ಲೋಕಸಭಾ ಚುನಾವಣೆ ಸಮೀಪಿಸುತ್ತಿದೆ. ವಿವಿಧ ಪಕ್ಷಗಳಲ್ಲಿ ಗೆಲುವಿಗಾಗಿ ಕಸರತ್ತು ನಡೆಯುತ್ತಿದೆ. ಇದೇ ವೇಳೆ 9 ದೇವೇಗೌಡರ ಕುಟುಂಬಕ್ಕೆ ಕಂಟಕ ಎಂಬ ಎ. ಮಂಜು ಹೇಳಿಕೆಗೆ ಇದೀಗ ರೇವಣ್ಣ ಪ್ರತಿಕ್ರಿಯಿಸಿ ಈ ಸಂಖ್ಯೆ ನಮ್ಮ ಕುಟುಂಬಕ್ಕೆ ಶುಭ ಎಂದಿದ್ದಾರೆ.
ಹಾಸನ: ಸಂಖ್ಯೆ ‘9’ ನಮಗೆ ಕಂಟಕವಲ್ಲ, ಶುಭ ಸೂಚನೆ ಎಂದು ಲೋಕೋಪಯೋಗಿ ಸಚಿವ ಎಚ್.ಡಿ. ರೇವಣ್ಣ ವ್ಯಾಖ್ಯಾನ ಮಾಡಿದ್ದಾರೆ.
Add Asianetnews Kannada as a Preferred Source
ಗುರುವಾರ ನಗರದಲ್ಲಿ ನಡೆದ ಸುದ್ದಿಗೋಷ್ಠಿ ವೇಳೆ, ಬಿಜೆಪಿ ಅಭ್ಯರ್ಥಿ ಎ.ಮಂಜು ‘9’ ದೇವೇಗೌಡರ ಕುಟುಂಬಕ್ಕೆ ಕಂಠಕ ಎಂಬ ಹೇಳಿಕೆಗೆ ಪ್ರತಿಕ್ರಿಯಿಸಿದ ರೇವಣ್ಣ, 2018ರ ವಿಧಾನಸಭೆ ಚುನಾವಣೆಯಲ್ಲಿ ಹೊಳೆನರಸೀಪುರ, ರಾಮನಗರ ಕ್ಷೇತ್ರದಿಂದ ಗೆದ್ದಿದ್ದೇವೆ. 2018ರ ಕಡೆಯ ಎರಂಡಕಿಗಳು, ಅಂದರೆ 1 ಮತ್ತು 8ನ್ನು ಕೂಡಿದರೆ 9 ಆಗಲಿದೆ. ಹೀಗಾಗಿ 9 ನಮಗೆ ಶುಭ ಸೂಚನೆ ಎಂದು ವಿವರಣೆ ನೀಡಿದರು.
ಗೌಡರ ಕುಟುಂಬಕ್ಕೆ ಕಂಟಕ: 9 ಅನ್ನೋದು ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡರ ಕುಟುಂಬಕ್ಕೆ ಕಂಟಕ. 1989, 1999ರಲ್ಲಿ ದೇವೇಗೌಡರು ಸೋಲುಂಡಿದ್ದರು. 2019ರಲ್ಲೂ ಸೋಲಾಗಲಿದೆ. ಈ ಬಾರಿ ಲೋಕಸಭಾ ಚುನಾವಣಾ ದಿನಾಂಕವೂ ಕೂಡಾ 18 ಬಂದಿದೆ. 8 ಮತ್ತು 1ನ್ನು ಕೂಡಿದರೆ 9 ಆಗಲಿದೆ. ಹೀಗಾಗಿ ಅವರಿಗೆ 9 ಅನ್ನೋದು ಕಂಟಕವಾಗಿದೆ ಎಂದು ಹೇಳಿದ್ದರು.
ಮತದಾನ ನಮ್ಮ ಹಕ್ಕು... ಪ್ರಜಾಪ್ರಭುತ್ವದ ಉತ್ಸವವನ್ನು ಯಶಸ್ವಿಗೊಳಿಸೋಣ...
