Asianet Suvarna News Asianet Suvarna News

ಬರ್ತಾಯಿದೆ ನಾಗತೀಹಳ್ಳಿಯವರ ಹೊಸ ಸಿನಿಮಾ ’ಲವ್ ಇನ್ ಲಂಡನ್’

ನಾಗತಿಹಳ್ಳಿ ಚಂದ್ರಶೇಖರ್ ಚಿತ್ರಗಳೆಂದರೆ ಅರದಲ್ಲಿ ಏನಾದರೊಂದು ವಿಶೇಷತೆ ಇದ್ದೇ ಇರುತ್ತದೆ. ಬೇರೆ ಬೇರೆ ದೇಶಗಳಲ್ಲಿ ಶೂಟಿಂಗ್ ಮಾಡಿ ಅಲ್ಲಿಯ ಹೆಸರುಗಳನ್ನೇ ಇಟ್ಟಿದ್ದಾರೆ. ಅಮೇರಿಕಾ, ಅಮೇರಿಕಾ, ’ಪ್ಯಾರೀಸ್ ಪ್ರಣಯ’ ಚಿತ್ರಗಳು ಭಾರೀ ಸದ್ದು ಮಾಡಿದ್ದವು. ಇದೀಗ ’ಲವ್ ಇನ್ ಲಂಡನ್’ ಎನ್ನುವ ಚಿತ್ರವೊಂದನ್ನು ಮಾಡುತ್ತಿದ್ದಾರೆ. 

Director Nagathihalli Chandrashekhar next movie Love in London
Author
Bengaluru, First Published Sep 22, 2018, 1:19 PM IST

ಬೆಂಗಳೂರು (ಸೆ. 22): ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಈ ಬಾರಿ ಲಂಡನ್ ಕತೆ ಹೇಳಲಿದ್ದಾರೆ. ದೇಶ ಸುತ್ತು ಕೋಶ ಓದು ಅನ್ನುವ ಮಾತನ್ನು ಬೇರೆ ಯಾರು ಪಾಲಿಸಿದರೋ ಇಲ್ಲವೋ. ಆ ಗಾದೆಯನ್ನು ಅಕ್ಷರಶಃ ಪಾಲಿಸಿದ್ದು ನಾಗತಿಹಳ್ಳಿ ಮೇಷ್ಟ್ರು.

ಅದಕ್ಕೆ ತಕ್ಕಂತೆ ಅವರು ತಮ್ಮ ಸಿನಿಮಾಗಳನ್ನೂ ಬೇರೆ ಬೇರೆ ದೇಶದಲ್ಲಿ ಚಿತ್ರೀಕರಣ ನಡೆಸಿದರು. ಅಷ್ಟೇ ಅಲ್ಲ, ತಮ್ಮ ಚಿತ್ರದ ಹೆಸರುಗಳನ್ನೂ ಆಯಾ ಚಿತ್ರದ ಕತೆಗೆ ತಕ್ಕಂತೆ ಆ ದೇಶದ ಹೆಸರೂ ಬರುವಂತೆ ಇಟ್ಟರು. ಅದಕ್ಕೆ ಉದಾಹರಣೆ ಅಮೆರಿಕಾ ಅಮೆರಿಕಾ, ಪ್ಯಾರಿಸ್ ಪ್ರಣಯ. ಇದೀಗ ಅವರು ಮತ್ತೊಂದು ದೇಶದ ಮೇಲೆ ಪ್ರೀತಿ ತೋರಿಸಿದ್ದಾರೆ. ಅದು ಲಂಡನ್.

ಈಗಾಗಲೇ ಲಂಡನ್‌ನಲ್ಲಿ ಒಂದು ಹಂತದ ಚಿತ್ರೀಕರಣ ಮುಗಿಸಿಕೊಂಡಿರುವ ಅವರು ತಮ್ಮ ಚಿತ್ರಕ್ಕೆ ಲವ್ ಇನ್ ಲಂಡನ್ ಎಂಬ ಟೈಟಲ್ ಫಿಕ್ಸ್ ಮಾಡಿದ್ದಾರೆ. ಮಾನ್ವಿತಾ ಹರೀಶ್ ಮತ್ತು ವಶಿಷ್ಟ ಸಿಂಹ ಈ ಚಿತ್ರದ ನಾಯಕ, ನಾಯಕಿ. ತನ್ನ ದನಿಯಿಂದಲೇ ಖ್ಯಾತಿ ಗಳಿಸಿದ ವಶಿಷ್ಟ ಸಿಂಹರನ್ನು ಈ ಚಿತ್ರದಲ್ಲಿ ನಾಯಕನ ಸ್ಥಾನ ನೀಡಿಗೆ ನಾಗತಿಹಳ್ಳಿಯವರಿಗೆ ಸಲ್ಲುತ್ತದೆ.

ಈಗಾಗಲೇ ಒಂದು ಹಂತದ ಚಿತ್ರೀಕರಣ ಮುಗಿದಿದ್ದು, ಇನ್ನು ಎರಡು ಹಂತದ ಚಿತ್ರೀಕರಣ ಬಾಕಿ ಇದೆ. ಬೆಂಗಳೂರಿನ ಹಳೆಯ ಬ್ರಿಟಿಷ್ ಕಾಲನಿಗಳಲ್ಲಿ ಚಿತ್ರೀಕರಣ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ. 

Follow Us:
Download App:
  • android
  • ios