ಸ್ತ್ರೀ ಜ್ಞಾನಿ, ಸೌಂದರ್ಯವತಿ ಹಾಗೂ ಗುಣವಂತೆ ಆಗಿದ್ದರೆ ಹೀಗಿರುತ್ತೆ ಜಾತಕ...
ಮನುಷ್ಯ ಎಂದ ಮೇಲೆ ಒಬ್ಬೊಬ್ಬರಿಗೊಂದು ಫಲ ಇರುತ್ತದೆ. ಅದರಲ್ಲಿಯೂ ಹೆಣ್ಣಿನ ಜಾತಕ ಚೆನ್ನಾಗಿದ್ದರೆ ಅವರಿಗೆ ಸಿಗೋ ಪತಿರಾಯ ಒಳ್ಳೆಯನಾಗಿರುವುದಲ್ಲದೇ, ಜೀವನ ಸುಸೂತ್ರವಾಗಿರುತ್ತದೆ. ಜೀವನದಲ್ಲಿ ಬಯಸಿದ ಫಲವೆಲ್ಲವೂ ಲಭಿಸುತ್ತದೆ. ಅಷ್ಟಕ್ಕೂ ಸ್ತ್ರೀಯರ ಜಾತಕದಲ್ಲಿ ಯಾವ ಫಲಗಳಿದ್ದರೆ ಉತ್ತಮ?
-ಡಾ| ಹರಿಶ್ಚಂದ್ರ ಪಿ. ಸಾಲಿಯಾನ್, ಮೂಲ್ಕಿ
ಪುರುಷರಿಗೆ ಇಲ್ಲದ ಫಲಗಳನ್ನು ಸ್ತ್ರೀಯರು ತಮ್ಮ ಜಾತಕ ಯೋಗದಿಂದ ಪಡೆದುಕೊಳ್ಳಬಹುದು. ಅದರಂತೆ ಸ್ತ್ರೀಯರ ಜಾತಕದಲ್ಲಿ ಬರುವ ಶುಭಾಶುಭ ಯೋಗಗಳನ್ನು ಇಲ್ಲಿ ಕೊಡಲಾಗಿದೆ. ನಿಮ್ಮವರಿಗೆ ಈ ಯೋಗವಿದ್ಯಾ?
- ಹೆಣ್ಣಿನ ಜಾತಕದ ಸಪ್ತಮದಲ್ಲಿ ಶುಕ್ರ-ಗುರುಗಳಿರುವುದು. ಸಪ್ತಮದಲ್ಲಿ ಶುಕ್ರ ಶುಭಗಳೊಂದಿಗಿದ್ದು ಬಲಯುತನಾಗಿದ್ದರೆ, ಅಂಥ ಸ್ತ್ರೀಯರು ಒಳ್ಳೆ ಪತಿಯನ್ನು ಹೊಂದಿ ಬಹಳ ಸೌಭಾಗ್ಯವನ್ನು, ಧನ ಕನಕ ಹೊಂದಿ ಸುಖ ಜೀವನವನ್ನು ಅನುಭವಿಸುತ್ತಾರೆ.
- ಜಾತಕದ ದ್ವಿತೀಯದಲ್ಲಿ ಬುಧ, ಗುರು, ಶುಕ್ರನಿದ್ದರೆ, ಐಶ್ವರ್ಯ ಹೊಂದಿ, ಸೌಮಂಗಲಿಯರಾಗಿರುತ್ತಾರೆ. ಸ್ತ್ರೀಯರ ಜಾತಕದ ಚತುರ್ಥದಲ್ಲಿ ಬುಧ, ಗುರು, ಶುಕ್ರನಿದ್ದರೆ ಒಳ್ಳೆಯ ಆರೋಗ್ಯವನ್ನು ಹಾಗೂ ಬಾರೀ ಸಂಪತ್ತು ಹೊಂದಿರುತ್ತಾರೆ.
ರೂಪವತಿ, ಗುಣವತಿಯಾಗಿರೋ ಸ್ತ್ರೀ ಜಾತಕ ಹೇಗಿರುತ್ತೆ?
