2025ರ ಮೆಟ್ ಗಾಲಾ ಕಾರ್ಯಕ್ರಮದಲ್ಲಿ ಕೇರಳದಲ್ಲಿ ತಯಾರಾದ ಹೂವಿನ ಕಾರ್ಪೆಟ್ ಆಕರ್ಷಣೆಯ ಕೇಂದ್ರಬಿಂದುವಾಯಿತು. ಈ ಕಾರ್ಪೆಟ್ ಅನ್ನು ಕೇರಳ ಮೂಲದ ನೆಯ್ಟ್ ಹೋಮ್ಸ್ ತಯಾರಿಸಿದ್ದು, ಡ್ಯಾಫೋಡಿಲ್ ಹೂವುಗಳಿಂದ ಅಲಂಕರಿಸಲಾಗಿತ್ತು.
2025ರ ಮೆಟ್ ಗಾಲಾ ಕಾರ್ಯಕ್ರಮದಲ್ಲಿ ಒಂದು ಹೂವು ಕಾರ್ಯಕ್ರಮದ ಸ್ಟಾರ್ ಆಯ್ತು. ಈ ವರ್ಷ ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ನಲ್ಲಿ ಸೆಲೆಬ್ರಿಟಿಗಳು ನಡೆದದ್ದು ರೆಡ್ ಕಾರ್ಪೆಟ್ ಮೇಲೆ ಅಲ್ಲ, ಬದಲಾಗಿ ಬಿಳಿ ಮತ್ತು ಹಳದಿ ಡ್ಯಾಫೋಡಿಲ್ಗಳಿಂದ ಅಲಂಕರಿಸಲ್ಪಟ್ಟ ಕಡು ನೀಲಿ ಕಾರ್ಪೆಟ್ ಮೇಲೆ. ಅತ್ಯಂತ ಆಸಕ್ತಿದಾಯಕ ವಿಷಯವೆಂದರೆ ಈ ಕಾರ್ಪೆಟ್ ಅನ್ನು ಭಾರತದಲ್ಲಿ ತಯಾರಿಸಲಾಯಿತು. ಈ ಕಾರ್ಪೆಟ್ನ ಬೇಸ್ ಅನ್ನು ಕೇರಳ ಮೂಲದ ಬ್ರಾಂಡ್ ನೆಯ್ಟ್ ಹೋಮ್ಸ್ ತಯಾರಿಸಿದೆ.
90 ದಿನಗಳಲ್ಲಿ ತಯಾರಾಯ್ತು ಕಾರ್ಪೆಟ್
ವರದಿಯ ಪ್ರಕಾರ, ನೆಯ್ಟ್ ಹೋಮ್ಸ್ ಸಂಸ್ಥಾಪಕರಾದ ಶಿವನ್ ಸಂತೋಷ್ ಮತ್ತು ನಿಮಿಷಾ ಶ್ರೀನಿವಾಸ್ ಅವರು ಈ ಬೇಸ್ ಕಾರ್ಪೆಟ್ ಅನ್ನು ಕೇರಳದ ಅಲಪ್ಪುಳ (ಅಲೈಪ್ಪಿ) ನಲ್ಲಿ ತಯಾರಿಸಲಾಗಿದ್ದು, ನಂತರ ಇದನ್ನು ನ್ಯೂಯಾರ್ಕ್ ಕಲಾವಿದರು ಕೈಯಿಂದ ಚಿತ್ರಿಸಿದ್ದಾರೆ ಎಂದು ಹೇಳಿದರು. ಈ ಕಾರ್ಪೆಟ್ ಅನ್ನು ಮಡಗಾಸ್ಕರ್ನಿಂದ ಪಡೆದ ಉತ್ತಮ ಗುಣಮಟ್ಟದ ನೈಸರ್ಗಿಕ ಕತ್ತಾಳೆ ನಾರುಗಳಿಂದ ತಯಾರಿಸಲಾಗುತ್ತದೆ ಮತ್ತು ಬೌಕಲ್ ನೇಯ್ಕೆಯಲ್ಲಿ ನೇಯಲಾಗುತ್ತದೆ.
