ಪುನೀತ್ ಹೊಸ ಚಿತ್ರ 'ಕ್ರಾಂತಿ ವೀರ'
ಪುನೀತ್ ರಾಜ್ಕುಮಾರ್ ಹಾಗೂ ಸಂತೋಷ್ ಆನಂದ್ರಾಮ್ ಕಾಂಬಿನೇಷನ್ನ ಹೊಸ ಚಿತ್ರದ ಹೆಸರು ‘ಕ್ರಾಂತಿ ವೀರ’.
ಭಾರಿ ಕುತೂಹಲ ಮೂಡಿಸಿದ್ದ ವಿಜಯ ಕಿರಗಂದೂರು ನಿರ್ಮಾಣದ ಈ ಚಿತ್ರಕ್ಕೆ ‘ಕ್ರಾಂತಿ ವೀರ’ ಎಂದು ಹೆಸರಿಡಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಈಗಾಗಲೇ ಪರುಶುರಾಮ, ಜ್ವಾಲಮುಖಿ ಹೀಗೆ ಬೇರೆ ಬೇರೆ ಹೆಸರುಗಳು ಓಡಾಡುತ್ತಿತ್ತು. ಈ ಸಾಲಿಗೆ ಈಗ ‘ಕ್ರಾಂತಿ ವೀರ’ ಹೆಸರು ಸೇರಿಕೊಂಡಿದೆ.
ಆರ್ ರಾಮಮೂರ್ತಿ ನಿರ್ದೇಶಿಸಿ, ನಿರ್ಮಿಸಿರುವ, 1972 ರಲ್ಲಿ ತೆರೆಕಂಡ ಡಾ ರಾಜ್ ಕುಮಾರ್ ಅಭಿನಯದ ‘ಕ್ರಾಂತಿ ವೀರ’ ಚಿತ್ರದ ಹೆಸರನ್ನೇ ಈ ಚಿತ್ರಕ್ಕೂ ಇಡಲಾಗಿದೆ ಎನ್ನಲಾಗಿದೆ. ಆ ಮೂಲಕ ಮೂರನೇ ಚಿತ್ರಕ್ಕೂ ಹಳೆಯ ಹೆಸರುಗಳ ಮೊರೆ ಹೋಗಿರುವ ಸಂತೋಷ್ ಆನಂದ್ರಾಮ್, ಚಿತ್ರದ ಟೈಟಲ್ ಅನ್ನು ನ.1ರಂದು ಅಧಿಕೃತವಾಗಿ ಘೋಷಣೆ ಮಾಡಲಿದ್ದಾರೆ.