ಯೋನಿಮುದ್ರೆ ಅಂದರೆ ನಿಮಗೆ ಗೊತ್ತಾ? ಮಹಿಳೆಯರು ಇದನ್ನು ಮಾಡೋದರಿಂದ ಆಗೋ ಲಾಭಗಳು ನಿಮಗೆ ಗೊತ್ತಿರಲಿ!
ಹೆಚ್ಚಿನ ಹಸ್ತ ಮುದ್ರೆಗಳನ್ನು ಎಲ್ಲವೂ ಮಾಡಬಹುದು. ಆದರೆ ಯೋನಿ ಮುದ್ರೆಯು (yoni mudra) ವಿಶೇಷವಾಗಿ ಮಹಿಳೆಯರಿಗಾಗಿಯೇ ವಿನ್ಯಾಸಗೊಳಿಸಲಾದ ಅಪರೂಪದ ಮುದ್ರೆ. ಹಾಗೆಂದು ಇವನ್ನು ಪುರುಷರು ಮಾಡಬಾರದೆಂದಲ್ಲ. ಮಾಡಬಹುದು. ನಿಯಮಿತವಾಗಿ ಯೋನಿಮುದ್ರೆ ಮಾಡಿದರೆ ಇವರಲ್ಲಿ ಹೆಣ್ತನವು ಜಾಗೃತವಾಗುತ್ತದೆ.
 )
Followಯೋಗಾಭ್ಯಾಸದಲ್ಲಿ ಪರಿಣತರು ಹಲವಾರು ಮುದ್ರೆಗಳನ್ನು ಅಭ್ಯಾಸ ಮಾಡುತ್ತಾರೆ. ಮುದ್ರೆಗಳೆಂದರೆ ಕೈ ಬೆರಳುಗಳಲ್ಲಿ ಮಾಡುವ ನಾನಾ ಭಂಗಿಗಳು. ಈ ಮುದ್ರೆಗಳನ್ನು ದಿನನಿತ್ಯ ನಿಗದಿತ ಪ್ರಮಾಣದಲ್ಲಿ ಮಾಡುವುದರಿಂದ ಅನೇಕ ಆರೋಗ್ಯ ಲಾಭಗಳಿವೆ. ಯೋನಿಮುದ್ರೆಯೂ (yoni mudra) ಅವುಗಳಲ್ಲಿ ಒಂದು. ಹೆಚ್ಚಿನ ಹಸ್ತ ಮುದ್ರೆಗಳನ್ನು ಎಲ್ಲವೂ ಮಾಡಬಹುದು. ಆದರೆ ಯೋನಿ ಮುದ್ರೆಯು ವಿಶೇಷವಾಗಿ ಮಹಿಳೆಯರಿಗಾಗಿಯೇ ವಿನ್ಯಾಸಗೊಳಿಸಲಾದ ಅಪರೂಪದ ಮುದ್ರೆ. ಹಾಗೆಂದು ಇವನ್ನು ಪುರುಷರು ಮಾಡಬಾರದೆಂದಲ್ಲ. ಮಾಡಬಹುದು. ನಿಯಮಿತವಾಗಿ ಯೋನಿಮುದ್ರೆ ಮಾಡಿದರೆ ಇವರಲ್ಲಿ ಹೆಣ್ತನವು ಜಾಗೃತವಾಗುತ್ತದೆ.
ಯೋನಿಮುದ್ರೆಯನ್ನು ಯಾಕೆ ಮಾಡುತ್ತಾರೆ? ಎಲ್ಲಾ ಹಸ್ತ ಮುದ್ರೆಗಳನ್ನು ದೇಹದಲ್ಲಿ ಕೆಲವು ರೀತಿಯ ಶಕ್ತಿಗಳನ್ನು ಉತ್ತೇಜಿಸಲು ಮಾಡಲಾಗುತ್ತದೆ. ಯೋನಿ ಮುದ್ರೆಯು ಪ್ರಾಥಮಿಕವಾಗಿ ಸ್ತ್ರೀ ಶಕ್ತಿಯ ಮೇಲೆ ಕೇಂದ್ರೀಕೃತವಾಗಿದೆ. ಇದು ಶಕ್ತಿಮಾತೆ, ದುರ್ಗೆಗೆ ಸಮರ್ಪಿತವಾದ ಭಂಗಿ. ಆಕೆ ಭಗವತಿ, ಅಥವಾ ಬ್ರಹ್ಮಾಂಡದ ಸ್ತ್ರೀಲಿಂಗವನ್ನು ಪ್ರತಿನಿಧಿಸುತ್ತಾಳೆ.
