ಮಾರುತಿ ಸುಜುಕಿಯ ಮೇಡ್‌ ಇನ್‌ ಇಂಡಿಯಾ ಕಾರ್‌ಗೆ ಜಪಾನ್‌ನಲ್ಲೂ ಭಾರೀ ಬೇಡಿಕೆ, 1600 ಕಾರ್‌ ರಫ್ತು ಮಾಡಿದ ಕಂಪನಿ!

ದೇಶದ ಪ್ರಮುಖ ಉತ್ಪಾದನಾ ಕಂಪನಿ ಮಾರುತಿ ಸುಜುಕಿ ತನ್ನ ಮೇಡ್ ಇನ್ ಇಂಡಿಯಾ ಕಾರ್ ಫ್ರಾಂಕ್ಸ್ ಅನ್ನು ರಫ್ತು ಮಾಡಲು ಪ್ರಾರಂಭಿಸಿದೆ. ಕಂಪನಿಯು ಕಳೆದ ವರ್ಷ ಏಪ್ರಿಲ್‌ನಲ್ಲಿ ಈ ಕಾರನ್ನು ಬಿಡುಗಡೆ ಮಾಡಿತು.
 

ಈಗಾಗಲೇ ಜನರಿಂದ ಅಪಾರ ಮೆಚ್ಚುಗೆಯನ್ನು ಈ ಕಾರ್‌ ಪಡೆದುಕೊಂಡಿದೆ. ಮಾರುತಿ ಫ್ರಾಂಕ್ಸ್ ರಫ್ತು ಮಾಡಲಾಗುವ ಮೊದಲ ಕಾರು ಎನ್ನುವುದು ವಿಶೇಷವಾಗಿದೆ.

ಇದು ಮೇಡ್ ಇನ್ ಇಂಡಿಯಾ ಕಾರ್ ಆಗಿದ್ದು, ಜಪಾನ್‌ನಲ್ಲಿ ಮೊದಲ ಬಾರಿಗೆ ಬಿಡುಗಡೆ ಮಾಡಲಾಗುತ್ತಿದೆ. ಕಂಪನಿಯು ಈ ಕಾರನ್ನು ಭಾರತದಿಂದ ಜಪಾನ್‌ಗೆ ರಫ್ತು ಮಾಡಲಿದೆ.
 

ಈ ಕಾರುಗಳನ್ನು ಕಂಪನಿಯ ಗುಜರಾತ್ ಪ್ಲ್ಯಾಂಟ್‌ನಲ್ಲಿ ತಯಾರಿಸಲಾಗುತ್ತಿದೆ.  1600 ಯುನಿಟ್‌ಗಳನ್ನು ಪಿಪಾವಾವ್ ಬಂದರಿನ ಮೂಲಕ ಗುಜರಾತ್‌ನಿಂದ ಜಪಾನ್‌ಗೆ ರಫ್ತು ಮಾಡಲಾಗಿದೆ.

ಪ್ರಶಸ್ತಿ ವಿಜೇತ ಫ್ರಾಂಕ್ಸ್‌ ಕಾರು ಜಪಾನ್‌ಗೆ ರಫ್ತು ಮಾಡಲಾದ ಎರಡನೇ ಮಾದರಿಯಾಗಿದೆ. ಈ ಹಿಂದೆ 2016ರಲ್ಲಿ ಬಲೆನೊವನ್ನು ಕೂಡ ರಫ್ತು ಮಾಡಲಾಗಿತ್ತು.
 

ಈ ಕಾರನ್ನು ಮೊದಲ ಬಾರಿಗೆ ಗ್ಲೋಬಲ್ ಆಟೋ ಎಕ್ಸ್‌ಪೋ 2023 ರಲ್ಲಿ ಅನಾವರಣಗೊಳಿಸಲಾಯಿತು, ನಂತರ ಕಂಪನಿಯು ಈ ಕಾರನ್ನು 24 ಏಪ್ರಿಲ್ 2023 ರಂದು ಬಿಡುಗಡೆ ಮಾಡಿತು.

