ಬೇಸಿಗೆ ಬಂತು, ಈಗ ಮುರುಗನ ಹುಳಿಯೇ ಅಮೃತ!
ಕೋಕಂ ಅಥವಾ ಮುರುಗಲ ಅಥವಾ ಪುನರ್ಪುಳಿ ಹಣ್ಣಿನ ಅಗಾಧ ಆರೋಗ್ಯ ಪ್ರಯೋಜನಗಳು ತಿಳಿದರೆ ನಈವು ಅದರ ಜ್ಯೂಸ್ ಅಥವಾ ತಂಬುಳಿ ಕುಡಿಯದೆ ಇರಲಾರಿರಿ.
Followಮುರುಗಲ ಹಣ್ಣಿನ ಬಗ್ಗೆ ನೀವೆಲ್ಲರೂ ಕೇಳಿಯೇ ಇರುತ್ತೀರಿ. ಮುರುಗಲ, ಕೋಕಂ ಅಥವಾ ಪುನರ್ಪುಳಿ ಹಣ್ಣು. ಮುರುಗಲ ಹಣ್ಣು ಪಿತ್ತದ ರೋಗಕ್ಕೆ ಔಷಧವೂ ಆಗಿದೆ. ಮುರುಗಲ ಹಣ್ಣಿನ ಬೀಜ ತೆಗೆದು ಸಿಪ್ಪೆಯನ್ನು ಒಣಗಿಸಿಟ್ಟುಕೊಂಡರೆ ವರ್ಷಗಟ್ಟಲೆ ಕೆಡುವುದಿಲ್ಲ. ಇದನ್ನು ಜ್ಯೂಸ್ ಮಾಡಿ, ತಂಬುಳಿ ಮಾಡಿ ಸವಿಯಬಹುದು. ಬೇಸಿಗೆಯಲ್ಲಿ ಮುರುಗಲದ ಜ್ಯೂಸ್ ಕುಡಿದರೆ, ತಂಬುಳಿ ಸವಿದರೆ ನಿಮ್ಮ ಆಯಾಸವೆಲ್ಲ ಪರಿಹಾರ ಆಗುವುದಲ್ಲದೆ ಸಾಕಷ್ಟು ಆರೋಗ್ಯದ ಪ್ರಯೋಜನವೂ ಆಗುತ್ತೆ.
ತಂಬುಳಿ ಮಾಡುವುದು ಹೇಗೆಂದು ತಿಳಿಯೋಣ ಬನ್ನಿ.
ಬೇಕಾದ ಪದಾರ್ಥಗಳು: ಮುರುಗಲ ಹಣ್ಣು 2-3, ಬೆಲ್ಲ 1/4 ಕಪ್, ಉಪ್ಪು ರುಚಿಗೆ ತಕ್ಕಷ್ಟು, ಸಾಸಿವೆ 1/2 ಚಮಚ, ಜೀರಿಗೆ 1/2 ಚಮಚ, ಒಣಮೆಣಸು 2, ಎಣ್ಣೆ 1 ಚಮಚ
ವಿಧಾನ: ಮುರುಗಲ ಹಣ್ಣನ್ನು ಚೆನ್ನಾಗಿ ತೊಳೆದು ಬೀಜವನ್ನು ತೆಗೆದು ಸಿಪ್ಪೆಯನ್ನು ಸಣ್ಣಗೆ ಹೆಚ್ಚಿ ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಬೇಕು. ನಂತರ ಒಂದು ಪಾತ್ರೆಗೆ ರುಬ್ಬಿದ ಮಿಶ್ರಣ, ಬೆಲ್ಲ, ಉಪ್ಪು ಹಾಗೂ ಎರಡು ಕಪ್ ನೀರು ಸೇರಿಸಿ ಚೆನ್ನಾಗಿ ಬೆರೆಸಿ. ನಂತರದಲ್ಲಿ ಎಣ್ಣೆ ಬಿಸಿಮಾಡಿ ಅದಕ್ಕೆ ಜೀರಿಗೆ, ಸಾಸಿವೆ, ಒಣಮೆಣಸು ಹಾಕಿ ಒಗ್ಗರಣೆ ಸಿದ್ಧಪಡಿಸಿ ಅದನ್ನು ತಂಬುಳಿಗೆ ಸೇರಿಸಿ ಬಿಸಿ ಬಿಸಿ ಅನ್ನದೊಂದಿಗೆ ಸವಿಯಿರಿ.