ಯೋನಿಮುದ್ರೆಯು ಮಹಿಳೆಯರಿಗೆ ತಮ್ಮದೇ ಆದ ಆಂತರಿಕ ದೇವತೆಯನ್ನು ಅನುಭವಿಸಲು ಪ್ರೋತ್ಸಾಹಿಸುತ್ತದೆ. ಗರ್ಭಾಶಯಕ್ಕೆ ಇದರ ನೇರ ಪರಿಣಾಮ. ಇದರ ಅಭ್ಯಾಸಿಯು ತನ್ನದೇ ಆದ ಸೃಷ್ಟಿ, ಅಭಿವ್ಯಕ್ತಿ ಮತ್ತು ರೂಪಾಂತರದ ಶಕ್ತಿಯನ್ನು ಅನುಭವಿಸುತ್ತಾಳೆ. ಇದು ಫಲವತ್ತತೆ ಮತ್ತು ಮಹಿಳೆಯರ ಸಂತಾನೋತ್ಪತ್ತಿ ಆರೋಗ್ಯವನ್ನು ಹೆಚ್ಚಿಸುತ್ತದೆ. ಗರ್ಭಾಶಯಕ್ಕೆ ಕಾಡಬಹುದಾದ ಯಾವುದೇ ಬಗೆಯ ಕಾಯಿಲೆಯ ಆತಂಕವನ್ನು ದೂರ ಮಾಡುತ್ತದೆ.
ಮಗು ಗರ್ಭಾಶಯದೊಳಗೆ ಇರುವಾಗ ಈ ಮುದ್ರೆಯನ್ನು ಮಾಡಿದರೆ ಮಗು ಸುರಕ್ಷತೆ ಮತ್ತು ಶಾಂತತೆಯ ಭಾವನೆಯನ್ನು ಅನುಭವಿಸುತ್ತದೆ. ಕುಂಡಲಿನಿ ಯೋಗದ ಅಭ್ಯಾಸದಲ್ಲಿ ಈ ಮುದ್ರೆಯನ್ನು ಸಹ ಸೇರಿಸುತ್ತಾರೆ. ಕುಂಡಲಿನಿ ಯೋಗದಲ್ಲಿ ಬೆನ್ನುಮೂಳೆಯ ತಳದಲ್ಲಿ ನೆಲೆಸಿರುವ ಕುಂಡಲಿನಿ ಶಕ್ತಿಯನ್ನು ಎಚ್ಚರಿಸಿ ಸಹಸ್ರಾರದ ಕಡೆಗೆ ಏರಬಹುದು. ಅಲ್ಲಿ ಅದು ಶಿವನೊಂದಿಗೆ ಅಥವಾ ಪುರುಷ ಕಾಸ್ಮಿಕ್ ಶಕ್ತಿಯೊಂದಿಗೆ ಒಂದಾಗುತ್ತದೆ.
ಗರುಡ ಪುರಾಣದ ಪ್ರಕಾರ ಯಾವ ಕೆಟ್ಟ ಅಭ್ಯಾಸಗಳು ಮನೆಯಲ್ಲಿ ಬಡತನಕ್ಕೆ ಕಾರಣವಾಗುತ್ತೆ?
