Astro Tips: ಈ 5 ವಸ್ತು ಹಂಚಿಕೊಂಡ್ರೆ ಲಾಭದ ಬದಲು ನಷ್ಟವೇ ಹೆಚ್ಚು!
ಕೆಲ ವಸ್ತುಗಳನ್ನು ಹಂಚಿಕೊಂಡರೆ ನಮ್ಮ ಅದೃಷ್ಟ ಪರರ ಪಾಲಾಗುವುದು ಎಂಬ ನಂಬಿಕೆ ಮೊದಲಿನಿಂದಲೂ ಬೆಳೆದು ಬಂದಿದೆ. ಅಂಥ ವಸ್ತುಗಳು ಯಾವೆಲ್ಲ, ಯಾವ ವಸ್ತುಗಳನ್ನು ಹಂಚಿಕೊಳ್ಳಬಾರದು, ಎರವಲು ಕೊಡಬಾರದು ತಿಳಿಯಿರಿ.
ಸಾಮಾನ್ಯವಾಗಿ ಹಂಚಿಕೊಂಡು ಬದುಕುವುದು ಉತ್ತಮ ಅಭ್ಯಾಸ. ಪರಿಚಿತರಿಗೆ ನಮ್ಮ ವಸ್ತುಗಳನ್ನು ಎರವಲು ಕೊಡುವುದು, ಪಡೆಯುವುದು ಎಲ್ಲವೂ ಜೀವನದ ಭಾಗವೇ ಆಗಿದೆ. ಆದರೆ, ಎಲ್ಲ ವಸ್ತುಗಳ ವಿಷಯದಲ್ಲೂ ಈ ಎರವಲು ಕೊಡುವ ಸ್ವಭಾವ ಒಳ್ಳೆಯದಲ್ಲ ಎನ್ನುತ್ತದೆ ಜ್ಯೋತಿಷ್ಯ. ಇತರರಿಗೆ ವಸ್ತುಗಳನ್ನು ಸಾಲವಾಗಿ ನೀಡುವ ಮೂಲಕ ನೀವು ತೋರಿಸುವ ಪ್ರೀತಿಯ ಮನೋಭಾವವು ನಿಮ್ಮ ಮತ್ತು ಸಾಲಗಾರನ ಅದೃಷ್ಟದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ನಿಮಗೆ ಗೊತ್ತೇ? ತಿಳಿಯದೆ ಕೆಲ ವಸ್ತುಗಳನ್ನು ಎರವಲು ಕೊಡುವುದು ದುರದೃಷ್ಟವನ್ನು ಆಕರ್ಷಿಸುತ್ತದೆ.
ಉದಾಹರಣೆಗೆ, ನರ್ತಕರು ತಮ್ಮ ಘುಂಗ್ರೂವನ್ನು ಇತರ ನೃತ್ಯಗಾರರಿಗೆ ಎಂದಿಗೂ ಕೊಡುವುದಿಲ್ಲ. ಏಕೆಂದರೆ ಅದರಿಂದ ತಮ್ಮ ಸೆಳವು ಮತ್ತು ಸದ್ಗುಣವು ತಮ್ಮಿಂದ ಕಲೆದು ಹೋಗಿ ಮತ್ತೊಬ್ಬ ನರ್ತಕರ ಪಾಲಾಗುವುದು ಎಂದು ಅವರು ನಂಬುತ್ತಾರೆ. ಹಾಗೆಯೇ ಕೆಲ ಸಾಮಾನ್ಯ ವಸ್ತುಗಳನ್ನು ನೀಡುವ ಈ ವಹಿವಾಟು ನಿಮಗೆ ಆರೋಗ್ಯ ಸಮಸ್ಯೆಗಳು, ಆರ್ಥಿಕ ಅಸ್ಥಿರತೆ ಮತ್ತು ಇತರ ಅನೇಕ ದೊಡ್ಡ ಸಮಸ್ಯೆಗಳನ್ನು ನೀಡುತ್ತದೆ. ಹೀಗೆ ಎರವಲು ನೀಡಬಾರದ ವಸ್ತುಗಳು ಯಾವೆಲ್ಲ ನೋಡೋಣ.
