ನಿಮ್ಮ ರಾಶಿಗೆ ಯಾವ ವೃತ್ತಿ ಬೆಸ್ಟ್?
ಒಂದೊಂದು ರಾಶಿಯ ಸ್ವಭಾವ ಒಂದೊಂದು ರೀತಿ. ಹೀಗಾಗಿ ಯಾವ ರಾಶಿಗೆ ಯಾವ ವೃತ್ತಿ ಕ್ಷೇತ್ರಗಳ ಆಯ್ಕೆ ಸರಿಯಾದುದಾಗಿರುತ್ತದೆ ಎಂಬುದನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿ ತಿಳಿಸಲಾಗುತ್ತದೆ.
ಪ್ರತಿಯೊಂದು ರಾಶಿಯ ಸ್ವಭಾವ ಒಂದೊಂದು ರೀತಿ. ಅವರೆಲ್ಲರ ಸ್ವಭಾವಗಳನ್ನೂ ಜ್ಯೋತಿಷ್ಯ ಗುರುತಿಸಿದೆ. ಅಂತೆಯೇ ಒಂದೊಂದು ರಾಶಿಗೆ ಒಂದೊಂದು ಆಸಕ್ತಿ, ಕೌಶಲ್ಯಗಳಿರುತ್ತವೆ ಎಂಬುದನ್ನೂ ಕಂಡುಕೊಳ್ಳಲಾಗಿದೆ. ಹೀಗಾಗಿ ಯಾವ ರಾಶಿಗೆ ಯಾವ ಕೆರಿಯರ್(Career) ಬೆಸ್ಟ್ ಎಂಬುದನ್ನೂ ಕೂಡಾ ಜ್ಯೋತಿಷ್ಯ ಹೇಳಬಲ್ಲದು. ಎಲ್ಲರೂ ಎಲ್ಲದೂ ಆಗಲು ಸಾಧ್ಯವಿಲ್ಲ. ಯಾರದೋ ಒತ್ತಡಕ್ಕೆ, ಯಾವುದೋ ಕಾರಣಕ್ಕೆ ತಮ್ಮದಲ್ಲದ, ಆಸಕ್ತಿಯಿಲ್ಲದ ವೃತ್ತಿಯಲ್ಲಿ ಸೇರಿಕೊಂಡು ಒದ್ದಾಡುವವರು ಹಲವರು. ಹೀಗೆ ಗೊಂದಲದಲ್ಲಿ ಯಾವುದೋ ಕೆಲಸಕ್ಕೆ ಸೇರುವ ಬದಲು ಜ್ಯೋತಿಷ್ಯವು ನಿಮ್ಮ ರಾಶಿ(Zodiac sign)ಗೆ ಯಾವ ವೃತ್ತಿ ಉತ್ತಮ ಎಂದು ಹೇಳುವುದನ್ನು ಕೇಳಿ ಮುಂದುವರಿಯಬಹುದಲ್ಲವೇ?
ಮೇಷ ರಾಶಿ(Aries)
ಈ ರಾಶಿಯ ಜನರು ಆತ್ಮವಿಶ್ವಾಸದಿಂದ ಕೂಡಿರುತ್ತಾರೆ ಮತ್ತು ತೀಕ್ಷ್ಣ ಮನಸ್ಸಿನವರು. ಈ ಗುಣಗಳು ಇವರನ್ನು ಯಾವುದೇ ಸ್ಥಾನಕ್ಕೆ ಸರಿ ಹೊಂದಿಸುತ್ತವೆ. ನಿರ್ಭೀತ ನಾಯಕನಾಗುವ ಗುಣವಿರುವ ಇವರ ದೇಹದಲ್ಲಿ ಶಕ್ತಿಯ ಮಟ್ಟವೂ ಹೆಚ್ಚಾಗಿರುತ್ತದೆ. ಈ ರಾಶಿಚಕ್ರ ಚಿಹ್ನೆಗೆ ಸೇರಿದ ಜನರು ಪೊಲೀಸ್ ಅಧಿಕಾರಿ, ಸೈನಿಕ, ಅಗ್ನಿಶಾಮಕ, ಶಸ್ತ್ರಚಿಕಿತ್ಸಕ(surgeon) ಅಥವಾ ನಿರ್ಮಾಣ ಕೆಲಸಗಾರನಂಥ ಸ್ಥಾನಗಳಲ್ಲಿ ಯಶಸ್ಸನ್ನು ಸಾಧಿಸುತ್ತಾರೆ.
