ಆರ್ಡರ್ ಕೊಟ್ಟು ಗಂಟೆಗಟ್ಟಲೆ ಕಾಯ್ಬೇಕಿಲ್ಲ..! ಕೆಲವೇ ನಿಮಿಷಗಳಲ್ಲಿ ಬರ್ಗರ್ ತಯಾರಿಸುತ್ತೆ ರೊಬೋಟ್..!
ಬರ್ಗರ್ (Burger) ಹಲವರ ಫೇವರಿಟ್. ಆದ್ರೆ ಬರ್ಗರ್ ಮಾಡೋಕೆ ತುಂಬಾ ಟೈಂ ಬೇಕು. ಶಾಪ್‌ (Shop)ಗೆ ಹೋದ್ರೆ ಆರ್ಡರ್ ಕೊಟ್ಟು ಗಂಟೆಗಟ್ಟಲೆ ಕಾಯಬೇಕು ಅನ್ನೋದು ಹಲವರ ಗೋಳು. ಆದ್ರೆ ಇಲ್ಲೊಂದು ಬರ್ಗರ್ ರೋಬೋಟ್ (Robot) ಇದೆ. ಇದು ಕೆಲವೇ ನಿಮಿಷಗಳಲ್ಲಿ ಬರ್ಗರ್ ತಯಾರಿಸಿ ಟೇಬಲ್ ಮೇಲಿಡುತ್ತೆ.
 )
Followಪಿಜ್ಜಾ, ಬರ್ಗರ್ (Burger) ತಿನ್ನೋದೆನೋ ಹಲವರಿಗೆ ಇಷ್ಟ. ಆದ್ರೆ ನಮ್ಮ ಫೇವರಿಟ್ ಫುಡ್ ಆರ್ಡರ್ (Order) ಮಾಡಿ ಕಾಯೋದಿದ್ಯಲ್ಲ ಆ ಕಷ್ಟ ಮಾತ್ರ ಯಾರಿಗೂ ಬೇಡ. ಬರ್ಗರ್ ಆರ್ಡರ್ ಕೊಟ್ರೂ ಪಿಜ್ಜಾ ಆರ್ಡರ್ ಕೊಟ್ರೂ ಈ ಕಷ್ಟ ಮಾತ್ರ ತಪ್ಪಲ್ಲ. ಹಲವಾರು ಮೇಲೋಗರಗಳನ್ನು ಒಳಗೊಂಡ ಬರ್ಗರ್ ತಿನ್ನೋಕೆನೋ ಚೆನ್ನಾಗಿರುತ್ತೆ. ಆದ್ರೆ ಆರ್ಡರ್ ಕೊಟ್ಟಾದ್ಮೇಲೂ ರೆಡಿ ಆಗೋಕೆ 20 ನಿಮಿಷಗಳಾದ್ರೂ ತಗೊಳುತ್ತೆ. ಹೀಗಾಗಿಯೇ ಹಲವರಿಗೆ ಬರ್ಗರ್ ತಿನ್ನೋದು ಅಂದ್ರೆ ಬೇಜಾರು. ಆದ್ರೆ ಇನ್ಮುಂದೆ ಈ ರೀತಿಯ ಕಷ್ಟ ಇರಲ್ಲ. ನೀವು ಆರ್ಡರ್ ಮಾಡಿದ ಕೆಲವೇ ನಿಮಿಷಗಳಲ್ಲಿ ಟೇಸ್ಟೀ ಬರ್ಗರ್ ನಿಮ್ಮ ಟೇಬಲ್ ಮೇಲಿರುತ್ತೆ. ಇದೆಲ್ಲಾ ಸಾಧ್ಯವಾಗೋದು ಹೇಗೆ ಅಂತೀರಾ. ಇದೆಲ್ಲಾ ರೊಬೋಟ್ (Robot) ಕೈ ಚಳಕ ಅಷ್ಟೆ.
ರೋಬೋಟ್ ತಂತ್ರಜ್ಞಾನ ಇವತ್ತಿನ ದಿನಗಳಲ್ಲಿ ಎಲ್ಲಾ ಕ್ಷೇತ್ರಗಳಿಗೂ ವ್ಯಾಪಿಸಿದದೆ. ಅದೆಷ್ಟೋ ದೊಡ್ಡ ರೆಸ್ಟೋರೆಂಟ್‌ (Restaurants)
ಗಳು ಫುಡ್ ಸರ್ವ್ ಮಾಡಲು ರೊಬೋಟ್‌ಗಳನ್ನೇ ಬಳಸಿಕೊಳ್ಳುತ್ತಿದ್ದಾರೆ. ವರ್ಷದ ಹಿಂದೆ ಬಾಲಕನೊಬ್ಬನ ಆರೋಗ್ಯ ಹದಗೆಟ್ಟಿದ್ದಾಗ ಆತನಿಗೆ ಅಟೆಂಡೆನ್ಸ್ ದೊರಕಲು ಆತನ ಬಲು ರೊಬೋಟ್ ಶಾಲೆಗೆ ಬರುತ್ತಿತ್ತು. ಹಾಗೆಯೇ ಸದ್ಯ ಆಹಾರ ತಯಾರಿಕೆಗೂ ರೊಬೋಟ್ ಸೈ ಅಂದಿದೆ.