ಮೆಟ್ ಗಾಲಾದ ಮಾನದಂಡಗಳ ಪ್ರಕಾರ ಈ ಕಾರ್ಪೆಟ್ ತಯಾರಿಸಲು, ಸುಮಾರು 480 ಜನರು ಸುಮಾರು 90 ದಿನಗಳ ಕಾಲ ಕೆಲಸ ಮಾಡಿದರು. ಈ ಕಾರ್ಪೆಟ್ 63000 ಚದರ ಅಡಿ ವಿಸ್ತೀರ್ಣ ಹೊಂದಿದೆ. ಆದಾಗ್ಯೂ ಇದು ಬ್ರಾಂಡ್ ನ ಮೊದಲ ಅನುಭವವಾಗಿರಲಿಲ್ಲ. ನೆಯ್ಟ್ ಹೋಮ್ಸ್ ನ ಮೂಲ ಕಂಪನಿಯಾದ ಎಕ್ಸ್ ಟ್ರಾವೀವ್ ಮೂರು ವರ್ಷಗಳ ಕಾಲ (2022, 2023 ಮತ್ತು 2025) ಮೆಟ್ ಗಾಲಾಗೆ ರೆಡ್ ಕಾರ್ಪೆಟ್ ರಚಿಸುತ್ತಿದೆ.
Related Articles
ಗ್ರೀಕ್ ಪುರಾಣಗಳಿಗೆ ಸಂಬಂಧಿಸಿದ ಹೂವುಗಳು
ಕಾರ್ಪೆಟ್ ಮೇಲೆ ಚಿತ್ರಿಸಿದ ಬಿಳಿ ಹೂವುಗಳು ಡ್ಯಾಫೋಡಿಲ್ ಗಳಾಗಿದ್ದವು. ಈ ಕಾರ್ಪೆಟ್ ಅನ್ನು ಕಲಾವಿದ ಸೈ ಗ್ಯಾವಿನ್ ವಿನ್ಯಾಸಗೊಳಿಸಿದ್ದಾರೆ. ಅವರು ತಮ್ಮ ನ್ಯೂಯಾರ್ಕ್ ಸ್ಟುಡಿಯೋ ಬಳಿ ಬೆಳೆಯುವ ಈ ಹೂವುಗಳಿಂದ ಸ್ಫೂರ್ತಿ ಪಡೆದರು.
ಗ್ಯಾವಿನ್ ಅದರಲ್ಲಿ ಗೀಕ್ ಪುರಾಣವನ್ನು ಆಧರಿಸಿದ ಕಥೆಯನ್ನು ಹೆಣೆದರು. ಈ ಪೌರಾಣಿಕ ಕಥೆಯ ಪ್ರಕಾರ ನಾರ್ಸಿಸಸ್ ತುಂಬಾ ಸುಂದರ ಆದರೆ ದುರಹಂಕಾರಿ ಯುವಕನಾಗಿದ್ದನು. ಅವನು ಯಾರನ್ನೂ ಪ್ರೀತಿಸಲಿಲ್ಲ. ಒಂದು ದಿನ ಅವನು ನೀರಿನಲ್ಲಿ ತನ್ನ ಪ್ರತಿಬಿಂಬವನ್ನು ನೋಡಿ ಅಲ್ಲೇ ಸಿಲುಕಿಕೊಂಡನು. ಕೆಲವು ಕಥೆಗಳು ಹೇಳುವಂತೆ ಅವನು ತನ್ನನ್ನು ನೋಡುತ್ತಲೇ ಅಲ್ಲಿಯೇ ಸತ್ತನು. ಮತ್ತು ಈ ಹೂವು ಅದೇ ಸ್ಥಳದಲ್ಲಿ ಬೆಳೆದಿತು. ಅದಕ್ಕಾಗಿಯೇ ಈ ಹೂವಿಗೆ ನಾರ್ಸಿಸಸ್ ಎಂದು ಹೆಸರಿಡಲಾಯಿತು.
