Substitute Of Sugar: ಚಹಾಗೆ ಸಕ್ಕರೆ ಹಾಕೋದು ಬಿಟ್ಬಿಡಿ, ಬೇರೇನು ಹಾಕ್ಬೋದು ನೋಡಿ
ಭಾರತೀಯರು ಪ್ರತಿ ದಿನ ಏನ್ ತಿನ್ತಾರೋ, ಬಿಡ್ತಾರೋ ಆದ್ರೆ ಟೀ (Tea) ಕುಡಿಯೋದನ್ನಂತೂ ಬಿಡಲ್ಲ. ಆದ್ರೆ ಸಕ್ಕರೆ ಸೇರಿಸಿದ ಚಹಾವನ್ನು ಹೆಚ್ಚು ಕುಡಿಯೋದು ಆರೋಗ್ಯ (Health) ಕ್ಕೆ ಒಳ್ಳೇದಲ್ಲ. ಆದ್ರೆ ಟೀ ಬಿಡೋಕು ಕಷ್ಟ ಅನ್ನೋರು ಟೀಗೆ ಸಕ್ಕರೆ (Sugar)ಯ ಬದಲು ಬೇರೆ ಪರ್ಯಾಯವನ್ನು ಬಳಸ್ಬೋದು. ಅದೇನು ?
 )
Followಭಾರತೀಯ ಪಾಕಪದ್ಧತಿಯಲ್ಲಿ ಸಿಹಿಗೆ ಹೆಚ್ಚಿನ ಪ್ರಾಶಸ್ತ್ಯವಿದೆ. ಹಬ್ಬ ಹರಿದಿನ, ವಿಶೇಷ ದಿನಗಳಲ್ಲಂತೂ ಸಿಹಿತಿಂಡಿ, ಪಾಯಸಗಳು ಇರಲೇಬೇಕು. ಹೆಚ್ಚಿನ ಮನೆಗಳಲ್ಲಿ ಬೆಳಗ್ಗಿನ ದಿನಚರಿ ಒಂದು ಕಪ್ ಸಿಹಿ ಚಹಾ (Tea)ದಿಂದ ಆರಂಭವಾಗುತ್ತದೆ. ಕೆಲವರು ಒತ್ತಡದಲ್ಲಿದ್ದಾಗ ಹೆಚ್ಚು ಟೀ ಕುಡಿಯುತ್ತಾರೆ. ಇನ್ನು ಕೆಲವರು ಖುಷಿಯಾದಾಗ ಟೀ ಕುಡಿಯುತ್ತಾರೆ. ಇನ್ನೂ ಹಲವರು ಟೆನ್ಶನ್ ಹೋಗಲಾಡಿಸಲು ಟೀ ಕುಡಿಯುತ್ತಾರೆ. ಒಟ್ನಲ್ಲಿ ಟೀ ಕುಡಿಯಲು ಕಾರಣ ಬೇಕಿಲ್ಲ. ಆದ್ರೆ ಹೀಗೆ ಬೇಕಾಬಿಟ್ಟಿ ಟೀ ಕುಡಿಯೋದು ಆರೋಗ್ಯ (Health)ಕ್ಕೆ ಒಳ್ಳೆಯದಲ್ಲ. ಯಾಕೆಂದರೆ ಚಹಾದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಸಕ್ಕರೆ (Sugar)ಯನ್ನು ಸೇರಿಸಲಾಗಿರುತ್ತದೆ.
ಚಹಾದಲ್ಲಿ ಬೆರೆಸಿದ ಸಕ್ಕರೆಯು ದೇಹಕ್ಕೆ ಸಾಕಷ್ಟು ಹಾನಿಯನ್ನುಂಟುಮಾಡುತ್ತದೆ. ಚಹಾದಲ್ಲಿ ಸಕ್ಕರೆಯ ಬಳಕೆಯು ತೂಕವನ್ನು ಹೆಚ್ಚಿಸುವುದಲ್ಲದೆ ಅನೇಕ ಗಂಭೀರ ಕಾಯಿಲೆಗಳಿಗೆ ಆಹ್ವಾನ ನೀಡುತ್ತದೆ. ಹೀಗಿರುವಾಗ ಸಕ್ಕರೆಯ ಹೊರತಾಗಿ, ಚಹಾವನ್ನು ಸಿಹಿಗೊಳಿಸಲು ಇನ್ನೂ ಅನೇಕ ವಸ್ತುಗಳನ್ನು ಬಳಸಬಹುದು. ಅವುಗಳು ಯಾವುವು ತಿಳಿಯೋಣ.