ಮನೆಯಲ್ಲೇ ಪನ್ನೀರ್‌ ತಯಾರಿಸುವ ಸಂಪೂರ್ಣ ರೆಸೆಪಿ ಇಲ್ಲಿ! ...
ಮುರುಗಲ ಜ್ಯೂಸ್ ಮಾಡುವುದು ಹೇಗೆ?
ಬಿಡಿಸಿ ಒಣಗಿಸಿಟ್ಟ ಮುರುಗಲದ ಮೂರು ನಾಲ್ಕು ಸಿಪ್ಪೆಗಳನ್ನು ಒಂದು ಲೋಟ ನೀರಿನಲ್ಲಿ ನೆನೆಸಿಡಿ. ಹತ್ತು ನಿಮಿಷವಾದ ಬಳಿಕ ಅದು ಪೂರ್ತಿಯಾಗಿ ಬಣ್ಣ ಬಿಟ್ಟು, ನೀರೆಲ್ಲ ಕೆಂಪಾಗುತ್ತದೆ. ಈಗ ಬೇಕಾದಷ್ಟು ಸಕ್ಕರೆ ಸೇರಿಸಿಕೊಂಡು, ಬೇಕಿದ್ದಲ್ಲಿ ಚಿಟಿಕೆ ಏಲಕ್ಕಿ ಸೇರಿಸಿಕೊಂಡು ಸವಿಯಿರಿ.
ತೂಕ ಇಳಿಕೆ, ಮಲಬದ್ಧತೆಗೆ ಹಳೇ ಅನ್ನವೇ ಬೆಸ್ಟ್ ಮದ್ದು ...
ಪುನರ್ಪುಳಿಯ ಆರೋಗ್ಯ ಪ್ರಯೋಜನಗಳು
- ಇದರ ಸಿಹಿ ಮತ್ತು ಹುಳಿ ರುಚಿ ಭೇದಿ, ಮೂತ್ರದ ಸೋಂಕು ಮತ್ತು ಅತಿಸಾರವನ್ನು ಓಡಿಸುತ್ತದೆ. ಈ ಹಣ್ಣು ಆಂಟಿ-ಮೈಕ್ರೋಬಿಯಲ್ ಮತ್ತು ಉರಿಯೂತದ ಗುಣಗಳಿಂದ ಸಮೃದ್ಧವಾಗಿದೆ. ಬಹು ಉಪಯೋಗಿ.
- ಪುನರ್ಪುಳಿ ಹಣ್ಣಿನಲ್ಲಿರುವ ಪೋಷಕಾಂಶಗಳು ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ಪರಿಣಾಮಕಾರಿಯಾಗಿ ತಡೆಯುತ್ತವೆ. ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕ ಶಕ್ತಿಯನ್ನು ಹೊಂದಿದ್ದು ಅದು ಕ್ಯಾನ್ಸರ್ ಕೋಶಗಳ ಅಭಿವೃದ್ಧಿ ಮತ್ತು ಹರಡುವಿಕೆಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಇದು ಸ್ತನ, ಹೊಟ್ಟೆ ಮತ್ತು ಶ್ವಾಸಕೋಶದ ಅಂಗಾಂಶಗಳ ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ತಡೆಯುತ್ತದೆ.
