ಸದ್ಯ ಸಿನಿಮಾ ಪ್ರೇಮಿಗಳ ಮಾತಿನಲ್ಲಿ ‘ಫೌಜಿ’, ‘ವಿಶ್ವಂಭರ’, ‘ಟಾಕ್ಸಿಕ್’ನಂತಹ ಬಿಗ್ ಬಜೆಟ್ ಸಿನಿಮಾಗಳದ್ದೇ ಸದ್ದು. ಆದರೆ ಮುಂದಿನ ಎರಡು ತಿಂಗಳು ಬಾಕ್ಸ್ ಆಫೀಸ್ನಲ್ಲಿ ಕೇವಲ ದೊಡ್ಡ ಸಿನಿಮಾಗಳದ್ದೇ ಅಬ್ಬರವಿರಲ್ಲ.
ಸದ್ಯ ಸಿನಿಮಾ ಪ್ರೇಮಿಗಳ ಮಾತಿನಲ್ಲಿ ‘ಫೌಜಿ’, ‘ವಿಶ್ವಂಭರ’, ‘ಟಾಕ್ಸಿಕ್’ನಂತಹ ಬಿಗ್ ಬಜೆಟ್ ಸಿನಿಮಾಗಳದ್ದೇ ಸದ್ದು. ಆದರೆ ಮುಂದಿನ ಎರಡು ತಿಂಗಳು ಬಾಕ್ಸ್ ಆಫೀಸ್ನಲ್ಲಿ ಕೇವಲ ದೊಡ್ಡ ಸಿನಿಮಾಗಳದ್ದೇ ಅಬ್ಬರವಿರಲ್ಲ. ಕ್ಯೂಟ್ ಲವ್ ಸ್ಟೋರಿಗಳು, ಯಂಗ್ ರೊಮ್ಯಾಂಟಿಕ್ ಎಂಟರ್ಟೈನರ್ಗಳು ಹಾಗೂ ಕಾಮಿಡಿ ಸಿನಿಮಾಗಳು ಕೂಡ ಪ್ರೇಕ್ಷಕರನ್ನು ರಂಜಿಸಲು ಸಜ್ಜಾಗಿವೆ.
ಈ ಸಿನಿಮಾಗಳಲ್ಲಿ ಕೆಲವೊಂದರಲ್ಲಿ ಮಿಡ್ರೇಂಜ್ ಹೀರೋಗಳು ಕಾಣಿಸಿಕೊಂಡರೆ, ಇನ್ನೂ ಕೆಲವು ಚಿತ್ರಗಳಲ್ಲಿ ಯುವ ನಟರು ನಾಯಕತ್ವ ವಹಿಸಿದ್ದಾರೆ. ವಿಶೇಷವೆಂದರೆ, ಬಹುತೇಕ ಸಿನಿಮಾಗಳು ದೊಡ್ಡ ನಿರ್ಮಾಣ ಸಂಸ್ಥೆಗಳ ಬ್ಯಾನರ್ನಿಂದಲೇ ಬರುತ್ತಿವೆ. ಹಾಗಾದರೆ ಈ ಸೀಸನ್ನಲ್ಲಿ ಪ್ರೇಕ್ಷಕರ ಗಮನ ಸೆಳೆಯಲಿರುವ ಆ ಸಿನಿಮಾಗಳು ಯಾವುವು ನೋಡೋಣ...
