Nag Panchami 2022: ನಾಗರ ಹಾವಿನ ಕುರಿತ ಮೂಢನಂಬಿಕೆಗಳು ಒಂದೆರಡಲ್ಲ..
ನಾಗರ ಪಂಚಮಿ ಹತ್ತಿರ ಬಂದಿದೆ. ಹಬ್ಬಕ್ಕೆ ತಯಾರಿ ಭರದಿಂದ ಸಾಗಿದೆ. ಈ ಸಂದರ್ಭದಲ್ಲಿ ಸರ್ಪವನ್ನು ವಿಶೇಷವಾಗಿ ಪೂಜಿಸಲಾಗುತ್ತದೆ. ಹಾವಿಗೆ ಹಾಲೆರೆಯಲಾಗುತ್ತದೆ. ಆದರೆ, ನಿಜಕ್ಕೂ ಹಾವು ಹಾಲು ಕುಡಿಯುತ್ತದೆಯೇ? ಹಾವಿಗೆ ಸಂಬಂಧಿಸಿದ ಜನಪ್ರಿಯ ಮೂಢನಂಬಿಕೆಗಳು ಇಲ್ಲಿವೆ.
Followಶಿವನನ್ನು ಸ್ತುತಿಸುವಾಗ ಭುಜಂಗೇಂದ್ರಹರಂ ಎನ್ನಲಾಗುತ್ತದೆ. ಅಂದರೆ ಕತ್ತಿನಲ್ಲಿ ಹಾವನ್ನು ಸುತ್ತಿಕೊಂಡಿರುವ ಶಿವ ಎಂದು. ಶಿವನ ಹಾವಿನ ಹೆಸರು ವಾಸುಕಿ. ಇದಲ್ಲದೆ, ವಿಷ್ಣುವಿನ ಹಾಸಿಗೆಯಾಗಿ ಮಲಗಿರುವ ನಾಗರಕ್ಕೆ ಆದಿಶೇಷ ಎನ್ನಲಾಗುತ್ತದೆ. ಒಟ್ಟಿನಲ್ಲಿ ಸರ್ಪವು ನಾಗದೇವತೆಯನ್ನು ಪಂಚಮಿ ತಿಥಿಯ ಅಧಿಪತಿ ಎಂದು ಕರೆಯಲಾಗುತ್ತದೆ ಮತ್ತು ಪ್ರತಿ ವರ್ಷ ನಾಗ ಪಂಚಮಿ ಹಬ್ಬವನ್ನು ಇಡೀ ದೇಶದಲ್ಲಿ ಆಚರಿಸಲಾಗುತ್ತದೆ. ಈ ಬಾರಿ ಈ ಹಬ್ಬವನ್ನು ಜುಲೈ 25ರ ಶನಿವಾರದಂದು ಆಚರಿಸಲಾಗುವುದು. ಹಾವುಗಳಿಗೆ ಸಂಬಂಧಿಸಿದ ಕೆಲ ಮೂಢನಂಬಿಕೆಯೂ ಜನರಲ್ಲಿ ಇದ್ದು, ಈ ಹಿನ್ನೆಲೆಯಲ್ಲಿ ವಿಶೇಷ ಸುದ್ದಿಯನ್ನು ಹೇಳಲಿದ್ದೇವೆ. ಇದರಲ್ಲಿ, ಹಾವುಗಳಿಗೆ ಸಂಬಂಧಿಸಿದ ಪುರಾಣ ಮತ್ತು ಸತ್ಯ ಏನು ಎಂದು ನಿಮಗೆ ತಿಳಿಯುತ್ತದೆ.
ಹಾಲೆರೆಯುವುದು
ಹಾವುಗಳಿಗೆ ಆಹಾರ ನೀಡುವುದು ಪುಣ್ಯ ಎಂದು ಜನರು ನಂಬುತ್ತಾರೆ ಮತ್ತು ಹಾಗಾಗಿ ಅವುಗಳಿಗೆ ಹಾಲೆರೆದು ಅವರು ಸಂತೋಷಪಡುತ್ತಾರೆ. ವಾಸ್ತವದಲ್ಲಿ, ಇದು ಹಾಗಲ್ಲ. ಹಾವು(Snake) ಹಾಲನ್ನು ಇಷ್ಟಪಡುವುದಿಲ್ಲ. ಹಾವುಗಳು ಮೊಟ್ಟೆಗಳನ್ನು ಇಡುವ ಸರೀಸೃಪಗಳಾಗಿವೆ. ಸಸ್ತನಿಗಳು ಮಾತ್ರ ಹಾಲು ಕುಡಿಯುವುದು. ಒತ್ತಾಯಪೂರ್ವಕವಾಗಿ ಕುಡಿಸುವ ಹಾಲು ಹಾವಿಗೆ ಹಾನಿಕಾರಕವಾಗಬಹುದು. ಕೆಲವೊಮ್ಮೆ ಹಾಲು ಹಾವಿನ ಶ್ವಾಸಕೋಶವನ್ನು ತಲುಪಿ ಸಾವಿಗೆ ಕಾರಣವಾಗಬಹುದು.
ಸಸ್ಯಾಹಾರಿ
ಹಾವುಗಳು ಮಾಂಸವನ್ನು ಸೇವಿಸುವುದಿಲ್ಲ ಎಂದು ಜನರು ಭಾವಿಸುತ್ತಾರೆ. ಆದರೆ ಹಾವುಗಳು ಸಂಪೂರ್ಣವಾಗಿ ಮಾಂಸಾಹಾರಿ ಜೀವಿಗಳು ಎಂದು ವಿಜ್ಞಾನವು ಹೇಳುತ್ತದೆ.
