ಈ ರಾಶಿಗಳು ಯಾವಾಗಲೂ Panic Modeನಲ್ಲೇ ಇರುತ್ತವೆ!
ಎದುರಿಂದ ತೋರಿಸಿಕೊಳ್ಳದೆ ಇರಬಹುದು, ಆದರೆ, ಈ ರಾಶಿಗಳು ಸದಾ ಒಳಗೊಳಗೇ ಆತಂಕ ಅನುಭವಿಸುತ್ತಿರುತ್ತವೆ. ಸದಾ ಚಿಂತಿತರಾಗಿರುತ್ತಾರೆ. ಇದಕ್ಕೆ ಅವರ ಸ್ವಭಾವವೇ ಕಾರಣ. ನೀವೂ ಇಂಥ ರಾಶಿಗಳಿಗೆ ಸೇರಿದ್ದೀರಾ?
ಒತ್ತಡವು ನಿಮ್ಮ ದೇಹದ ಮೇಲೆ ವಿವಿಧ ರೀತಿಯಲ್ಲಿ ಪರಿಣಾಮ ಬೀರಬಹುದು. ಹಲವಾರು ಕಾರಣಗಳಿಗೆ ವ್ಯಕ್ತಿಯು ಒತ್ತಡ, ಆತಂಕ ಎದುರಿಸುತ್ತಾನೆ. ಕೆಲವರಿಗೆ ಕೆಲಸದ ಒತ್ತಡವಾದರೆ, ಮತ್ತೆ ಕೆಲವರಿಗೆ ತಮ್ಮನ್ನು ಯಾರಾದರೂ ತಪ್ಪು ಭಾವಿಸಿದರೆ ಎಂಬ ವಿಷಯವೇ ಆತಂಕ ತರುತ್ತದೆ. ತಮ್ಮಿಂದ ಮತ್ತೊಬ್ಬರಿಗೆ ನೋವಾದರೆ ಎಂಬ ವಿಷಯ ಕೂಡಾ ಆತಂಕ ತರುತ್ತದೆ. ಆತಂಕವು ಪ್ರಾರಂಭವಾದಾಗ, ನೀವು ಪ್ಯಾನಿಕ್ ಮೋಡ್‌ಗೆ ಹೋಗಬಹುದು ಅಥವಾ ಉದ್ಧಟತನ ಮಾಡಬಹುದು. ನೀವು ನರಗಳಿಗೆ ಹೇಗೆ ಪ್ರತಿಕ್ರಿಯಿಸುತ್ತೀರಿ ಎಂಬುದು ಅಂತಿಮವಾಗಿ ನಿಮ್ಮ ವ್ಯಕ್ತಿತ್ವಕ್ಕೆ ಸಂಬಂಧಿಸಿರುತ್ತದೆ. ನಿಮ್ಮ ಭಾವನೆಗಳನ್ನು ನೀವು ನಿರ್ವಹಿಸುವ ವಿಧಾನವು ಜೀವನದ ಮೇಲಿನ ನಿಮ್ಮ ದೃಷ್ಟಿಕೋನದ ಮೇಲೆ ಮಾತ್ರವಲ್ಲ, ನಿಮ್ಮ ಸಂಬಂಧಗಳ ಮೇಲೂ ಪರಿಣಾಮ ಬೀರುತ್ತದೆ. ಆದ್ದರಿಂದ ಯಾವ ರಾಶಿಚಕ್ರದ ಚಿಹ್ನೆಯು ಆತಂಕಕ್ಕೆ ಹೆಚ್ಚು ಒಳಗಾಗುತ್ತದೆ ತಿಳಿಯೋಣ.
