OnePlus 10R 5G ಭಾರತದಲ್ಲಿ ಲಾಂಚ್: ಗೇಮಿಂಗ್ ಪ್ರಿಯರಿಗೆ ಹೇಳಿ ಮಾಡಿಸಿದ ಸ್ಮಾರ್ಟ್ಫೋನ್
ಚೀನಾದಲ್ಲಿ ಬಿಡುಗಡೆಯಾದ OnePlus Ace ಮರುಬ್ರಾಂಡೆಡ್ ಹ್ಯಾಂಡ್‌ಸೆಟ್ ಎರಡು ಮಾದರಿಗಳೊಂದಿಗೆ ಬರುತ್ತದೆ
OnePlus 10R 5G ಭಾರತದಲ್ಲಿ ಗುರುವಾರ ಎರಡು ಆವೃತ್ತಿಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ತಿಂಗಳ ಆರಂಭದಲ್ಲಿ ಚೀನಾದಲ್ಲಿ ಬಿಡುಗಡೆಯಾದ OnePlus Ace ಮರುಬ್ರಾಂಡೆಡ್ ಹ್ಯಾಂಡ್‌ಸೆಟ್ ಎರಡು ಮಾದರಿಗಳೊಂದಿಗೆ ಬರುತ್ತದೆ: 150W SuperVOOC ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಎಂಡ್ಯೋರೆನ್ಸ್ ಆವೃತ್ತಿ, ಮತ್ತು ಇನ್ನೊಂದು, 80W SuperVOOC ಚಾರ್ಜಿಂಗ್‌ನೊಂದಿಗೆ ಹೆಚ್ಚು ಕೈಗೆಟುಕುವ ಮಾದರಿ. ಇದು ಕಸ್ಟಮ್-ಡಿಸೈನ್‌ಡ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8100-ಮ್ಯಾಕ್ಸ್ SoC ಕೂಲಿಂಗ್ ಸಿಸ್ಟಮ್‌ನೊಂದಿಗೆ ಜೋಡಿಸಲಾಗಿದೆ ಹಾಗೂ ಹೈಪರ್‌ಬೂಸ್ಟ್ ಗೇಮಿಂಗ್ ಎಂಜಿನ್‌ನೊಂದಿಗೆ ಬಿಡುಗಡೆಯಾಗಿದೆ. ಸ್ಮಾರ್ಟ್ಫೋನ್ 50-ಮೆಗಾಪಿಕ್ಸೆಲ್ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಮತ್ತು 120Hz ಡಿಸ್ಪ್ಲೇಯನ್ನು ಹೊಂದಿದೆ. ಸ್ಮಾರ್ಟ್‌ಫೋನಿನಲ್ಲಿ ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ಗಳು ಮತ್ತು ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್ ಇದೆ.
ಭಾರತದಲ್ಲಿ OnePlus 10R 5G ಬೆಲೆ, ಲಭ್ಯತೆ: ಭಾರತದಲ್ಲಿ OnePlus 10R 5G 80W SuperVOOC ಚಾರ್ಜಿಂಗ್‌ನೊಂದಿಗೆ ಬರುವ 8GB RAM + 128GB ಸ್ಟೋರೇಜ್ ರೂಪಾಂತರಕ್ಕೆ ರೂ.38,999 ಬೆಲೆ ನಿಗದಿಪಡಿಸಲಾಗಿದೆ. 80W SuperVOOC 12GB RAM + 256GB ರೂಪಾಂತರ ರೂ. 42,999 ಬೆಲೆಯಲ್ಲಿ ಬಿಡುಗಡೆಯಾಗಿದೆ. OnePlus 10R 5G ಎಂಡ್ಯೋರೆನ್ಸ್ ಆವೃತ್ತಿ, 150W SuperVOOC ವೇಗದ ಚಾರ್ಜಿಂಗ್ ಒಳಗೊಂಡಿದೆ, ಇದು ಒಂದೇ 12GB RAM + 256GB ಕಾನ್ಫಿಗರೇಶನ್‌ನಲ್ಲಿ ರೂ. 43,999 ಬೆಲೆಯಲ್ಲಿ ಬಿಡುಗಡೆಯಾಗಿದೆ.
80W ಚಾರ್ಜಿಂಗ್‌ನೊಂದಿಗೆ OnePlus 10R 5G ಮಾದರಿಗಳು ಫಾರೆಸ್ಟ್ ಗ್ರೀನ್ ಮತ್ತು ಸಿಯೆರಾ ಬ್ಲಾಕ್ ಬಣ್ಣಗಳಲ್ಲಿ ಬಂದರೆ, 150W ಚಾರ್ಜಿಂಗ್ ಹೊಂದಿರುವ ಮಾದರಿ ಸಿಯೆರಾ ಬ್ಲ್ಯಾಕ್ ಬಣ್ಣದಲ್ಲಿ ಲಭ್ಯವಿರುತ್ತದೆ.
