Ram navami 2023: ಈ ರಾಶಿಗಳಿಗೆ ರಾಮನ ಆಶೀರ್ವಾದದಿಂದ ಧನಯೋಗ
ಪ್ರತಿ ವರ್ಷ ರಾಮ ನವಮಿ ಹಬ್ಬವನ್ನು ಚೈತ್ರ ಮಾಸದ ಶುಕ್ಲ ಪಕ್ಷದ ನವಮಿ ದಿನಾಂಕದಂದು ಆಚರಿಸಲಾಗುತ್ತದೆ. ಈ ದಿನ ಚೈತ್ರ ನವರಾತ್ರಿಯ ಕೊನೆಯ ದಿನ. ಈ ದಿನವು ಭಗವಾನ್ ರಾಮನ ಜನ್ಮದಿನವಾಗಿದೆ. ಸನಾತನ ಧರ್ಮದಲ್ಲಿ ರಾಮ ನವಮಿಯ ಹಬ್ಬವನ್ನು ವಿಶೇಷವಾದ ಪ್ರಮುಖ ಹಬ್ಬವೆಂದು ಪರಿಗಣಿಸಲಾಗಿದೆ. ಈ ದಿನ ಬಹಳ ಅಪರೂಪವಾಗಿದೆ.
ಮಂಗಳಕರ ಯೋಗಗಳು (Shubh yog)
ವಾಲ್ಮೀಕಿ ಪ್ರಕಾರ, ಶ್ರೀರಾಮನು ಕರ್ಕ ಲಗ್ನ, ಅಭಿಜೀತ ಮುಹೂರ್ತ, ಸೂರ್ಯ, ಮಂಗಳ, ಗುರು, ಶುಕ್ರ ಮತ್ತು ಶನಿಗಳ ವಿಶೇಷ ಯೋಗದಲ್ಲಿ ಜನಿಸಿದನು. ಈ ವರ್ಷ ರಾಮ ನವಮಿಯಂದು, ಸೂರ್ಯ, ಬುಧ ಮತ್ತು ಗುರುಗಳು ಮೀನದಲ್ಲಿ, ಶನಿ ಕುಂಭದಲ್ಲಿ, ಶುಕ್ರ ಮತ್ತು ರಾಹು ಮೇಷದಲ್ಲಿದ್ದಾರೆ. ಈ ಗ್ರಹಗಳ ಮೈತ್ರಿಯು ಮಾಲವ್ಯ, ಕೇದಾರ, ಹಂಸ ಮತ್ತು ಮಹಾಭಾಗ್ಯದಂತಹ ಯೋಗಗಳನ್ನು ಸೃಷ್ಟಿಸುತ್ತಿದೆ. ಅದೇ ಸಮಯದಲ್ಲಿ, ಸರ್ವಾರ್ಥ ಸಿದ್ಧಿ, ಅಮೃತ ಸಿದ್ಧಿ, ಗುರು ಪುಷ್ಯ ಯೋಗ ಮತ್ತು ರವಿ ಯೋಗದ ಸಂಯೋಜನೆಯು ಕೂಡಾ ಈ ದಿನವನ್ನು ವಿಶೇಷವಾಗಿಸುತ್ತಿದೆ. ಈ ಅಪರೂಪದ ಯೋಗವು 3 ರಾಶಿಗಳಿಗೆ ವಿಶೇಷವಾಗಿ ಪ್ರಯೋಜನಕಾರಿಯಾಗಿರಲಿದೆ. ಭಗವಾನ್ ರಾಮ ಮತ್ತು ಆಂಜನೇಯನು ಈ ಮೂರು ರಾಶಿಚಕ್ರ ಚಿಹ್ನೆಗಳ(Zodiac signs) ಮೇಲೆ ವಿಶೇಷ ಆಶೀರ್ವಾದವನ್ನು ನೀಡಲಿದ್ದಾರೆ.
ಈ ಅದೃಷ್ಟದ ರಾಶಿಗಳು ಯಾವುವು ನೋಡೋಣ.
ಈ ರಾಶಿಗಳಿಗಿದೆ ಲವ್ ಲಕ್; ಪ್ರೀತಿಯಲ್ಲಿ ಬಿದ್ದ ಮೇಲೆ ಗೆದ್ದೇ ಸೈ ಎನ್ನುವವರಿವರು..
