ಜಗತ್ತಿನಲ್ಲಿ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಭಾರತದ ಕುವರಿಯೂ ಇದ್ದಾಳೆ!
ಲಾಸ್ ಏಂಜಲೀಸ್ (ಸೆ.15): ಅಮೆರಿಕಾದ ಜನಪ್ರಿಯ ಧಾರಾವಾಹಿ ಕ್ವಾಂಟಿಕೋದಲ್ಲಿ ನಟಿಸಿದ ನಂತರ ಭಾರತೀಯ ನಟಿಯರಲ್ಲಿ ಜಗತ್ತಿನಲ್ಲಿ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿಯಾಗಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.
ಕಳೆದ ಐದು ವರ್ಷಗಳಲ್ಲಿ ಅಮೆರಿಕಾದ ನಟಿ ಸೋಫಿಯಾ ವರ್ಗಾರ ಮೊದಲ ಸ್ಥಾನದಲ್ಲಿದ್ದರೆ ಪ್ರಿಯಾಂಕ ಇದೀಗ 8 ನೇ ಸ್ಥಾನದಲ್ಲಿದ್ದಾರೆ. ಪ್ರಿಯಾಂಕ 11 ಮಿಲಿಯನ್ ಸಂಪಾದಿಸುತ್ತಿದ್ದಾರೆ. ಕಳೆದ ವರ್ಷ ಅಂತರಾಷ್ಟ್ರೀಯ ಮಟ್ಟದ ಧಾರಾವಾಹಿ ಕ್ವಾಂಟಿಕೊ ದಲ್ಲಿ ನಟಿಸಿ ಆ ಮೂಲಕ ಹಾಲಿವುಡ್ ಗೆ ಪಾದಾರ್ಪಣೆ ಮಾಡಿದ ಮೊದಲ ಭಾರತೀಯ ನಟಿ ಎನಿಸಿಕೊಂಡಿದ್ದಾರೆ.
ಈಗ ಅತೀ ಹೆಚ್ಚು ಸಂಪಾದಿಸುವ ನಟಿ ಎನ್ನುವ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಒಟ್ಟಿನಲ್ಲಿ ಪಿಂಕಿ ಮುಟ್ಟಿದ್ದೆಲ್ಲಾ ಚಿನ್ನವಾಗುತ್ತಿದೆ.