ಆದಾಗ್ಯೂ ಈಗ 2025 ರಲ್ಲಿ ಈ ಹೂವಿನ ಅರ್ಥ ಬದಲಾಗಿದೆ. ಈಗ ಅದು ಕೇವಲ ಹೆಮ್ಮೆಯ ಸಂಕೇತವಲ್ಲ ಬದಲಾಗಿ ಸ್ವಯಂ ಜ್ಞಾನ ಮತ್ತು ಬದಲಾವಣೆಯ ಸಂಕೇತವಾಗಿದೆ. ಹಾಗಾಗಿ ಮೆಟ್ ಗಾಲಾ ಈ ಚಿಹ್ನೆಯನ್ನು ಅಳವಡಿಸಿಕೊಂಡಾಗ ಅದು ಸಂಪೂರ್ಣವಾಗಿ ಸರಿ ಎನಿಸಿತು. ಏಕೆಂದರೆ ಇದು ಫ್ಯಾಷನ್ ಉತ್ತುಂಗದಲ್ಲಿರುವ ರಾತ್ರಿ. ಈ ವರ್ಷದ ಥೀಮ್ - "ಸೂಪರ್ಫೈನ್: ಟ್ರೈಲರಿಂಗ್ ಬ್ಲಾಕ್ ಸ್ಟೈಲ್ ". ಕಳೆದ 300 ವರ್ಷಗಳಲ್ಲಿ ಕಪ್ಪು ಬಣ್ಣದ ಫ್ಯಾಷನ್ ಗುರುತು ಮತ್ತು ಕಪ್ಪು ಡ್ಯಾಂಡಿಸಂನ ಪರಂಪರೆಯ ಆಚರಣೆಯಾಗಿತ್ತು. ಈ ಪ್ರದರ್ಶನವನ್ನು ವಿಶೇಷವಾಗಿ ಫ್ಯಾಷನ್ ಐಕಾನ್ ಆಂಡ್ರೆ ಲಿಯಾನ್ ಟೆಲ್ಲಿ ಅವರಿಗೆ ಸಮರ್ಪಿಸಲಾಗಿತ್ತು.
ಭಾರತಕ್ಕೆ ತುಂಬಾ ಹೆಮ್ಮೆಯ ಕ್ಷಣ
ಮೇ 5, 2025 ರಂದು ನ್ಯೂಯಾರ್ಕ್ನ ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ನಲ್ಲಿ ನಡೆದ ಮೆಟ್ ಗಾಲಾ 2025 ರಲ್ಲಿ ಭಾರತೀಯ ತಾರೆಯರು ತಮ್ಮ ಫ್ಯಾಷನ್ ಮೂಲಕ ವಿಶ್ವದ ಗಮನ ಸೆಳೆದರು. ಶಾರುಖ್ ಖಾನ್, ಕಿಯಾರಾ ಅಡ್ವಾಣಿ, ಪ್ರಿಯಾಂಕಾ ಚೋಪ್ರಾ ಮತ್ತು ದಿಲ್ಜಿತ್ ದೋಸಾಂಜ್ ರೆಡ್ ಕಾರ್ಪೆಟ್ನಲ್ಲಿ ಮಿಂಚಿದರು. ಅಭಿಮಾನಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಭಾರತೀಯ ತಾರೆಯರನ್ನು ಪ್ರಶಂಸಿಸಿದರು ಮತ್ತು #MetGala2025 ಟ್ರೆಂಡಿಂಗ್ ಆರಂಭಿಸಿತು. ಇಷ್ಟು ದೊಡ್ಡ ವೇದಿಕೆಯಲ್ಲಿ ಭಾರತೀಯ ಕುಶಲಕರ್ಮಿಗಳ ಕಠಿಣ ಪರಿಶ್ರಮವನ್ನು ಪ್ರಶಂಸಿಸಲಾಗುತ್ತಿರುವುದು ಭಾರತಕ್ಕೆ ತುಂಬಾ ಹೆಮ್ಮೆಯ ಕ್ಷಣವಾಗಿದೆ.