‘ಎಪಿಕ್: ದಿ ಫಸ್ಟ್ ಸೆಮಿಸ್ಟರ್’
Related Articles
ಈ ಸಾಲಿನ ಕ್ಯೂಟ್ ಲವ್ ಸ್ಟೋರಿಗಳ ಪಟ್ಟಿಯಲ್ಲಿ ಮೊದಲಿಗೆ ಕೇಳಿಬರುತ್ತಿರುವ ಹೆಸರು ‘ಎಪಿಕ್: ದಿ ಫಸ್ಟ್ ಸೆಮಿಸ್ಟರ್’. ಸಿತಾರಾ ಎಂಟರ್ಟೈನ್ಮೆಂಟ್ಸ್ ನಿರ್ಮಿಸುತ್ತಿರುವ ಈ ಸಿನಿಮಾದಲ್ಲಿ ಆನಂದ್ ದೇವರಕೊಂಡ ಮತ್ತು ವೈಷ್ಣವಿ ಚೈತನ್ಯ ಜೋಡಿಯಾಗಿ ನಟಿಸುತ್ತಿದ್ದಾರೆ. ‘ಬೇಬಿ’ ಸಿನಿಮಾದ ಜೋಡಿಯಾಗಿ ಗಮನ ಸೆಳೆದಿದ್ದ ಇವರ ಕಾಂಬಿನೇಷನ್ ಮತ್ತೊಮ್ಮೆ ತೆರೆ ಮೇಲೆ ಹೇಗೆ ಮೋಡಿ ಮಾಡಲಿದೆ ಎಂಬ ಕುತೂಹಲವಿದೆ. ಆದಿತ್ಯ ಹಾಸನ್ ನಿರ್ದೇಶನದ ಈ ಸಿನಿಮಾದ ಮೇಲೆ ಈಗಾಗಲೇ ಸಾಕಷ್ಟು ನಿರೀಕ್ಷೆ ಮೂಡಿದ್ದು, ಸೆಪ್ಟೆಂಬರ್ 11ರಂದು ತೆರೆಗೆ ಬರಲಿದೆ.
ಅಮೆರಿಕದ ಹಿನ್ನೆಲೆಯ ‘ವೀಸಾ’
ಇದೇ ಬ್ಯಾನರ್ನಿಂದ ಬರಲಿರುವ ಮತ್ತೊಂದು ರೊಮ್ಯಾಂಟಿಕ್ ಸಿನಿಮಾ ‘ವೀಸಾ’. ಗಲ್ಲಾ ಅಶೋಕ್ ಮತ್ತು ಗೌರಿ ಪ್ರಿಯಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರಕ್ಕೆ ಉದ್ಭವ್ ಆ್ಯಕ್ಷನ್-ಕಟ್ ಹೇಳಿದ್ದಾರೆ. ಹೆಸರೇ ಹೇಳುವಂತೆ ಅಮೆರಿಕದ ಹಿನ್ನೆಲೆಯ ಕಥೆಯನ್ನು ಸಿನಿಮಾ ಒಳಗೊಂಡಿದೆ. ಜೊತೆಗೆ ರಾಹುಲ್ ವಿಜಯ್ ಮತ್ತು ಶಿವಾತ್ಮಿಕಾ ರಾಜಶೇಖರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ‘ವೀಸಾ’ ಅಕ್ಟೋಬರ್ 17ರಂದು ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದೆ. ಹೀಗಾಗಿ ಈ ಸಿನಿಮಾ ಕೂಡ ಯುವ ಪ್ರೇಕ್ಷಕರಲ್ಲಿ ನಿರೀಕ್ಷೆ ಮೂಡಿಸಿದೆ.