ವೃಷಭ ರಾಶಿ(Taurus)
ಈ ರಾಶಿಚಕ್ರದ ಜನರು ದೃಢ, ನಿಷ್ಠಾವಂತ ಮತ್ತು ವಿಶ್ವಾಸಾರ್ಹರು. ಅವರು ತಮ್ಮ ಕೆಲಸಕ್ಕಾಗಿ ಸಮರ್ಪಿತರಾಗಿದ್ದಾರೆ ಮತ್ತು ಸಮಯಕ್ಕೆ ಸರಿಯಾಗಿ ಕೆಲಸಗಳನ್ನು ಪೂರ್ಣಗೊಳಿಸುತ್ತಾರೆ. ಆರ್ಥಿಕ ಸಲಹೆಗಾರ, ಫ್ಯಾಷನ್ ಡಿಸೈನರ್, ವಕೀಲ, ಮ್ಯಾನೇಜರ್ ಅಥವಾ ಲ್ಯಾಂಡ್‌ಸ್ಕೇಪರ್ ಇವರಿಗೆ ಉತ್ತಮ ವೃತ್ತಿಗಳು.
ಮಿಥುನ ರಾಶಿ(Gemini)
ಈ ರಾಶಿಚಕ್ರದ ಜನರು ಬಹು-ಪ್ರತಿಭಾವಂತರು ಮತ್ತು ಹೊಂದಿಕೊಳ್ಳುವವರಾಗಿದ್ದಾರೆ. ಹತ್ತಿರದ ಜನರೊಂದಿಗೆ ಸಂವಹನ ನಡೆಸಲು ಅವರು ಉತ್ತಮ ಸಂವಹನ ಶೈಲಿಯನ್ನು ಹೊಂದಿದ್ದಾರೆ. ಈ ರಾಶಿಚಕ್ರದವರಿಗೆ ಅತ್ಯುತ್ತಮ ವೃತ್ತಿ ಆಯ್ಕೆಗಳೆಂದರೆ ಮಾಧ್ಯಮ ವೃತ್ತಿಪರರು, ಶಿಕ್ಷಕರು, ಇಂಟರ್‌ಪ್ರಿಟರ್, ಸಾರ್ವಜನಿಕ ಸಂಪರ್ಕ ವೃತ್ತಿಪರರು ಅಥವಾ ಸಂವಹನ ತಜ್ಞರು.
ಕರ್ಕಾಟಕ ರಾಶಿ(Cancer)
ಇವರು ಸಮಸ್ಯೆಗಳನ್ನು ಪರಿಹರಿಸುವವರು ಮತ್ತು ಜವಾಬ್ದಾರಿಯುತರು. ಅವರು ಜವಾಬ್ದಾರಿಯುಳ್ಳವರು ಮತ್ತು ರಕ್ಷಣಾತ್ಮಕರಾಗಿದ್ದಾರೆ. ವೈಯಕ್ತಿಕ ಮತ್ತು ವೃತ್ತಿಪರ ಜೀವನದಲ್ಲಿ ಉತ್ತಮ ಮಾರ್ಗದರ್ಶಕರಾಗಿರುತ್ತಾರೆ. ಹಾಗಾಗಿ ಈ ರಾಶಿಚಕ್ರದ ಸ್ಥಳೀಯರಿಗೆ, ಶುಶ್ರೂಷೆ, ಅಡುಗೆ, ವಸ್ತು ನಿರ್ವಹಣೆ, ಬೋಧನೆ, ವೈದ್ಯಕೀಯ(Medical) ಅಥವಾ ಸಾಮಾಜಿಕ ಕಾರ್ಯಕರ್ತ ಮುಂತಾದ ವೃತ್ತಿಗಳಲ್ಲಿ ಯಶಸ್ಸು ಸಾಧಿಸುತ್ತಾರೆ.
