ರಾಮಮಂದಿರ ಉದ್ಘಾಟನೆಗೂ ಮುನ್ನ ಅಯೋಧ್ಯೆಯ ಹನುಮಾನ್ ಗರ್ಹಿ ಲಡ್ಡುಗೆ ಸಿಕ್ತು ಜಿಐ ಟ್ಯಾಗ್
ಅಯೋಧ್ಯೆಯ ಜಗತ್ಪ್ರಸಿದ್ಧ ಹನುಮಾನ್ ಗರ್ಹಿ ಲಡ್ಡುಗೂ ಜಿಐ ಟ್ಯಾಗ್ ಸಿಕ್ಕಿದೆ. ಈ ಲಡ್ಡು ಯುಗಯುಗಾಂತರಗಳಿಂದ ಪ್ರಸಿದ್ಧಿ ಪಡೆದಿದೆ.
![Ayodhyas Hanuman Garhi Besan Ladoo Secures GI Tag Ahead Of Temple Consecration skr Ayodhyas Hanuman Garhi Besan Ladoo Secures GI Tag Ahead Of Temple Consecration skr](https://static-ai.asianetnews.com/images/01hkw12949ykjyqx3zng2hj50r/ayodhya-s-hanuman-garhi-laddu-gets-gi-tag-ahead-of-ram-mandir-inauguration_363x203xt.jpg)
ರಾಮಮಂದಿರ ದೇಗುಲದ ಪ್ರತಿಷ್ಠಾಪನೆಗೆ ಇನ್ನೇನು ಕೆಲವೇ ದಿನವಿದೆ. ಅಯೋಧ್ಯೆಯಲ್ಲಿ ಇದರ ತಯಾರಿ ಭರ್ಜರಿಯಾಗಿ ನಡೆಯುತ್ತಿದೆ. ಈ ನಡುವೆ ಅಯೋಧ್ಯೆಯ ಹನುಮಾನ್ ಗರ್ಹಿ ಬೇಸನ್ ಲಾಡೂಗೆ ಜಿಐ ಟ್ಯಾಗ್ ದೊರೆತಿದೆ.
ಒಡಿಶಾದ ಚಿಗಳಿ ಚಟ್ನಿಗೆ ಜಿಐ ಟ್ಯಾಗ್ ಸಿಕ್ಕಿದ ಬೆನ್ನಲ್ಲೇ ಅಯೋಧ್ಯೆಯ ಪ್ರಸಿದ್ಧ ಹನುಮಾನ್ ಗರ್ಹಿ ಲಾಡೂ ಕೂಡಾ ಭೌಗೋಳಿಕ ಸೂಚಕ ಮುದ್ರೆ ಒತ್ತಿಸಿಕೊಂಡಿದೆ. ಈ ಗುರುತಿಸುವಿಕೆಯು ಈ ಲಾಡೂಗಳ ವಿಶಿಷ್ಟ ಗುರುತನ್ನು ರಕ್ಷಿಸುವ ಗುರಿಯನ್ನು ಹೊಂದಿದೆ. ಅಯೋಧ್ಯೆ ಈ ಲಾಡುಗಳ ಮೂಲ ಎಂಬುದನ್ನು ಸೂಚಿಸುವ ಜೊತೆಗೆ, ಸ್ಥಳೀಯ ಉತ್ಪಾದಕರ ಸಾಂಸ್ಕೃತಿಕ ಪರಂಪರೆ ಮತ್ತು ಆರ್ಥಿಕ ಹಿತಾಸಕ್ತಿಗಳನ್ನು ಸಹ ಭೌಗೋಳಿಕ ಸೂಚಕ ಟ್ಯಾಗ್ ಬೆಂಬಲಿಸುತ್ತದೆ.