ಕುಂಭ ರಾಶಿ(Aquarius)
ಕುಂಭ ರಾಶಿಯವರು ಸ್ಕೂಲ್‌ನಲ್ಲಿ ಕೂಲ್ ಎನಿಸಿಕೊಂಡಿದ್ದರೂ, ಅವರು ಅಜಾಗರೂಕತೆಯಿಂದ ಒತ್ತಡಕ್ಕೆ ಒಳಗಾಗಬಹುದು. ಈ ಗಾಳಿಯ ಚಿಹ್ನೆಯು ಜನರನ್ನು ಸಂತೋಷಪಡಿಸುತ್ತದೆ. ಸದಾ ವಿಭಿನ್ನ ಮತ್ತು ಅನನ್ಯವಾಗಿರಲು ಉತ್ಸುಕವಾಗಿರುವ ಕುಂಭ ರಾಶಿಯವರು ಹೊಂದಿಕೊಳ್ಳಲು ಬಯಸುತ್ತಾರೆ ಮತ್ತು ಜನರು ಅವರನ್ನು ಇಷ್ಟಪಡಬೇಕೆಂದು ಬಯಸುತ್ತಾರೆ.
ಕುಂಭ ರಾಶಿಯವರು ಯಾವಾಗಲೂ ಸಣ್ಣ ವಿಷಯಗಳ ಬಗ್ಗೆ ಹೆದರುತ್ತಾರೆ ಮತ್ತು ಇದನ್ನು ಜಯಿಸಲು ಅವರಿಗೆ ಕಷ್ಟವಾಗುತ್ತದೆ. ನೀವು ಕುಂಭದೊಂದಿಗೆ ಇದ್ದರೆ, ಅವರು ಬಹುತೇಕ ಎಲ್ಲದರ ಬಗ್ಗೆ ಕಾಳಜಿ ವಹಿಸುತ್ತಾರೆ ಎಂಬುದನ್ನು ನೀವು ಗಮನಿಸಬಹುದು. ಹೀಗೆ ಎಲ್ಲದರ ಬಗ್ಗೆ ಗಮನ ಹರಿಸುವುದು, ಎಲ್ಲರನ್ನು ಮೆಚ್ಚಿಸುವುದು ಮತ್ತು ವಿಭಿನ್ನವಾಗಿರುವ ಬಯಕೆಯಿಂದಾಗಿ ಅವರು ಹೆಚ್ಚು ಆತಂಕ ಅನುಭವಿಸುತ್ತಿರುತ್ತಾರೆ.
ಸಿಂಹ ರಾಶಿ(Leo)
ಸಿಂಹ ರಾಶಿಯವರು ಅತಿಯಾಗಿ ಯೋಚಿಸುವುದರಲ್ಲಿ, ಚಿಕ್ಕ ಚಿಕ್ಕ ವಿಷಯಗಳ ಬಗ್ಗೆ ಚಿಂತಿಸುವುದರಲ್ಲಿ ಮತ್ತು ತಮ್ಮ ಹೃದಯಕ್ಕೆ ವಿಷಯಗಳನ್ನು ತೆಗೆದುಕೊಳ್ಳುವುದರಲ್ಲಿ ನಿಪುಣರಾಗಿದ್ದಾರೆ. ಹೊಸ ಕಾರ್ಯಗಳನ್ನು ಮಾಡಬೇಕೆಂದಾಗೆಲ್ಲ ಸಿಂಹಲರಾಶಿಯವರು ಹೆಚ್ಚು ಆತಂಕಕ್ಕೆ ಒಳಗಾಗುತ್ತಾರೆ. ಅತಿಯಾಗಿ ಚಿಂತಿಸುವುದರ ಮೂಲಕ ಅವರು ವಿಷಯಗಳನ್ನು ಇನ್ನಷ್ಟು ಹದಗೆಡಿಸುತ್ತಾರೆ.
