿಸಬಹುದು. ಈ ಆಫರ್‌ನಲ್ಲಿ ಕ್ಯಾಶ್ ಡಿಸ್ಕೌಂಟ್, ಎಕ್ಸ್‌ಚೇಂಜ್ ಬೋನಸ್ ಮತ್ತು ಕಾರ್ಪೊರೇಟ್ ಡಿಸ್ಕೌಂಟ್ ಸೇರಿವೆ ಎಂದು ಆಟೋ ಕಾರ್ ಇಂಡಿಯಾ ವರದಿ ಮಾಡಿದೆ.
)
Volkswagen Tiguan ಎಂಜಿನ್
Volkswagen Tiguan ಕಾರು 2.0 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಹೊಂದಿದೆ. ಈ ಎಂಜಿನ್ 190 bhp ಪವರ್ ಮತ್ತು 320 Nm ಟಾರ್ಕ್ ಉತ್ಪಾದಿಸುತ್ತದೆ. ಇದು 7-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ ಜೊತೆಗೆ ಬರುತ್ತದೆ. ಇದು ಆಲ್ ವೀಲ್ ಡ್ರೈವ್ ಸಿಸ್ಟಮ್ ಹೊಂದಿದೆ. Volkswagen Tiguan ಲೀಟರಿಗೆ 13.54 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿದೆ.
Volkswagen Tiguan ಒಳಭಾಗ
ಒಳಭಾಗದಲ್ಲಿ, ಎಂಟು ಇಂಚಿನ ಟಚ್‌ಸ್ಕ್ರೀನ್, ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ, ಆಪಲ್ ಕಾರ್‌ಪ್ಲೇ ಕನೆಕ್ಟಿವಿಟಿ, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಪನೋರಮಿಕ್ ಸನ್‌ರೂಫ್, ಕನೆಕ್ಟೆಡ್ ಕಾರ್ ತಂತ್ರಜ್ಞಾನ, ಕ್ಲೈಮೇಟ್ ಕಂಟ್ರೋಲ್ ಮತ್ತು ಪವರ್ ಅಡ್ಜಸ್ಟ್ ಮಾಡಬಹುದಾದ ಡ್ರೈವರ್ ಸೀಟ್ ಮತ್ತು 30 ಕಲರ್ ಆ್ಯಂಬಿಯೆಂಟ್ ಲೈಟಿಂಗ್ ಇದೆ.
Volkswagen Tiguan ಸುರಕ್ಷತೆ
ಸುರಕ್ಷತೆಗಾಗಿ, ಎಸ್‌ಯುವಿಯಲ್ಲಿ 6-ಏರ್‌ಬ್ಯಾಗ್‌ಗಳು, ಟೈರ್ ಪ್ರೆಷರ್ ಮಾನಿಟರಿಂಗ್ ಸಿಸ್ಟಮ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ರಿಯರ್ ವ್ಯೂ ಕ್ಯಾಮೆರಾಗಳಿವೆ. Volkswagen Tiguan ಕುಟುಂಬ ಸುರಕ್ಷತೆಗಾಗಿ ಗ್ಲೋಬಲ್ NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ 5 ಸ್ಟಾರ್ ರೇಟಿಂಗ್ ಪಡೆದಿದೆ. 7 ಸೀಟರ್ Volkswagen Tiguan ಏಳು ಬಣ್ಣಗಳಲ್ಲಿ ಲಭ್ಯವಿದೆ. ಭಾರತದಲ್ಲಿ ಎಸ್‌ಯುವಿಯ ಎಕ್ಸ್‌ಶೋರೂಂ ಬೆಲೆ ₹35.17 ಲಕ್ಷ.
ಹೊಸ Volkswagen Tiguan
ಇತ್ತೀಚೆಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೊಸ Volkswagen Tiguan ಬಿಡುಗಡೆಯಾಗಿದೆ. ಇದು Tiguan ಎಸ್‌ಯುವಿಯ ಮೂರನೇ ತಲೆಮಾರಿನ ಮಾದರಿ. ಇದು ಅಪ್‌ಗ್ರೇಡ್ ಆದ ಒಳಾಂಗಣ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ಹೊಸ ವಿನ್ಯಾಸವನ್ನು ಪಡೆಯುತ್ತದೆ. ಹೊಸ ಆವೃತ್ತಿ ವೃತ್ತಾಕಾರದ ವಿನ್ಯಾಸದ ಪ್ರೊಫೈಲ್‌ನೊಂದಿಗೆ ಬರುತ್ತದೆ.
