ನಿದ್ರೆ ಬರೋಲ್ವಾ? ರಾಹುದೋಷ ಇರ್ಬೋದು! ಪರಿಹಾರ ಇಲ್ಲಿದೆ..
ಪ್ರತಿ ರಾತ್ರಿ ಎಷ್ಟೇ ಹೊರಳಾಡಿದ್ರೂ ನಿದ್ರೆ ಬರ್ತಿಲ್ಲ ಅಂದ್ರೆ ಜಾತಕದಲ್ಲಿ ರಾಹುವಿನ ದೋಷ ಕಾರಣವಾಗಿರಬಹುದು. ಈ ಬಗ್ಗೆ ನೀವೇನು ಮಾಡಬೇಕು?
ವೈದಿಕ ಜ್ಯೋತಿಷ್ಯ(Vedic Astrology)ದಲ್ಲಿ, ಎಲ್ಲ ಗ್ರಹಗಳು ಪ್ರತಿಯೊಂದು ರಾಶಿಚಕ್ರ(Zodiac signs)ದ ಮೇಲೆ ತಮ್ಮ ಪ್ರಭಾವವನ್ನು ಬೀರುತ್ತವೆ. ಜ್ಯೋತಿಷ್ಯದಲ್ಲಿ ರಾಹು ಮತ್ತು ಕೇತುಗಳನ್ನು 'ಶಾಡೋ ಪ್ಲಾನೆಟ್ಸ್' ಎಂದು ಕರೆಯಲಾಗುತ್ತದೆ. ಈ ಗ್ರಹಗಳ ಚಲನೆಯು ಮಾನವ ಜೀವನದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತವೆ.
ಜಾತಕದಲ್ಲಿ ರಾಹು(Rahu)ವಿನ ಬಲಹೀನತೆಯು ಒಬ್ಬ ವ್ಯಕ್ತಿಗೆ ನಿದ್ರೆಯಿಲ್ಲದ ರಾತ್ರಿಗಳನ್ನು ನೀಡುವುದಲ್ಲದೆ, ಅವನು ಕ್ಷಣಮಾತ್ರದಲ್ಲಿ ಶ್ರೀಮಂತಿಕೆಯಿಂದ ಬಡತನಕ್ಕೆ ಹೊರಳುವಂತೆ ಮಾಡುತ್ತದೆ. ಅದಕ್ಕಾಗಿಯೇ ಜ್ಯೋತಿಷ್ಯ ಶಾಸ್ತ್ರದಲ್ಲಿ ರಾಹು-ಕೇತುಗಳ ಮಹತ್ವ ದೊಡ್ಡದು ಎನ್ನುವುದು. ಇವು ಬಹಳ ಕ್ರೂರ ಗ್ರಹಗಳು.
ಇಂದು ನಾವು ರಾಹು ದೋಷ(Rahu Dosha)ದ ಬಗ್ಗೆ ಮಾತನಾಡೋಣ. ಈ ಗ್ರಹಗಳ ದಿಕ್ಕುಗಳು ಋಣಾತ್ಮಕತೆಯನ್ನು ತರಲು ಸಮರ್ಥವಾಗಿವೆ ಮತ್ತು ಪ್ರತಿ ಜೀವಿಗಳ ಜೀವನದಲ್ಲಿ ಪ್ರಕ್ಷುಬ್ಧತೆಯನ್ನು ಉಂಟುಮಾಡುವ ಶಕ್ತಿ ಹೊಂದಿವೆ. ಅದಕ್ಕಾಗಿಯೇ ಹಿಂದೂ ಕ್ಯಾಲೆಂಡರ್‌ನಲ್ಲಿ, ರಾಹು ಕಾಲದಲ್ಲಿ ಯಾವುದೇ ಶುಭ ಕಾರ್ಯವನ್ನು ಮಾಡುವುದನ್ನು ತಪ್ಪಿಸಲಾಗುತ್ತದೆ. ಈ ಹಂತದಲ್ಲಿ ಮಾಡಿದ ಕೆಲಸವು ವಿಫಲಗೊಳ್ಳುತ್ತದೆ ಎಂದು ನಂಬಲಾಗಿದೆ. ಆ ಸಮಯದಲ್ಲಿ ಮಾಡುವ ಕೆಲಸದಿಂದ ದುರದೃಷ್ಟಕರ ಫಲಿತಾಂಶಗಳನ್ನು ಪಡೆಯಬೇಕಾಗುತ್ತದೆ.