Kids Health: ಮಕ್ಕಳಿಗೆ 2 ವರ್ಷ ತುಂಬುವ ಮೊದಲು ಸಕ್ಕರೆಯನ್ನು ಕೊಡಲೇಬೇಡಿ
ಬೆಲ್ಲ
ಚಹಾದಲ್ಲಿ ಸಕ್ಕರೆಯ ಬದಲಿಗೆ ಬೆಲ್ಲವನ್ನು ಬಳಸಬಹುದು. ಇದು ಚಹಾವನ್ನು ಸಿಹಿಗೊಳಿಸುವುದು ಮಾತ್ರವಲ್ಲದೆ ಆರೋಗ್ಯಕ್ಕೂ ತುಂಬಾ ಪ್ರಯೋಜನಕಾರಿಯಾಗಿದೆ. ಬೆಲ್ಲ (Jaggery)ವು ದೇಹದ ಉಷ್ಣತೆಯನ್ನು ನಿಯಂತ್ರಣದಲ್ಲಿಡುತ್ತದೆ. ಬೆಲ್ಲವು ಆಂಟಿ-ಅಲರ್ಜಿಕ್ ಮತ್ತು ಉರಿಯೂತದ ಗುಣಲಕ್ಷಣಗಳಿಂದ ಸಮೃದ್ಧವಾಗಿದೆ, ಇದು ಉಸಿರಾಟದ ಕಾಯಿಲೆಗಳನ್ನು ದೂರವಿರಿಸುತ್ತದೆ. ಹೀಗಾಗಿ ಹಿಂದಿನ ಕಾಲದಲ್ಲಿ ಹಿರಿಯರು ಚಹಾಕ್ಕೆ ಸಕ್ಕರೆ ಸೇರಿಸುವ ಬದಲು ಬೆಲ್ಲವನ್ನು ಹಾಕುವಂತೆ ಶಿಫಾರಸು ಮಾಡುತ್ತಿದ್ದರು.
ಜೇನು
ನೀವು ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿಯನ್ನು ಹೊಂದಿದ್ದರೆ ಸಕ್ಕರೆಗೆ ಪರ್ಯಾಯವಾಗಿ ಜೇನನ್ನು ಬಳಸಬಹುದು. ಜೇನುತುಪ್ಪ (Honey)ವು ಅನೇಕ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಚಹಾದಲ್ಲಿ ಸಕ್ಕರೆಯ ಬದಲಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಜೇನುತುಪ್ಪವನ್ನು ಎಂದಿಗೂ ಬಿಸಿ ಮಾಡಲಾಗುವುದಿಲ್ಲ, ಆದ್ದರಿಂದ ಚಹಾವು ಬೆಚ್ಚಗಿರುವಾಗ, ನಂತರ ರುಚಿಗೆ ಅನುಗುಣವಾಗಿ ಜೇನುತುಪ್ಪವನ್ನು ಸೇರಿಸಿ, ಇಲ್ಲದಿದ್ದರೆ ಅದು ದೇಹಕ್ಕೆ ಹಾನಿ ಉಂಟು ಮಾಡಬಹುದು.
Health Tips : ಚಹಾದೊಂದಿಗೆ ಬಿಸ್ಕೆಟ್ ತಿನ್ನೋಂದ್ರಿಂದ ಏನೇನ್ ಸಮಸ್ಯೆಗಳಾಗುತ್ತೆ ?