ಈ ಮುದ್ರೆಯೊಂದಿಗೆ ನೀವು ಧ್ಯಾನ ಅಥವಾ ಪ್ರಾಣಾಯಾಮವನ್ನು ಮಾಡಿದಾಗ ಅದು ನಿಮ್ಮನ್ನು ಬಾಹ್ಯ ಪ್ರಪಂಚದಿಂದ ಪ್ರತ್ಯೇಕಿಸುತ್ತದೆ ಮತ್ತು ಒಳಮುಖವಾಗಿ ತಿರುಗಲು ನಿಮ್ಮನ್ನು ಪ್ರೋತ್ಸಾಹಿಸುತ್ತದೆ.
ಇದರಲ್ಲಿ ಆಯುರ್ವೇದದ ಅಂಶಗಳಿವೆ. ಬೆಂಕಿ ಮತ್ತು ಗಾಳಿಗಳೊಂದಿಗೆ ಇದರ ಸಂಯೋಗ. ಈ ಮುದ್ರೆಯು ಪ್ರಾಣದ ಹರಿವನ್ನು ಹೆಚ್ಚಿಸುತ್ತದೆ. ದೇಹದಿಂದ ಪ್ರಾಣಚೈತನ್ಯದ ಹೊರಹರಿವನ್ನು ಕಡಿಮೆ ಮಾಡುತ್ತದೆ. ತೋರುಬೆರಳು ಮತ್ತು ಹೆಬ್ಬೆರಳಿನ ತುದಿಗಳನ್ನು ಒಟ್ಟಿಗೆ ಒತ್ತುವ ಮೂಲಕ ಇದನ್ನು ಸಾಧಿಸಲಾಗುತ್ತದೆ.
ಈ ಬೆರಳುಗಳು ಬೆಂಕಿ ಮತ್ತು ಗಾಳಿಯ ಆಯುರ್ವೇದ ಅಂಶಗಳನ್ನು ಪ್ರತಿನಿಧಿಸುತ್ತವೆ. ಅವುಗಳನ್ನು ಸೇರಿಸುವುದರಿಂದ ಈ ಅಂಶಗಳ ನಡುವೆ ಸಮತೋಲನವನ್ನು ತರಬಹುದು. ಗಾಳಿ ಮತ್ತು ಬೆಂಕಿಯನ್ನು ಸಮತೋಲನಗೊಳಿಸುವ ಮೂಲಕ, ನೀವು ಅವರ ಕೊರತೆಯಿಂದ ಬರುವ ವಿವಿಧ ದೈಹಿಕ ಅಥವಾ ಭಾವನಾತ್ಮಕ ಕಾಯಿಲೆಗಳನ್ನು ಎದುರಿಸಬಹುದು.
ಉದಾಹರಣೆಗೆ, ನೀವು ಸುಪ್ತ ಬೆಂಕಿಯ ಶಕ್ತಿಯೊಂದಿಗೆ ಹೋರಾಡುತ್ತಿದ್ದರೆ, ಅದನ್ನು ಸಮತೋಲನಗೊಳಿಸಿದಾಗ ನಿಮ್ಮ ಆಂತರಿಕ ಶಕ್ತಿ, ಆತ್ಮವಿಶ್ವಾಸ ಹೆಚ್ಚುತ್ತದೆ. ಮತ್ತೊಂದೆಡೆ, ನಿಮ್ಮ ಗಾಳಿಯು ವಿಪರೀತವಾಗಿದ್ದರೆ, ನೀವು ಅತಿಯಾಗಿ ಯೋಚಿಸುವುದು, ಹೈಪರ್ಆಕ್ಟಿವಿಟಿ ಅಥವಾ ತೂಕವನ್ನು ಪಡೆಯಬಹುದು. ಈ ಅಂಶವನ್ನು ಸಮತೋಲನಗೊಳಿಸಲು ಇದು ಸಹಾಯ ಮಾಡುತ್ತದೆ.
Tarot Readings: ನಕಾರಾತ್ಮಕ ಯೋಚನೆಗಳೇ ಈ ರಾಶಿಗೆ ಶತ್ರುಗಳು..