‘ರೋಮಾಂಚಕಂ’ ಮೇಲೆ ಭಾರಿ ನಿರೀಕ್ಷೆ
ಇದೇ ಅವಧಿಯಲ್ಲಿ ತೆರೆಗೆ ಬರಲಿರುವ ಮತ್ತೊಂದು ಕ್ಯೂಟ್ ಲವ್ ಸ್ಟೋರಿ ‘ರೋಮಾಂಚಕಂ’. ಸುಮಂತ್ ಪ್ರಭಾಸ್ ಮತ್ತು ಅನಂತಿಕಾ ಜೋಡಿಯಾಗಿ ನಟಿಸಿರುವ ಈ ಚಿತ್ರವನ್ನು ಸಂದೀಪ್ ರೆಡ್ಡಿ ವಂಗಾ ನಿರ್ಮಿಸುತ್ತಿದ್ದಾರೆ. ವೇಣು ಗೋಪಾಲ್ ರೆಡ್ಡಿ ನಿರ್ದೇಶನದ ಈ ಸಿನಿಮಾದ ಕಥೆ ಇಷ್ಟವಾದ ಕಾರಣವೇ ನಿರ್ಮಾಣಕ್ಕೆ ಮುಂದಾಗಿರುವುದಾಗಿ ಸಂದೀಪ್ ರೆಡ್ಡಿ ವಂಗಾ ಹೇಳಿದ್ದಾರೆ. ಹೀಗಾಗಿ ಸಿನಿಮಾ ಹೇಗಿರಲಿದೆ ಎಂಬ ಕುತೂಹಲ ಸಹಜವಾಗಿಯೇ ಹೆಚ್ಚಾಗಿದೆ. ‘ರೋಮಾಂಚಕಂ’ ಸೆಪ್ಟೆಂಬರ್ 3ರಂದು ಚಿತ್ರಮಂದಿರಗಳಿಗೆ ಬರಲಿದೆ.
ಲವ್ ಸ್ಟೋರಿಗಳ ಜೊತೆ ಕಾಮಿಡಿಗೂ ಜಾಗ!
ಈ ಸೀಸನ್ನಲ್ಲಿ ಕೇವಲ ಪ್ರೇಮಕಥೆಗಳದ್ದೇ ಆಟವಲ್ಲ. ಅಲ್ಲರಿ ನರೇಶ್ ಅಭಿನಯದ ಕಾಮಿಡಿ ಎಂಟರ್ಟೈನರ್ ‘ರಂಭ ಊರ್ವಶಿ ಮೇನಕ’ ಕೂಡ ಪ್ರೇಕ್ಷಕರನ್ನು ನಗಿಸಲು ಸಜ್ಜಾಗಿದೆ. ಈ ಸಿನಿಮಾ ಸೆಪ್ಟೆಂಬರ್ 4ರಂದು ಬಿಡುಗಡೆಯಾಗಲಿದೆ. ಇದರ ಜೊತೆಗೆ ‘ಮಹೇಂದ್ರಗಿರಿ ವಾರಾಹಿ’, ‘ಸಿಗ್ಮಾ’, ‘ಡೋಂಟ್ ಟ್ರಬಲ್ ದಿ ಟ್ರಬಲ್’ ಸೇರಿದಂತೆ ಇನ್ನೂ ಕೆಲವು ಇಂಟರೆಸ್ಟಿಂಗ್ ಸಿನಿಮಾಗಳು ಇದೇ ಅವಧಿಯಲ್ಲಿ ತೆರೆಗೆ ಬರಲು ಸಜ್ಜಾಗಿವೆ. ಒಟ್ಟಿನಲ್ಲಿ, ಮುಂದಿನ ಎರಡು ತಿಂಗಳು ಬಾಕ್ಸ್ ಆಫೀಸ್ನಲ್ಲಿ ಬಿಗ್ ಬಜೆಟ್ ಸಿನಿಮಾಗಳ ಜೊತೆಗೆ ಕ್ಯೂಟ್ ಲವ್ ಸ್ಟೋರಿಗಳು, ಕಾಮಿಡಿ ಎಂಟರ್ಟೈನರ್ಗಳು ಹಾಗೂ ಯಂಗ್ ಹೀರೋಗಳ ಸಿನಿಮಾಗಳಿಗೂ ಭರ್ಜರಿ ಸ್ಪರ್ಧೆ ಎದುರಾಗಲಿದೆ. ಪ್ರೇಕ್ಷಕರ ಮನ ಗೆಲ್ಲುವಲ್ಲಿ ಯಾವ ಸಿನಿಮಾ ಗೆಲ್ಲುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ!