Miko 3: 5 ರಿಂದ 10 ವರ್ಷ ವಯಸ್ಸಿನ ಮಕ್ಕಳ ಕಲಿಕೆಗಾಗಿ AI ಚಾಲಿತ ರೋಬೋಟ್ ಭಾರತದಲ್ಲಿ ಬಿಡುಗಡೆ!
ಪಿಜ್ಜಾ ತಯಾರಿಸುವ ರೊಬೋಟ್ ಬಗ್ಗೆ ನಾವು ಕೇಳಿದ್ದೇವೆ. ಇದು ಬರ್ಗರ್ ತಯಾರಿಸುವ ರೊಬೋಟ್. ಇದಕ್ಕೆ ರೋಬೋ ಬರ್ಗರ್ ಎಂದು ಹೆಸರಿಡಲಾಗಿದೆ. ರೋಬೋ ಬರ್ಗರ್, ಬರ್ಗರ್ ವೆಂಡಿಂಗ್ ಮೆಷಿನ್ ಕುಕ್ಸ್ ಮತ್ತು ಬರ್ಗರ್‌ಗಳನ್ನು ನಿಮಿಷಗಳಲ್ಲಿ ಜೋಡಿಸುತ್ತದೆ. ಯುಎಸ್ ಮೂಲದ ಸ್ಟಾರ್ಟ್ಅಪ್ ಕೆಲವೇ ನಿಮಿಷಗಳಲ್ಲಿ ಬರ್ಗರ್ ತಯಾರಿಸುವ ರೋಬೋಟ್ ಅನ್ನು ರಚಿಸಿದೆ.
ರೋಬೋ ಬರ್ಗರ್ ಹೆಸರಿನ ರೋಬೋಟ್, ನೀವು ಮಾಲ್ ಅಥವಾ ವಿಮಾನ ನಿಲ್ದಾಣದಲ್ಲಿ ಕಾಣುವ ಸ್ವಯಂ-ಬಳಕೆಯ ಕಿಯೋಸ್ಕ್‌ಗಿಂತ ಹೆಚ್ಚು ಭಿನ್ನವಾಗಿಲ್ಲ. ಆದಾಗ್ಯೂ, ಈ ಕಿಯೋಸ್ಕ್‌ನೊಳಗೆ ರೋಬೋಟ್ ಇದೆ, ಅದು ಕೇವಲ ಆರು ನಿಮಿಷಗಳಲ್ಲಿ ತಾಜಾ ಬರ್ಗರ್‌ಗಳನ್ನು ನಿಮಗೆ ಬೇಕಾದ ರೀತಿಯಲ್ಲಿ ಮಾಡಿ ಕೊಡುತ್ತದೆ. ಮೆಕ್‌ಡೊನಾಲ್ಡ್ಸ್ ಅಥವಾ ಬರ್ಗರ್ ಕಿಂಗ್‌ನಂತಹ ತ್ವರಿತ-ಸೇವಾ ರೆಸ್ಟೋರೆಂಟ್‌ಗಳಲ್ಲಿ ಬರ್ಗರ್ ತಯಾರಿಸಲು ಬಳಸಲಾಗುವ ಐದು-ಹಂತದ ಅಡುಗೆ ಪ್ರಕ್ರಿಯೆಯನ್ನು ರೋಬೋಟ್ ಬಳಸುತ್ತದೆ.
ಯಂತ್ರವು ಗ್ರಾಹಕರಿಗೆ ಕೆಚಪ್, ಸಾಸಿವೆ ಮತ್ತು ಚೀಸ್ ಅನ್ನು ಹೊಂದುವ ಆಯ್ಕೆಯನ್ನು ನೀಡುತ್ತದೆ. ಇದು ರಾಷ್ಟ್ರೀಯ ನೈರ್ಮಲ್ಯ ಫೌಂಡೇಶನ್‌ನ ಮಾನದಂಡಗಳಿಗೆ ಬದ್ಧವಾಗಿರುವ ತನ್ನದೇ ಆದ ಶುಚಿಗೊಳಿಸುವ ವ್ಯವಸ್ಥೆಯನ್ನು ಸಹ ಹೊಂದಿದೆ. ಕಚ್ಚಾ ಸಾಮಗ್ರಿಗಳಿಗೆ ಸಂಬಂಧಿಸಿದಂತೆ, ಕಂಪನಿಯು ಪ್ರತಿಜೀವಕಗಳಿಲ್ಲದ ಮಾಂಸವನ್ನು ಬಳಸುವುದಾಗಿ ಹೇಳಿಕೊಂಡಿದೆ ಮತ್ತು ಬನ್‌ಗಳಿಗಾಗಿ, ಇದು ಸ್ಥಳೀಯ ಬೇಕರಿಯಿಂದ ಆಲೂಗಡ್ಡೆ ಬನ್ ಅನ್ನು ಬಳಸುತ್ತದೆ. ಮುಂಬರುವ ತಿಂಗಳುಗಳಲ್ಲಿ ಇದನ್ನು ದೇಶಾದ್ಯಂತ ಮಾಲ್‌ಗಳು, ವಿಮಾನ ನಿಲ್ದಾಣಗಳು, ಕಾಲೇಜುಗಳು ಮತ್ತು ಇತರ ಸ್ಥಳಗಳಿಗೆ ವಿಸ್ತರಿಸಲು ಪ್ಲಾನ್ ಮಾಡಲಾಗಿದೆ.
