4 ಕೋಟಿ ರುಪಾಯಿ ದಂಡ ಕಟ್ಟಲು ತನ್ನ ಮಹಿಳಾ ತಂಡವನ್ನೇ ಸ್ಥಗಿತಗೊಳಿಸಿದ ಕೇರಳ ಬ್ಲಾಸ್ಟರ್ಸ್!
ಕೇರಳ ಬ್ಲಾಸ್ಟರ್ಸ್ ತಂಡಕ್ಕೆ ಬಿಗ್ ಶಾಕ್‌
ಮಹಿಳಾ ತಂಡದ ಚಟುವಟಿಕೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದ ಕೇರಳ ಬ್ಲಾಸ್ಟರ್ಸ್
ಸುನಿಲ್‌ ಚೆಟ್ರಿಯ ವಿವಾದಿತ ಗೋಲು ಪ್ರಶ್ನಿಸಿ ಪ್ಲೇ-ಆಫ್‌ ಪಂದ್ಯದಲ್ಲಿ ಮೈದಾನದಿಂದ ಹೊರನಡೆದಿದ್ದ ಕೇರಳ ತಂಡ
 )
Followಕಲ್ಲಿಕೋಟೆ(ಜೂ.08): ಬೆಂಗಳೂರು ಎಫ್‌ಸಿ ವಿರುದ್ಧದ ಐಎಸ್‌ಎಲ್‌ ಪ್ಲೇ-ಆಫ್‌ ಪಂದ್ಯದಲ್ಲಿ ಮೈದಾನ ತೊರೆದಿದ್ದಕ್ಕೆ ಬರೋಬ್ಬರಿ 4 ಕೋಟಿ ರುಪಾಯಿ ದಂಡಕ್ಕೆ ಗುರಿಯಾಗಿರುವ ಕೇರಳ ಬ್ಲಾಸ್ಟರ್ಸ್ ಕ್ಲಬ್‌, ಆರ್ಥಿಕ ಸಮಸ್ಯೆ ಸರಿದೂಗಿಸಲು ತನ್ನ ಮಹಿಳಾ ತಂಡದ ಚಟುವಟಿಕೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ.
ಸುನಿಲ್‌ ಚೆಟ್ರಿಯ ವಿವಾದಿತ ಗೋಲು ಪ್ರಶ್ನಿಸಿ ಪ್ಲೇ-ಆಫ್‌ ಪಂದ್ಯದಲ್ಲಿ ಮೈದಾನದಿಂದ ಹೊರನಡೆದಿದ್ದಕ್ಕೆ ಬ್ಲಾಸ್ಟರ್ಸ್‌ಗೆ ಭಾರತೀಯ ಫುಟ್ಬಾಲ್ ಫೆಡರೇಶನ್‌(ಎಐಎಫ್‌ಎಫ್‌) ಭಾರೀ ದಂಡ ವಿಧಿಸಿತ್ತು. ಈ ಬಗ್ಗೆ ಕ್ಲಬ್‌ ಮೇಲ್ಮನವಿ ಸಲ್ಲಿಸಿದ್ದರೂ ಎಐಎಫ್‌ಎಫ್‌ ಅದನ್ನು ತಿರಸ್ಕರಿಸಿತ್ತು. ಹೀಗಾಗಿ ತಂಡ 4 ಕೋಟಿ ರು. ದಂಡ ಪಾವತಿಸಬೇಕಾಗಿದ್ದು, ಅನಿವಾರ‍್ಯವಾಗಿ ಮಹಿಳಾ ತಂಡವನ್ನು ಕೆಲ ಕಾಲ ಸ್ಥಗಿತಗೊಳಿಸಿದೆ. ಪುರುಷರ ತಂಡದ ತಪ್ಪಿಗೆ ಮಹಿಳಾ ತಂಡ ಬೆಲೆ ತೆರಬೇಕಾಗಿ ಬಂದಿದ್ದಕ್ಕೆ ಕ್ರೀಡಾಭಿಮಾನಿಗಳಿಂದ ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ಕಿರಿಯರ ಅಥ್ಲೆಟಿಕ್ಸ್‌: ಕೊನೆ ದಿನ ಭಾರತಕ್ಕೆ 5 ಪದಕ!
