ನಮಗೆ ಇಷ್ಟವಾಗುವ ಬಣ್ಣ ಒಂದೋ ಎರಡೋ ಇರಬಹುದು. ಆದರೆ, ಆ ಬಣ್ಣ ನಮಗೆ ಒಪ್ಪುತ್ತದೆಯೇ? ಅದೃಷ್ಟ ತಂದುಕೊಡುತ್ತದೆಯೇ? ಎಂಬ ಬಗ್ಗೆ ತಿಳಿದುಕೊಂಡಿರುವುದಿಲ್ಲ. ನಿಮಗೆ ಗೊತ್ತಿರಲಿ ಕೆಲವು ಬಣ್ಣಗಳು ರಾಶಿಚಕ್ರಗಳಿಗನುಸಾರವಾಗಿ ಅದೃಷ್ಟವನ್ನು ತಂದುಕೊಟ್ಟರೆ, ಮತ್ತೆ ಕೆಲವು ಬಣ್ಣಗಳು ದುರದೃಷ್ಟವನ್ನು ಹೊತ್ತು ತರುತ್ತವೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಬಣ್ಣಗಳ ಆಯ್ಕೆಯಲ್ಲಿ ತುಸು ಜಾಗ್ರತೆ ವಹಿಸುವುದು ಒಳ್ಳೆಯದು. ಹಾಗಾದರೆ ಯಾವ ರಾಶಿಯವರಿಗೆ ಯಾವ ಬಣ್ಣ ಅದೃಷ್ಟ ತರುತ್ತದೆ ಎಂಬುದರ ಬಗ್ಗೆ ನೋಡೋಣ.
ಒಬ್ಬೊಬ್ಬರಿಗೆ ಒಂದೊಂದು ಫೇವರಿಟ್ ಬಣ್ಣಗಳು ಇರುತ್ತವೆ. ಬಣ್ಣ ಎಂದರೆ ಹಾಗೆ ತಟ್ಟನೆ ಆಕರ್ಷಿಸುವಂತಹ ವಸ್ತು. ಪ್ರತಿ ಬಣ್ಣಗಳಿಗೂ ಅದರದ್ದೇ ಆದ ಶಕ್ತಿಯೂ ಇರುತ್ತದೆ. ಒಬ್ಬರಿಗೆ ಇಷ್ಟವಾದ ಬಣ್ಣ ಮತ್ತೊಬ್ಬರಿಗೆ ಇಷ್ಟವಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಅದರ ಜೊತೆಗೆ ಒಬ್ಬರಿಗೆ ಒಪ್ಪುವ ಬಣ್ಣ ಮತ್ತೊಬ್ಬರಿಗೆ ಒಪ್ಪುತ್ತದೆ ಎಂಬುದೂ ಅಷ್ಟೇ ಕಷ್ಟ. ಇನ್ನು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಬಣ್ಣದಲ್ಲೂ ಅದೃಷ್ಟ ಇರುತ್ತದೆ.
ಜ್ಯೋತಿಷ್ಯದ ಪ್ರಕಾರ ನಿಮಗೆ ಯಶಸ್ಸು ಬೇಕೆಂದರೆ ನಿಮ್ಮ ರಾಶಿಗೆ ಅನುಸಾರವಾಗಿ ಬಣ್ಣವನ್ನು ಆಯ್ಕೆ ಮಾಡಿಕೊಂಡು ಅದನ್ನು ಪಾಲಿಸಿದರೆ, ಆ ಬಣ್ಣವು ನಿಮಗೆ ಸಕಾರಾತ್ಮಕ ಅಂಶವನ್ನು ತಂದುಕೊಡುವುದಲ್ಲದೆ, ಸಮಸ್ಯೆಗಳನ್ನು ದೂರ ಮಾಡಲು ಸಹಾಯಕವಾಗುತ್ತದೆ ಎಂದು ಹೇಳಲಾಗಿದೆ.
ಮೇಷ ರಾಶಿ
ಈ ರಾಶಿಯ ಅಧಿಪತಿ ಮಂಗಳ ಗ್ರಹವಾಗಿದ್ದು, ಕೆಂಪು ಬಣ್ಣ ಇವರಿಗೆ ಯಾವಾಗಲೂ ಅದೃಷ್ಟವನ್ನು ತಂದುಕೊಡುತ್ತದೆ. ಕೆಂಪು ಬಣ್ಣವು ನಮ್ಮೊಳಗೆ ಹುದುಗಿರುವ ಶಕ್ತಿಯನ್ನು ಹೊರತರುತ್ತದೆ. ಜೊತೆಗೆ ಬಿಳಿ, ನಿಂಬೆ ಹಸಿರು ಅಥವಾ ಹಸಿರು ಬಣ್ಣವು ಒಪ್ಪಿತವಾಗುತ್ತದೆ.
ವೃಷಭ ರಾಶಿ
ಇದು ಪೃಥ್ವಿ ತತ್ವ ರಾಶಿಯಾಗಿದ್ದು, ಇದರ ಶುಭ ಬಣ್ಣ ಹಸಿರು. ಹಳದಿ ಮತ್ತು ಹಳದಿ ಬಣ್ಣವನ್ನು ಸೇರಿಸಿದರೆ ಬರುವ ಬಣ್ಣ ಶುಭ ತರುತ್ತದೆ. ಕಣ್ಣಿಗೆ ಶಾಂತತೆಯನ್ನು ಕೊಡುವ ಹಸಿರು ಬಣ್ಣ, ಪ್ರಕೃತಿಯ ಪ್ರತೀಕವಾಗಿದೆ. ಆದರೆ, ಇವರು ಮುಖ್ಯವಾಗಿ ಕೆಂಪು ಬಣ್ಣದಿಂದ ದೂರ ಇರಬೇಕು.
ಇದನ್ನು ಓದಿ: ಈ ಐದು ರಾಶಿಯವರು ಸಖತ್ ಸೋಮಾರಿಗಳು…! ನಿಮ್ಮ ರಾಶಿಯೂ ಇದ್ಯಾ?
ಮಿಥುನ ರಾಶಿ
ಈ ರಾಶಿಯವರಿಗೆ ಹಳದಿ ಬಣ್ಣ ಶುಭವಾಗಿದೆ. ಇವರು ಬಹಳ ಬುದ್ಧಿವಂತರು ಹಾಗೂ ಸೃಜನಶೀಲರಾಗಿರುತ್ತಾರೆ. ಹಳದಿಯು ಬುದ್ಧಿವಂತಿಕೆ, ಮನಸ್ಸು ಮತ್ತು ಪ್ರೇರಣಾತ್ಮಕ ವಿಚಾರಗಳ ಪ್ರತೀಕವಾಗಿದೆ. ಈ ಬಣ್ಣವನ್ನು ನೀವು ಬಳಸಿದರೆ ಯಾವುದೇ ಕೆಲಸದಲ್ಲಿ ಯಶಸ್ಸನ್ನು ಕಾಣುವುದಲ್ಲದೆ, ಸದಾ ಧನಾತ್ಮಕ ಚಿಂತನೆಯನ್ನು ಹೊಂದಿರುತ್ತೀರಿ.
