Chandra Grahan Remedies: ಗ್ರಹಣ ಕಾಲದಲ್ಲಿ ಹೀಗೆ ಮಾಡಿದ್ರೆ 1000 ಪಟ್ಟು ಫಲ!
ವರ್ಷದ ಮೊದಲ ಚಂದ್ರಗ್ರಹಣ ಮೇ 5ರಂದು ಸಂಭವಿಸಲಿದೆ. ಚಂದ್ರಗ್ರಹಣದ ದಿನದಂದು ಕೆಲವು ಜ್ಯೋತಿಷ್ಯ ಕ್ರಮಗಳನ್ನು ಅಳವಡಿಸಿಕೊಂಡರೆ, ಅದು ಜೀವನದಲ್ಲಿ ಪ್ರಗತಿಯ ಹಾದಿಯನ್ನು ತೆರೆಯುತ್ತದೆ.
ಮೇ 5ರಂದು, ವರ್ಷದ ಮೊದಲ ಚಂದ್ರಗ್ರಹಣ ಸಂಭವಿಸಲಿದೆ. ಮತ್ತು ಈ ಚಂದ್ರಗ್ರಹಣವು ವೈಶಾಖ ಪೂರ್ಣಿಮೆಯ ದಿನದಂದು ಸಂಭವಿಸುತ್ತದೆ. ವೈಶಾಖ ಪೂರ್ಣಿಮಾವನ್ನು ಸನಾತನ ಧರ್ಮದಲ್ಲಿ ಬಹಳ ವಿಶೇಷವೆಂದು ಪರಿಗಣಿಸಲಾಗಿದೆ. ಬುದ್ಧ ಪೂರ್ಣಿಮಾವನ್ನು ಸಹ ಈ ದಿನದಂದು ಆಚರಿಸಲಾಗುತ್ತದೆ, ಇದರಿಂದಾಗಿ ಈ ದಿನದ ಮಹತ್ವವು ಇನ್ನಷ್ಟು ಹೆಚ್ಚಾಗುತ್ತದೆ. ಚಂದ್ರಗ್ರಹಣದ ದಿನದಂದು ಕೈಗೊಳ್ಳಬೇಕಾದ ಕೆಲವು ಪರಿಣಾಮಕಾರಿ ಪರಿಹಾರಗಳನ್ನು ಜ್ಯೋತಿಷ್ಯದಲ್ಲಿ ಹೇಳಲಾಗಿದೆ. ಏಕೆಂದರೆ, ಇಂಥ ಅಪರೂಪದ ದಿನ ಸದುಪಯೋಗ ಪಡೆದುಕೊಳ್ಳುವುದು ನಮ್ಮ ಕೈಲಿರುತ್ತದೆ. ನೀವು ಉದ್ಯೋಗ, ವ್ಯವಹಾರ ಅಥವಾ ಜೀವನದ ಪ್ರತಿಯೊಂದು ಕ್ಷೇತ್ರಗಳಲ್ಲಿ ಪ್ರಗತಿಯನ್ನು ಬಯಸುವುದಾದರೆ, ಈ ಬಾರಿ ಮೇ 5 ರಂದು, ವರ್ಷದ ಮೊದಲ ಚಂದ್ರಗ್ರಹಣ(Chandra Grahan 2023)ದಂದು ಈ ಸುಲಭ ಪರಿಹಾರವನ್ನು ಮಾಡಿ.