ಯೆಚಿಯೊನ್‌: ಅಂಡರ್-20 ಏಷ್ಯನ್‌ ಅಥ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನ ಕೊನೆಯ ದಿನವಾದ ಬುಧವಾರ ಭಾರತ 2 ಚಿನ್ನ ಸೇರಿ 5 ಪದಕ ಜಯಿಸಿತು. ಕೂಟದಲ್ಲಿ 6 ಚಿನ್ನ, 7 ಬೆಳ್ಳಿ, 6 ಕಂಚಿನೊಂದಿಗೆ ಒಟ್ಟು 19 ಪದಕ ಗೆದ್ದ ಭಾರತ, ಪದಕ ಪಟ್ಟಿಯಲ್ಲಿ 3ನೇ ಸ್ಥಾನ ಪಡೆಯಿತು. ಇದು ಕೂಟದ ಇತಿಹಾಸದಲ್ಲೇ ಭಾರತದ ಶ್ರೇಷ್ಠ ಪ್ರದರ್ಶನ ಎನಿಸಿದೆ.
French Open 2023: ಆಲ್ಕರಜ್‌, ಇಗಾ ಸ್ವಿಯಾಟೆಕ್‌ ಸೆಮೀಸ್‌ಗೆ ಲಗ್ಗೆ
ಬುಧವಾರ ಮಹಿಳೆಯರ 1500 ಮೀ. ಓಟದಲ್ಲಿ ಲಕ್ಷಿತಾ, ಮಹಿಳೆಯರ 4*400 ಮೀ. ರಿಲೇ ತಂಡ ಚಿನ್ನ ಜಯಿಸಿತು. ಪುರುಷರ 5000 ಮೀ. ಓಟದಲ್ಲಿ ಕರ್ನಾಟಕದ ಶಿವಾಜಿ ಮಾದಪ್ಪಗೌಡ್ರ ಬೆಳ್ಳಿ ಗೆದ್ದರೆ, ಪುರುಷರ 4*400 ಮೀ. ರಿಲೇ ತಂಡ ಸಹ ರಜತ ಪದಕ ಜಯಿಸಿತು. ಪುರುಷರ 1500 ಮೀ. ಓಟದಲ್ಲಿ ಮೆಹಿದಿ ಹಸನ್‌ ಕಂಚಿಗೆ ಮುತ್ತಿಟ್ಟರು. ಮಹಿಳೆಯರ 200 ಮೀ. ಓಟದ ಫೈನಲ್‌ನಲ್ಲಿ ರಾಜ್ಯದ ನಯಾನ 4ನೇ, ಉನ್ನತಿ 8ನೇ ಸ್ಥಾನಕ್ಕೆ ತೃಪ್ತಿಪಟ್ಟರು.
ಮಹಿಳಾ ಹಾಕಿ: ಭಾರತಕ್ಕೆ ಚೈನೀಸ್‌ ತೈಪೆ ಸವಾಲು
ಕಾಕಮಿಗಹರಾ(ಜಪಾನ್‌): 7ನೇ ಬಾರಿ ಸೆಮಿಫೈನಲ್‌ ಪ್ರವೇಶಿಸುವ ನಿರೀಕ್ಷೆಯಲ್ಲಿರುವ ಭಾರತ ಮಹಿಳಾ ತಂಡ 8ನೇ ಆವೃತ್ತಿಯ ಕಿರಿಯರ ಏಷ್ಯಾಕಪ್‌ ಹಾಕಿ ಟೂರ್ನಿಯ ‘ಎ’ ಗುಂಪಿನ ಕೊನೆ ಪಂದ್ಯದಲ್ಲಿ ಗುರುವಾರ ಚೈನೀಸ್‌ ತೈಪೆ ವಿರುದ್ಧ ಸೆಣಸಲಿದೆ. ಭಾರತ ಟೂರ್ನಿಯಲ್ಲಿ 3 ಪಂದ್ಯಗಳಲ್ಲಿ 2ರಲ್ಲಿ ಗೆದ್ದಿದ್ದು, 7 ಅಂಕದೊಂದಿಗೆ ಅಗ್ರಸ್ಥಾನದಲ್ಲಿದೆ.
ಈ ಪಂದ್ಯದಲ್ಲಿ ಗೆದ್ದರೆ ಅಥವಾ ಡ್ರಾ ಸಾಧಿಸಿದರೆ ಸೆಮೀಸ್‌ಗೇರಲಿದ್ದು, ಸೋತರೆ ದ.ಕೊರಿಯಾ(7 ಅಂಕ) ಹಾಗೂ ಮಲೇಷ್ಯಾ(6 ಅಂಕ) ನಡುವಿನ ಪಂದ್ಯದ ಫಲಿತಾಂಶದ ಮೇಲೆ ಭಾರತದ ಸೆಮೀಸ್‌ ಭವಿಷ್ಯ ನಿರ್ಧಾರವಾಗಲಿದೆ. ಚೈನಿಸ್‌ ತೈಪೆ 3 ಅಂಕದೊಂದಿಗೆ 4ನೇ ಸ್ಥಾನದಲ್ಲಿದ್ದು, ಸೆಮೀಸ್‌ ರೇಸ್‌ನಿಂದ ಹೊರಬಿದ್ದಿದೆ.
