ಮುಂಬೈ(ಅ.05): ರಾಧಿಕಾ ಆಪ್ಟೆ.. ಸದಾ ಒಂದಿಲ್ಲೊಂದು ವಿವಾದಗಳನ್ನ ಸೃಷ್ಟಿಸುವ ಈ ಬಾಲಿವುಡ್ ಸುಂದರಿ ತನ್ನ `ಪರ್ಚೇದ್' ಸಿನಿಮಾದ ಲೀಕ್ಡ್ ಸೆಕ್ಸ್ ಸೀನ್ ಬಗ್ಗೆ ಪತ್ರಕರ್ತ ಕೇಳಿದ ಪ್ರಶ್ನೆಗೆ ಕೆಂಡಾಮಂಡಲವಾಗಿದ್ದಾರೆ. ಸಾರಿ.. ನಿನ್ನ ಪ್ರಶ್ನೆ ತುಂಬಾ ತಮಾಷೆಯಾಗಿದೆ. ವಿವಾದಗಳನ್ನ ನಿನ್ನಂತಹ ಜನ ಮಾಡುತ್ತಾರೆ. ಆ ವಿಡಿಯೋವನ್ನ ನೀನೂ ನೋಡಿದ್ದೀಯಾ.. ಇತರರೊಡನೆ ಅದನ್ನ ಶೇರ್ ಮಾಡಿದ್ದೀಯಾ.. ಸೋ ನೀನೇ ಕಾಂಟ್ರೋವರ್ಸಿ ಸೃಷ್ಟಿಸಿದೆ ಎಂದು ಉತ್ತರಿಸಿದ್ದಾಳೆ.
ಪರ್ಚೇದ್ ಚಿತ್ರದಲ್ಲಿ ಅದಿಲ್ ಹುಸೇನ್ ಜೊತೆಗಿನ ರಾಧಿಕಾ ಆಪ್ಟೆಯ ಸೆಕ್ಸ್ ಸೀನ್ ಲೀಕ್ ಆಗಿತ್ತು. ಈ ಕುರಿತು, ಪ್ರತಿಕ್ರಿಯಿಸಿದ ರಾಧಿಕಾ ಸಿನಿಮಾದಲ್ಲಿ ಲೀಕ್ಡ್ ವಿಡಿಯೋಗಿಂತ ನೋಡುವುದು ಬಹಳಷ್ಟಿದೆ ಎಂದು ಸಮರ್ಥನೆ ನೀಡಿದ್ಧಾರೆ.
`ನಾನೊಬ್ಬಳು ಕಲಾವಿದೆ. ಆ ರೀತಿಯ ದೃಶ್ಯ ಅವಶ್ಯವಿದೆ ಎಂದರೆ ನಾನು ಮಾಡುತ್ತೇನೆ. ವಿಶ್ಚ ಸಿನಿಮಾ ಜಗತ್ತನ್ನ ಒಮ್ಮೆ ನೋಡಿ. ಹೊರಗಡೆ ಸಿನಿಮಾ ಹೇಗಿದೆ ಎಂಬುದನ್ನ ನೋಡಿ. ಆಗ ನೀವು ಈ ಪ್ರಶ್ನೆ ಕೇಳುವುದಿಲ್ಲ. ನನಗೆ ಇದ್ಯಾವುದರ ಬಗ್ಗೆ ನಾಚಿಕೆ ಇಲ್ಲ. ನಮ್ಮ ದೇಹದ ಬಗ್ಗೆ ಮುಜುಗರಪಡುವ ಜನ ಬೇರೆಯವರ ದೇಹದ ಬಗ್ಗೆ ಕುತೂಹಲ ಹೊಂದಿದ್ದಾರೆ. ನಾಳೆ ನಿಮಗೆ ಬೆತ್ತಲೆ ದೇಹ ನೋಡಬೇಕೆಂದೆನಿಸಿದರೆ ನಿಮ್ಮ ದೇಹವನ್ನೇ ಕನ್ನಡಿಯಲ್ಲಿ ನೋಡಿಕೊಳ್ಳಿ ಎಂದು ಖಡಕ್ ಆಗಿ ಉತ್ತರಿಸಿದ್ಧಾರೆ.