ಪೆನ್ನು(Pen)
ಜ್ಯೋತಿಷ್ಯಶಾಸ್ತ್ರದ ನಂಬಿಕೆಗಳ ಪ್ರಕಾರ, ನೀವು ಯಾರಿಗೂ ಪೆನ್ನು ಎರವಲು ಅಥವಾ ಸಾಲ ನೀಡಬಾರದು. ಬೇರೆಯವರಿಗೆ ಪೆನ್ನು ಕೊಡುವುದು ಅಥವಾ ಮತ್ತೊಬ್ಬರ ಪೆನ್ನನ್ನು ಇಟ್ಟುಕೊಳ್ಳುವುದು ಆರ್ಥಿಕ ಅಸ್ಥಿರತೆಯನ್ನು ತರುತ್ತದೆ ಎಂದು ನಂಬಲಾಗಿದೆ. ನೀವು ನಿಮ್ಮ ಪೆನ್ನನ್ನು ಬೇರೆಯವರಿಗೆ ದಾನ ಮಾಡುವಾಗ ಅಥವಾ ಸಾಲ ನೀಡುವಾಗ, ನೀವು ನಿಮ್ಮ ಕರ್ಮವನ್ನು ಯಾರೊಂದಿಗಾದರೂ ಹಂಚಿಕೊಳ್ಳುತ್ತಿದ್ದೀರಿ ಎಂದರ್ಥ.
ವಾಚ್(watch)
ಜ್ಯೋತಿಷ್ಯ ನಂಬಿಕೆಗಳ ಪ್ರಕಾರ, ನೀವು ಬೇರೆಯವರ ಗಡಿಯಾರವನ್ನು ಧರಿಸಬಾರದು. ಬೇರೆಯವರ ಕೈಗಡಿಯಾರವನ್ನು ಧರಿಸುವುದರಿಂದ ಅದು ನಿಮ್ಮ ವೃತ್ತಿಪರ ಜೀವನದ ಮೇಲೆ ಪರಿಣಾಮ ಬೀರುವುದರ ಜೊತೆಗೆ ಆರ್ಥಿಕ ನಷ್ಟವೂ ಉಂಟಾಗಬಹುದು. ಆದ್ದರಿಂದ, ನೀವು ಸ್ಥಿರ ಮತ್ತು ಸಮೃದ್ಧ ಜೀವನವನ್ನು ನಡೆಸಲು ಬಯಸಿದರೆ, ನೀವು ಇತರರ ಕೈ ಗಡಿಯಾರಗಳನ್ನು ಎರವಲು ಪಡೆಯಬಾರದು ಅಥವಾ ನಿಮ್ಮ ವಾಚನ್ನು ಸಾಲ ನೀಡಬಾರದು.
Vastu Tips for Study: ಸ್ಟಡಿ ಟೇಬಲ್ ಬಳಿ ಈ ಫೋಟೋ ಇಟ್ರೆ, ಮಗುವಿನ ಅದೃಷ್ಟವೇ ಬದಲಾಗುತ್ತೆ!
ಮದುವೆಗೆ ಹಣ(Money for marriage)
ಜ್ಯೋತಿಷ್ಯ ನಂಬಿಕೆಗಳ ಪ್ರಕಾರ, ನೀವು ಭವ್ಯವಾದ ವಿವಾಹವನ್ನು ಏರ್ಪಡಿಸಲು ಬಯಸಿದರೆ, ಯಾವಾಗಲೂ ಹಣವನ್ನು ನೀವೇ ವ್ಯವಸ್ಥೆ ಮಾಡಬೇಕು. ನೀವು ಮದುವೆಗೆ ಹಣವನ್ನು ಎರವಲು ಪಡೆಯುವುದು ಅಥವಾ ಸಾಲ ನೀಡುವುದು ಮಾಡಬಾರದು. ಆರ್ಥಿಕ ಸಾಲದಿಂದ ವೈವಾಹಿಕ ಜೀವನವನ್ನು ಪ್ರಾರಂಭಿಸುವುದು ಕೆಟ್ಟದು ಎಂದು ಜ್ಯೋತಿಷ್ಯವು ನಂಬುತ್ತದೆ. ಆದ್ದರಿಂದ ಇದನ್ನು ಮಾಡುವುದನ್ನು ತಪ್ಪಿಸಿ.