Vastu Tips: ಉದ್ಯೋಗಿಗಳು ಈ ರೀತಿ ಚಪ್ಪಲಿ ಹಾಕ್ಕೊಂಡರೆ ಧನ ಪ್ರಾಪ್ತಿ!
ಸಿಂಹ ರಾಶಿ(Leo)
ಸಿಂಹ ರಾಶಿಯ ಜನರು ಮಹತ್ವಾಕಾಂಕ್ಷೆಯುಳ್ಳವರು ಮತ್ತು ಆತ್ಮವಿಶ್ವಾಸವನ್ನು ಹೊಂದಿರುತ್ತಾರೆ. ಅವರು ಕೆಲವೊಮ್ಮೆ ಅಹಂಕಾರಿಗಳಾಗಿರಬಹುದು, ಆದರೆ ಅವರ ಸ್ವಭಾವವು ಯಾವಾಗಲೂ ಈ ರೀತಿ ಇರುವುದಿಲ್ಲ. ತಂಡವಾಗಿ ಇವರು ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತಾರೆ. ಈ ರಾಶಿಚಕ್ರದ ಜನರು ಭಯವಿಲ್ಲದವರು ಮತ್ತು ಸ್ವತಂತ್ರರು. ಈ ರಾಶಿಯ ಜನರು ನಟ, ಡಿಸೈನರ್, ಈವೆಂಟ್ ಮ್ಯಾನೇಜರ್, ಮಾರ್ಕೆಟರ್ ಮತ್ತು ಸರ್ಕಾರಿ ಉದ್ಯೋಗ ಇತ್ಯಾದಿ ಕ್ಷೇತ್ರದಲ್ಲಿ ಪ್ರಯತ್ನಿಸಬೇಕು.
ಕನ್ಯಾ ರಾಶಿ(Virgo)
ಸ್ವಚ್ಛತೆ ಮತ್ತು ಪರಿಪೂರ್ಣತಾವಾದಿಗಳು. ಅವರ ದೃಷ್ಟಿ ಸದಾ ಅವರ ಕೆಲಸಗಳ ಮೇಲಿರುತ್ತದೆ. ಅವರು ವಿಷಯಗಳನ್ನು ನೆನಪಿಟ್ಟುಕೊಳ್ಳುತ್ತಾರೆ. ಸಾಮಾನ್ಯವಾಗಿ ಹರ್ಷಚಿತ್ತದಿಂದ ಕೂಡಿರುತ್ತಾರೆ. ಈ ರಾಶಿಚಕ್ರದ ಜನರು ಸಂಶೋಧಕರು, ಹೂಡಿಕೆದಾರರು, ವೈದ್ಯರು, ಸಂಖ್ಯಾಶಾಸ್ತ್ರಜ್ಞರು, ಯಂತ್ರಶಾಸ್ತ್ರಜ್ಞರು ಮತ್ತು ಕಾರ್ಯನಿರ್ವಾಹಕ ಸಹಾಯಕರು ಇತ್ಯಾದಿ ಕ್ಷೇತ್ರದಲ್ಲಿ ವೃತ್ತಿಯನ್ನು ಮಾಡಬೇಕು.
