ಸುದೀಪ್ ಜೊತೆ ನಟಿಸಲು ಕನಸಿದೆಯಾ? ಇಲ್ಲಿದೆ ಅವಕಾಶ !
ಕಿಚ್ಚ ಸುದೀಪ್ -ಅನೂಪ್ ಭಂಡಾರಿ ಕಾಂಬಿನೇಶನ್ನಲ್ಲಿ ಬರಲಿದೆ ಹೊಸ ಚಿತ್ರ | ಸುದೀಪ್ ಜೊತೆ ನಟಿಸಲು ಬಾಲ ಕಲಾವಿದೆ ಬೇಕಾಗಿದ್ದಾರೆ |
ಕಿಚ್ಚ ಸುದೀಪ್ ಜೊತೆ ನಟಿಸಲು ಒಂದೇ ಒಂದು ಅವಕಾಶ ಸಿಕ್ಕರೆ ಸಾಕು ಎಂದು ಕನಸು ಕಾಣುವ ಅದೆಷ್ಟೋ ಅಭಿಮಾನಿಗಳಿದ್ದಾರೆ. ಸುದೀಪ್ ಜೊತೆ ಸ್ಕ್ರೀನ್ ಶೇರ್ ಮಾಡೋದೇ ಒಂದು ಹೆಮ್ಮೆ. ಇಂತಹ ಅವಕಾಶವೊಂದು ಎದುರಾಗಿದೆ.
ನಿರ್ದೇಶಕ ಅನೂಪ್ ಭಂಡಾರಿ - ಸುದೀಪ್ ಸೇರಿ ಹೊಸ ಸಿನಿಮಾವೊಂದನ್ನು ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಚಿಕ್ಕ ಬಾಲಕಿ ಪಾತ್ರ ಮಾಡಲು 3-7 ವರ್ಷದ ಬಾಲಕಿಯ ಅಗತ್ಯವಿದೆ. ಬಾಲ ಕಲಾವಿದೆ ಬೇಕಾಗಿದ್ದಾರೆ.
ಕಿಚ್ಚ ಸುದೀಪ್ ಸರ್ ಜೊತೆ ನಟಿಸಲು 3-7 ವರ್ಷದೊಳಗಿನ ಬಾಲಕಿಗೆ ಅವಕಾಶವಿದೆ. ಮುದ್ದಾಗಿ ನಟಿಸುವಂತಿರಬೇಕು ಎಂದು ಅನೂಪ್ ಭಂಡಾರಿ ಟ್ವೀಟ್ ಮಾಡಿದ್ದಾರೆ. ಆಸಕ್ತರು ಅನೂಪ್ ಭಂಡಾರಿ ಜೀಮೇಲ್ ಗೆ ರೆಸ್ಯೂಮೆಯನ್ನು ಮೇಲ್ ಮಾಡಬಹುದಾಗಿದೆ.