ಗೋಲ್ಡನ್ ಸ್ಟಾರ್‌ಗೆ ಕಿಚ್ಚ ಸಂಬಂಧಿ: ಗೊತ್ತಾಗಿದ್ದು ಹೇಗೆ?
ಸ್ಯಾಂಡಲ್‌ವುಡ್ ಎಂಬ ಕುಟುಂಬದಲ್ಲಿ ಎಲ್ಲರೂ ಒಂದೇ. ಒಬ್ಬರಿಗೊಬ್ಬರು ಸಂಬಂಧಿಗಳು. ಆದರೆ, ವಿಷಯವೇನೆಂದರೆ ಕಿಚ್ಚ ಸುದೀಪ್‌ಗೆ, ಗೋಲ್ಡನ್ ಸ್ಟಾರ್ ಗಣೇಶ್ ಸಂಬಂಧಿಯಂತೆ!
ಬೆಂಗಳೂರು (ಸೆ.15): ಇತ್ತೀಚೆಗೆ ನಡೆದ ಕರ್ನಾಟಕ ಚಲನಚಿತ್ರ ಕಪ್ (ಕೆಸಿಸಿ) ಪಂದ್ಯದ ವೇಳೆ ಸುದೀಪ್‌ಗೆ ಈ ವಿಷಯ ಗೊತ್ತಾಯ್ತಂತೆ. ಉಭಯ ಕುಶಲೋಪರಿ ವಿಚಾರಿಸಿಕೊಳ್ಳುತ್ತಿದ್ದ ಕಿಚ್ಚ ಹಾಗೂ ಗೋಲ್ಡನ್ ಸ್ಟಾರ್ ಅದು, ಇದು ಎಂದು ಪುರುಸೊತ್ತು ಮಾಡಿಕೊಂಡು ಹರಟಿದ್ದಾರೆ.
ಹೀಗೆ, ಅದು-ಇದು ಮಾತನಾಡುತ್ತಾ ಅವರು-ಇವರ ಬಗ್ಗೆಯೂ ಮಾತನಾಡಿದ್ದಾರೆ. ಒಂದೊಂದೇ ಮಾತನಾಡುತ್ತಾ, ಮಾತನಾಡುತ್ತಾ ನಿಮಗೆ ಅವರು ಹೇಗೆ ಗೊತ್ತು?...ಎಂದೂ ಮಾತನಾಡಿಕೊಂಡಿದ್ದಾರೆ. ಆಗ ಗೊತ್ತಾಗಿದೆ ಇವರಿಬ್ಬರೂ ದೂರದ ಸಂಬಂಧಿಗಳೆಂದು. 'ಅವರ ಅಕ್ಕನ ಗಂಡನ ತಂಗಿಯ ಮಾವನ...' ಹೇಗೋ ಒಟ್ಟಿನಲ್ಲಿ ಒಬ್ಬರಿಗೊಬ್ಬರು ಬಂಧುಗಳಾಗುತ್ತಾರಂತೆ.
ಈ ವಿಷಯವನ್ನು ಖುದ್ದು ಕಿಚ್ಚ ಸುದೀಪ್ ಟ್ವೀಟ್ ಮಾಡಿದ್ದಾರೆ. 'ಹೀಗೆ ಮಾತನಾಡ್ತಾ ಮಾತನಾಡ್ತ ಗಣೇಶ್ ನನ್ನ ದೂರದ ಸಂಬಂಧಿ ಎಂದು ಗೊತ್ತಾಯಿತು. ನಮ್ಮನೆಯಲ್ಲೀಗ ಚಿನ್ನವಿದ್ದು, ನಾನೀಗ ಶ್ರೀಮಂತ...' ಎಂದು ಎಂದಿದ್ದಾರೆ.
Guess what,,,, over a conversation I get to know that Ganesh is my relative ... 😁😁...
— Kichcha Sudeepa (@KicchaSudeep) September 14, 2018
now I have gold at home... rich am I !!!
Cheers n mch luv. pic.twitter.com/hfYilcnFq9
