ಬಜೆಟ್‌ ಬೆಲೆಯ OnePlus Nord Buds ಭಾರತದಲ್ಲಿ ಬಿಡುಗಡೆ: ಬೆಲೆ ಎಷ್ಟು? ಸೇಲ್‌ ಯಾವಾಗ?
OnePlus 10R 5G ಮತ್ತು Nord CE 2 Lite 5G ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಹೊಸ ಆಡಿಯೋ ಸಾಧನವನ್ನು ಒನ್‌ಪ್ಲಸ್ ಅನಾವರಣಗೊಳಿಸಿದೆ.
OnePlus Nord Buds ಗುರುವಾರ ಭಾರತದಲ್ಲಿ ಬಿಡುಗಡೆಯಾಗಿದೆ. OnePlus 10R 5G ಮತ್ತು Nord CE 2 Lite 5G ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಹೊಸ ಆಡಿಯೋ ಸಾಧನವನ್ನು ಒನ್‌ಪ್ಲಸ್ ಅನಾವರಣಗೊಳಿಸಿದೆ. ಬ್ರ್ಯಾಂಡ್‌ನ ಇಯರ್‌ಬಡ್ಸ್ ಪೋರ್ಟ್‌ಫೋಲಿಯೊಗೆ ಇತ್ತೀಚಿನ ಸೇರ್ಪಡೆಯು ಎರ್ಗಾನಾಮಿಕ್ ವಿನ್ಯಾಸ ಮತ್ತು 12.4mm ಟೈಟಾನಿಯಂ ಡ್ರೈವರ್‌ಗಳೊಂದಿಗೆ ಬರುತ್ತದೆ. ಒನ್‌ಪ್ಲಸ್ ನಾರ್ಡ್ ಬಡ್ಸ್ ಸಕ್ರಿಯ ಶಬ್ದ ರದ್ದತಿ (ANC) ವೈಶಿಷ್ಟ್ಯವನ್ನು ಹೊಂದಿದೆ. ಇಯರ್‌ಬಡ್‌ಗಳು ಸಂಪರ್ಕಕ್ಕಾಗಿ ಬ್ಲೂಟೂತ್ v5.2 ಹೊಂದಿವೆ ಮತ್ತು ಬೆವರು ಮತ್ತು ನೀರಿನ ಪ್ರತಿರೋಧಕ್ಕಾಗಿ IP55 ರೇಟ್ ಮಾಡಲಾಗಿದೆ. ಒನ್‌ಪ್ಲಸ್ ತನ್ನ ಹೊಸ TWS ಇಯರ್‌ಬಡ್‌ಗಳು ಚಾರ್ಜಿಂಗ್ ಕೇಸ್‌ನೊಂದಿಗೆ ಒಟ್ಟು 30 ಗಂಟೆಗಳವರೆಗೆ ಪ್ಲೇಬ್ಯಾಕ್ ಸಮಯವನ್ನು ನೀಡಬಹುದು ಎಂದು ಹೇಳಿಕೊಂಡಿದೆ.
ಭಾರತದಲ್ಲಿ OnePlus Nord Buds ಬೆಲೆ ಮತ್ತು ಲಭ್ಯತೆ: ಹೊಸ OnePlus Nord Buds ರೂ. 2,799 ಬೆಲೆಯಲ್ಲಿ ಬಿಡುಗಡೆಯಾಗಿದೆ. ಬಡ್ಸ್ ಬ್ಲ್ಯಾಕ್ ಸ್ಲೇಟ್ ಮತ್ತು ವೈಟ್ ಮಾರ್ಬಲ್ ಬಣ್ಣ ಆಯ್ಕೆಗಳಲ್ಲಿ ನೀಡಲಾಗುತ್ತದೆ. ಹೊಸ ಒನ್‌ಪ್ಲಸ್ ಇಯರ್‌ಬಡ್‌ಗಳು ಭಾರತದಲ್ಲಿ ಮೇ 10 ರಂದು ಮಧ್ಯಾಹ್ನ 12ಕ್ಕೆ ಕಂಪನಿಯ ವೆಬ್‌ಸೈಟ್, ಅಮೆಝಾನ್‌ ಇಂಡಿಯಾ, ಫ್ಲಿಪ್‌ಕಾರ್ಟ್ ಮತ್ತು ಒನ್‌ಪ್ಲಸ್ ಎಕ್ಸ್‌ಕ್ಲೂಸಿವ್ ಸ್ಟೋರ್‌ಗಳ ಮೂಲಕ ಮಾರಾಟವಾಗಲಿದೆ.
OnePlus Nord Buds ಫೀಚರ್ಸ್: OnePlus Nord Buds 12.4mm ಟೈಟಾನಿಯಂ ಡ್ರೈವರ್‌ಗಳಿಂದ ಚಾಲಿತವಾಗಿದ್ದು ಅದು 20Hz-20,000Hz ಫ್ರಿಕ್ವೆನ್ಸಿ ರೆಸ್ಪಾನ್ಸ್‌ ರೇಂಜ್ ಹೊಂದಿದೆ ಮತ್ತು ಉತ್ತಮ ಬಾಸ್ ಮತ್ತು ಧ್ವನಿ ಗುಣಮಟ್ಟಕ್ಕಾಗಿ 102dBನ ಡ್ರೈವರ್ ಸೆನ್ಸಿಟಿವಿಟಿಯನ್ನು ಹೊಂದಿದೆ. ಇಯರ್‌ಬಡ್‌ಗಳು IP55-ರೇಟೆಡ್ ವಿನ್ಯಾಸ ಹೊಂದಿದ್ದು ಅದು ಧೂಳು ಮತ್ತು ನೀರು-ನಿರೋಧಕವಾಗಿದೆ ಮತ್ತು ಹಗುರವಾದ ಎರ್ಗಾನಾಮಿಕ್ ವಿನ್ಯಾಸವನ್ನು ಹೊಂದಿದೆ.