ಇದನ್ನೂ ಓದಿ: ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ OnePlus Nord CE 2 Lite 5G ಭಾರತದಲ್ಲಿ ಲಾಂಚ್: ಸೇಲ್‌ ಯಾವಾಗ?
OnePlus 10R 5G ಮತ್ತು OnePlus 10R 5G ಎಂಡ್ಯೂರೆನ್ಸ್ ಆವೃತ್ತಿಯ ಮಾರಾಟವು ಮೇ 4, 12 ಗಂಟೆಗೆ (ಮಧ್ಯಾಹ್ನ) ಅಮೆಝಾನ್, ಒನ್‌ಪ್ಲಸ್ ಆನ್‌ಲೈನ್ ಸ್ಟೋರ್ ಮತ್ತು ಒನ್‌ಪ್ಲಸ್ ಅಪ್ಲಿಕೇಶನ್‌ನಲ್ಲಿ ಪ್ರಾರಂಭವಾಗುತ್ತದೆ. ಗ್ರಾಹಕರು ಒನ್‌ಪ್ಲಸ್ ಎಕ್ಸ್‌ಕ್ಲೂಸಿವ್ ಸ್ಟೋರ್‌ಗಳು, ರಿಲಯನ್ಸ್ ಡಿಜಿಟಲ್ ಸ್ಟೋರ್‌ಗಳು ಮತ್ತು ಕ್ರೋಮಾದಿಂದ ಸ್ಮಾರ್ಟ್ಫೋನ್ ಖರೀದಿಸಬಹುದು.
OnePlus 10R 5G ಮೂಲಭೂತವಾಗಿ OnePlus Ace ನ ಮರುಬ್ರಾಂಡೆಡ್ ಆವೃತ್ತಿಯಾಗಿದ್ದು, ಇದನ್ನು ಈ ತಿಂಗಳ ಆರಂಭದಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಲಾಗಿತ್ತು.
OnePlus 10R 5G ಫೀಚರ್ಸ್: ಡ್ಯುಯಲ್-ಸಿಮ್ (ನ್ಯಾನೋ) OnePlus 10R 5G ಆಂಡ್ರಾಯ್ಡ್ 12 ಆಧಾರಿತ OxygenOS 12.1 ರನ್ ಮಾಡುತ್ತದೆ ಮತ್ತು 6.7-ಇಂಚಿನ Full-HD+ (1,080x2,412 ಪಿಕ್ಸೆಲ್‌ಗಳು) AMOLED ಡಿಸ್ಪ್ಲೇಯನ್ನು ಹೊಂದಿದೆ. ಇದು 120Hz ಡೈನಾಮಿಕ್ ರಿಫ್ರೆಶ್ ರೇಟ್, 720Hz ಟಚ್ ರೆಸ್ಪಾನ್ಸ್ ದರವನ್ನು ನೀಡುತ್ತದೆ ಮತ್ತು 2.5D ಕರ್ವ್ಡ್ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ನಿಂದ ರಕ್ಷಿಸಲ್ಪಟ್ಟಿದೆ. ಒನ್‌ಪ್ಲಸ್ ಸ್ಮಾರ್ಟ್ಫೋನ್ ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8100-ಮ್ಯಾಕ್ಸ್ SoC ಯಿಂದ ಚಾಲಿತವಾಗಿದ್ದು 12GB LPDDR5 ರ‍್ಯಾಮ್‌ನಿಂದ ಜೋಡಿಸಲಾಗಿದೆ.
ಒನ್‌ಪ್ಲಸ್ ಹೇಳುವಂತೆ OnePlus 10R 5G SoC, MediaTek ಡೈಮೆನ್ಸಿಟಿ 8100-ಮ್ಯಾಕ್ಸ್, 11 ಪ್ರತಿಶತ ಉತ್ತಮ ಮಲ್ಟಿ-ಕೋರ್ ಕಾರ್ಯಕ್ಷಮತೆ, 20 ಪ್ರತಿಶತ ಸುಧಾರಿತ GPU ಕಾರ್ಯಕ್ಷಮತೆ, 25 ಪ್ರತಿಶತ ಸುಧಾರಿತ ವಿದ್ಯುತ್ ದಕ್ಷತೆ ಮತ್ತು 80 ಪ್ರತಿಶತ ಉತ್ತಮ AI ಕಾರ್ಯಕ್ಷಮತೆಯನ್ನು ನೀಡುತ್ತದೆ.