ತೆಂಗಿನಕಾಯಿ ಸಕ್ಕರೆ
ಇತ್ತೀಚಿನ ದಿನಗಳಲ್ಲಿ ತೆಂಗಿನಕಾಯಿ ಸಕ್ಕರೆ (Coconut Sugar) ಅಂದರೆ ತೆಂಗಿನಕಾಯಿಯಿಂದ ಮಾಡಿದ ಸಕ್ಕರೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ ಈ ಸಕ್ಕರೆಯು ಅನೇಕ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ನೀವು ಟೀ, ಕಾಫಿ ತಯಾರಿಸುವಾಗ ಸಾದಾ ಸಕ್ಕರೆಯನ್ನು ಬಳಸುವ ಬದಲು ಈ ಆರೋಗ್ಯಯುತ ತೆಂಗಿನಕಾಯಿ ಸಕ್ಕರೆಯನ್ನು ಸೇರಿಸುವ ಮೂಲಕ ನಿಮ್ಮ ಚಹಾ ಅಥವಾ ಕಾಫಿಯ ಸಿಹಿಯನ್ನು ಹೆಚ್ಚಿಸಬಹುದು.
ಮೇಪಲ್ ಸಿರಪ್
ಮೇಪಲ್ ಸಿರಪ್ ವಿವಿಧ ಖನಿಜಗಳು ಮತ್ತು ವಿಟಮಿನ್‌ಗಳು ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳಿಂದ ತುಂಬಿರುತ್ತದೆ. ಅಲ್ಲದೆ, ಅದರಲ್ಲಿರುವ ಕ್ಯಾಲೋರಿಗಳ ಪ್ರಮಾಣವು ತುಂಬಾ ಕಡಿಮೆಯಾಗಿದೆ, ಆದ್ದರಿಂದ ಇದನ್ನು ಸಕ್ಕರೆಗೆ ಉತ್ತಮ ಬದಲಿ ಎಂದು ಪರಿಗಣಿಸಬಹುದು. ನೀವು ಬಯಸಿದರೆ, ಸಕ್ಕರೆಯ ಬದಲಿಗೆ ಮೇಪಲ್ ಸಿರಪ್ ಅನ್ನು ಸೇರಿಸುವ ಮೂಲಕ ನಿಮ್ಮ ಚಹಾ ಅಥವಾ ಕಾಫಿಯ ರುಚಿಯನ್ನು ಹೆಚ್ಚಿಸಬಹುದು. ಆದಾಗ್ಯೂ, ಮಧುಮೇಹಿಗಳು ಅದನ್ನು ಬಳಸುವ ಮೊದಲು ತಮ್ಮ ವೈದ್ಯರನ್ನು ಸಂಪರ್ಕಿಸಬೇಕು.
ಒಣದ್ರಾಕ್ಷಿ
ಚಹಾ ಅಥವಾ ಕಾಫಿಯನ್ನು ಸಿಹಿಗೊಳಿಸಲು ನೀವು ಒಣದ್ರಾಕ್ಷಿಗಳನ್ನು ಕೂಡ ಸೇರಿಸಬಹುದು. ಹೀಗೆ ಮಾಡುವುದರಿಂದ ಚಹಾವು ಉತ್ತಮ ರುಚಿಯನ್ನು ಪಡೆಯುತ್ತದೆ ಮತ್ತು ಇದು ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಿದೆ. ಒಣದ್ರಾಕ್ಷಿ ಸೇವನೆಯಿಂದ ದೇಹದಲ್ಲಿ ರಕ್ತದ ಕೊರತೆ ಉಂಟಾಗುವುದಿಲ್ಲ. ಇದರಿಂದಾಗಿ ಮೂಳೆಗಳು ಸಹ ಬಲಗೊಳ್ಳುತ್ತವೆ.
ಇನ್ಯಾಕೆ ತಡ, ನೀವು ಆರೋಗ್ಯದ ಬಗ್ಗೆ ನಿಜವಾದ ಕಾಳಜಿ ಹೊಂದಿದ್ರೆ ಚಹಾಗೆ ಸಕ್ಕರೆ ಸೇರಿಸೋದನ್ನು ಬಿಟ್ಬಿಡಿ. ಬದಲಿಗೆ ಆರೋಗ್ಯಕ್ಕೆ ಹಿತಕಾರಿಯಾದ ಜೇನು, ತೆಂಗಿನಕಾಯಿ ಸಕ್ಕರೆ, ಮೇಪಲ್ ಸಿರಪ್, ಒಣದ್ರಾಕ್ಷಿ ಮೊದಲಾದವುಗಖನ್ನು ಬಳಸೋಕೆ ಆರಂಭಿಸಿ.
