ಜಾತಕದಲ್ಲಿ ಕಾಳ ಸರ್ಪ ದೋಷವಿದ್ದರೆ ಡಿವೋರ್ಸ್ ಆಗುತ್ತಾ?
ಪ್ರತಿಯೊಬ್ಬರಿಗೂ ವಿವಾಹ ಜೀವನ ಬಹಳ ಸಂತೋಷಮಯವಾಗಿರಬೇಕೆಂಬ ಕನಸಿರುತ್ತದೆ. ಆದರೆ, ಬಹುತೇಕರ ವಿಚಾರದಲ್ಲಿ ವಾಸ್ತವತೆಯೇ ಬೇರೆ ಇರುತ್ತದೆ. ಅವರ ವೈವಾಹಿಕ ಜೀವನವು ಪ್ರಕ್ಷುಬ್ಧತೆ, ಜಗಳಗಳು ಮತ್ತು ತಪ್ಪುಗ್ರಹಿಕೆಯಿಂದ ತುಂಬಿರುತ್ತದೆ. ಇದಕ್ಕೆ ಕಾಳ ಸರ್ಪ ದೋಷ ಕಾರಣವಾಗುತ್ತದೆಯೇ?
ಎಲ್ಲರಿಗೂ ವೈವಾಹಿಕ ಜೀವನ ಎಂದರೆ ಸಂತೋಷದ ಹೊನಲು ಎಂಬ ಭಾವನೆಯಿರುತ್ತದೆ. ಆದರೆ, ವಿವಾಹದ ಬಳಿಕ ಹಲವರ ಬದುಕಿನ ದೋಣಿ ಮಗುಚಿಕೊಳ್ಳುತ್ತದೆ. ಕನಸಿನ ಬಲೂನ್ ಒಡೆಯುತ್ತದೆ. ಆ ನತದೃಷ್ಟರ ವೈವಾಹಿಕ ಜೀವನದ ತುಂಬಾ ಜಗಳ, ವಾದ, ತಪ್ಪು ಗ್ರಹಿಕೆಗಳು,ನೆಮ್ಮದಿ ಇಲ್ಲದ ರಾತ್ರಿಗಳು ತುಂಬಿರುತ್ತವೆ. ಇದು ವಿಚ್ಛೇದನಕ್ಕೂ ಕಾರಣವಾಗಬಹುದು.
ಅರೇಂಜ್ಡ್ ಮ್ಯಾರೇಜ್‌ಗಳಲ್ಲಿ ಮಾತ್ರ ಇಂತಹ ಘಟನೆಗಳು ನಡೆಯುತ್ತವೆ ಮತ್ತು ಪ್ರೇಮ ವಿವಾಹಗಳು ಅಂತಹ ಸಮಸ್ಯೆಗಳಿಂದ ಮುಕ್ತವಾಗಿವೆ ಎಂದು ಜನರು ಭಾವಿಸುತ್ತಾರೆ. ಆದರೆ ಇದು ಸತ್ಯಕ್ಕೆ ದೂರವಾದ ಮಾತಾಗಿದೆ. ಪ್ರೇಮವಿವಾಹಗಳು ಕೂಡ ಮುರಿದುಹೋಗುತ್ತವೆ ಮತ್ತು ಕ್ರೂರವಾಗಿ ಕೊನೆಗೊಳ್ಳುತ್ತವೆ. ಇದು ಏಕೆ ಸಂಭವಿಸುತ್ತದೆ?