ವ್ಯಾಪಾರದಲ್ಲಿ ಲಾಭಕ್ಕಾಗಿ ಪರಿಹಾರಗಳು (remedy for business benefit)
ಚಂದ್ರಗ್ರಹಣದ ದಿನದಂದು, ನಿಮ್ಮ ವ್ಯಾಪಾರ ಸ್ಥಳದಲ್ಲಿ ಗೋಮತಿ ಚಕ್ರವನ್ನು ಸಂಪೂರ್ಣ ವಿಧಿ ವಿಧಾನದೊಂದಿಗೆ ಸ್ಥಾಪಿಸಿ ಮತ್ತು ಮಾತಾ ಲಕ್ಷ್ಮಿಯ ಬೀಜಮಂತ್ರವನ್ನು 16 ಸುತ್ತುಗಳ ಜಪ ಮಾಡಿ. ನಂತರ ಪ್ರತಿದಿನ ಗೋಮತಿ ಚಕ್ರಕ್ಕೆ ಪೂಜೆ ಮಾಡಿ. ಒಂದು ವೇಳೆ ನಿಮಗೆ ನಿಯಮಾನುಸಾರ ಗೋಮತಿ ಚಕ್ರ ಪ್ರತಿಷ್ಠಾಪನೆ ಸಾಧ್ಯವಾಗದಿದ್ದರೆ ಗೋಮತಿ ಚಕ್ರವನ್ನು ಹಳದಿ ಬಟ್ಟೆಯಲ್ಲಿ ಇರಿಸಿ, ಹಾಲಿನಿಂದ ಶುದ್ಧೀಕರಿಸಿ, ಅದರ ಮೇಲೆ ತಿಲಕವನ್ನು ಹಚ್ಚಿ ಮತ್ತು ವ್ಯಾಪಾರದ ಸ್ಥಳದಲ್ಲಿ ಮರೆ ಮಾಡಿ ಇಡಿ.
ವಾರ ಭವಿಷ್ಯ: ಮಿಥುನಕ್ಕೆ ಮಹಾ ಲಾಭದಾಯಕ ವಾರ, ಕನ್ಯಾಗೆ ಕೈ ಕೊಡುವ ಆರೋಗ್ಯ
ಚಂದ್ರ ದೋಷಕ್ಕೆ ಪರಿಹಾರ (Chandra Dosh Remedy)
ಬೆಳ್ಳಿಯ ತುಂಡನ್ನು ಹಾಲು ಮತ್ತು ಗಂಗಾಜಲದಲ್ಲಿ ನೆನೆಸಿ ಸ್ವಚ್ಛಗೊಳಿಸಿ. ನಂತರ ಆ ಬೆಳ್ಳಿಯ ತುಂಡನ್ನು ದಾನ ಮಾಡಿ, ಅದು ಲಕ್ಷ್ಮಿಯ ಆಶೀರ್ವಾದವನ್ನು ಉಳಿಸಿಕೊಳ್ಳುತ್ತದೆ. ಸಂಪತ್ತು ಮತ್ತು ಧಾನ್ಯಗಳಿಗೆ ಕೊರತೆಯಾಗುವುದಿಲ್ಲ ಮತ್ತು ಅದರೊಂದಿಗೆ ಚಂದ್ರನ ದೋಷದಿಂದ ಮುಕ್ತಿಯೂ ಸಿಗುತ್ತದೆ. ಇದಲ್ಲದೇ ಚಂದ್ರನ ದೋಷವನ್ನು ಹೋಗಲಾಡಿಸಲು ಚಂದ್ರಗ್ರಹಣದ ಒಂದು ದಿನ ಮೊದಲು ಶಿವಲಿಂಗಕ್ಕೆ ಹಾಲನ್ನು ಅರ್ಪಿಸಬೇಕು.