ಸರ್ಕಾರದ ಈ ಕ್ರಮವನ್ನು ಶ್ಲಾಘಿಸುತ್ತಿರುವ ಸ್ಥಳೀಯ ಲಾಡೂ ತಯಾರಕರು, 'ಈ ಬೆಳವಣಿಗೆಯು ಅಯೋಧ್ಯೆಯ ನಿವಾಸಿಗಳು ಮತ್ತು ಮೋದಕ ಸಮಾಜಕ್ಕೆ ಸಂತೋಷವನ್ನು ತರುತ್ತದೆ.ರಾಮಮಂದಿರ ಉದ್ಘಾಟನೆಯ ಈ ಸಮಯದಲ್ಲಿ ಜಿಐ ಟ್ಯಾಗ್ ಸಿಕ್ಕಿರುವುದು ಹೆಚ್ಚು ಮಹತ್ವದ್ದಾಗಿದೆ, ' ಎಂದಿದ್ದಾರೆ.
ಕೆಂಪಿರುವೆ ಚಟ್ನಿಯಷ್ಟೇ ಅಲ್ಲ, ಒಡಿಶಾದ ಇನ್ನೂ 6 ಉತ್ಪನ್ನಗಳಿಗಿದೆ ಜಿಐ ...
ಅಯೋಧ್ಯೆಯಲ್ಲಿ ಶ್ರೀರಾಮನನ್ನು ನೋಡುವ ಮೊದಲು, ಭಕ್ತರು ಅಯೋಧ್ಯೆಯ ರಕ್ಷಕನೆಂದು ಪರಿಗಣಿಸಲ್ಪಟ್ಟ ಭಗವಾನ್ ಹನುಮಂತನಿಂದ ಆಶೀರ್ವಾದವನ್ನು ಪಡೆಯಬೇಕು ಎಂಬ ಸಂಪ್ರದಾಯವಿದೆ. ಇದಕ್ಕಾಗಿ ಜನರು ಪೂಜ್ಯ ಭಬಜರಂಗಬಲಿ ಹನುಮಾನ್ ಗರ್ಹಿ ದೇವಸ್ಥಾನಕ್ಕೆ ತೆರಳಬೇಕು. ಈ ದೇವಾಲಯದಲ್ಲಿ ಲಾಡೂ ಪ್ರಸಾದ ಕೊಡಲಾಗುತ್ತದೆ.
ಹನುಮಾನ್ ಗರ್ಹಿ ಲಡ್ಡು ಏಕೆ ಪ್ರಸಿದ್ಧ?
ಹನುಮಾನ್ ಗರ್ಹಿ ಲಡ್ಡು ಯುಗಯುಗಾಂತರಗಳಿಂದ ಪ್ರಸಿದ್ಧಿ ಪಡೆದಿದೆ. ಜನರು ತಮ್ಮೊಂದಿಗೆ ದೂರದ ಸ್ಥಳಗಳಿಗೆ ಈ ಲಡ್ಡುವನ್ನು ಖರೀದಿಸಿ ತೆಗೆದುಕೊಂಡು ಹೋಗುತ್ತಾರೆ. ಈ ಲಡ್ಡುಗಳ ವಿಶೇಷತೆಯೆಂದರೆ, ಅವುಗಳನ್ನು ತಯಾರಿಸಲು ವಿಭಿನ್ನ ವಿಧಾನಗಳಿವೆ. ಪ್ರತಿಯೊಬ್ಬರೂ ಅದನ್ನು ಇಷ್ಟಪಡುತ್ತಾರೆ.
ಎಫ್ಐಆರ್ ಬೆನ್ನಲ್ಲೇ ಎಚ್ಚೆತ್ತುಕೊಂಡ ಅನ್ನಪೂರ್ಣಿ! ಕ್ಷಮೆ ಕೋರುವ ಜೊ ...
ಭೌಗೋಳಿಕ ಸೂಚನೆ (GI) ಎಂದರೇನು?
ಭೌಗೋಳಿಕ ಸೂಚನೆಯು ನಿರ್ದಿಷ್ಟ ಭೌಗೋಳಿಕ ಮೂಲವನ್ನು ಹೊಂದಿರುವ ಮತ್ತು ಗುಣಗಳನ್ನು ಹೊಂದಿರುವ ಅಥವಾ ಆ ಮೂಲದ ಕಾರಣದಿಂದಾಗಿ ಖ್ಯಾತಿಯನ್ನು ಹೊಂದಿರುವ ಉತ್ಪನ್ನಗಳ ಮೇಲೆ ಬಳಸಲಾಗುವ ಚಿಹ್ನೆ.