ಈ ದೇಗುಲದ ಬಾಗಿಲು ತೆಗೆವುದು ನಾಗಪಂಚಮಿಗೆ ಮಾತ್ರ, ಭೇಟಿ ಕೊಟ್ರೆ ನಿವಾರಣೆಯಾಗುತ್ತೆ ಕಾಳಸರ್ಪ ದೋಷ!
ಇಚ್ಛಾಧಾರಿ ನಾಗಿಣಿ
ಹಾವುಗಳು ಇಚ್ಛಾಶಕ್ತಿಯುಳ್ಳವು ಎಂಬ ಪುರಾಣವೂ ಇದೆ ಮತ್ತು ನೀವು ಇದನ್ನು ಅನೇಕ ಚಲನಚಿತ್ರಗಳಲ್ಲಿ ನೋಡಿದ್ದೀರಿ. ಆದರೆ ನಿಜವಾಗಿ, ವಿಜ್ಞಾನದ ದೃಷ್ಟಿಕೋನದಿಂದ ಇದು ಸಂಭವಿಸುವುದಿಲ್ಲ.
ಹೆಡೆಯಲ್ಲಿ ರತ್ನ
ಹಾವಿನಲ್ಲಿ ರತ್ನವಿದ್ದು ಅದನ್ನು ತಲೆಯ ಮೇಲೆ ಇಡಲಾಗುತ್ತದೆ ಎಂಬ ಮಾತು ಸಾಮಾನ್ಯವಾಗಿ ಹಾವುಗಳ ಬಗ್ಗೆ ಕೇಳಿಬರುತ್ತದೆ. ಆದಾಗ್ಯೂ, ಜೀವಶಾಸ್ತ್ರವು ಇದನ್ನು ನಿರಾಕರಿಸುತ್ತದೆ. ಅದರ ಪ್ರಕಾರ, ಇದುವರೆಗೆ ಅಂತಹ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.
ಹಾವನ್ನು ಕೊಂದರೆ, ಅದರ ಸಂಗಾತಿಯಿಂದ ದ್ವೇಷ ಸಾಧನೆ
ಹಾವುಗಳಿಗೆ ಯಾವುದೇ ರೀತಿಯ ಸಾಮಾಜಿಕ ಬಂಧವಿಲ್ಲ, ಆಕ್ರಮಣಕಾರನನ್ನು ಗುರುತಿಸುವ ಮತ್ತು ನೆನಪಿಟ್ಟುಕೊಳ್ಳುವ ಬುದ್ಧಿಶಕ್ತಿ ಅಥವಾ ಸ್ಮರಣಶಕ್ತಿ ಇರುವುದಿಲ್ಲ. ಇವೆಲ್ಲ ಏನಿದ್ದರೂ ಧಾರಾವಾಹಿ, ಮೂವಿಗಳಲ್ಲಿ ಕತೆಗೆ ಕುತೂಹಲ ಜೋಡಿಸುವ ಅಂಶಗಳೇ ಹೊರತುನಿಜವಾಗಿ ಹಾವಿಗೆ ದ್ವೇಷ ಸಾಧಿಸಲು ಗೊತ್ತಿಲ್ಲ.
ಹಾವುಗಳು ಕಿವುಡು
ಹಾವುಗಳಿಗೆ ಇಯರ್ ಡ್ರಂ ಕೊರತೆಯಿದ್ದರೂ, ಹಾವುಗಳು ಒಳಗಿನ ಕಿವಿಗಳನ್ನು ಹೊಂದಿರುತ್ತವೆ, ಅವು ನೆಲದಿಂದ ಹರಡುವ ಕಂಪನಗಳನ್ನು ಮಾತ್ರವಲ್ಲದೆ ಕಡಿಮೆ ಆವರ್ತನದ ವಾಯುಗಾಮಿ ಶಬ್ದಗಳನ್ನು ತೆಗೆದುಕೊಳ್ಳಲು ಸಮರ್ಥವಾಗಿವೆ. ಹೆಚ್ಚಿನ ಪಿಚ್‌ನ ಶಬ್ದಗಳು ಕೇಳಿದರೆ ಅವು ಕಷ್ಟ ಪಡುತ್ತವೆ.
ಈ ಏಳು ಜನ್ಮರಾಶಿಯವರು ಭಯಂಕರ ಕ್ರೇಜಿಗಳು!
ಅನೇಕ ತಲೆಯ ಹಾವು
ಹಾವುಗಳ ಬಗ್ಗೆ ಪುರಾಣಗಳಲ್ಲಿ ಸಾವಿರ ಹೆಡೆಯ ಶೇಷ ನಾಗ, ನೂರು ತಲೆಯ ಸರ್ಪ, ಐದು ತಲೆಯ ಸರ್ಪ ಉಲ್ಲೇಖಗಳಿರುವುದನ್ನು ಕೇಳಿ ಎಲ್ಲರೂ ನಿಜವೆಂದು ನಂಬುತ್ತಾರೆ. ದೃಷ್ಟಾಂತಗಳು, ಶಿಲ್ಪಗಳು, ಛಾಯಾಚಿತ್ರಗಳು ಕೂಡಾ ಬಹಳಷ್ಟು ಹೆಡೆಯ ಹಾವನ್ನು ಹೊಂದಿರುವುದನ್ನು ನೋಡಿರಬಹುದು. ಆದರೆ, ಹಾವುಗಳಿಗೆ ಹೆಚ್ಚೆಂದರೆ ಅಪರೂಪಕ್ಕೆ ಎರಡು ತಲೆ ಇರಬಹುದೇ ಹೊರತು, ಅದಕ್ಕಿಂತ ಹೆಚ್ಚಿನ ಹೆಡೆ ಇರುವ ಹಾವುಗಳು ಕಂಡು ಬಂದಿಲ್ಲ.
