ಆಗ ಗೋವಾದಲ್ಲಿ ವೈಟರ್‌, ಈಗ ಜಗತ್ತಿನ ಫ್ಯಾಷನ್‌ ಲೋಕದ ಮೇರು ವ್ಯಕ್ತಿ, 500 ಕೋಟಿ ಸಾಮ್ರಾಜ್ಯ ಒಡೆಯ!

ಒಂದು ಕಾಲದಲ್ಲಿ ವೈಟರ್ ಆಗಿದ್ದ ಸಬ್ಯಸಾಚಿ ಮುಖರ್ಜಿ, ಇಂದು 500 ಕೋಟಿ ರೂ. ಸಾಮ್ರಾಜ್ಯದ ಒಡೆಯ. ಫ್ಯಾಷನ್ ಡಿಸೈನರ್ ಆಗಿ ಪ್ರಸಿದ್ಧಿ ಪಡೆದ ಇವರು, ಅಸಂಖ್ಯಾತ ವಧು-ವರರ ಕನಸಿನ ಉಡುಪುಗಳಿಗೆ ಜೀವ ತುಂಬುತ್ತಾರೆ. ಕಠಿಣ ಪರಿಶ್ರಮದಿಂದ ಭಾರತದ ಮೊದಲ ಜಾಗತಿಕ ಫ್ಯಾಷನ್ ಬ್ರ್ಯಾಂಡ್ ಸ್ಥಾಪಿಸಿದರು.

ಇಂದು ಜಗತ್ತಿನ ಬಹುಬೇಡಿಕೆಯ ವ್ಯಕ್ತಿ ಎನಿಸಿರುವ ಈ ಭಾರತೀಯ ವ್ಯಕ್ತಿ ಒಂದು ಕಾಲದಲ್ಲಿ ವೈಟರ್ ಆಗಿ ಕೆಲಸ ಮಾಡುತ್ತಿದ್ದ, ಪಾತ್ರೆ ತೊಳೆದು ದಿನಗೂಲಿ ನೌಕರನಾಗಿದ್ದ. ಈಗ ಭಾರತದ ಅತ್ಯಂತ ಪ್ರಸಿದ್ಧ ಫ್ಯಾಷನ್ ಡಿಸೈನರ್ ಮಾತ್ರವಲ್ಲ ಅವರು ಈಗ 500 ಕೋಟಿ ರೂ. ನಿವ್ವಳ ಮೌಲ್ಯದ ಸಾಮ್ರಾಜ್ಯವನ್ನೇ ಕಟ್ಟಿದ್ದಾರೆ.

ಅವರೇ ಸಬ್ಯಸಾಚಿ ಮುಖರ್ಜಿ. ಪ್ರಪಂಚದಾದ್ಯಂತ ಅಸಂಖ್ಯಾತ ವಧು, ವರರ ನೆಚ್ಚಿನ, ಕನಸಿನ ಉಡುಪಿಗೆ ಜೀವ ನೀಡುವ ವ್ಯಕ್ತಿ. ಇಂದು ಇಷ್ಟು ದೊಡ್ಡ ಮಟ್ಟದಲ್ಲಿ ಬೆಳೆಯಲು ಅಕ್ಷರಶಃ ಕಷ್ಟಪಟ್ಟಿದ್ದಾರೆ. ಅವರ ಕಾಲದಲ್ಲಿ ಫ್ಯಾಷನ್ ವಿನ್ಯಾಸವು ಅನ್ಯಲೋಕದ ವಿಷಯವಾಗಿತ್ತು. ಪೋಷಕರು ಅದನ್ನು ಇಷ್ಟಪಡದ ಕಾರಣ ಅದನ್ನು ಮುಂದುವರಿಸುವುದು. ಬೆಳೆಸುವುದು ಕಷ್ಟವಾಗಿತ್ತು. ಆದರೂ 1999 ರಲ್ಲಿ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಫ್ಯಾಶನ್ ಟೆಕ್ನಾಲಜಿಯಿಂದ ಪದವಿ ಪಡೆದರು.