ಮತ್ತೊಂದೆಡೆ, ಇದು ನಿಮ್ಮ ಗರ್ಭ ಮತ್ತು ಸಂತಾನೋತ್ಪತ್ತಿ ಅಂಗಗಳಿಗೆ ಚೈತನ್ಯವನ್ನು ತರುತ್ತದೆ. ಹೀಗಾಗಿ ಆರು ಚಕ್ರಗಳಲ್ಲಿ ಒಂದಾದ ಸ್ವಾಧಿಷ್ಟಾನ ಚಕ್ರವನ್ನು ಸಹ ಸಕ್ರಿಯಗೊಳಿಸುತ್ತದೆ. ಈ ಶಕ್ತಿ ಕೇಂದ್ರವನ್ನು ಎಚ್ಚರಿಸುವ ಮೂಲಕ ನೀವು ಹೆಚ್ಚು ಸೃಜನಾತ್ಮಕ, ಭಾವಾನಾತ್ಮಕ ಜೀವನದ ಸಂತೋಷಗಳನ್ನು ಆನಂದಿಸಲು ಸಾಧ್ಯವಾಗುತ್ತದೆ.
ಯೋನಿ ಮುದ್ರಾ ಪ್ರಯೋಜನಗಳು
- ಯೋನಿಮುದ್ರೆಯು ಜೀವನದಲ್ಲಿ ನಿಮ್ಮ ಉಪಸ್ಥಿತಿಗೆ ಹೆಚ್ಚಿನ ಅರ್ಥವನ್ನು ತರುತ್ತದೆ.
- ನಿಮ್ಮೊಳಗಿನ ಸ್ತ್ರೀ ಶಕ್ತಿಯನ್ನು ಸಕ್ರಿಯಗೊಳಿಸುತ್ತದೆ. ನಿಮ್ಮನ್ನು ಸಮತೋಲನಗೊಳಿಸುತ್ತದೆ. ನಿಮ್ಮ ಪುರುಷ ಶಕ್ತಿ ಹೆಚ್ಚಿದ್ದರೆ ಅದನ್ನು ಸಮತೋಲಗೊಳಿಸುತ್ತದೆ.
- ಶಕ್ತಿಯ ಮೂಲಗಳಾದ ಇಡಾ ಮತ್ತು ಪಿಂಗಲಾ ನಾಡಿಗಳನ್ನು ಸಮನ್ವಯಗೊಳಿಸುವ ಮೂಲಕ ದೇಹದಲ್ಲಿ ಸಮತೋಲನವನ್ನು ಪುನಃಸ್ಥಾಪಿಸುತ್ತದೆ.
- ದೀರ್ಘಾವಧಿಯ ಅಭ್ಯಾಸದೊಂದಿಗೆ ಮಹಿಳೆಯರಲ್ಲಿ ಫಲವತ್ತತೆಯನ್ನು ಹೆಚ್ಚಿಸುತ್ತದೆ ಮತ್ತು ಋತುಬಂಧಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ.
- ಮೆದುಳಿನ ಬಲ ಮತ್ತು ಎಡ ಬದಿಗಳನ್ನು ಸಮತೋಲನಗೊಳಿಸುತ್ತದೆ, ನಿಮ್ಮ ಪೂರ್ಣ ಸಾಮರ್ಥ್ಯಕ್ಕೆ ಎರಡೂ ಬದಿಗಳನ್ನು ಬಳಸಲು ನಿಮಗೆ ಅನುವು ಮಾಡಿಕೊಡುತ್ತದೆ.
- ನಿಮ್ಮ ಮನಸ್ಸನ್ನು ಉಸಿರು ಮತ್ತು ದೇಹಕ್ಕೆ ಸಂಪರ್ಕಿಸುತ್ತದೆ, ಇದು ಧ್ಯಾನದ ಆಳವಾದ ಸ್ಥಿತಿಯನ್ನು ತಲುಪಲು ನಿಮಗೆ ಸಹಾಯ ಮಾಡುತ್ತದೆ.
- ಯೋನಿ ಮುದ್ರೆಯು ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ. ಇದು ಚರ್ಮದ ಸಮಸ್ಯೆಗಳು ಸೇರಿದಂತೆ ಅನೇಕ ಸಮಸ್ಯೆಗಳಿಗೆ ಸಹಾಯ ಮಾಡುತ್ತದೆ