- ಸ್ತ್ರೀಯರ ಜಾತಕದಲ್ಲಿ ಶುಕ್ರ ಕ್ಷೇತ್ರಗಳಾದ ವೃಷಭ, ತುಲಾದಲ್ಲಿ ಒಂದು ಸಪ್ತಮ ಸ್ಥಾನ ಅಥವಾ ಸಪ್ತಮ ಸ್ಥಾನದ ನವಾಂಶವಾದರೂ ಮಹಿಳೆಯರ ಪತಿ ಸುಂದರ ಪುರುಷನೂ ಹಾಗೂ ಶ್ರೀಮಂತರಾಗಿರುತ್ತಾನೆ.
- ಸ್ತ್ರೀಯರ ಜಾತಕದಲ್ಲಿ ಹತ್ತರ ಅಧಿಪತಿಯು ಆರನೇ ಮನೆಯಲ್ಲಿ ಆರರ ಅಧಿಪತಿಯೊಡನೆ ಕೂಡಿದರೆ, ಶುಭ ಗ್ರಹರು ಈ ಯೋಗವನ್ನು ನೋಡಿದ ಅವಧಿಯಲ್ಲಿ ಜಾತಕಗಳು ಮಂತ್ರಿ ಪದವಿಗೆ ಏರುತ್ತಾರೆ.
- ಸ್ತ್ರೀಯರ ಜಾತಕದಲ್ಲಿ ಒಂದು ಪಾಪಗ್ರಹ ಸಪ್ತಮದಲ್ಲಿರುವಾಗ, ಇನ್ನೊಂದು ಗ್ರಹ ನವಮ ಅಥವಾ ಧರ್ಮಸ್ಥಾನದಲ್ಲಿದ್ದ ಪಕ್ಷದಲ್ಲಿ ಆ ನವಮ ಸ್ಥಾನದಲ್ಲಿರುವ ಗ್ರಹಗಳಿಗೆ ಅನುಸಾರವಾಗಿ ಸನ್ಯಾಸಿ ಅಂದರೆ ವಿರಾಗಿಣಿ ಆಗುವ ಯೋಗವಿರುತ್ತದೆ.
- ನಾರಿ ಜಾತಕದಲ್ಲಿ ಬುಧ ಗ್ರಹದ ಸ್ವಂತ ಮನೆಯಾದ ಮಿಥುನ, ಕನ್ಯಾದಲ್ಲೊಂದು ಸಪ್ತಮ ರಾಶಿಯಾದರೂ ಸಪ್ತಮ ರಾಶಿಯ ನವಾಂಶವಾದವರ ಮಹಿಳೆಯರ ಗಂಡ ವಿದ್ವಾಂಸನೂ ಬಹಳ ಪ್ರವೀಣನಾದ ಪಂಡಿತನೂ ಆಗಿರುತ್ತಾನೆ.
- ಬುಧ ಕ್ಷೇತ್ರಗಳಾದ ಮಿಥುನ ರಾಶಿಗಳಲ್ಲೊಂದು ಸಪ್ತಮ ರಾಶಿಯಾದರೂ, ಸಪ್ತಮ ರಾಶಿಯ ನವಾಂಶವಾದವರ ಪತಿ ವಿದ್ವಾಂಸನೂ ಕುಶಲ ಪಂಡಿತರೂ ಆಗುತ್ತಾರೆ.
ಈ ರಾಶಿಯವರು ಸೆಕ್ಸ್ಗಾಗಿ ಎಂಥ ರಿಸ್ಕ್ಗೂ ರೆಡಿ ಇರ್ತಾರೆ!
- ಸಪ್ತಮ ಸ್ಥಾನವಾಗಿ ಕನ್ಯಾ ರಾಶಿಯಲ್ಲಿ ಬುಧ, ಮಕರದಲ್ಲಿ ಅಂಗಾರಕ ಅಂದರೆ ಉಚ್ಛ ಕರ್ಕಾಟಕದಲ್ಲಿ ಚಂದ್ರ, ಲಗ್ನದಲ್ಲಿ ಗುರು ಅಥವಾ ಶುಕ್ರದಲ್ಲಿದ್ದರೆ, ಬಹಳ ಚೆಲುವೆಯಾಗಿ ಒಳ್ಳೆಯ ಆರೋಗ್ಯವಂತರಾಗಿ ಮಂತ್ರಿ ಪತ್ನಿ ಅಥವಾ ಮಂತ್ರಿಗೆ ಸಮನರಾದ ಗಂಡನನ್ನು ಹೊಂದುತ್ತಾರೆ.