ವೃಷಭ ರಾಶಿ (Taurus)
ರಾಮ ನವಮಿಯ ಈ ಹಬ್ಬವು ವೃಷಭ ರಾಶಿಯವರಿಗೆ ಅನೇಕ ಮಂಗಳಕರ ಉಡುಗೊರೆಗಳನ್ನು ತರುತ್ತದೆ. ಈ ಶುಭ ಯೋಗಗಳ ಸಂಯೋಗದಿಂದ ಈ ರಾಶಿಯವರಿಗೆ ಆರ್ಥಿಕ ಸ್ಥಿತಿ ಬಲವಾಗಿರುತ್ತದೆ. ಇದುವರೆಗೆ ನಡೆಯುತ್ತಿದ್ದ ಹಣಕ್ಕೆ ಸಂಬಂಧಿಸಿದ ಕಾಮಗಾರಿಗಳು ಪೂರ್ಣಗೊಳ್ಳಲಿವೆ. ಕೆಲಸದ ಸ್ಥಳದಲ್ಲಿ ಅಧಿಕಾರಿಗಳ ಬೆಂಬಲವನ್ನು ಪಡೆಯುತ್ತಾರೆ, ಹೊಸ ಜವಾಬ್ದಾರಿಯನ್ನು ಪಡೆಯುವ ಸಾಧ್ಯತೆಗಳಿವೆ. ನೀವು ಯಾವುದೇ ಹೂಡಿಕೆಗಾಗಿ ಯೋಚಿಸುತ್ತಿದ್ದರೆ, ಮುಂದುವರಿಯಲು ಈ ಸಮಯವು ತುಂಬಾ ಒಳ್ಳೆಯದು. ವ್ಯಾಪಾರ ಮಾಡುವವರಿಗೆ ಹೊಸ ಪಾಲುದಾರಿಕೆಗಳು ರೂಪುಗೊಳ್ಳುತ್ತವೆ.
ತುಲಾ ರಾಶಿ(Libra)
ಈ ಮಂಗಳಕರ ಯೋಗ ಮತ್ತು ಗ್ರಹಗಳ ಮೈತ್ರಿಯಿಂದಾಗಿ, ಹನುಮಾನ್ ಮತ್ತು ಶ್ರೀರಾಮನ ವಿಶೇಷ ಆಶೀರ್ವಾದವು ತುಲಾ ರಾಶಿಯ ಜನರ ಮೇಲೆ ಇರಲಿದೆ. ಅವರು ಆರ್ಥಿಕ ರಂಗದಲ್ಲಿ ಅಪಾರ ಪ್ರಯೋಜನ ಪಡೆಯುತ್ತಾರೆ. ಈ ರಾಶಿಚಕ್ರದ ಜನರ ಆದಾಯದಲ್ಲಿ ಹೆಚ್ಚಳದ ಬಲವಾದ ಸಾಧ್ಯತೆಗಳಿವೆ. ಈ ಜನರಲ್ಲಿ ಆತ್ಮವಿಶ್ವಾಸ ಹೆಚ್ಚುತ್ತದೆ. ಈ ಜನರಿಗೆ ತಮ್ಮ ಗುರಿಗಳನ್ನು ಸಾಧಿಸಲು ಆತ್ಮ ವಿಶ್ವಾಸವು ಸಹಾಯ ಮಾಡುತ್ತದೆ. ಅವರ ಗೌರವ ಹೆಚ್ಚಾಗುತ್ತದೆ. ಕುಟುಂಬದ ಬೆಂಬಲ ಸಿಗಲಿದೆ. ಶ್ರೀರಾಮನ ಆಶೀರ್ವಾದದಿಂದ ಅವರ ದಾಂಪತ್ಯ ಜೀವನದಲ್ಲೂ ಸುಖ ಶಾಂತಿ ನೆಲೆಸುತ್ತದೆ.
Ram Navami 2023ಯಂದು ಮಾಡಬೇಕಾದ ಹಾಗೂ ಮಾಡಬಾರದ ಕೆಲಸಗಳು
ಸಿಂಹ ರಾಶಿ (Leo)
ರಾಮ ನವಮಿಯ ಈ ಹಬ್ಬವು ಸಿಂಹ ರಾಶಿಯವರಿಗೆ ಅದೃಷ್ಟವನ್ನು ನೀಡುತ್ತದೆ. ಅವರು ಹಳೆಯ ಸಾಲದಿಂದ ಮುಕ್ತರಾಗಬಹುದು. ಅವರಿಗೆ ಹೊಸ ಆದಾಯದ ಮೂಲಗಳು ಸೃಷ್ಟಿಯಾಗಲಿವೆ. ದೀರ್ಘಕಾಲದ ಉದ್ಯೋಗ ಸಂಬಂಧಿತ ಸಮಸ್ಯೆಗಳು ಶೀಘ್ರದಲ್ಲೇ ಕೊನೆಗೊಳ್ಳುತ್ತವೆ. ಮನೆಯಲ್ಲಿ ಮಂಗಳಕರ ಕಾರ್ಯಗಳು ವೇಗ ಪಡೆದುಕೊಳ್ಳಲಿವೆ. ಹೊಸ ಯೋಜನೆಗಳು ಸರಿಯಾದ ಆರಂಭ ಪಡೆದು ಆತ್ಮ ವಿಶ್ವಾಸ ಹೆಚ್ಚಿಸುತ್ತವೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