ಆದರೆ ಅವರ ಪೋಷಕರು ಹಣಕಾಸಿನ ಅಡಚಣೆಗಳಿಂದ ನಿರಾಕರಿಸಿದರು. ಅವರ ಸಹೋದರಿಯ ಸಹಾಯದಿಂದ ರೂ 20,000 ಸಾಲದೊಂದಿಗೆ ಸಬ್ಯಸಾಚಿ ತಮ್ಮದೇ ಆದ ಲೇಬಲ್ ಅನ್ನು ಪ್ರಾರಂಭಿಸಿದರು. ಇದು ಭಾರತದ ಮೊದಲ ಜಾಗತಿಕ ಫ್ಯಾಷನ್ ಬ್ರ್ಯಾಂಡ್‌ಗೆ ನಾಂದಿ ಹಾಡಿತು.

ಸಬ್ಯಸಾಚಿ ಮುಖರ್ಜಿ ಅವರು 1974 ರಲ್ಲಿ ಕೋಲ್ಕತ್ತಾದ ಕುಟುಂಬದಲ್ಲಿ ಜನಿಸಿದರು. ಉಣ್ಣೆ-ಬಾಚಣಿಗೆ ಗಿರಣಿಯಲ್ಲಿ ಅವರ ತಂದೆ ಕೆಲಸ ಕಳೆದುಕೊಂಡಾಗ ಅವರು ಸಾಕಷ್ಟು ಸಾಮಾಜಿಕ ಒತ್ತಡವನ್ನು ಹೊಂದಿದ್ದರು. ಕೇವಲ 15 ವರ್ಷ ವಯಸ್ಸಿನ ಸಬ್ಯಸಾಚಿ ತನ್ನ ಜೀವನದಲ್ಲಿ ಗೋವಾಕ್ಕೆ ಓಡಿಹೋಗುವ ಪರಿಸ್ಥಿತಿ ಬಂದೊದಗಿತು. ಅವರು ಅಲ್ಲಿ ವೈಟರ್‌ ಆಗಿ ಕೆಲಸ ಮಾಡಿದರು ಮತ್ತು ಜೀವನೋಪಾಯಕ್ಕಾಗಿ ಪಾತ್ರೆಗಳನ್ನು ತೊಳೆಯುತ್ತಿದ್ದರು.

ತನಗಾಗಿ ಸಭ್ಯ ಜೀವನ ನಡೆಸಲು ಹೆಣಗಾಡುತ್ತಿರುವಾಗ ಮನಸ್ಸಿನಲ್ಲಿ ಡಿಸೈನರ್ ಆಗುವ ಕನಸನ್ನು ಹೆಣೆದಿದ್ದರು. ಹೀಗಾಗಿ NIFT ನಲ್ಲಿ ಅಧ್ಯಯನ ಮಾಡಲು ಬಯಸಿದ್ದರು. ಪೋಷಕರು ಅವರ ಪ್ರವೇಶಕ್ಕೆ ಹಣವನ್ನು ನೀಡಲು ನಿರಾಕರಿಸಿದರು. ಆದರೆ ಎದೆಗುಂದಲಿಲ್ಲ. ಅರ್ಜಿ ನಮೂನೆಯನ್ನು ಖರೀದಿಸಲು, ಅವರು ತಮ್ಮ ಪುಸ್ತಕಗಳನ್ನು ಮಾರಾಟ ಮಾಡಿದರು. ತನ್ನ ವಿದ್ಯಾಭ್ಯಾಸದ ವೆಚ್ಚವನ್ನು ಭರಿಸಲು ಶ್ರಮಿಸಿದರು.