- ಸ್ತ್ರೀಯರ ಜಾತಕದಲ್ಲಿ ಮಧ್ಯಮ ಬಲವುಳ್ಳವರಾದ ಚಂದ್ರ, ಶುಕ್ರ, ಬುಧರು ಬಲರಹಿತರಾಗಿದ್ದು, ಉಳಿದ ಗ್ರಹಗಳಾದ ರವಿ, ಅಂಗಾರಕ, ಗುರುಗಳು ಬಲವಾಗಿದ್ದರೆ ವಿಷಮ ರಾಶಿಗಳಾದ ಮೇಷ ಮಿಥುನ ಸಿಂಹ ತುಲಾ ಧನು, ಕುಂಭ ಈ ರಾಶಿಗಳಲ್ಲಿ ಯಾವುದಾದರೂ ಒಂದು ಲಗ್ನವಾಗಿ, ಈ ಲಗ್ನದಲ್ಲಿ ಹುಟ್ಟಿದ ಮಹಿಳೆಯರು ಪುರುಷ ಸ್ವಭಾವ ಉಳ್ಳವರಾಗಿರುತ್ತಾರೆ.
- ಮಹಿಳೆಯರ ಜಾತಕದಲ್ಲಿ ಗುರು, ಶುಕ್ರ, ಅಂಗಾರಕ, ಬುಧರು ಯಾವ ರಾಶಿಯಲ್ಲಾದರೂ ಬಲಿಷ್ಠರಾಗಿರುವಾಗ ಸ್ತ್ರೀಯರು ಜನಿಸಿದರೆ ಲಗ್ನ ಸಮ ರಾಶಿಗಳಾದ ಕರ್ಕಾಟಕ, ಕನ್ಯಾ, ವೃಶ್ಚಿಕ, ಮಕರ, ಮೀನ ರಾಶಿಯಲ್ಲಿ ಒಂದಾದರೆ ಆ ಮಹಿಳೆಯರು ಪ್ರಪಂಚದಲ್ಲಿ ಪ್ರಖ್ಯಾತಿಯನ್ನು ಹೊಂದಿ ಅನೇಕ ಶಾಸ್ತ್ರಗಳಲ್ಲಿ ಸಮರ್ಥಳಾಗಿ ಬ್ರಹ್ಮಜ್ಞಾನಿ ಅಥವಾ ಕೇವಲ ಮೋಕ್ಷಾರ್ಥಿನಿಯಾಗುತ್ತಾಳೆ.
- ಮಹಿಳೆಯರ ಜಾತಕದಲ್ಲಿ ಮೀನ ಲಗ್ನವಾಗಿ, ಅದರಲ್ಲಿ ಗುರು ವೃಷಭದಲ್ಲಿ, ಶುಕ್ರ ಕರ್ಕಾಟಕದಲ್ಲಿ, ಚಂದ್ರ ಕನ್ಯಾದಲ್ಲಿ ಇದ್ದರೆ ಆ ಸ್ತ್ರೀಯರು ಮಂತ್ರಿ ಅಥವಾ ಮಂತ್ರಿಗೆ ಸಮಾನರಾದ ಸೌಭಾಗ್ಯವನ್ನು ಹೊಂದುತ್ತಾರೆ. ಅಲ್ಲದೆ ಒಳ್ಳೆಯ ಗಂಡನನ್ನು ಹೊಂದಿ ಜೀವನ ಪೂರ್ತಿ ಸುಖಿಯಾಗುತ್ತಾರೆ. ಮಹಿಳೆಯರ ಜಾತಕದಲ್ಲಿ ಗುರು ಬಲಿಷ್ಠನಾಗಿದ್ದರೆ ಅವರಿಗೆ ಒಳ್ಳೆಯ ಗಂಡ ಸಿಗುತ್ತಾರೆ.