ಜ್ಯೋತಿಷ್ಯಶಾಸ್ತ್ರಜ್ಞರ ಪ್ರಕಾರ, ರಾಹುವು ಜಾತಕದಲ್ಲಿನ ಎಲ್ಲ 12 ಮನೆಗಳ ಮೇಲೆ ವಿಭಿನ್ನ ಪರಿಣಾಮಗಳನ್ನು ಬೀರುತ್ತದೆ. ರಾಹು ದಶಾದ ಋಣಾತ್ಮಕ ಪರಿಣಾಮಗಳು ಮತ್ತು ಅವುಗಳನ್ನು ತಪ್ಪಿಸಲು ಪರಿಹಾರವನ್ನು ನೋಡೋಣ.
ಜಾತಕದಲ್ಲಿ ರಾಹುವಿನ ಋಣಾತ್ಮಕ ಪ್ರಭಾವ
ಜ್ಯೋತಿಷ್ಯದಲ್ಲಿ, ರಾಹುವನ್ನು ಕ್ರೂರ ಗ್ರಹವೆಂದು ಪರಿಗಣಿಸಲಾಗುತ್ತದೆ. ಯಾವುದೇ ಜಾತಕದಲ್ಲಿ ರಾಹು ಬಲವಾಗಿದ್ದರೆ ಅದು ವ್ಯಕ್ತಿಗೆ ಪ್ರಯೋಜನಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ. ಮತ್ತೊಂದೆಡೆ, ಯಾವುದೇ ಜಾತಕದಲ್ಲಿ ರಾಹು ದುರ್ಬಲನಾಗಿದ್ದರೆ, ಆ ವ್ಯಕ್ತಿಯು ಜೀವನದಲ್ಲಿ ಅಡೆತಡೆಗಳು ಅಥವಾ ಸವಾಲುಗಳನ್ನು ಅನುಭವಿಸುತ್ತಾನೆ. ಇದಲ್ಲದೆ, ರಾಹು ದೋಷವು ವ್ಯಕ್ತಿಯ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಗುಣಪಡಿಸಲಾಗದ ಕಾಯಿಲೆ ಅನುಭವಿಸಬೇಕಗಬಹುದು. ಆದಾಗ್ಯೂ, ರಾಹು ಬಲಶಾಲಿಯಾಗಲು ಕೆಲವು ಸರಳ ಪರಿಹಾರಗಳನ್ನು ಇಲ್ಲಿ ಸೂಚಿಸಲಾಗಿದೆ.
Garuda Purana: ಈ ಕೆಲಸಗಳನ್ನು ಸಂಜೆಯ ನಂತರ ಮಾಡಿದರೆ ನಷ್ಟ ಗ್ಯಾರಂಟಿ!
ಜಾತಕದಲ್ಲಿ ರಾಹು ದುರ್ಬಲನಾಗಿದ್ದರೆ ಏನಾಗುತ್ತದೆ?
- ಪ್ರಕೃತಿಯಲ್ಲಿ ಹಠಾತ್ ಕಿರಿಕಿರಿ
- ಕುಟುಂಬದ ಸದಸ್ಯರ ನಡುವೆ ಹಠಾತ್ ಜಗಳಗಳು.
- ವ್ಯಕ್ತಿಯು ಡ್ರಗ್ಸ್ ಇತ್ಯಾದಿಗಳಿಗೆ ವ್ಯಸನಿಯಾಗುತ್ತಾನೆ.
