Ganesh Chaturthi 2022: ಬಪ್ಪನನ್ನು ವಿಸರ್ಜಿಸುವ ಸರಿಯಾದ ವಿಧಾನವಿದು..
ಈ ಬಾರಿ ನೀವು ಶ್ರೀ ಗಣೇಶನ ವಿಗ್ರಹವನ್ನು ಮನೆಯಲ್ಲಿ ಪ್ರತಿಷ್ಠಾಪಿಸಿದ್ದರೆ, ಅದನ್ನು ವೀಸರ್ಜಿಸುವ ಮೊದಲು, ನೀವು ಅದರ ಪೂಜಾ ವಿಧಾನವನ್ನು ತಿಳಿದುಕೊಳ್ಳಬೇಕು. ಗಣೇಶನನ್ನು ಬರ ಮಾಡಿಕೊಂಡಷ್ಟೇ ವಿಧಾನಬದ್ಧವಾಗಿ ಕಳುಹಿಸಿಕೊಡಬೇಕು.
ಗಣಪತಿ ಬಪ್ಪ ಅವರನ್ನು ದೇಶದೆಲ್ಲೆಡೆ ಅದ್ಧೂರಿಯಾಗಿ ಸ್ವಾಗತಿಸಲಾಗುತ್ತಿದೆ. ಮನೆಮನೆಗಳಲ್ಲೂ ಮಣ್ಣಿನ ಗಣೇಶ ಬಂದು ಕುಳಿತು ಪೂಜೆ ಮಾಡಿಸಿಕೊಂಡಿದ್ದಾನೆ. ಆತನಿಗಾಗಿ ಬಗೆಬಗೆಯ ಭಕ್ಷ್ಯಗಳು ತಯಾರಾಗಿವೆ. ಗಣೇಶನ ಪೂಜೆ ಮುಗಿದ ಬಳಿಕ, ರಾತ್ರಿಯಿಂದ ಆತನನ್ನು ವಿಸರ್ಜಿಸುವ ಕಾರ್ಯ ಆರಂಭವಾಗುತ್ತದೆ. ಸಾಮಾನ್ಯವಾಗಿ ಗಣೇಶನನ್ನು ಮುಂದಿನ 10 ದಿನಗಳವರೆಗೆ ಅಂದರೆ ಅನಂತ ಚತುರ್ಥಿಯವರೆಗೆ ಕೂರಿಸಬಹುದು. ಕೆಲವರು ಇಂದೇ ರಾತ್ರಿ ವಿಸರ್ಜಿಸಿದರೆ ಮತ್ತೆ ಕೆಲವರು ಮೂರು ದಿನದ ಬಳಿಕ, ಐದು, ಏಳು, ಒಂಬತ್ತು ಅಥವಾ ಹತ್ತು ದಿನಗಳ ಕಾಲ ಗಣೇಶನನ್ನು ಕೂರಿಸಿಕೊಂಡು ಕಡೆಗೆ ವಿಸರ್ಜಿಸುತ್ತಾರೆ. ಗಣಪತಿ ಬಪ್ಪನಿಗೆ ಎಷ್ಟು ದಿನ ಭಕ್ತಿಯಿಂದ ಸೇವೆ ಸಲ್ಲಿಸಬಹುದು ಎಂಬುದು ವ್ಯಕ್ತಿಯ ಮೇಲೆ ಅವಲಂಬಿತವಾಗಿರುತ್ತದೆ. ನಿಗದಿತ ಸಮಯದ ನಂತರ ಗಣೇಶನ ವಿಗ್ರಹವನ್ನು ನೀರಿನಲ್ಲಿ ಮುಳುಗಿಸಲಾಗುತ್ತದೆ. ಹೀಗೆ ಗಂಗೆಯ ಮೂಲಕ ಕೈಲಾಸಕ್ಕೆ ಗಣೇಶನನ್ನು ಹಿಂದಿರುಗಿಸುವುದೇ ಗಣೇಶ ವಿಸರ್ಜನೆ.