ಈ ಕಾರು ಆಧುನಿಕ SUV ವಿನ್ಯಾಸವನ್ನು ಹೊಂದಿದೆ. ಇದರೊಂದಿಗೆ ಟೆಕ್ ಲೋಡೆಡ್ ಪರ್ಸೋನಾ ಆಫರ್ ಕೂಡ ಈ ಕಾರ್‌ನಲ್ಲಿದೆ. ಅದಕ್ಕಾಗಿಯೇ ಇದು ಅಪಾರ ಮೆಚ್ಚುಗೆ ಸಂಪಾದಿಸಿದೆ.
 

ಬಿಡುಗಡೆಯಾದ ಕೇವಲ 10 ತಿಂಗಳಲ್ಲಿ 1 ಲಕ್ಷ ಯುನಿಟ್‌ಗಳನ್ನು ಮಾರಾಟ ಮಾಡಿದ ಮಾರುತಿ ಸುಜುಕಿಯ ಮೊದಲ ಕಾರು ಇದಾಗಿದೆ. ಈ ಕಾರು ಇಷ್ಟು ಬೇಗ 1 ಲಕ್ಷ ಮಾರಾಟದ ಅಂಕಿಅಂಶವನ್ನು ತಲುಪಿದ ಮೊದಲ SUV ಆಗಿದೆ. 
 

ಜಪಾನ್‌ ಮಾತ್ರವಲ್ಲದೆ,  ಮಾರುತಿ ಸುಜುಕಿ ಈ ಕಾರ್‌ಗಳನ್ನು ಲ್ಯಾಟಿನ್ ಅಮೇರಿಕಾ, ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾದಂತಹ ದೇಶಗಳಿಗೆ ರಫ್ತು ಮಾಡುತ್ತದೆ.

ಮಾರುತಿ ಸುಜುಕಿ ಫ್ರಾಕ್ಸ್‌ ಕಾರ್‌ನ ಬೆಲೆಯ ಬಗ್ಗೆ ಮಾತನಾಡುವುದಾದರೆ, ಈ ಕಾರಿನ ಆರಂಭಿಕ ಎಕ್ಸ್ ಶೋ ರೂಂ ಬೆಲೆ 7.51 ಲಕ್ಷ ರೂಪಾಯಿ ಆಗಿದೆ.

ಫ್ರಾಂಕ್ಸ್ 2 ಎಂಜಿನ್ ರೂಪಾಂತರಗಳಲ್ಲಿ ಲಭ್ಯವಿದೆ. ಇದರಲ್ಲಿ, ಗ್ರಾಹಕರು 1.0 ಲೀಟರ್ ಕೆ-ಸೀರೀಸ್ ಟರ್ಬೊ ಬೂಸ್ಟರ್‌ಜೆಟ್ ಎಂಜಿನ್ ಅನ್ನು ಪಡೆಯುತ್ತಾರೆ, ಇದು ಪ್ಯಾಡಲ್ ಶಿಫ್ಟರ್‌ಗಳೊಂದಿಗೆ 5 ಸ್ಪೀಡ್ ಮ್ಯಾನುವಲ್ ಮತ್ತು 6 ಸ್ಪೀಡ್ ಎಟಿಯಂತಹ ಆಯ್ಕೆಗಳೊಂದಿಗೆ ಬರುತ್ತದೆ.
 

ಸುರಕ್ಷತೆಯ ವಿಚಾರಕ್ಕೆ ಬರೋದಾದರೆ, ಕಂಪನಿಯು ಈ ಶಕ್ತಿಶಾಲಿ SUV ನಲ್ಲಿ 6 ಏರ್‌ಬ್ಯಾಗ್‌ಗಳು, 3 ಪಾಯಿಂಟ್ ELR ಸೀಟ್‌ಬೆಲ್ಟ್‌ಗಳಂತಹ ವೈಶಿಷ್ಟ್ಯಗಳನ್ನು ಒದಗಿಸಿದೆ. 
 

ಇದಲ್ಲದೆ, ಕಂಪನಿಯು ಈ ವಾಹನದಲ್ಲಿ 360 ಡಿಗ್ರಿ ವೀವ್‌ ಮತ್ತು ಉನ್ನತ ತಂತ್ರಜ್ಞಾನವನ್ನು ಕೂಡ ಸೇರಿಸಿದ್ದು, ದೊಡ್ಡ ಮಟ್ಟದಲ್ಲಿ ಯಶಸ್ಸಿನ ನಿರೀಕ್ಷೆ ಹೊಂದಿದೆ.