‘ಆಂಗ್ಲ ಭಾಷೆಗಳಲ್ಲೇ ಚಿತ್ರದ ಹೆಸರುಗಳು ಹೆಚ್ಚಾಗಿರುವಾಗ ಅಪ್ಪಟ ಕನ್ನಡದ ಹೆಸನ್ನಿಟ್ಟುಕೊಂಡಿದ್ದು, ಎಲ್ಲ ಕನ್ನಡಿಗರು ಈ ಸಿನಿಮಾ ನೋಡುವಂತಾಗಲಿ. ಹೆಸರೇ ವಿಭಿನ್ನವಾಗಿದ್ದು, ಸಿನಿಮಾ ಕೂಡ ಇಷ್ಟೇ ಭಿನ್ನವಾಗಿ ಪ್ರೇಕ್ಷಕರಿಗೆ ತಲುಪಲಿ’ ಎಂದು ಚಿತ್ರತಂಡಕ್ಕೆ ಶುಭ ಹಾರೈಸಿದ್ದು ನಟ ಧ್ರುವ ಸರ್ಜಾ.

ಈ ಸಿನಿಮಾ ಇದೇ ತಿಂಗಳು 11ರಂದು ತೆರೆಗೆ ಬರುತ್ತಿದೆ. ರಂಗಭೂಮಿಯಲ್ಲಿ ನಟರಾಗಿ ಗುರುತಿಸಿಕೊಂಡಿದ್ದ ದೇವ್ ರಂಗಭೂಮಿ ಈ ಚಿತ್ರಕ್ಕೆ ಕಥೆ ಚಿತ್ರಕಥೆ ಮತ್ತು ಸಂಭಾಷಣೆ ಬರೆದು ನಿರ್ಮಿಸಿರುವ ಜತೆಗೆ ನಾಯಕನಾಗಿಯೂ ನಟಿಸಿದ್ದಾರೆ. ನಾಗರಾಜ್ ಉಪ್ಪುಂದ ಈ ಚಿತ್ರದ ನಿರ್ದೇಶಕರು. ಸ್ಟಾರ್ ನಟನ ಪ್ರೋತ್ಸಾಹದ ಮಾತುಗಳಿಂದ ಖುಷಿಯಾಗಿದೆ.