ಇದನ್ನೂ ಓದಿ: OnePlus 10R 5G ಭಾರತದಲ್ಲಿ ಲಾಂಚ್: ಗೇಮಿಂಗ್ ಪ್ರಿಯರಿಗೆ ಹೇಳಿ ಮಾಡಿಸಿದ ಸ್ಮಾರ್ಟ್‌ಫೋನ್
ಹೊಸ ಒನ್‌ಪ್ಲಸ್ ನಾರ್ಡ್ ಬಡ್ಸ್ ಬ್ಲೂಟೂತ್ v5.2 ಕನೆಕ್ಟಿವಿಟಿಯನ್ನು ಹೊಂದಿದ್ದು ಗರಿಷ್ಠ 10 ಮೀಟರ್ ಆಪರೇಟಿಂಗ್ ದೂರವನ್ನು ಹೊಂದಿದೆ. ಗೇಮಿಂಗ್ ಪ್ರೊ ಮೋಡನ್ನು ಸಕ್ರಿಯಗೊಳಿಸಿದ ಆಯ್ದ ಒನ್‌ಪ್ಲಸ್ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಇಯರ್‌ಬಡ್‌ಗಳು 94 ಮಿಲಿಸೆಕೆಂಡ್‌ಗಳವರೆಗೆ ಲೇಟೆನ್ಸಿ ದರವನ್ನು ನೀಡಬಹುದು. ಇದಲ್ಲದೆ, ಇಯರ್‌ಬಡ್‌ಗಳು ನಾಲ್ಕು ಮೈಕ್ರೊಫೋನ್‌ಗಳನ್ನು ಒಳಗೊಂಡಿವೆ
ಬಡ್ಸ್ ಆಂಡ್ರಾಯ್ಡ್ ಮತ್ತು ಐಓಎಸ್ ಸಾಧನಗಳೊಂದಿಗೆ ಜೋಡಿಸಬಹುದು. OnePlus Bullets Wireless Z2 ನಂತೆ, ಹೊಸ ಇಯರ್‌ಬಡ್‌ಗಳು ಕಂಪನಿಯ ವೇಗದ ಜೋಡಣೆ ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ, ಇದು ಚಾರ್ಜಿಂಗ್ ಕೇಸ್ ತೆರೆದ ತಕ್ಷಣ ಜೋಡಿಯಾಗಿರುವ ಒನ್‌ಪ್ಲಸ್ ಸ್ಮಾರ್ಟ್‌ಫೋನ್‌ನೊಂದಿಗೆ ಇಯರ್‌ಬಡ್‌ಗಳನ್ನು ಸಂಪರ್ಕಿಸುತ್ತದೆ ಎಂದು ಕಂಪನಿ ಹೇಳಿದೆ.
ಇದನ್ನೂ ಓದಿ: ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ OnePlus Nord CE 2 Lite 5G ಭಾರತದಲ್ಲಿ ಲಾಂಚ್: ಸೇಲ್‌ ಯಾವಾಗ?
ಒನ್‌ಪ್ಲಸ್ ಹೇಳುವಂತೆ OnePlus Nord Buds ಒಂದೇ ಚಾರ್ಜ್‌ನಲ್ಲಿ ಏಳು ಗಂಟೆಗಳವರೆಗೆ ಪ್ಲೇಬ್ಯಾಕ್ ಒದಗಿಸುತ್ತವೆ. ಇಯರ್‌ಬಡ್‌ಗಳು ಅಂಡಾಕಾರದ ಆಕಾರದ ಚಾರ್ಜಿಂಗ್ ಕೇಸ್‌ನೊಂದಿಗೆ ಬರುತ್ತವೆ ಮತ್ತು ಅವುಗಳ ಸಂಯೋಜನೆಯು 30 ಗಂಟೆಗಳವರೆಗೆ ಪ್ಲೇಟೈಮ್ ನೀಡುತ್ತದೆ ಎಂದು ಹೇಳಲಾಗುತ್ತದೆ.
ಇದಲ್ಲದೆ, OnePlus Nord Buds ಕೇವಲ 10-ನಿಮಿಷದ ಚಾರ್ಜ್‌ನೊಂದಿಗೆ ಐದು ಗಂಟೆಗಳ ಪ್ಲೇಬ್ಯಾಕ್ ಸಮಯವನ್ನು ನೀಡುತ್ತದೆ ಎಂದು ಕಂಪನಿ ಹೇಳಿಕೊಳ್ಳುತ್ತದೆ. ಪ್ರತಿ ಇಯರ್‌ಬಡ್‌ನಲ್ಲಿ 41mAh ಬ್ಯಾಟರಿ ಮತ್ತು ಚಾರ್ಜಿಂಗ್ ಕೇಸ್‌ನಲ್ಲಿ 480mAh ಬ್ಯಾಟರಿ ಇದೆ. ಬಂಡಲ್ ಮಾಡಿದ USB ಟೈಪ್-C ಕೇಬಲ್ ಮೂಲಕ ಕೇಸ್ ಚಾರ್ಜ್ ಮಾಡಬಹುದು. ಪ್ರತಿ ಇಯರ್‌ಬಡ್ 4.8 ಗ್ರಾಂ ತೂಗುತ್ತದೆ ಮತ್ತು ಇಯರ್‌ಬಡ್‌ಗಳು ಅವುಗಳ ಚಾರ್ಜಿಂಗ್ ಕೇಸ್‌ನೊಂದಿಗೆ ಸೇರಿ 41.7 ಗ್ರಾಂ ತೂಗುತ್ತದೆ.