ತುಲಾ ರಾಶಿ(Libra)
ಇವರು ತುಂಬಾ ಸ್ನೇಹಪರರು ಮತ್ತು ಬೆರೆಯುವವರು. ಈ ಜನರು ಧನಾತ್ಮಕ ಶಕ್ತಿಯನ್ನು ಹೊಂದಿರುತ್ತಾರೆ ಮತ್ತು ಇತರರನ್ನು ಸಂತೋಷಪಡಿಸುತ್ತಾರೆ. ಅವರು ನಿರ್ಧಾರ ತೆಗೆದುಕೊಳ್ಳುವಲ್ಲಿ ಸಹಾಯ ಮಾಡುವ ಕ್ಷೇತ್ರಗಳಲ್ಲಿಯೂ ಅಭಿವೃದ್ಧಿ ಹೊಂದುತ್ತಾರೆ. ಅವರ ಆದ್ಯತೆಯ ಉದ್ಯೋಗಗಳು ಮಾನವ ಸಂಪನ್ಮೂಲ ವ್ಯವಸ್ಥಾಪಕ, ಕಾನೂನು ವಿಶ್ಲೇಷಕ, ಆತಿಥ್ಯ ಅಥವಾ ರಾಜತಾಂತ್ರಿಕ.
ವೃಶ್ಚಿಕ ರಾಶಿ(Scorpio)
ಇವರು ಭಾವುಕರಾಗಿರುತ್ತಾರೆ ಮತ್ತು ಬೇಗ ಕೋಪಗೊಳ್ಳುತ್ತಾರೆ. ಕುತೂಹಲ ಹೆಚ್ಚಾಗಿರುವ ಇವರು ಆಗಾಗ್ಗೆ ರಹಸ್ಯಗಳಿಗೆ ಆಕರ್ಷಿತರಾಗುತ್ತಾರೆ. ಈ ರಾಶಿಚಕ್ರದ ಜನರು ಮನಶ್ಶಾಸ್ತ್ರಜ್ಞ, ಶಿಕ್ಷಕ, ಶಸ್ತ್ರಚಿಕಿತ್ಸಕ, ಎಂಜಿನಿಯರ್(engineer) ಅಥವಾ ವೈಜ್ಞಾನಿಕ ಕ್ಷೇತ್ರದಲ್ಲಿ ವೃತ್ತಿಯನ್ನು ಮಾಡಬೇಕು.
ಧನು ರಾಶಿ(Sagittarius)
ಇವರು ಉತ್ಸಾಹಿ, ಬಹಿರ್ಮುಖಿ, ಹಾಸ್ಯ ಮತ್ತು ಉದಾರ ಸ್ವಭಾವದವರು. ಆದಾಗ್ಯೂ, ಏಕತಾನತೆಯ ದಿನಚರಿಯು ಅವರ ಕೆಲಸಕ್ಕೆ ಅಡ್ಡಿಯಾಗುತ್ತದೆ. ಈ ರಾಶಿಚಕ್ರದ ಸ್ಥಳೀಯರು ಅತ್ಯುತ್ತಮ ಅಭಿವೃದ್ಧಿ ಅಧಿಕಾರಿಗಳು, ತರಬೇತುದಾರ, ತನಿಖಾಧಿಕಾರಿ ಅಥವಾ ಟ್ರಾವೆಲ್ ಏಜೆಂಟ್ ವೃತ್ತಿಯನ್ನು ಆರಿಸಿಕೊಳ್ಳಬೇಕು.
