ಕನ್ನಡ ಸಿನಿಮಾಗಳು ಯೂಟ್ಯೂಬ್‌ನಲ್ಲಿ ಸಾವಿರಗಳ ಸಂಖ್ಯೆಯಲ್ಲಿ ಮಾತ್ರ ವೀಕ್ಷಕರನ್ನು ಸೆಳೆಯುತ್ತಿದ್ದವು. ಆದರೆ, ಈಗ ಮಿಲಿಯನ್‌ ಗಡಿಯನ್ನು ದಾಟಿವೆ.

  • ಸದ್ಯಕ್ಕೆ ಹಾಡು, ಟೀಸರ್‌, ಟ್ರೇಲರ್‌ ವೀಕ್ಷಣೆಯಲ್ಲಿ ಅತಿ ಹೆಚ್ಚು ದಾಖಲೆ ಮಾಡಿರುವುದು ನಟ ಯಶ್‌ ಅಭಿನಯದ ‘ಕೆಜಿಎಫ್‌’ ಸಿನಿಮಾ. ‘ಕೆಜಿಎಫ್‌’ನ ಮೂರು ಹಾಡುಗಳ ಪೈಕಿ ‘ಜೋಕೆ ನಾನು ಬಳ್ಳಿಯ ಮಿಂಚು’ ಹಾಡು 9 ಮಿಲಿಯನ್‌ ಹಾಗೂ ಇದೇ ಹಾಡಿನ ಹಿಂದಿ ವರ್ಷನ್‌ ‘ಗಲಿ ಗಲಿ’ ಹಾಡು 105 ಮಿಲಿಯನ್‌ ವೀಕ್ಷಣೆ ಪಡೆದುಕೊಂಡಿದೆ. ಉಳಿದ ಹಾಡುಗಳು ಸರಾಸರಿ 2 ಮಿಲಿಯನ್‌ ದಾಟಿದೆ.
  • ನಟ ಸುದೀಪ್‌ ಅಭಿನಯದ ‘ಫೈಲ್ವಾನ್‌’ ಚಿತ್ರದ ಕುಸ್ತಿ ಟೀಸರ್‌ಗೆ ಸಾಕಷ್ಟುರೆಸ್ಪಾನ್ಸ್‌ ಬಂದಿದ್ದು, ಈಗಾಗಲೇ 4 ಮಿಲಿಯನ್‌ ಗಡಿ ದಾಟಿದೆ. ಈ ಟೀಸರ್‌ ಬೇರೆ ಬೇರೆ ಭಾಷಿಕರ ಗಮನ ಸೆಳೆಯುತ್ತಿದೆ. ಈ ಟೀಸರ್‌ ರಿಲೀಸಾದ ದಿನ ಟ್ವೀಟರ್‌ನಲ್ಲಿ ಭಾರಿ ಹವಾ ಮೇಂಟೇನ್‌ ಮಾಡಿತ್ತು. ಸಲ್ಮಾನ್‌ ಖಾನ್‌ ಕೂಡ ಶುಭ ಹಾರೈಸಿದ್ದರು.
  • ಸಿನಿಮಾ ಬಿಡುಗಡೆಯ ಹೊತ್ತಿನಲ್ಲಿ ಬಂದ ನಿಖಿಲ್‌ ಕುಮಾರ್‌ ನಟನೆಯ ‘ಸೀತಾರಾಮ ಕಲ್ಯಾಣ’ ಟ್ರೇಲರ್‌ ಧೂಳೆಬ್ಬಿಸುತ್ತಿದೆ. ಈಗಾಗಲೇ ಯೂಟ್ಯೂಬ್‌ ಖಾತೆಯಲ್ಲಿ 5 ಮಿಲಿಯನ್‌ ವೀಕ್ಷಕರ ಸಂಖ್ಯೆ ಜಮೆಯಾಗಿದೆ.
  • ದರ್ಶನ್‌ ಚಿತ್ರದ ಹಾಡು ಸೃಷ್ಟಿಸಿರುವ ಅಬ್ಬರದ್ದೇ ಮತ್ತೊಂದು ಕತೆ. ಯಜಮಾನ ಚಿತ್ರದ ‘ಶಿವನಂದಿ’ ಹೆಸರಿನ ಹಾಡು ಯೂಟ್ಯೂಬ್‌ವೊಂದರಲ್ಲೇ 6 ಮಿಲಿಯನ್‌ ವೀಕ್ಷಕರನ್ನು ತನ್ನತ್ತ ಸೆಳೆದಿದೆ. ‘ಒಂದು ಮುಂಜಾನೆ’ ಎಂದು ಸಾಗುವ ಮೆಲೋಡಿ ಹಾಡಿನ ಖದರ್‌, ಬರೋಬ್ಬರಿ 4 ಮಿಲಿಯನ್‌ ಗಡಿ ದಾಟಿದೆ. ಹಾಗೆ
  • ಪುನೀತ್‌ರಾಜ್‌ಕುಮಾರ್‌ ಅವರು ಕಾಣಿಸಿಕೊಂಡಿರುವ ‘ನಟ ಸಾರ್ವಭೌಮ’ ಚಿತ್ರದ ಟೀಸರ್‌ 1 ಮಿಲಿಯನ್‌ ಕ್ರಾಸ್‌ ಮಾಡಿದರೆ, ಹೊಸ ವರ್ಷದ ಸಂಭ್ರಮಕ್ಕೆ ಬಂದ ಹಾಡು 2 ಮಿಲಿಯನ್‌ ಹಿಟ್ಸ್‌ ಪಡೆದುಕೊಂಡಿದೆ. ಅಲ್ಲದೆ ಧ್ರುವ ಸರ್ಜಾ ನಟನೆಯ ‘ಪೊಗರು’ ಟೀಸರ್‌ ಸದ್ದಿಲ್ಲದೆ ಬಂದರೂ ಯೂಟ್ಯೂಬ್‌ನಲ್ಲಿ ಮಾತ್ರ ಸದ್ದು ಮಾಡುತ್ತಿದೆ. ಇದನ್ನು ನೋಡಿದವರ ಸಂಖ್ಯೆ 3 ಮಿಲಿಯನ್‌.