ಗಣೇಶ ವಿಸರ್ಜನೆ ಎಂದರೆ ಸುಮ್ಮನೆ ವಿಗ್ರಹವನ್ನು ತೆಗೆದುಕೊಂಡು ಹೋಗಿ ನೀರಿಗೆ ಹಾಕುವುದಲ್ಲ. ಗಣೇಶನನ್ನು ಎಷ್ಟು ಪ್ರೀತಿಯಿಂದ ಬರ ಮಾಡಿಕೊಂಡಿರೋ ಅಷ್ಟೇ ಪ್ರೀತಿಯಿಂದ ಕಳುಹಿಸಿಕೊಡಬೇಕು.
ಕಳಂಕ ಚತುರ್ಥಿ 2022: ಇಂದು ಚಂದ್ರನನ್ನು ನೋಡಿದ್ರೆ ಅಪವಾದ ತಪ್ಪಿಸೋಕೆ ...
ಗಣೇಶ ಚತುರ್ಥಿಯ ದಿನದಂದು ಗಣೇಶನನ್ನು ಸ್ಥಾಪಿಸಲಾಗುತ್ತದೆ, ಇದುಮುಂದುವರಿಯುತ್ತದೆ.ಈ ಸಮಯದಲ್ಲಿ, ಒಬ್ಬರು ಒಂದೂವರೆ ದಿನಗಳವರೆಗೆ ಗಣೇಶನ ಪೂಜೆಯನ್ನು ಮಾಡಿದರೆ, ಕೆಲವರು ಅದನ್ನು ಮೂರು, ಐದು, ಏಳು, ಒಂಬತ್ತು ಅಥವಾ ಹತ್ತು ದಿನಗಳವರೆಗೆ ಮಾಡುತ್ತಾರೆ. ಗಣೇಶನ ನಿಮಜ್ಜನದ ಮಂಗಳಕರ ಸಮಯ ಮತ್ತು ವಿಧಾನವನ್ನು ತಿಳಿಯಿರಿ. ಗಣೇಶ ವಿಸರ್ಜನೆಯಲ್ಲಿ ಹಲವು ಪೂಜಾ ನಿಯಮಗಳನ್ನು ಪಾಲಿಸಬೇಕು.
ಗಣೇಶನನ್ನು ವಿಸರ್ಜಿಸುವುದು ಹೇಗೆ?
- ಶಾಸ್ತ್ರಗಳ ಪ್ರಕಾರ, ವಿಸರ್ಜನೆ ದಿನದಂದು ವಿಧಿವಿಧಾನಗಳ ಪ್ರಕಾರ ಗಣೇಶನನ್ನು ಪೂಜಿಸಬೇಕು.
- ಹೂವುಗಳು, ಮಾಲೆಗಳು, ದುರ್ವೆ, ತೆಂಗಿನಕಾಯಿ, ಅಕ್ಷತೆ, ಅರಿಶಿನ, ಕುಂಕುಮ ಇತ್ಯಾದಿಗಳನ್ನು ಅರ್ಪಿಸಿ.
- ಲವಂಗ, ವೀಳ್ಯದೆಲೆ ಇತ್ಯಾದಿಗಳನ್ನು ಅರ್ಪಿಸುವುದರ ಜೊತೆಗೆ, ಮೋದಕ, ಲಡ್ಡು, ಚಕ್ಕುಲಿ ಇತ್ಯಾದಿ ತಿಂಡಿಗಳಿಂದ ನೈವೇದ್ಯ ಮಾಡಿ.
- ಈಗ ಓಂ ಗಣಪತಯೇ ನಮಃ ಎಂದು ಜಪಿಸುತ್ತಾ ದೀಪ ಧೂಪಾರತಿ ಮಾಡಿ.
- ನಂತರ, ಸ್ವಚ್ಛ ಮಣೆಯನ್ನು ತೆಗೆದುಕೊಳ್ಳಿ.. ಇದನ್ನು ಗಂಗಾಜಲದಿಂದ ಶುದ್ಧೀಕರಿಸಿ.
- ಇದರ ನಂತರ, ಅದರಲ್ಲಿ ಸ್ವಸ್ತಿಕ್ ಚಿಹ್ನೆಯನ್ನು ಬರೆದು ಅದರಲ್ಲಿ ಸ್ವಲ್ಪ ಅಕ್ಷತೆ ಹಾಕಿ.