ಸಹಜವಾಗಿ, ಹಲವು ಕಾರಣಗಳಿರಬಹುದು. ಇತ್ತೀಚಿನ ದಿನಗಳಲ್ಲಿ, ಅನೇಕ ಯುವಕರು ಏಕಾಂಗಿಯಾಗಿ ಉಳಿಯಲು ಆರಿಸಿಕೊಳ್ಳುತ್ತಿದ್ದಾರೆ. ಏಕೆಂದರೆ ಅವರು ಹಲವಾರು ಅತೃಪ್ತ ವಿವಾಹಗಳನ್ನು ನೋಡಿ ಮದುವೆ ಎಂದರೇ ಭಯ ಪಡುತ್ತಾರೆ. ಸತ್ಯವೇನೆಂದರೆ, ನಿಮ್ಮ ಮದುವೆಯು ಉತ್ತಮವಾಗಿರುತ್ತದೆಯೇ ಅಥವಾ ಇಲ್ಲವೇ ಎಂಬುದನ್ನು ನೀವು ಕಂಡುಹಿಡಿಯಬಹುದು. ಜ್ಯೋತಿಷ್ಯವು ನೀವು ಮದುವೆಯಾಗುವ ಮೊದಲೇ ನಿಮ್ಮ ವೈವಾಹಿಕ ಜೀವನ ಹೇಗಿರುತ್ತದೆ ಎಂಬುದನ್ನು ಕಂಡುಹಿಡಿಯಲು ಸಹಾಯ ಮಾಡುತ್ತದೆ. ಇದು ನಿಮ್ಮ ದಾಂಪತ್ಯದ ಮೇಲೆ ಪರಿಣಾಮ ಬೀರುವ ದೋಷಗಳ ಉಪಸ್ಥಿತಿಯನ್ನು ಬಹಿರಂಗಪಡಿಸುತ್ತದೆ. ಇದರಿಂದ ನೀವು ಅದನ್ನು ತಪ್ಪಿಸಲು ಪರಿಹಾರ ಕ್ರಮಗಳನ್ನು ತೆಗೆದುಕೊಳ್ಳುತ್ತೀರಿ.
ವಾರ ಭವಿಷ್ಯ: ಧನಸ್ಸಿನ ಬದುಕಲ್ಲಿ ಈ ವಾರ ಬದಲಾವಣೆಯ ಗಾಳಿ
ಜ್ಯೋತಿಷ್ಯದಲ್ಲಿ ನಿಮ್ಮ ವೈವಾಹಿಕ ಜೀವನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಕೆಲವು ದೋಷಗಳಿವೆ. ಇವುಗಳಲ್ಲಿ ಮಂಗಳದೋಷ, ನಾಗ ದೋಷ, ಮತ್ತು ಕಾಲ ಸರ್ಪ ದೋಷ ಸೇರಿವೆ. ಕಾಲ ಸರ್ಪ ದೋಷ / ಯೋಗ, ವಿಶೇಷವಾಗಿ, ಸ್ಥಳೀಯರ ಜೀವನದ ಮೇಲೆ ಅನೇಕ ವ್ಯತಿರಿಕ್ತ ಪರಿಣಾಮಗಳನ್ನು ಹೊಂದಿರುವ ಹೆಚ್ಚು ಭಯಪಡುವ ದೋಷವಾಗಿದೆ.
ಕಾಳ ಸರ್ಪ ದೋಷ ಎಂದರೇನು?
ವ್ಯಕ್ತಿಯ ಜಾತಕದಲ್ಲಿ ರಾಹು ಮತ್ತು ಕೇತುಗಳ ಸ್ಥಾನದಿಂದ ಕಾಳ ಸರ್ಪ ದೋಷ ಸಂಭವಿಸಬಹುದು. ಇದು ಸಂಭವಿಸಿದಾಗ, ಇತರ ಗ್ರಹಗಳ ಭರವಸೆ ಮತ್ತು ಲಾಭಗಳು ಸಹ ಸ್ಥಳೀಯರ ಜೀವನದಲ್ಲಿ ಸಾಕಾರಗೊಳ್ಳುವುದಿಲ್ಲ. ಇದಲ್ಲದೆ, ವ್ಯಕ್ತಿಯ ಜೀವನದ ಎಲ್ಲಾ ಅಂಶಗಳು ದೋಷದಿಂದ ಪ್ರಭಾವಿತವಾಗಿರುತ್ತವೆ. ರಾಹು ಮತ್ತು ಕೇತು ಕರ್ಮ ಗ್ರಹಗಳಾಗಿರುವುದರಿಂದ, ಸ್ಥಳೀಯರ ಜೀವನವು ಅವನ / ಅವಳ ಕರ್ಮಫಲ ಅಥವಾ ಹಿಂದಿನ ಜನ್ಮ ಕರ್ಮದ ಪ್ರಕಾರ ಇರುತ್ತದೆ. ದೋಷದ ತೀವ್ರತೆಯು ಅವರ ಹಿಂದಿನ ಜೀವನದಲ್ಲಿ ಸ್ಥಳೀಯರ ಕಾರ್ಯಗಳ ಮೇಲೆ ಅವಲಂಬಿತವಾಗಿರುತ್ತದೆ.