- ಸಾಮಾನ್ಯ ಮಾತಿಗೂ ಕೋಪಗೊಳ್ಳುವುದು.
- ವಾಮಾಚಾರದ ಕಡೆಗೆ .ಆಸಕ್ತಿ.
- ರಾತ್ರಿಯಲ್ಲಿ ಆಗಾಗ್ಗೆ ನಿದ್ರಾಹೀನತೆ ಅಥವಾ ದುಃಸ್ವಪ್ನಗಳು, ಅಥವಾ ಮಲಗುವಾಗ ಭಯಭೀತರಾಗುವುದು ಅಥವಾ ಪ್ರಕ್ಷುಬ್ಧರಾಗುವುದು.
- ಮನೆಯಲ್ಲಿನ ಯಾವುದೇ ಗಾಜು ಹಠಾತ್ ಒಡೆಯುವುದು.
- ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳು, ಗ್ಯಾಸ್ ಸಮಸ್ಯೆಗಳು, ಹಠಾತ್ ತಲೆನೋವು, ಇತ್ಯಾದಿ ಸಮಸ್ಯೆಗಳನ್ನು ಹೊಂದಿರುವುದು.
ಎಚ್ಚರ, ಗರ್ಭಿಣಿ ಇರೋ ಮನೆಯಲ್ಲಿರಬಾರದು ಮುಳ್ಳಿನ ಗಿಡ!
ರಾಹು ದೋಷ ಪರಿಹಾರಗಳು(Remedies for Rahu Dosha)
- ಹರಿಯುವ ನೀರಿನಲ್ಲಿ 2 ಬೆಳ್ಳಿ ನಿರ್ಮಿತ ಹಾವುಗಳನ್ನು ಹರಿ ಬಿಡುವುದರಿಂದ ರಾಹು ಬಲಶಾಲಿಯಾಗುತ್ತಾನೆ.
- ಶನಿವಾರ ಉಪವಾಸ ಆಚರಿಸುವುದು ಜಾತಕದಿಂದ ಎಲ್ಲ ರೀತಿಯ ರಾಹು ದೋಷಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
- ನಿಮ್ಮ ಮನೆಯಲ್ಲಿ ರಾಹು ಯಂತ್ರವನ್ನು ಸ್ಥಾಪಿಸಿ ಮತ್ತು ಅದನ್ನು ಪ್ರತಿದಿನ ಪೂಜಿಸಿ.
- ರಾಹುವಿನ ದುರ್ಬಲ ಸ್ಥಾನದಿಂದ ನಿಮಗೆ ರಾತ್ರಿ ನಿದ್ರೆ ಮಾಡಲು ಸಾಧ್ಯವಾಗದಿದ್ದರೆ, ನಿಮ್ಮ ದಿಂಬಿನ ಮೇಲೆ ಸ್ವಲ್ಪ ಬಾರ್ಲಿ ಧಾನ್ಯಗಳನ್ನು ಇರಿಸಿ ಮತ್ತು ಮರುದಿನ ಬೆಳಿಗ್ಗೆ ಅವುಗಳನ್ನು ದಾನ ಮಾಡಿ.
- ರಾಹು ಶಾಂತಿ ಪೂಜೆಯ ಮೂಲಕ ರಾಹುವಿನ ಕೆಟ್ಟ ಪ್ರಭಾವಗಳನ್ನು ತೆಗೆದುಹಾಕಲು ಸಾಧ್ಯ. ಇದರಿಂದ ನೀವು ಇತರ ರೀತಿಯ ಮಾನಸಿಕ, ಆರ್ಥಿಕ ಮತ್ತು ದೈಹಿಕ ಸಮಸ್ಯೆಗಳನ್ನು ತೊಡೆದು ಹಾಕಬಹುದು.
- ರಾಹುವಿನ ಬೀಜ ಮಂತ್ರವನ್ನು 18,000 ಬಾರಿ ಪಠಿಸುವುದು ಸಹ ನಿಮಗೆ ಸಹಾಯ ಮಾಡುತ್ತದೆ.