ಉದ್ಯೋಗದಲ್ಲಿ ಬಡ್ತಿಗಾಗಿ ಪರಿಹಾರಗಳು
ವರ್ಷದ ಮೊದಲ ಚಂದ್ರಗ್ರಹಣದಂದು ಹಸುವಿಗೆ ಸಿಹಿ ಅನ್ನವನ್ನು ಅಥವಾ ಅಕ್ಕಿ ಬೆಲ್ಲವನ್ನು ಉಣಿಸಬೇಕು. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಗ್ರಹಣದ ದಿನದಂದು ಇದನ್ನು ಮಾಡುವುದರಿಂದ, ವರ್ಷವಿಡೀ ಉದ್ಯೋಗದಲ್ಲಿ ಯಾವುದೇ ಅಡೆತಡೆಗಳು ಉಂಟಾಗುವುದಿಲ್ಲ, ಪ್ರಗತಿಯ ಹಾದಿಯು ತೆರೆದುಕೊಳ್ಳುತ್ತದೆ ಮತ್ತು ಅಪೇಕ್ಷಿತ ಬಡ್ತಿ ಪಡೆಯುವ ಅವಕಾಶಗಳು ಸಹ ರೂಪುಗೊಳ್ಳಲು ಪ್ರಾರಂಭಿಸುತ್ತವೆ. ಇದಲ್ಲದೆ, ಗ್ರಹಣದ ದಿನದಂದು ಹಸುವಿಗೆ ಸಿಹಿ ರೊಟ್ಟಿಯನ್ನು ತಿನ್ನುವುದರಿಂದ ಕೆಲಸದಲ್ಲಿ ಪ್ರಗತಿಗೆ ಕಾರಣವಾಗುತ್ತದೆ.
ಜೀವನದಲ್ಲಿ ಯಶಸ್ಸಿಗಾಗಿ ಪರಿಹಾರ
ವರ್ಷದ ಮೊದಲ ಚಂದ್ರಗ್ರಹಣದ ದಿನದಂದು ಬೀಗವನ್ನು ಖರೀದಿಸಿ ಮತ್ತು ಗ್ರಹಣದ ರಾತ್ರಿ ಚಂದ್ರನ ಮುಂದೆ ಬೀಗವನ್ನು ಇರಿಸಿ. ಮರುದಿನ ದೇವಸ್ಥಾನಕ್ಕೆ ಬೀಗಗಳನ್ನು ದಾನ ಮಾಡಿ. ಇದು ಜೀವನದಲ್ಲಿ ಯಶಸ್ಸನ್ನು ತರುತ್ತದೆ. ಅಷ್ಟೇ ಅಲ್ಲ, ಯಶಸ್ಸನ್ನು ತಡೆಯುವ ದೋಷಗಳನ್ನು ಸಹ ತೆಗೆದು ಹಾಕುತ್ತದೆ. ಇದಲ್ಲದೇ ಕೀಲಿಯಿಂದ ಬೀಗವನ್ನು ತೆರೆದು ನದಿಯಲ್ಲಿ ಎಸೆದರೆ ಅದು ಕೂಡ ಒಳ್ಳೆಯದೆಂದು ಸಾಬೀತಾಗುತ್ತದೆ.
ಚಂದ್ರಗ್ರಹಣ ಸಂಬಂಧಿ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಮಂತ್ರ ಪಠಣ
ನೀವು ಮನೆಯಲ್ಲಿ ಮಂತ್ರವನ್ನು ಜಪಿಸಿದರೆ, 1 ಪಟ್ಟು ಫಲಿತಾಂಶವನ್ನು ಪಡೆಯುತ್ತೀರಿ. ದೇವಸ್ಥಾನದಲ್ಲಿದ್ದಾಗ ಜಪಿಸಿದರೆ 10 ಪಟ್ಟು, ಯಾತ್ರಾಸ್ಥಳ ಅಥವಾ ನದಿ ತೀರದಲ್ಲಿ ಜಪಿಸಿದರೆ 100 ಪಟ್ಟು, ಮತ್ತು ನೀವು ಗ್ರಹಣ ಸಮಯದಲ್ಲಿ ಮಂತ್ರವನ್ನು ಜಪಿಸಿದರೆ 1000 ಪಟ್ಟು ಫಲ ನಿಮಗೆ ಸಿಗುತ್ತದೆ. ಹೀಗಾಗಿ, ಗ್ರಹಣದ ಸಮಯದಲ್ಲಿ ಮಂತ್ರಗಳನ್ನು ಪಠಿಸುವುದು ಮತ್ತು ದಾನ ಮಾಡುವುದು ವಿಶೇಷವಾಗಿ ಫಲಪ್ರದವೆಂದು ಪರಿಗಣಿಸಲಾಗಿದೆ.