Ganesh Chaturthi 2022: ನೋಡಲೇಬೇಕಾದ ಪ್ರಸಿದ್ಧ ಗಣೇಶನ ದೇವಾಲಯಗಳಿವು
ಮಕರ ರಾಶಿ(Capricorn)
ಸಿಂಹ ರಾಶಿಯವರಂತೆ ಮಕರ ರಾಶಿಯವರು ಕೂಡಾ ತುಂಬಾ ಚಿಂತಿತರಾಗಿರುತ್ತಾರೆ. ಅವರು ಭಾವನಾಜೀವಿಗಳು ಮತ್ತದನ್ನು ತೋರಗೊಡುವುದಿಲ್ಲ. ಪರಿಣಾಮವಾಗಿ, ಅವರು ಆಂತರಿಕವಾಗಿ ಆತಂಕಕ್ಕೆ ಒಳಗಾಗುತ್ತಾರೆ. ಅವರನ್ನು ಅಸಭ್ಯವಾಗಿ ನಡೆಸಿಕೊಂಡರೆ, ಅವರು ಆತಂಕವನ್ನು ಬೆಳೆಸಿಕೊಳ್ಳುವ ಸಾಧ್ಯತೆಯಿದೆ ಮತ್ತು ಚೇತರಿಸಿಕೊಳ್ಳಲು ಕೆಲವು ದಿನಗಳು ಬೇಕಾಗುತ್ತವೆ.
ಮೇಷ ರಾಶಿ(Aries)
ಮೇಷ ರಾಶಿಯು ಆತಂಕಕ್ಕೆ ಒಳಗಾಗುವ ರಾಶಿಚಕ್ರಗಳಲ್ಲಿ ಒಂದಾಗಿದೆ. ಮೇಷ ರಾಶಿಯವರು ಕೆಲಸದಲ್ಲಿ ಅಥವಾ ಅವರ ವೈಯಕ್ತಿಕ ಜೀವನದಲ್ಲಿ ಸಂಭವಿಸುವ ವಿಷಯಗಳನ್ನು ಹೃದಯಕ್ಕೆ ತೆಗೆದುಕೊಳ್ಳುತ್ತಾರೆ ಮತ್ತು ಅದರ ಬಗ್ಗೆ ಚಿಂತಿಸುತ್ತಾರೆ. ಇದು ಹೆಚ್ಚಾಗಿ ಜನರ ಆತಂಕಕ್ಕೆ ಕಾರಣವಾಗಿದೆ. ಅಷ್ಟೇ ಅಲ್ಲ, ಮೇಷ ರಾಶಿಯು ಹೆಚ್ಚಿನ ಮಟ್ಟದ ಒತ್ತಡಕ್ಕೆ ಒಳಗಾಗುತ್ತದೆ, ಇದು ಅವರ ಚಿಂತೆಗೆ ಕೊಡುಗೆ ನೀಡುತ್ತದೆ.
ಗೌರಿ ಹಬ್ಬ 2022 ಯಾವಾಗ? ಶುಭ ಮುಹೂರ್ತವೇನು?
ತುಲಾ ರಾಶಿ(Libra)
ತುಲಾ ರಾಶಿಯವರು ಎಲ್ಲರೂ ಸಂತೋಷವಾಗಿರಬೇಕೆಂದು ಬಯಸುತ್ತಾರೆ. ಮೇಲ್ನೋಟಕ್ಕೆ, ಇದು ಉತ್ತಮ ಗುಣವಾಗಿದೆ. ಆದರೆ, ಹಾಗೆ ಎಲ್ಲರನ್ನೂ ಸಂತೋಷವಾಗಿಡುವ ಒತ್ತಡ ತುಲಾ ರಾಶಿಯವರನ್ನು ಸದಾ ಕಾಡುತ್ತದೆ. ಇದಕ್ಕಾಗಿ ಅವರು ತಮ್ಮ ಸ್ವಂತ ಅಗತ್ಯಗಳನ್ನು ಬದಿಗೊತ್ತುವ ಅಪಾಯವನ್ನು ಎದುರಿಸುತ್ತಾರೆ. ಕಡೆಗೂ ತಾವಂದುಕೊಂಡ ಮಟ್ಟದಲ್ಲಿ ಎಲ್ಲರನ್ನೂ ತೃಪ್ತಿಯಾಗಿಡಲಾಗದ ಆತಂಕ ಅವರನ್ನು ಕಾಡುತ್ತಲೇ ಇರುತ್ತದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