Pizza Robot Restaurant: ಜಸ್ಟ್ 45 ಸೆಕೆಂಡಿನಲ್ಲಿ ಪಿಜ್ಜಾ ತಯಾರಿಸುತ್ತೆ ರೋಬೋಟ್..!
ಈ ಹಿಂದೆ ಪಿಜ್ಜಾ ತಯಾರಿಸುವ ರೊಬೋಟ್ ಫೇಮಸ್ ಆಗಿತ್ತು. ಈ ರೊಬೋಟ್ ಗ್ರಾಹಕರು ಆರ್ಡರ್ ಮಾಡಿದ ಪ್ರತಿ 45 ಸೆಕೆಂಡಿಗೆ ಪಿಜ್ಜಾ ತಯಾರಿಸುತ್ತಿತ್ತು. ಸ್ಟೆಲ್ಲರ್ ಪಿಜ್ಜಾ ಎಂಬ ಈ ಕಂಪೆನಿಯನ್ನು ಮೇ 2019ರಲ್ಲಿ ಮೂವರು ಮಾಜಿ ಸ್ಪೇಸ್‌ಎಕ್ಸ್ ಎಂಜಿನಿಯರ್‌ಗಳಾದ ಬೆನ್ಸನ್ ತ್ಸೈ, ಬ್ರಿಯಾನ್ ಲ್ಯಾಂಗೋನ್ ಮತ್ತು ಜೇಮ್ಸ್ ವಹಾವಿಸನ್ ಸ್ಥಾಪಿಸಿದರು.
ಸ್ಟೆಲ್ಲರ್ ಪಿಜ್ಜಾದ ಸಿಇಒ ಬೆನ್ಸನ್ ತ್ಸೈ ಅವರು ಎಲೋನ್ ಮಸ್ಕ್‌ನ ಕಂಪೆನಿಯೊಂದರಲ್ಲಿ ಐದು ವರ್ಷಗಳ ಕಾಲ ಕಾರ್ಯ ನಿರ್ವಹಿಸಿದ್ದರು. ಅಲ್ಲಿ ಅವರು ರಾಕೆಟ್‌ಗಳು ಮತ್ತು ಉಪಗ್ರಹಗಳಿಗಾಗಿ ಸುಧಾರಿತ ಬ್ಯಾಟರಿ ವ್ಯವಸ್ಥೆಯನ್ನು ವಿನ್ಯಾಸಗೊಳಿಸಿದರು. ಟ್ರಕ್‌ನ ಹಿಂಭಾಗಕ್ಕೆ ಹೊಂದಿಕೊಳ್ಳುವ ಸ್ವಯಂಚಾಲಿತ, ಪಿಜ್ಜಾ ತಯಾರಿಸುವ ಯಂತ್ರವನ್ನು ನಿರ್ಮಿಸಲು ಅವರು 23ಕ್ಕೂ ಹೆಚ್ಚು ಮಾಜಿ ಸ್ಪೇಸ್‌ಎಕ್ಸ್ ಉದ್ಯೋಗಿಗಳನ್ನು ಒಟ್ಟುಗೂಡಿಸಿದರು. ಇವರೆಲ್ಲರ ಪ್ರಯತ್ನದ ಫಲವಾಗಿಯೇ ಪಿಜ್ಜಾ (Pizza) ತಯಾರಿಸುವ ರೊಬೋಟ್ ಅನ್ನು ತಯಾರಿಸಲಾಯಿತು. ಸ್ಟೆಲ್ಲರ್ ಪಿಜ್ಜಾದ ರೋಬೋಟಿಕ್ ಯಂತ್ರ (Machine) ಪಿಜ್ಜಾವನ್ನು ತಯಾರಿಸಿ, ಬೇಯಿಸಿ, ಸರ್ವ್ ಮಾಡಲು ಸಿದ್ಧಪಡಿಸಿ ಕೊಡುತ್ತದೆ.