Ashwini Nakshatraದಲ್ಲಿ ಜನಿಸಿದವರಿಗೆ ಈ ವೃತ್ತಿಯೇ ಬೆಸ್ಟ್.. ಇವರಿಗೆ ಯಾವಾಗ ವಿವಾಹವಾಗುತ್ತೆ?
ಕಾಳ ಸರ್ಪ ದೋಷ ಮತ್ತು ಮದುವೆಗಳು
ಕಾಳ ಸರ್ಪ ದೋಷವು ನಿಮ್ಮ ಜೀವನದ ಮೇಲೆ ಅನೇಕ ನಕಾರಾತ್ಮಕ ಪರಿಣಾಮಗಳನ್ನು ಬೀರುತ್ತದೆ. ನಿಮ್ಮ ಆರೋಗ್ಯ, ಹಣಕಾಸು, ವೃತ್ತಿ, ಸಂಬಂಧಗಳು ಮತ್ತು ಮದುವೆಯ ಮೇಲೆ ಪರಿಣಾಮ ಬೀರುತ್ತದೆ.
ಕಾಳ ಸರ್ಪ ಯೋಗದಲ್ಲಿ ಹಲವು ವಿಧಗಳಿವೆ. ಅದರಲ್ಲಿ ಅನಂತ ಕಾಲ ಸರ್ಪ ಯೋಗವೂ ಒಂದು.
ಈ ದೋಷವು ಮದುವೆಗೆ ಸಂಬಂಧಿಸಿದೆ. ರಾಹು 1ನೇ ಮನೆಯಲ್ಲಿದ್ದಾಗ ಮತ್ತು ಕೇತು 7ನೇ ಮನೆಯಲ್ಲಿದ್ದಾಗ ಇದು ಸಂಭವಿಸುತ್ತದೆ. ಉಳಿದ ಗ್ರಹಗಳು ಅಕ್ಷದ ಎಡಭಾಗದಲ್ಲಿ ಕಂಡುಬರುತ್ತವೆ. ಈ ದೋಷವನ್ನು ‘ವಿಪರೀತ ಕಾಳ ಸರ್ಪ ಯೋಗ’ ಎಂದೂ ಕರೆಯುತ್ತಾರೆ.
ನಿಮ್ಮ ಕುಂಡಲಿಯಲ್ಲಿ ಅಂತಹ ಗ್ರಹ ಸ್ಥಾನವಿದ್ದರೆ ಕೆಲವು ಆರ್ಥಿಕ ಲಾಭಗಳೊಂದಿಗೆ ಅತೃಪ್ತ ವೈವಾಹಿಕ ಜೀವನ ಎಂದರ್ಥ. ಈ ದೋಷವು ದಾಂಪತ್ಯದಲ್ಲಿ ಅನೇಕ ತೊಡಕುಗಳನ್ನು ಮತ್ತು ಉದ್ವಿಗ್ನತೆಯನ್ನು ಉಂಟುಮಾಡುತ್ತದೆ. ಇದು ಅಸಾಮರಸ್ಯ ಮತ್ತು ದಂಪತಿಗಳ ನಡುವಿನ ನಿಜವಾದ ಸಂಪರ್ಕದ ಕೊರತೆ ಉಂಟುಮಾಡಿ ವಿಷಪೂರಿತ ವಿವಾಹಕ್ಕೆ ಕಾರಣವಾಗುತ್ತದೆ. ದೋಷವು ಮದುವೆಯಲ್ಲಿ ವಿಳಂಬವನ್ನು ಸಹ ಉಂಟು ಮಾಡಬಹುದು. ಕಾಳ ಸರ್ಪ ಯೋಗವು ನಿಮ್ಮ ದಾಂಪತ್ಯ ಜೀವನವನ್ನು ಹಾಳು ಮಾಡುತ್ತದೆ. ಇದು ಘರ್ಷಣೆಗಳು, ತಪ್ಪುಗ್ರಹಿಕೆಗಳು, ಅನುಮಾನಗಳು, ಅಪನಂಬಿಕೆ ಮತ್ತು ಭಾವನಾತ್ಮಕ ಒತ್ತಡವನ್ನು ಉಂಟುಮಾಡುತ್ತದೆ.