- ಈ ಹಣ್ಣು ಫೈಬರ್ ಮತ್ತು ವಿಟಮಿನ್ ಸಿಯಿಂದ ಸಮೃದ್ಧವಾಗಿದೆ. ಇದು ಬಲವಾದ ರೋಗನಿರೋಧಕ ಶಕ್ತಿಯನ್ನು ದೇಹದಲ್ಲಿ ನಿರ್ಮಿಸಲು ಅವಶ್ಯಕವಾಗಿದೆ. ಫೈಬರ್ ಕರುಳಿನ ಬ್ಯಾಕ್ಟೀರಿಯಾವನ್ನು ಉತ್ತೇಜಿಸುತ್ತದೆ ಮತ್ತು ವಿಟಮಿನ್ ಸಿ ಆಂಟಿಆಕ್ಸಿಡೆಂಟ್ ಪ್ರತಿರಕ್ಷಣಾ ಕೋಶಗಳನ್ನು ಉತ್ತೇಜಿಸುತ್ತದೆ.
- ಇದು ನ್ಯೂರೋಪ್ರೊಟೆಕ್ಟಿವ್ ಮತ್ತು ಮೈಟೊಕಾಂಡ್ರಿಯದ ವರ್ಧಿಸುವ ಗುಣಲಕ್ಷಣಗಳ ವಿಶಿಷ್ಟ ಗುಣವನ್ನು ಹೊಂದಿದೆ. ಮನೋವೈದ್ಯಕೀಯ ಚಿಕಿತ್ಸಕ ಚಿಕಿತ್ಸೆಗಳಿಗೆ ಈ ಹಣ್ಣು ಪ್ರಯೋಜನವನ್ನು ನೀಡುತ್ತದೆ. ಇದು ಬೈಪೋಲಾರ್ ಡಿಸಾರ್ಡರ್ಸ್ ಮತ್ತು ಸ್ಕಿಜೋಫ್ರೇನಿಯಾಗೆ ಪರಿಹಾರ ನೀಡಬಹುದು.
- ಮಧುಮೇಹ ವಿರೋಧಿ ಔಷಧಿಗಳಲ್ಲಿ ಈ ಹಣ್ಣನ್ನು ಬಳಸಲಾಗುತ್ತದೆ. ಇದು ಮಧುಮೇಹವನ್ನು ಅದರ ಅತ್ಯಮೂಲ್ಯವಾದ ಪೋಷಣೆಯೊಂದಿಗೆ ನಿಗ್ರಹಿಸುವ ಸಾಮರ್ಥ್ಯವನ್ನು ಹೊಂದಿದೆ. ನಮ್ಮ ಹೆಚ್ಚಿನ ಆರೋಗ್ಯ ಸಮಸ್ಯೆಗಳನ್ನು ತಗ್ಗಿಸಲು ಇದನ್ನು ನಿಯಮಿತವಾಗಿ ಸೇವಿಸಬಹುದು.
ಪ್ರತಿಯೊಬ್ಬ ಮಹಿಳೆಯೂ ಆಹಾರಕ್ರಮದಲ್ಲಿ ಸೇರಿಸಲೇಬೇಕಾದ 5 ಸೂಪರ್ ಫುಡ್ಸ್ ...
- ಇದು ಆಂಟಿ-ಟ್ಯೂಮರ್, ಆಂಟಿಬ್ಯಾಕ್ಟೀರಿಯಲ್ ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳೊಂದಿಗೆ ಸಂಯೋಜಿಸಲ್ಪಟ್ಟ ಪೋಷಕಾಂಶಗಳ ಗುಂಪನ್ನು ಹೊಂದಿದೆ. ಈ ಹಣ್ಣನ್ನು ನಿಯಮಿತವಾಗಿ ಸೇವಿಸುವುದರಿಂದ ಗಡ್ಡೆ( ಟ್ಯೂಮರ್) ಮಲೇರಿಯಾ ಮತ್ತು ಕ್ಷಯರೋಗದಂತಹ ಕಾಯಿಲೆಗಳನ್ನು ತಡೆಯಬಹುದು.