1999 ರಲ್ಲಿ ಸಬ್ಯಸಾಚಿ ಮುಖರ್ಜಿ ಅವರು ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಫ್ಯಾಶನ್ ಟೆಕ್ನಾಲಜಿಯಿಂದ ಪದವಿ ಪಡೆದರು. ನಂತರ ಸಹೋದರಿಯಿಂದ 20,000 ರೂ ಸಾಲ ಮಾಡಿ ತನ್ನದೇ ಹೆಸರಿನಲ್ಲಿ ಸ್ವಂತ ಲೇಬಲ್ ಅನ್ನು ಪ್ರಾರಂಭಿಸಿದರು.ಇದು ಭಾರತದ ಮೊದಲ ಜಾಗತಿಕ ಬ್ರ್ಯಾಂಡ್‌ನ ಆರಂಭವಾಗಿತ್ತು. ಇಂದು ಸಬ್ಯಸಾಚಿ ಪಾಕಿಸ್ತಾನದಂತಹ ನೆರೆಯ ರಾಷ್ಟ್ರಗಳಲ್ಲಿ ಮಾತ್ರವಲ್ಲದೆ ಯುಎಇ, ಇಟಲಿ ಮತ್ತು ದುಬೈನ ಜನರು ಸಹ ಇವರ ಬಟ್ಟೆಗಳನ್ನು ಇಷ್ಟಪಡುತ್ತಾರೆ.

ಸಬ್ಯಸಾಚಿಯ ಬ್ರ್ಯಾಂಡ್ ಪ್ರಾರಂಭಿಸಿ ಬೆಳೆಸುವ ಹಾದಿಯಲ್ಲಿ ಮೂವರು ಸಹೋದ್ಯೋಗಿಗಳೊಂದಿಗೆ ಹಗಲಿರುಳು ಶ್ರಮಿಸಿದರು.ಅವರ ಚೊಚ್ಚಲ ಸಂಗ್ರಹ ಕಾಶ್ಗರ್ ಬಜಾರ್. ಇದನ್ನು 2002 ರಲ್ಲಿ ಲ್ಯಾಕ್ಮೆ ಫ್ಯಾಶನ್ ವೀಕ್‌ನಲ್ಲಿ ಪ್ರದರ್ಶಿಸಲಾಯಿತು. ಇದು ಅವರ ತಾಯಿಯ ಕಲಾತ್ಮಕತೆಯಿಂದ ಪ್ರೇರಿತವಾಗಿತ್ತು ಮತ್ತು ವ್ಯಾಪಕವಾಗಿ ಪ್ರೀತಿಸಲ್ಪಟ್ಟಿತು. ಇದಾದ ನಂತರ ಎಂದೂ ಹಿಂತಿರುಗಿ ನೋಡಲಿಲ್ಲ. ಸಿಂಗಾಪುರದಲ್ಲಿ ಮರ್ಸಿಡಿಸ್-ಬೆನ್ಜ್ ನ್ಯೂ ಏಷ್ಯಾ ಫ್ಯಾಶನ್ ವೀಕ್‌ನಲ್ಲಿ ಗ್ರ್ಯಾಂಡ್ ವಿನ್ನರ್ ಪ್ರಶಸ್ತಿ ಗೆದ್ದರು. ಇದು ಅವರ ಮೊದಲ ಅಂತರರಾಷ್ಟ್ರೀಯ ಪ್ರಶಸ್ತಿ.

2004 ರಲ್ಲಿ, ಮಿಲನ್ ಫ್ಯಾಶನ್ ವೀಕ್‌ನಲ್ಲಿ ಪ್ರದರ್ಶಿಸಲು ಆಹ್ವಾನಿಸಲಾದ ಏಕೈಕ ಭಾರತೀಯ ವಿನ್ಯಾಸಕ ಸಬ್ಯಸಾಚಿ. ಅವರು ನ್ಯೂಯಾರ್ಕ್, ಲಂಡನ್ ಮತ್ತು ಮಿಯಾಮಿ ಫ್ಯಾಶನ್ ವೀಕ್ಸ್‌ನಲ್ಲಿ ನಡೆದ ಕಾರ್ಯಕ್ರಮಗಳಲ್ಲಿ ತಮ್ಮ ಛಾಪನ್ನು ಮೂಡಿಸಿದರು. ಸಬ್ಯಸಾಚಿ ಕೂಡ ತಮ್ಮ ಕೆಲಸದ ಬಗ್ಗೆ ಟೀಕೆಯನ್ನು ಹೊಂದಿದ್ದರು. ಅವರ ಸಂಗ್ರಹವನ್ನು ಪುನರಾವರ್ತಿತ ಎಂದು ಹೀಗಳೆದರು. ಆದರೂ, ಭಾರತೀಯ ಸಂಪ್ರದಾಯಗಳಲ್ಲಿ ಬೇರೂರಿರುವ ಟೈಮ್ಲೆಸ್ ಮತ್ತು ಸಾಂಪ್ರದಾಯಿಕ ವಿನ್ಯಾಸಗಳನ್ನು ಮಾಡಲು ಯುವ ವಿನ್ಯಾಸಕರ ದೃಷ್ಟಿ ಸ್ಪಷ್ಟವಾಗಿತ್ತು.