ಚಿಪ್‌ಸೆಟ್ 3D ಪ್ಯಾಸಿವ್ ಕೂಲಿಂಗ್ ತಂತ್ರಜ್ಞಾನದೊಂದಿಗೆ ಜೋಡಿಸಲಾಗಿದೆ, ಇದು ತಾಪಮಾನವನ್ನು ನಿಯಂತ್ರಣದಲ್ಲಿಡಲು 4,100mm ಚೌಕಾಕಾರದ ವೇಪರ್ ಚೇಂಬರ್ ಬಳಸುತ್ತದೆ. ಸ್ಮಾರ್ಟ್‌ಫೋನಿನಲ್ಲಿ ಹೈಪರ್‌ಬೂಸ್ಟ್ ಗೇಮಿಂಗ್ ಎಂಜಿನ್ ಮತ್ತು ಜನರಲ್ ಪರ್ಫಾರ್ಮೆನ್ಸ್ ಅಡಾಪ್ಟರ್ (ಜಿಪಿಎ) ಫ್ರೇಮ್ ಸ್ಟೆಬಿಲೈಸರ್ ಇದೆ, ಇದು ಸುಗಮ ಗೇಮಿಂಗ್ ಕಾರ್ಯಕ್ಷಮತೆಯನ್ನು ನೀಡುತ್ತದೆ.
OnePlus 10R 5G ಕ್ಯಾಮೆರಾ: ಸ್ಮಾರ್ಟ್ಫೋನ್ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ. ಇದರಲ್ಲಿ 50-ಮೆಗಾಪಿಕ್ಸೆಲ್ ಸೋನಿ IMX766 ಪ್ರಾಥಮಿಕ ಕ್ಯಾಮೆರಾ ಇದೆ, ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲಿಸುವ f/1.88 ಲೆನ್ಸ್‌ನೊಂದಿಗೆ ಜೋಡಿಸಲಾಗಿದೆ. ಅಲ್ಲದೇ ಸೆಟಪ್‌ನಲ್ಲಿ ಅಲ್ಟ್ರಾ-ವೈಡ್ f/2.2 ಲೆನ್ಸ್‌ನೊಂದಿಗೆ ಜೋಡಿಯಾಗಿರುವ 8-ಮೆಗಾಪಿಕ್ಸೆಲ್ ಸೋನಿ IMX355 ಸಂವೇದಕ ಮತ್ತು 2-ಮೆಗಾಪಿಕ್ಸೆಲ್ GC02M1 ಮ್ಯಾಕ್ರೋ ಶೂಟರ್ ಇದೆ.
ಇದನ್ನೂ ಓದಿ: 108MP ಕ್ಯಾಮೆರಾದೊಂದಿಗೆ Samsung Galaxy M53 5G ಭಾರತದಲ್ಲಿ ಲಾಂಚ್: OnePlus Nord CE 2ಗೆ ಟಕ್ಕರ್‌
ಸೆಲ್ಫಿ ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗದಲ್ಲಿ f/2.4 ಲೆನ್ಸ್‌ನೊಂದಿಗೆ 16-ಮೆಗಾಪಿಕ್ಸೆಲ್ ಸ್ಯಾಮ್‌ಸಂಗ್ ISOCELL S5K3P9 ಕ್ಯಾಮೆರಾ ನೀಡಲಾಗಿದೆ. ಇದು ಎಲೆಕ್ಟ್ರಾನಿಕ ಇಮೇಜ್ ಸ್ಟೆಬಿಲೈಸೇಶನ್ ಬೆಂಬಲವನ್ನು ಹೊಂದಿದೆ.
OnePlus 10R 5Gಯು 256GB ವರೆಗಿನ UFS 3.1 ಸಂಗ್ರಹಣೆಯನ್ನು ಹೊಂದಿದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, 4G LTE, Wi-Fi 6, ಬ್ಲೂಟೂತ್ v5.2, GPS/ A-GPS, NFC, ಮತ್ತು USB ಟೈಪ್-C ಪೋರ್ಟ್ ಸೇರಿವೆ. ಫೋನ್ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕದೊಂದಿಗೆ ಬರುತ್ತದೆ. ಫೋನ್‌ನಲ್ಲಿರುವ ಇತರ ಸಂವೇದಕಗಳಲ್ಲಿ ಅಕ್ಸೆಲೆರೊಮೀಟರ್, ಆಂಬಿಯೆಂಟ್ ಲೈಟ್ ಸೆನ್ಸರ್, ಗೈರೊಸ್ಕೋಪ್, ಮ್ಯಾಗ್ನೆಟೋಮೀಟರ್ ಮತ್ತು ಪ್ರಾಕ್ಸಿಮೀಟರ್‌ ಸೆನ್ಸರ್ ಸೇರಿವೆ.
OnePlus 10R 5G ಎಂಡ್ಯೂರೆನ್ಸ್ ಆವೃತ್ತಿಯ ಮಾದರಿಯು 4,500mAh ಬ್ಯಾಟರಿಯೊಂದಿಗೆ 150W SuperVOOC ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. 80W SuperVOOC ವೇಗದ ಚಾರ್ಜಿಂಗ್ ಆವೃತ್ತಿಯು 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಫೋನ್‌ನ ಇತರ ವೈಶಿಷ್ಟ್ಯಗಳು ಡ್ಯುಯಲ್ ಸ್ಟಿರಿಯೊ ಸ್ಪೀಕರ್‌ಗಳು ಮತ್ತು ಶಬ್ದ ರದ್ದತಿ ಬೆಂಬಲವನ್ನು ಒಳಗೊಂಡಿವೆ.