ಪುಸ್ತಕಗಳು(Books)
ಪುಸ್ತಕಗಳನ್ನು ಜ್ಞಾನದ ವಾಹಕಗಳೆಂದು ಪರಿಗಣಿಸಲಾಗುತ್ತದೆ. ನೀವು ಓದುತ್ತಿರುವ ಪುಸ್ತಕವನ್ನು ನೀವು ಯಾರಿಗೂ ಕೊಡಬಾರದು. ನಿಮ್ಮ ಸ್ನೇಹಿತರು ಅದೇ ಪುಸ್ತಕವನ್ನು ಕೇಳಿದರೆ, ನೀವು ಅವನಿಗೆ ಹೊಸ ಪುಸ್ತಕವನ್ನು ಖರೀದಿಸಿ ಕೊಡಬಹುದು, ಆದರೆ ನಿಮ್ಮ ಜ್ಞಾನಕ್ಕಾಗಿ ನೀವು ಬಳಸುವ ವಸ್ತುಗಳನ್ನು ಎಂದಿಗೂ ಹಂಚಿಕೊಳ್ಳಬೇಡಿ ಅಥವಾ ದಾನ ಮಾಡಬೇಡಿ.
Funniest Zodiac Signs: ಇಂಥವ್ರ ಜತೆಗಿದ್ರೆ ನಗ್ತಾ ನಗ್ತಾ ಸಮಯ ಹೋಗೋದೇ ಗೊತ್ತಾಗಲ್ಲ
ಬಳಸಿದ ಬಟ್ಟೆ(used cloths)
ನೀವು ಇತರರ ಬಟ್ಟೆಗಳನ್ನು ಧರಿಸುವ ಅಭ್ಯಾಸವನ್ನು ಹೊಂದಿದ್ದರೆ ಅಥವಾ ನಿಮ್ಮ ಆಪ್ತರು ಮತ್ತು ಸಂಬಂಧಿಕರಿಂದ ಬಟ್ಟೆಗಳನ್ನು ಎರವಲು ಪಡೆಯುವ ಅಭ್ಯಾಸವನ್ನು ಹೊಂದಿದ್ದರೆ ಸ್ವಲ್ಪ ಜಾಗರೂಕರಾಗಿರಬೇಕು. ಜ್ಯೋತಿಷ್ಯದ ನಂಬಿಕೆಯ ಪ್ರಕಾರ, ನೀವು ಇತರರಿಂದ ಬಟ್ಟೆಗಳನ್ನು ಎರವಲು ಪಡೆಯುವುದನ್ನು ತಪ್ಪಿಸಬೇಕು. ಏಕೆಂದರೆ ಅದು ನಿಮಗೆ ದುರಾದೃಷ್ಟವನ್ನು ತರುತ್ತದೆ. ಬಟ್ಟೆ ಶುಕ್ರನಿಗೆ ಸಂಬಂಧಿಸಿದೆ ಮತ್ತು ಬೇರೆಯವರ ಬಟ್ಟೆಗಳನ್ನು ಧರಿಸುವುದರಿಂದ ನಿಮ್ಮ ಜಾತಕದಲ್ಲಿ ಶುಕ್ರ ದುರ್ಬಲಗೊಳ್ಳಬಹುದು ಎಂದು ಜ್ಯೋತಿಷ್ಯದಲ್ಲಿ ಹೇಳಲಾಗಿದೆ. ನೀವು ಇನ್ನೊಬ್ಬರ ಕರವಸ್ತ್ರವನ್ನು ಕೂಡಾ ಎರವಲು ಪಡೆಯಬಾರದು ಅಥವಾ ಸಾಲ ನೀಡಬಾರದು.