ಲೈಂಗಿಕತೆಯ ಮೇಲೆ ಪರಿಣಾಮ
ಲೈಂಗಿಕತೆಯು ಮದುವೆಯ ಪ್ರಮುಖ ಭಾಗವಾಗಿದೆ. ಲೈಂಗಿಕ ಹೊಂದಾಣಿಕೆ ಅಥವಾ ತೃಪ್ತಿ ಇಲ್ಲದಿದ್ದಾಗ ದಾಂಪತ್ಯಕ್ಕೆ ತೊಂದರೆಯಾಗುತ್ತದೆ. ಇದು ಅಕ್ರಮ ಸಂಬಂಧಗಳು ಮತ್ತು ವಿಚ್ಛೇದನಕ್ಕೆ ಕಾರಣವಾಗಬಹುದು. ಕಾಳ ಸರ್ಪ ದೋಷವು ಬಂಜೆತನ ಸಮಸ್ಯೆಗಳನ್ನು ಮತ್ತು ಪುನರಾವರ್ತಿತ ಗರ್ಭಪಾತವನ್ನು ಉಂಟುಮಾಡಬಹುದು. ಮಕ್ಕಳ ಕೊರತೆಯು ದಾಂಪತ್ಯದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ವಿಚ್ಛೇದನ ಅಥವಾ ಮಾನಸಿಕ ತೊಂದರೆಗೆ ಕಾರಣವಾಗಬಹುದು.
Vastu colour: ಮನೆಯ ಹೊರ ಗೋಡೆಗೆ ಯಾವ ಬಣ್ಣ ಬಳಸಿದ್ರೆ ಬೆಸ್ಟ್?
ಪರಿಹಾರ ಪಡೆಯುವುದು ಹೇಗೆ?
- ಪುಣೆಯ ನಾಸಿಕ್ ನಗರದ ಸಮೀಪದಲ್ಲಿರುವ ತ್ರಯಂಬಕ್‌ನಲ್ಲಿರುವ ತ್ರಯಂಬಕೇಶ್ವರ ದೇವಾಲಯದಲ್ಲಿ ಕಾಳ ಸರ್ಪ ಯೋಗ ನಿವಾರಣಾ ಪೂಜೆಯನ್ನು ಮಾಡುವುದರಿಂದ ಈ ಸಮಸ್ಯೆಯನ್ನು ನಿವಾರಿಸಬಹುದು ಎಂದು ನಂಬಲಾಗಿದೆ. ಪೂಜೆಯನ್ನು ಶಿವನಿಗೆ ಸಮರ್ಪಿಸಲಾಗಿದೆ. ಭಯಾನಕ ಕಾಳ ಸರ್ಪ ದೋಷದ ಪರಿಣಾಮಗಳನ್ನು ಹಿಮ್ಮೆಟ್ಟಿಸಲು ಅನೇಕ ಜನರು ಈ ಪೂಜೆಯನ್ನು ಮಾಡುತ್ತಾರೆ. ಕೆಲವು ಆಚರಣೆಗಳು ಸಹ ನಿಮಗೆ ದೋಷವನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ.
- ತ್ರಯಂಬಕೇಶ್ವರ ದೇವಸ್ಥಾನದಲ್ಲಿ ಕಾಳ ಸರ್ಪ ದೋಷ ಪರಿಹಾರ ಪೂಜೆ ಮಾಡಿ.
- ನಟರಾಜ ದೇವರಿಗೆ ಪೂಜೆ ಮಾಡಿ.
- ದೈವಿಕ ಆಶೀರ್ವಾದ ಪಡೆಯಲು ತೀರ್ಥಯಾತ್ರೆಗಳಿಗೆ ಹೋಗಿ.
- ಮಹಾಮೃತುಂಜಯ ಮಂತ್ರ ಅಥವಾ ಗಾಯತ್ರಿ ಮಂತ್ರವನ್ನು ಪಠಿಸಿ.
- ಯಾವುದೇ ಸರೀಸೃಪಗಳು ಅಥವಾ ಹಾವುಗಳಿಗೆ ಹಾನಿ ಮಾಡಬೇಡಿ.