ಹೀಗೆ ನಮ್ಮ ಸ್ಯಾಂಡಲ್‌ವುಡ್‌ ಹೀರೋಗಳು ಯೂಟ್ಯೂಬ್‌ನಲ್ಲಿ ಹಾಡು, ಟೀಸರ್‌, ಟ್ರೇಲರ್‌ಗಳ ಮೂಲಕ ಮಿಲಿಯನ್‌ಗಳ ಗಡಿಯನ್ನು ದಾಟಿ ‘ಮಿಲಿಯನ್‌ ಸ್ಟಾರ್‌’ಗಳೆನಿಸಿಕೊಳ್ಳುತ್ತಿದ್ದಾರೆ. ನೆಟ್‌ ಜಗತ್ತಿನಲ್ಲಿ ಕನ್ನಡ ಚಿತ್ರಗಳ ಈ ಕ್ರೇಜ್‌ ನೋಡಿಯೇ ಪ್ರತಿಷ್ಠಿತ ನೆಟ್‌ಫ್ಲಿಕ್ಸ್‌, ಅಮೆಜಾನ್‌ನಂತಹ ಸಂಸ್ಥೆಗಳು ಕನ್ನಡ ಚಿತ್ರಗಳ ಮೇಲೆ ಬಂಡವಾಳ ಹೂಡುವುದಕ್ಕೆ ಬರುತ್ತಿವೆ. ಆ ಮೂಲಕ ಕನ್ನಡ ಚಿತ್ರಗಳು ಗ್ಲೋಬಲ್‌ ಮಾರುಕಟ್ಟೆಯ ಕದಂಬಗಳನ್ನು ಮುಟ್ಟುತ್ತಿವೆ.

  • ಕೆಜಿಎಫ್‌ ಗಲಿ ಗಲಿ ಹಾಡು- 105 ಮಿಲಿಯನ್‌
  • ಪೈಲ್ವಾನ್‌ ಟೀಸರ್‌- 4 ಮಿಲಿಯನ್‌
  • ಯಜಮಾನ ಶಿವನಂದಿ ಹಾಡು- 6 ಮಿಲಿಯನ್‌
  • ಸೀತಾರಾಮ ಕಲ್ಯಾಣ ಟ್ರೈಲರ್‌- 5 ಮಿಲಿಯನ್‌
  • ನಟಸಾರ್ವಭೌಮ ಹಾಡು- 2 ಮಿಲಿಯನ್‌