ಮಕರ ರಾಶಿ(Capricorn)
ಈ ರಾಶಿಚಕ್ರದ ಜನರು ಪ್ರಾಯೋಗಿಕತೆಯ ಅಗತ್ಯವಿರುವ ಮತ್ತು ಜವಾಬ್ದಾರಿಗಳನ್ನು ಸ್ಪಷ್ಟವಾಗಿ ಗುರುತಿಸುವ ಸಾಮರ್ಥ್ಯವನ್ನು ಹೊಂದಿರುವ ವೃತ್ತಿಗಳಿಗೆ ಸೂಕ್ತವಾಗಿರುತ್ತಾರೆ. ಅವರು ಕಠಿಣ ಮತ್ತು ಹಠಮಾರಿ ಸ್ವಭಾವದವರು. ಈ ರಾಶಿಚಕ್ರಕ್ಕೆ ಸೇರಿದವರನ್ನು ಬ್ಯಾಂಕಿಂಗ್, ನರ್ಸಿಂಗ್, ಬೋಧನೆ ಅಥವಾ ಕಂಪ್ಯೂಟರ್ ಪ್ರೋಗ್ರಾಮಿಂಗ್ ಹುದ್ದೆಗಳಿಗೆ ಸೂಕ್ತವೆಂದು ಪರಿಗಣಿಸಲಾಗುತ್ತದೆ.
ಮೇ 23ರಿಂದ 29ರವರೆಗಿನ ನಿಮ್ಮ ರಾಶಿಯ ಗಿಣಿ ಭವಿಷ್ಯ ಏನನ್ನುತ್ತೆ ತಿಳಿಯಿರಿ..
ಕುಂಭ ರಾಶಿ(Aquarius)
ಅವರು ತಮ್ಮ ಕುತೂಹಲ ಮತ್ತು ಸ್ವಾತಂತ್ರ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ. ಅವರು ಕಲ್ಪನೆಗಳ ಅಗತ್ಯವಿರುವ ಸ್ಥಾನಗಳಲ್ಲಿ ಉತ್ಕೃಷ್ಟರಾಗಿದ್ದಾರೆ. ಅವರು ತಮ್ಮ ಅಸ್ತಿತ್ವದಲ್ಲಿರುವ ಜ್ಞಾನದ ಮಟ್ಟವನ್ನು ಮೀರಲು ಅಗತ್ಯವಿರುವ ಸ್ಥಾನಗಳನ್ನು ಬಯಸುತ್ತಾರೆ. ಈ ರಾಶಿಚಕ್ರ ಚಿಹ್ನೆಗೆ ಸೇರಿದ ಜನರನ್ನು ತರಬೇತುದಾರ, ವಿನ್ಯಾಸಕ, ಮಧ್ಯವರ್ತಿ, ವಿಜ್ಞಾನಿ ಅಥವಾ ಡೇಟಾ ವಿಶ್ಲೇಷಕ ಮುಂತಾದ ಹುದ್ದೆಗಳಿಗೆ ಅರ್ಹರು ಎಂದು ಪರಿಗಣಿಸಲಾಗುತ್ತದೆ.
ಮೀನ ರಾಶಿ(Pisces)
ಅವರ ಉನ್ನತ ಅಂತಃಪ್ರಜ್ಞೆ ಮತ್ತು ಭಾವನಾತ್ಮಕ ದೂರದೃಷ್ಟಿ ಅವರನ್ನು ಅತ್ಯುತ್ತಮ ಅಭ್ಯರ್ಥಿಗಳನ್ನಾಗಿ ಮಾಡುತ್ತದೆ. ಈ ಜನರನ್ನು ತಾಳ್ಮೆ ಮತ್ತು ತಿಳುವಳಿಕೆಯ ಅಗತ್ಯವಿರುವ ವ್ಯವಹಾರಕ್ಕೆ ಅರ್ಹರು ಎಂದು ಪರಿಗಣಿಸಲಾಗುತ್ತದೆ. ಸಂವೇದನಾಶೀಲರು. ಈ ರಾಶಿಚಕ್ರದ ಜನರು ನೇಮಕಾತಿ, ನರ್ಸಿಂಗ್, ವೈದ್ಯರು(doctors), ಮನಶ್ಶಾಸ್ತ್ರಜ್ಞ, ಪರೋಪಕಾರಿ, ಸಾಮಾಜಿಕ ಮುಂತಾದ ಹುದ್ದೆಗಳಲ್ಲಿ ಪಾಂಡಿತ್ಯವನ್ನು ಹೊಂದಬಹುದು.