- ಅದರ ಮೇಲೆ ಕೆಂಪು ಅಥವಾ ಹಳದಿ ಬಣ್ಣದ ಬಟ್ಟೆಯನ್ನು ಹರಡಿ.
ಮಕ್ಕಳು ಹಬ್ಬದ ದಿನ ಹೀಗೆಲ್ಲಾ ಮಾಡಿದ್ರೆ ಮೆದುಳು ಚುರುಕಾಗುತ್ತೆ
- ಬಟ್ಟೆಯ ಮೇಲೆ ವೀಳ್ಯದೆಲೆ ಇಡಿ.
- ಈಗ ಗಣೇಶನ ವಿಗ್ರಹವನ್ನು ಎತ್ತಿಕೊಂಡು ಈ ನೆಲದ ಮೇಲೆ ಇರಿಸಿ.
- ಈಗ ಭಗವಂತನಿಗೆ ಅರ್ಪಿಸಿದ ವಸ್ತುಗಳೆಂದರೆ ಮೋದಕ, ವೀಳ್ಯದೆಲೆ, ಲವಂಗ, ಬಟ್ಟೆ, ದಕ್ಷಿಣೆ, ಹೂವುಗಳು, ಹೂವುಗಳು ಇತ್ಯಾದಿಗಳನ್ನು ಬಟ್ಟೆಯಲ್ಲಿ ಕಟ್ಟಿ ಗಣೇಶನ ವಿಗ್ರಹಕ್ಕೆ ಬದಲಾಗಿ ಇರಿಸಿ.
- ನೀವು ನದಿ, ಕೊಳ ಅಥವಾ ಬಕೆಟ್‌ನಲ್ಲಿ ಗಣೇಶನನ್ನು ಮುಳುಗಿಸುವ ಮುನ್ನ ಗಣಪತಿಗೆ ಕರ್ಪೂರದಿಂದ ಆರತಿ ಮಾಡಿ. ನಂತರ, ಸಂತೋಷದಿಂದ ಗಣಪತಿ ಬಿಡಿ. ಈ ಸಂದರ್ಭದಲ್ಲಿ ಗಣಬತಿ ಬಪ್ಪ ಮೋರಯಾ, ಜಯ ಗಣೇಶ ಎಂದೆಲ್ಲ ಹರ್ಷೋದ್ಗಾರ ಮಾಡಬಹುದು.
- ಗಣಪತಿಗೆ ಬೀಳ್ಕೊಡುವಾಗ ಮುಂದಿನ ವರ್ಷ ಬರಲಿ ಎಂದು ಹಾರೈಸಿ. ಅಲ್ಲದೆ, ನಿಮ್ಮಿಂದ ತಿಳಿಯದೆ ಆಗಿರಬಹುದಾದ ತಪ್ಪಿಗಾಗಿ ಆತನ ಕ್ಷಮೆ ಯಾಚಿಸಿ.
- ಇದರೊಂದಿಗೆ ಎಲ್ಲಾ ಬಟ್ಟೆ ಮತ್ತು ಪೂಜಾ ಸಾಮಗ್ರಿಗಳನ್ನು ಗೌರವದಿಂದ ಹಾಕಬೇಕು.
- ಪರಿಸರ ಸ್ನೇಹಿ ಗಣೇಶನ ವಿಗ್ರಹವಿದ್ದರೆ, ದೊಡ್ಡ ಶುದ್ಧವಾದ ಆಳವಾದ ಬಕೆಟ್‌ನಲ್ಲಿ ನೀರನ್ನು ತುಂಬಿಸಿ ಅದರಲ್ಲಿ ಮುಳುಗಿಸಿ.
- ವಿಗ್ರಹವು ನೀರಿನಲ್ಲಿ ಕರಗಿದಾಗ, ಆ ಮಣ್ಣನ್ನು ಮನೆಯ ಇತರ ಸಸ್ಯದ ಪಾಟ್‌ಗಳಿಗೆ ಹಾಕಬಹುದು.
