ಧೂಳೆಬ್ಬಿಸುತ್ತಿದೆ ಕಿಚ್ಚ ಸುದೀಪ್ ಭಾವಚಿತ್ರ: ನೀವ್ ನೋಡಿಲ್ವಾ?
ಬಿಡುಗಡೆಯಾಯ್ತು ಕಿಚ್ಚ ಸುದೀಪ್ ವಿಶೇಷ ಭಾವಚಿತ್ರ! ಇದೇ ಸೆ.2 ಕ್ಕೆ ಕಿಚ್ಚ ಸುದೀಪ್ 45ನೇ ಹುಟ್ಟುಹಬ್ಬ! ಫೇಸ್‌ಬುಕ್‌ ಹಾಗು ಟ್ಟೀಟ್ಟರ್ ನಲ್ಲಿ ಟ್ರೆಂಡಿಂಗ್ ಆಗಿರುವ ಭಾವಚಿತ್ರ! ಪತ್ನಿ ಪ್ರಿಯಾ ಸುದೀಪ್ ರಿಂದ ಭಾವಚಿತ್ರ ಬಿಡುಗಡೆ
ಬೆಂಗಳೂರು(ಆ.31): ಇದೇ ಸೆ.2(ಭಾನುವಾರ) ಕ್ಕೆ ಕಿಚ್ಚ ಸುದೀಪ್ ತಮ್ಮ 45ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿದ್ದು, ಈ ಹಿನ್ನೆಲೆಯಲ್ಲಿ ಸುದೀಪ್ ಪತ್ನಿ ಪ್ರಿಯಾ ಸುದೀಪ್ ನಟ ಸುದೀಪ್ ಅವರ ವಿಶೇಷವಾದ ಭಾವಚಿತ್ರ ಬಿಡುಗಡೆ ಮಾಡಿದ್ದಾರೆ.
ಈಗಾಗಲೇ ಫೇಸ್‌ಬುಕ್‌ ಹಾಗು ಟ್ಟೀಟ್ಟರ್ ನಲ್ಲಿ ಟ್ರೆಂಡಿಂಗ್ ಆಗಿರುವ ಸುದೀಪ್ ಈ ಭಾವಚಿತ್ರ ಸಾಕಷ್ಟು ಸದ್ದು ಮಾಡುತ್ತಿದೆ. ಅಖಿಲ ಕರ್ನಾಟಕ ಕಿಚ್ಚ ಸುದೀಪ್ ಅಭಿಮಾನಿಗಳಿಂದ ಈ ಭಾವಚಿತ್ರ ಅನಾವರಣಗೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಕಿಚ್ಚ ಸುದೀಪ್ ಅವರ ಈ ವಿಶೇಷ ಭಾವಚಿತ್ರಕ್ಕೆ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ.
ಇನ್ನು ಈ ವರ್ಷ ಹಾರ, ಕೇಕ್, ಪೇಟಾ ಇಲ್ಲದೆ ಸರಳವಾಗಿ ಹುಟ್ಟು ಹಬ್ಬ ಆಚರಿಸಲು ಕಿಚ್ಚ ಸುದೀಪ್ ನಿರ್ಧರಿಸಿದ್ದಾರೆ. ಕೇರಳ ಹಾಗು ಕೊಡಗು ಜಿಲ್ಲೆಯಲ್ಲಿನ ಪ್ರವಾಹದ ಹಿನ್ನೆಲೆಯಲ್ಲಿ, ಸುದೀಪ್ ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿದ್ದಾರೆ ಎಂದು ಆಪ್ತ ಮೂಲಗಳು ತಿಳಿಸಿವೆ.