2005 ರಲ್ಲಿ ಬ್ಲ್ಯಾಕ್ ಚಿತ್ರಕ್ಕಾಗಿ ಬಟ್ಟೆಗಳನ್ನು ವಿನ್ಯಾಸಗೊಳಿಸಲು ಸಂಜಯ್ ಲೀಲಾ ಬನ್ಸಾಲಿ ಸಂಪರ್ಕಿಸಿದ ನಂತರ ಬಾಲಿವುಡ್‌ ನಲ್ಲಿ ಸಬ್ಯಸಾಚಿಯ ಪ್ರಯಾಣವು ಪ್ರಾರಂಭವಾಯಿತು. ನಂತರ 2007 ರಲ್ಲಿ, ಅವರು ತಮ್ಮ ಮೊದಲ ವಧುವಿನ ಬಟ್ಟೆಯ ಸಂಗ್ರಹವನ್ನು ಅನಾವರಣಗೊಳಿಸಿದರು ಮತ್ತು ಅವರ ವಿನ್ಯಾಸಗಳೊಂದಿಗೆ ವಿವಾಹ ಉದ್ಯಮದಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸಿದರು.

ಯಾವುದೇ ಸಮಯ ಇರಲಿ. ಅವರು ವಧು ಒಬ್ಬಳ ಅತ್ಯಂತ ಪ್ರೀತಿಯ ವಿನ್ಯಾಸಕರಾದರು. ರಾಣಿ ಮುಖರ್ಜಿ ಬಾಲಿವುಡ್‌ನ ಮೊದಲ ಸಬ್ಯಸಾಚಿ ವಧು. ರಾಣಿ ಮತ್ತು ಆದಿತ್ಯ ಚೋಪ್ರಾ ಮದುವೆಯಲ್ಲಿ ಭಾಗವಹಿಸಿದ ಏಕೈಕ ವಿನ್ಯಾಸಕ ಮಾತ್ರ. ನಂತರ, ಅನುಷ್ಕಾ ಶರ್ಮಾ, ದೀಪಿಕಾ ಪಡುಕೋಣೆ, ಆಲಿಯಾ ಭಟ್ ಮತ್ತು ಅನೇಕ ನಟಿಯರು ತಮ್ಮ ಸಂತೋಷದ ದಿನಕ್ಕಾಗಿ ಇವರ ಡಿಸೈನ್‌ ಅನ್ನೇ ಆಯ್ಕೆ ಮಾಡಿದರು. 25 ವರ್ಷಗಳ ಸಂಪೂರ್ಣ ಕಠಿಣ ಪರಿಶ್ರಮದ ನಂತರ, ಸಬ್ಯಸಾಚಿ ಮುಖರ್ಜಿ ಅವರು ತಮ್ಮ ಲೇಬಲ್ ಅನ್ನು ಭಾರತದ ಮೊದಲ ಜಾಗತಿಕ ಬ್ರ್ಯಾಂಡ್ ಆಗಿ ಬೆಳೆಸಿ ಇಂದು 500 ಕೋಟಿ ರೂ ಸಾಮ್ರಾಜ್ಯದ ಒಡೆಯನಾಗಿದ್ದಾರೆ.